Morgunblaðið - 06.09.1992, Blaðsíða 28

28
MORGUNBLAÐIÐ MINNINGAR SUNNUDAGUR 6. SEPTEMBER 1992
Minning
Ragna Helgadóttir
Fædd 6. júlí 1916
Dáin 3. ágúst 1993
Far vel heim, heim í Drottins dýrðargeim
náð og miskunn muntu 'finna
meðal dýrstu vina þinna.
Friðarkveðju færðu þeim. Far vel heim.
(Matthías Jochumsson.)
Já, hún er farin heim, okkar
kæra systir, Ragna Helgadóttir
„ Jónssonar frá Tungu. Hún lést á
sjúkrahúsi í Kaupmannahöfn þar
sem hún var búin að eiga heima
síðan 1956. Ragna var níunda í
röðinni af hinum stóra barnahóp
hjónanna Friðrikku Pétursdóttur og
Helga Jónssonar, við vorum þrettán
fædd, en ellefu komust upp, tveir
bræður dóu í frumbernsku, og eftir
eru nú þijár systur af sjö og einn
bróðir af sex.
Ragna var lífsreynd, hún varð
fyrir þeirri miklu reynslu að smitast
af berklum aðeins sextán ára og
fór á Vífilsstaðahæli. Þá voru ber-
klar sem dauðadómur flestra sem
þangað fóru, en Ragna var ein
þeirra heppnu, hún fékk heilsuna
- aftur eftir þijú ár á hælinu og hélt
henni í mörg ár.
Á hælinu kynntist hún manni
sínum Aðalsteini Kristjánssyni toll-
verði, og giftust þau 14. október
1939 og fluttu til Siglufjarðar þar
sem hann var staðsettur, en það
varð stutt sambúð því hún missti
hann 16. apríl 1942 eftir þriggja
ára hjónaband.
Ragna fór þá til Reykjavíkur, þar
var hún í sex ár, en fór síðan til
Englands 1948 og er þar í fimm
ár þar sem hún vann við kjólasaum
og breytingar á fötum og í þijú ár
veitti hún forstöðu stórri kvenfata-
verslun. En eftir það fór hugurinn
að leita heim til íslands og var
meiningin að setjast þar að, en það
fór.annan veg því þegar hún var
búin að vera heima í hálft annað
ár lá leiðin til Kaupmannahafnar.
Fóru þær tvær saman, sem báðar
unnu við saumaskap og var mein-
ingin að læra eitthvað nýtt. Ragna
var svo ánægð með starf sitt í
Kaupmannahöfn að hún ílengdist
þar og endaði með að hún settist að
í Danmörku. Þarna leið henni vel
setti hún sér upp indælt heimili og
um þetta leyti kynntist hún ágætum
manni, Gunnari Hansen húsasmíða-
meistara, og hélst þeirra vinátta
upp frá því og reyndist Gunnar
henni Rögnu hinn trausti, góði ‘vin-
ur þótt þau byggju ekki saman.
Gunnar átti fallegan sumarbústað
með stórum garði, og áttu þau þar
margar ánægju- og gleðistundir
með vinum og vandamönnum bæði
dönskum og íslenskum. Veit ég að
Ragna myndi hér að leiðarlokum
vilja þakka öllum sínum vinum, og
sérlega þeim Dúnu og Laugu fyrir
alla þeirra tryggð og elskusemi.
Og síðast en ekki síst var hún
Gunnari þakklát fyrir samfylgdina
og allan stuðning og hjálpsemi í
veikindunum. Ragna og Britta,
dóttir Gunnars, voru hinir innileg-
ustu vinir. Gunnar og Britta reynd-
ust_ henni sem besta fjölskylda.
Ég átti bréfasamband við
Rögnu systur mína í mörg ár og
sakna ég bréfanna hennar sem
færðu mér alltaf hlýju og hug-
hreystingu, því hún skildi svo lífið
og allt það sem það hefur upp á
að bjóða bæði í sorg og gleði. Við
sem sjáum á bak henni, minnumst
hennar með þakklæti fyrir sam-
veruna og erum þess fullviss að
hitta hana í stóra ástvinahópnum
í landi eilífðarinnar.
Sú sem á mestar þakkir skilið
frá okkur, fyrir það hvað hún var
Rögnu mikið, allt frá því að hún
var lítil stúlka og til hinstu stund-
ar, er systurdóttir okkar Guðbjörg
Theódórsdóttir (Gurrý). Hún var
henni alltaf sem besta dóttir og nú
í veikindum Rögnu hefur Gurrý
farið út til hennar, henni til hug-
hreystingar og ánægju og þökkum
við systkini Rögnu henni allan þann
stuðning. Guð blessi hana.
