Morgunblaðið - 30.08.1992, Blaðsíða 30
MORGUNBDAÐIÐ SUNNUÐAGUR 8öi :ÁG(JST;igð2'
30
Draumamarkið
eftir Guðna Einarsson og Svein Guðjónsson
Flestir knattspyrnumenn eiga sér þann draum að skora
mark sem máli skiptir. Fallegt mark. Glæsilegt mark.
Mark sem skráð verður gullnu letri á spjöld knattspyrnu-
sögunnar. Markið sem skóp meistaratitilinn. Markið sem
allir vildu skorað hafa. Anthony Karl Gregory hefur lík-
lega komist nálægt því að því að sjá þann draum rætast
er hann vippaði knettinum snyrtilega aftur fyrir sig í netið
á síðustu sekúndum úrslitaleiksins í Mjólkurbikarnum síð-
astliðinn sunnudag. Og vísast hafa margir knattspyrnu-
menn viljað standa í hans sporum að leik loknum, hamp-
andi bikarnum og með þrennu í þokkabót.
Sjálfur var Anthony Karl
auðvitað í sjöunda himni
er hann ræddi við blaða-
mann Morgunblaðsins
eftir leikinn: „Þetta var
alveg rosalegt. Ég
gleymi þessu aldrei, og
ég held að þetta sé stór-
kostlegasti leikur sem
ég hef verið með í.“
Anthony Karl Gregory á að
baki 95 leiki í 1. deild og hefur
skorað 35 mörk. Hann hefur leikið
5 landsleiki og skorað 2 mörk í
þeim. Þeir sem lítið hafa fylgst
með fótbolta ráða af nafninu að
hér sé útlendur leikmaður á ferð.
Svo er ekki, Anthony Karl er upp-
alinn hér á landi, sonur íslenskrar
móður og bandarísks föður. Hann
var fimm ára þegar hann steig sín
fyrstu spor á knattspyrnuvellinum,
með Fram að vísu, en gekk í Val
níu ára og hlaut þar knattspymu-
legt uppeldi sitt.
„Draumamarkið kom á sunnu-
daginn var, það er engin spurning.
Ekki nóg með að það var þokka-
lega fallegt heldur kom það á ör-
lagastundu, á síðustu sekúndu í
úrslitaleik. Mann dreymdi um
þetta þegar maður var polli.“
Markið skipti sköpum fyrir úr-
slitin í bikarkeppninni. Lið Anth-
ony Karls, Valur, vann síðan fram-
lenginguna og hlaut Mjólkurbikar-
inn í ár. En hvemig tilfinning var
það að skora draumamarkið? „Til-
finningin er nánast ólýsanleg. Ég
dofnaði allur upp og áttaði mig
varla á því hvar ég var. Svo sleppti
ég mér alveg og var til í hvað sem
var. Áhorfendurnir trylltust gjör-
samlega, rólegir afar og ömmur
„fríkuðu út“! Þetta var það allra
besta. Eftir svona dramatík kemur
spennufall. Það fór svo mikil orka
í fagnaðarlætin að það liðu nokkr-
ar mínútur af framlengingunni þar
til við Valsmenn vorum famir að
spila aftur af fullri getu.“
Anthony Karl segist oft hafa á
tilfínningunni fyrir leik hvernig
honum muni ganga. Sjálfan
dreymir hann ekki fyrir gengi liðs-
ins en segir fyrirliðann, Sævar
Jónsson, því berdreymnari. Anth-
ony Karl segist venjulega vera
mjög hjátrúarfullur, en fyrir leik-
inn á sunnudaginn var braut hann
gegn ýmsum venjum og því er
hann farinn að efast um gildi hjá-
trúarinnar. „Ég raka mig alltaf
fýrir leik, en á sunnudaginn var
gleymdi ég því. Þegar við vorum
að leggja af stað á völlinn mundi
ég að ég var órakaður og rútan
beið meðan ég hljóp inn til að raka
mig. Fyrir leik hópumst við saman
inni í búningsklefa, hrópum hvatn-
ingaróp og myndum handastafla,
ég vil ég helst hafa mína hönd
efst. Svo vil ég vera fyrstur í lið-
inu til að snerta grasið þegar við
komum inn á völlinn. Við fáum
nýja tösku fyrir hvert keppn-
istímabil, en ég hef fengið undan-
þágu til að nota gömlu töskuna
mína allt frá 1986. Á sunnudaginn
var ákvað ég að breyta til og kom
með eins tösku og hinir strákarn-
ir, það boðaði augljóslega ekki
neina ógæfu,“ segir stjarna bikar-
keppninnar. Anthony Karli gefst
sjaldnast tími til að velta vöngum
í hita leiksins. „Mörkin koma fyrir-
varalaust, á augnabliki. Boltinn
bara kemur og þá er að skora, nú
eða aldrei!“
Enginn þarf að velkjast í vafa
um draumamark Anthony Karls
eftir hinn dramatíska úrslitaleik á
sunnudaginn. Morgunblaðinu lék
hins vegar forvitni á að kynnast
viðhorfum nokkurra þekktra
markaskorara til draumamarksins
og þeirrar tilfínningar að „þrykkja
tuðrunni" í net andstæðingsins.
