Morgunblaðið - 30.08.1992, Blaðsíða 31

M0RGUNBLÁÐIÐ SUNNUDAGUR 30: ÁGÚST 1992
31
■ ARNAR GUNNLAUGSSON, IA
Ber er hrn að hakL..
Þegar þetta er skrifað er Skagamaðurinn Arnar Gunn-
laugsson markakóngur 1. deildar. Hann hefur gert
hvert glæsimarkið á fætur öðru í sumar og er skemmst
að minnast þrennu hans í leik gegn ÍBV nú í vikunni.
En þótt Arnar hafi verið iðinn við kolann er hann
ekki einn á vellinum og má segja að þar sannist hið
fornkveðna: „Ber er hver að baki nema sér bróður
eigi“, því tvíburabróðirinn Bjarki hefur staðið sem
klettur við hlið Arnars í sigurför Skagamanna. Sam-
spil þeirra bræðra er einstakt og Bjarki á drjúgan þátt
í stórskotahríð Arnars með frábærum sendingum. Arn-
ar á að baki 35 leiki í 1. deild og hefur skorað 12
mörk nú í sumar. Hann hefur leikið 22 leiki með landsl-
iðum yngri flokka og skorað 9 mörk með þeim.
M
Morgunblaðið/Einar Falur
Ósjaldan hafa markmenn þurft að horfa á eftir
skotum Arnars Gunnlaugssonar í netið.
|innisstæðasta markið er fyrsta
markið sem ég skoraði í 1.
deildinni 1989 gegn Keflavík,
en draumamarkið til þessa held ég
að hafi verið gegn FH í sumar. Ég
plataði tvo varnarmenn og vippaði
boltanum yfír markmanninn sem
kom á móti mér. Fallegt mark. Það
var líka flott marki sem ég gerði
gegn KR. Það kom há sending eftir
aukaspyrnu inn í teiginn og Óli
Adólfs skallaði boltann niður. Eg tók
hann á bijóstið og vippaði mér fram-
hjá tveimur varnarmönnum, sneri
mér við og skaut viðstöðulaust í blá-
hornið," segir markaskorarinn ungi
af Skaganum.
Draumamarkið segir Amar að
hljóti að vera úrslitamark í mikilvæg-
um leik. Hann segir mörkin úr sigur-
leikjum vera mun eftirminnilegri en
mörk í jafnteflis- eða tapleikjum. Það
sé allt fremur dapurlegt við tapleiki,
líka eigin mörk. Samt fylgir alltaf
góð tilfinning því að skora. „Það er
stórkostlegt, maður léttist allur upp,
ég get varla lýst þessu. Ég er lengi
að ná mér niður eftir leik og sofna
seint. Svefninn er vær nóttina fyrir
leik og engin streita, en þegar nær
dregur leiknum sjálfum koma fiðrildi
í magann, spenna og tilhlökkun."
Á leikdegi reynir Arnar að taka
lífinu með ró. Hann vinnur til hádeg-
is og borðar hollan mat, pasta er í
uppáhaldi, svo leggur hann sig í einn
til tvo tima. Hann telur sig lausan
við alla hjátrú og viðhefur ekki neina
sérstaka kæki fyrir leik.
„Það kemur fljótt í ljós hvort mað-
ur er í stuði. Mér fínnst mikilvægt
að koma strax inn í leikinn af krafti
og helst að skora á fyrsta hálftíman-
um.“ Arnar leggur áherslu á að
knattspyrna sé hópíþrótt og óréttlátt
að þakka einum eða kenna um gengi
liðsins. Hann segist ekki finna fyrir
því að til sín séu gerðar meiri kröfur
en annarra liðsmanna. „Það stólar
allur bærinn á að einhver okkar skori
og ekkert óeðlilegt að það séu gerðar
til okkar kröfur. Annars jaðrar fót-
boltaáhuginn hér á Skaganum stund-
um við geðveiki. Við eigum harða
stuðningsmenn sem láta í sér heyra.“
VALDIMAR KRISTÓFERSSON, FRAM
Gðtðttir skotskör
„Manni líður vel
eftir að skora
mark og það
næsta sem ég hef
komist í því að
skora drauma-
markið er líklega
fyrsta markið í
deildinni í sumar,"
sagði Valdimar
Kristófersson,
leikmaður með
Fram. Hann lék
áður með Stjörn-
unni í Garðabæ,
hefur leikið 47
leiki í 1. deildinni og hefur skorað
í þeim 18 mörk. Valdimar hefur
leikið tvo leiki með A-Iandsliðinu
og á nokkra leiki að baki með
yngri landsliðum.