ATLI EÐVALDSSON, KR
Sigurmarkið
í úrslitaleiknum
„Dra.umamarkið er að skora sigurmark KR í úrslita-
leik íslandsmótsins. Það yrði toppurinn á ferlinum,"
sagði Atli Eðvaldsson leikmaður og aðstoðarþjálfari
KR-inga, en Atli er í hópi leikreyndustu knattspyrnu-
manna Islendinga fyrr og síðar. Atli er leikjahæsti
landsliðsmaður Islands með 70 landsleiki, hann á
að baki um 170 leiki í 1. deild og hátt í 300 leiki
sem atvinnumaður erlendis, en Atli lék í þýsku úr-
valsdeildinni á árunum 1980 til 1988 og síðan í Tyrk-
landi þar til hann gekk til liðs við KR sumarið 1990.
Atli Eðvaldsson hefur leikið 70 landsleiki fyrir
ísland og skorað í þeim 8 mörk. Hér skorar
hann eitt þeirra í leik gegn Frökkum árið 1990.
Atli kvaðst ekki hafa tölu á þeim
mörkum sem hann hefur skor-
að á ferlinum, en þau eru orð-
in vel á annað hundrað, - og hann
er enn að. Hann var markahæstur
KR-inga í fyrrasumar, þótt hann
léki lengst af keppnistímabilsins í
vöm. Hið sama virðist ætla að end-
urtaka sig í ár og er skemmst að
minnast tveggja gullfallegra marka
sem Atli skoraði nýlega í leikjum
gegn KA og ÍBV. „Það var virki-
lega gaman að skora þessi mörk
og það sama gildir reyndar um öll
mörk sem maður skorar.“
- Ekki þó sjálfsmörk?
„Nei, það er ægilega leiðinlegt
að skora sjálfsmark. Eg hef sem
betur fer að mestu sloppið við það.
Þó man ég eftir einu sjálfsmarki
sem ég gerði þegar ég var að spila
með Dusseldorf í Þýskalandi á
móti Uerdingen. Það kom sending
fyrir okkar mark sem stefndi á
sóknarmann þeirra og ég reyndi
að renna mér í boltann og freista
þess að bjarga í hom, en hann fór
öfugu megin við stöngina."
Atli man vel eftir fyrsta markinu
sem hann skoraði í 1. deild: „Það
var í leik Vals gegn KR 1974 og
leikurinn fór tvö - tvö. Ég fékk
boltann rétt fyrir utan vítateig og
negldi í hornið, óvetjandi fyrir
Magga Guðmunds, sem þá stóð í
marki KR-inga. Við vorum einmitt
að riija þetta upp um daginn og
hann man líka vel eftir þessu.
En eftirminnilegasta markið mitt
er fyrsta markið sem ég skoraði í
Þýskalandi, í fyrsta leik mínum
með Borussia Dortmund gegn Bay-
er Uerdingen. Ég skoraði eftir tólf
mínútur og það var jafnframt
fyrsta markið sem skorað var í
þýsku úrvalsdeildinni á því keppnis-
tímabili."
Atli segir að eitt þýðingarmesta
markið sitt hafi hann skorað í síð-
asta leiknum sínum í Þýskalandi
þegar hann gerði jöfnunarmark
Uerdingen gegn Mannheim fimm
mínútum fyrir leikslok og markið
bjargaði Uerdingen frá falli. „Þetta
var skallamark og kom eftir fyrir-
gjöf. Við stukkum fimm upp og ég
náði aðeins upp yfir hina og tókst
að skalla í netið.“
Mannstu eftir einhveiju up-
plögðu marktækifæri sem fór for-
görðum?
„Já, þegar ég
skallaði í slána í
fyrri bikarúrslita-
leiknum gegn Val
fyrir tveimur
árum. Það er án
efa eitt þýðingar-
mesta marktæki-
færi sem ég hef
klúðrað á ferlin-
um. Hefði sá bolti
legið inni hefðum
við KR-ingar lík-
lega orðið bikar-
meistarar."
HELGI SIGURÐSSON,
VÍKINGI
Alltaf á
malarskðm
Víkingurinn Helgi Sigurðsson er
aðeins 17 ára gamall en hefur
getið sér gott orð sem markaskor-
ari. Helgi skaust eins og „spútnik"
upp í 1. deildar lið Vikings og í
örfáum leikjum var hann kominn
í hóp stórskotaliðsins. Hann á að
baki 21 leik í 1. deild og hefur
skorað 9 mörk, þá hefur Helgi
leikið 30 landsleiki með yngri
flokkum og skorað þar 13 mörk.
Helgi þarf ekki að hugsa langt
aftur til að finna draumamarkið.
„Mikilvægt mark er alltaf
skemmtilegt, að ég tali nú ekki um
sigurmark eins og gegn Val í sum-
ar. Það var eitt af mínum betri
mörkum. Ég hljóp upp kantinn með
boltann að vítateigshorninu og ætl-
aði að gefa hann fyrir, en sá engan
samheija. Sævar Jónsson í Val var
alveg að koma svo ég lét boltann
bara vaða á markið og hann fór í
stöngina og inn. Það er frábært að
skora svona og ég held að þetta sé
eitt mitt besta mark. Þá fagnar
maður eins og bijálæðingur.“
Helgi segir að undirbúningur leiks
sé í föstum skorðum hjá Víkingum.
Liðsmenn hittast í hádegi leikdags,
borða saman hollan mat og stappa
stálinu hver í annan. Eftir matinn
fara menn heim til að hvíla sig og
safna kröftum. Helgi neitar því ekki
að hann viðhafi ákveðnar venjur sem
gætu flokkast undir hjátrú. „Eg spila
til dæmis alltaf á malarskóm og
gengur betur að skora í þeim, það
hefur aldrei gengið neitt upp hjá
mér á grasskóm. Þjálfurunum líkar
þetta misjafnlega, en þeir fá ekkert
að ráða því! Á leikdegi hlusta ég
alltaf nokkrum sinnum á lagið „Und-
er Pressure" með hljómsveitinni
Queen, svo kemur það upp í hugan-
um úti á vellinum."
Það er ekkert sjálfsmark í marka-
tölum Helga og tiltölulega ólíklegt
að maður í hans stöðu skori slíkt
mark. En það kemur fyrir alla að
klúðra dauðafæri. „Maður reynir að
hugsa ekkert um það, þegar maður
klikkar. Það getur eyðilagt leikinn.
Stundum er erfitt að gleyma því,
sérstaklega þegar maður brennir af
á síðustu mínútum og hefði getað
jafnað eða unnið. Það er ömurlegt.“
Helgi segist eiga erfitt með að sofna
eftir leiki, þá Iiggur hann og fer
yfir hvert einasta smáatriði í hugan-
um. „Ef það gekk illa reynir maður
að fínna hvað fór úrskeiðis, en ef
það gekk vel þá bára brosir maður.“
Morgunblaðið/Bjarni Eiríksson
Þrumuskot í uppsiglingu hjá Helga Sigurðssyni.