Valdimar Kristófersson fagnar vel heppnuðu marki.
Morgunblaðið/Bjami Eiríksson
Draumamark Anthony Karls Gregory kom í úrslitaleik Mjólkurbikarkeppninnar á sunnudaginn var.
Þ
^að var ljúft að skora í fyrsta leikn-
um með Fram gegn KR í vor
og komast strax á blað. Ég
öskraði af ánægju þegar félagarnir
komu og fögnuðu með mér. Sæluví-
man helltist yfir mig og ég réð varla
við mig.“ Valdimar er á sama máli
og aðrir knattspyrnumenn að úrslit
leiksins hafí áhrif á hversu mörkin
verða minnisstæð.
Eftirminnilegasta markið telur
Valdimar vera það sem kom Stjöm-
unni upp í 2. deild á sínum tíma.
„Það var vitlaust veður, 10 vindstig,
á vellinum í Garðabæ. Markmaðurinn
sló boltann út eftir fyrirgjöf og hann
sveif yfir mig og lenti fyrir utan víta-
teiginn. Ég elti boltann og tók bak-
fallsspymu aftur fyrir mig á móti
vindinum og í átt að markinu. Bolt-
inn fór hátt upp i loft og datt niður
í markið fyrir aftan markmanninn.
Þýðingarmesta markið, sem ég hef
skorað, var líklega þegar ég skoraði
sigurmarkið gegn Olafsfirðingum
1989 og Stjaman komst Upp í 1.
deild. Það var virkilega ljúft.“
Valdimar kannast vel við ýmsa
hjátrú og venjur knattspyrnumanna:
„Mamma eldaði alltaf fisk eða
kjúkling í hádeginu fyrir leik og ég
fór heim í hádegismat. Framararnir
létu mig fá skó í byijun og þeir eyði-
lögðust eiginlega í 4. umferðinni
gegn Val. Mér var búið að ganga
svo vel að ég gat ekki fómað gömlu
skónum og spilaði í þeim 5 leiki í
viðbót. Þá voru komin tvö stór göt
ofan á skóna.“
GUÐMUNDUR STEINSSON, VÍKINGI
Magnið skiptir máli
„Það er alltaf mjög gaman að skora og því fylgir
ánægjutilfinning," segir Guðmundur Steinsson, leik-
maður með Víkingi. Hann var markakóngur í 1.
deild í fyrra, og hefur reyndar oft áður hampað
þeim titli. Guðmundur hóf feril sinn með Fram og
skoraði um 80 mörk fyrir það félag í 1. deild íslands-
mótsins. Leikirnir eru alls orðnir nálægt 190 í 1.
deild og mörkin 95. Hann hefur skorað mest af
þeim leikmönnum sem leika í 1. deild í sumar. Um
tíma reyndi Guðmundur fyrir sér erlendis og keppti
með Öster í Svíþjóð og Kickers Offenbach í Þýska-
landi. Hann á 19 landsleiki að baki og hefur skorað
7 mörk fyrir ísland.
Maður man mikilvægu mörkin
best, til dæmis seinna markið
sem ég gerði í bikarúrslita-
leiknum gegn KR 1989. Það var
virkilega skemmtilegt mark,“ segir
Guðmundur. Hann lítur þannig á
að það séu ekki gæði markanna
og hvernig þau eru skoruð sem
skiptir máli heldur einfaldlega
magnið. En hvaða mark lifir skæ-
rast í minningunni?
„Ég skoraði mjög óvenjulegt
mark gegn Val í meistarakeppn-
inni 1986. Þá kom bolti fyrir þar
sem ég stóð á miðjum vallarhelm-
ingi Valsmanna. Ég stökk upp og
skallaði boltann í áttina að mark-
inu. Þetta var hár bolti og ekkert
fastur, hann lenti í jörðinni og
skoppaði í átt að markinu. Boltinn
stefndi beint í fangið á markmann-
inum og hann var farinn að líta í
kringum sig eftir samherja til að
senda boltann til. í síðasta skiptið
sem boltinn skoppaði lenti hann á
einhverri mishæð á vellinum og fór
framhjá markmanninum í netið.
Við unnum leikinn 2-1.“
HÖRÐUR MAGNUSSON, FH
Maður er skúkur eða stjama
Draumamark Harðar Magnússonar, markaskorarans mikla úr FH,
kom í fyrra í leik gegn KR. „Ég fékk boltann á miðjum vallarhelm-
ingi okkar, svona 70 metra frá markinu, og tók á rás með nokkra
varnarmenn fast á hælunum. Ég skaut á markið af 20 metra færi og
var viss um að þetta væri mark. Þegar ég var farinn að fagna og
kominn af stað að stúkunni sá ég boltann koma til baka frá markinu.
Hann fór þá fyrst í stöngina, rúllaði eftir línunni í hina stöngina og
kom út aftur. Ég náði boltanum á miðjum vitateignum og skaut i ann-
að sinn, nú steinlá hann í netinu!"
Fyrir leik segist
Guðmundur
hugsa um mótheijana og rifja upp
hvernig þeir beri sig að. Hann sef-
ur vært þótt leikur sé daginn eftir
og segist vera laus við alla hjátrú.
Reyndar viðurkennir hann að sér
líki vel við skyrtu númer 8 og vilji
helst hafa hana í hveijum leik.
Guðmundur gerir ekki mikið úr
eigin snilli en segir samheijana
eiga mikinn þátt í mörkunum, þeir
gefi góðar sendingar sem hann
hefur getað nýtt. Þó kemur það
fyrir bestu markaskorara að klúðra
tækifæri. Hvernig tilfinning fylgir
því? „Maður reynir að ýta því frá
sér í hita leiksins en svekkir sig
svo á því eftir á, ekki síst ef leikur
tapast. Svo reynir maður að
gleyma þessu.“
Markaskorarar eiga sín góðu og
slæmu tímabil, Guðmundur var
markakóngur í fyrra en í sumar
hefur ekki gengið jafn vel. Hvað
veldur? „Ég held að meiðsli séu
helsta skýringin. Sjálfur er ég bú-
inn að vera meira og minna meidd-
Morgunblaðið/Einar Falur
Einbeitingin leynir sér ekki í svip Guðmundar
Steinssonar í slagnum um knöttinn.
ur frá því í vor og það hefur háð
mér.
Líkt og flestir aðrir knattspyrnu-
menn byijaði Guðmundur ungur
að sparka. Vaknaði snemma löng-
un til að verða
mikill markaskor-
ari? „Ég held að
flesta stráka, sem
eru í boltanum,
dreymi frekar um
að verða atvinnu-
menn og það rætt-
ist að hluta hjá
mér,“ segir Guð-
mundur. „Sem
strákur átti ég
mér átrúnaðar-
goð, það voru út-
lendar fótbolta-
hetjur, svo þótt-
umst við vera
þessar hetjur þeg-
ar við vorum að
leika okkur.“
Hörður Magnússon á að baki 103
leiki í 1. deild og hefur skorað
49 mörk. Hann hefur leikið 8
landsleiki og skorað 1 mark fyrir
Island. Undanfarin þijú ár hefur
Hörður Magnússon verið marka-
kóngur 1. deildar en í sumar hefur
honum gengið ver að skora og hefur
það valdið bæði Herði og stuðnings-
mönnum FH vonbrigðum. Hver er
skýringin?
„Það skiptir miklu að sleppa við
Hörður Magnússon er fundvís á glufur í varnar-
veggjum andstæðinganna og hér spyrnir hann
í gegnum eina smuguna.
meiðsli og það hef ég að mestu gert
þar til í sumar,“ segir Hörður.
„Meiðsli koma niður á þjálfuninni og
þá er hætt við að snerpan minnki. I
minni stöðu skiptir hraðinn miklu
máli. Færin nýtast ekki ef tímasetn-
ingarnar eru ekki réttar."
Hörður segist finna að miklar
kröfur eru gerðar til leikmanns í
hans stöðu. Árangur liðsins er metinn
í mörkum og úrslitin ráðast oft af
því hvernig framheijinn nýtir mark-
tækifærin. Hörður reynir samt að
láta hvorki væntingarnar né von-
brigðin hafa áhrif á sig. „Knattspym-
an er fallvölt, það þýðir ekkert að
vera að velta sér upp úr glötuðum
tækifærum, það getur gert hvern
mann bijálaðan. Maður er stjarna
eina vikuna og skúrkur þá næstu.“
Hörður segist ekki viðhafa neina
sérstaka kæki á keppnisdegi. Hollur
og orkuríkur matur er á matseðlin-
um, oft verður pasta fyrir valinu. í
fyrra og framan af mótinu í sumar
hlustaði hann gjarnan á lagið „Beint
í mark“ með Todmobile, stundum
skoðar hann FH myndbandið til að
rifja upp fyrri mörk og komast í rétta
stemmingu. Þegar komið er inn á
völlinn er allt annað en sigur útilok-
að úr huganum. í fyrra vann FH
marga leiki í röð og Hörður þorði
ekki annað en að mæta í sömu fötun-
um til leiks aftur og aftur.