Svo kveðjum við okkar kæru
systur og óskum henni velfarnaðar
í Drottins dýrðarheimi.
Svo djúp er þöpin við þína sæng
að þar heyrast englar tala,
og einn þeirra blakar bleikum væng
svo brjóstið þitt fái svala.
(Davíð Stefánsson.)
Fyrir hönd systkinanna
Elisabet Helgadóttir.
t
Maðurinn minn, faðir okkar og tengdafaðir,
BRAGi KRISTJÁNSSON
fyrrverandi framkvaemdastjóri hjá Pósti og síma,
Hjálmholti 4,
er látinn.
Steinunn Snorradóttir,
börn og tengdabörn.
t
Móðir okkar, tengamóðir, amma og langamma,
SIGRÍÐUR M. GUÐMUNDSDÓTTIR,
Skúlagötu 66,
Reykjavik,
lést í Landspítalanum fimmtudaginn 3. september.
Guðmundur Tómasson,
Guðrún Baldursdóttir, Björn Baldursson,
Grétar Baldursson, Halldór Baldursson.
tengdabörn, barnabörn og barnabarnabörn.
t
Föðurbróðir minn,
FRIÐJÓN SIGFÚSSON,
frá Norðfirði,
Austurbrún 4,
Reykjavík,
andaðist í Landspítalanum 25. ágúst sl.
Útförin hefur farið fram í kyrrþey að ósk hins látna.
Fyrir hönd aðstandenda,
Jón Guðmundsson.
t
Ástkaer eiginkona mín, móðir, tengda-
móðir, amma og langamma,
ÁSDÍS VÍDALÍN
KRISTJÁNSDÓTTIR,
Njálsgötu 86,
verður jarðsungin frá Fríkirkjunni þríðju-
daginn 8. september kl. 13.30.
Jón Halldórsson,
Elínborg Lárusdóttir, Jón Valur Jensson,
Kristján Vfdalín Jónsson, Sigrfður Sævarsdóttir,
Halldór Jónsson, Steinunn Þórjónsdóttir,
barnabörn og barnabarnabörn.
t
Elskuleg kona mín,
ÞORGERÐUR ÞÓRARINSDÓTTIR,
sem andaðist í Landspítalanum 30. ágúst verður jarðsungin frá
Fossvogskirkju mánudaginn 7. september kl. 15.00.
Fyrir hönd aðstandenda,
Steinþór Ásgeirsson frá Gottorp.
t
Ástkær faðir okkar, tengdafaðir, afi og langafi,
INGIMUNDUR STEFÁNSSON
fyrrverandi kennari,
Fannborg 1,
Kópavogi,
sem lést í Borgarspítalanum 31. ágúst sl. verður jarðsunginn frá
Kópavogskirkju miðvikudaginn 9. september kl. 13.30.
Þeim, sem vildu minnast hans, er bent á foreldra- og vinafélag
Sólheima í Grímsnesi og önnur styrktarfélög þroskaheftra.
Blanca Ingimundardóttir, Vilhjálmur Guðmundsson,
Helga Ingimundardóttir, Árni Jóhannesson,
Jan Ingimundarson, Guðrún Garðarsdóttir,
barnabörn og barnabarnabörn.
+ Útför móður okkar, tengdamóður, ömmu og langömmu,
BJARGAR JÓNSDÓTTUR,
Hjallavegi 50,
áður Laugarnestanga 65,
verður gerð frá Áskirkju mánudaginn 7. september kl. 13.30.
Fyrir hönd aðstandenda.
Hjördís Hvanndal, Jón Ström, Guðbjörg Guðmundsdóttir,
Axel Ström, Anna M. Stefánsdóttir,
Þórey Ström, Guðmundur Sæmundsson,
Gunnar Ström, Kolbrún Jónsdóttir,
Jóhanna Ström, Páll Björnsson,
Arnþór Ström, Marfa Magnúsdóttir,
Ómar Ström, Ingunn Baldursdóttir,
barnabörn og barnabarnabörn.
t
Systir okkar og frænka,
Ragna Björg Helgadóttir Jónssonarfrá Tungu,
sem var búsett í Kaupmannahöfn,
verður jarðsungin frá Fossvogskirkju mánudaginn 7. september
kl. 13.30.
Sjöfn Helgadóttir,
Ella Helgadóttir, Leifur Jónsson,
Elísabet Helgadóttir,
Ragnar Helgason, Vilborg Hákonardóttir,
Guðbjörg Theodórsdóttir. Sigurliði Guðmundsson.
t
Þökkum innilega auðsýnda samúð og
vinarþel við andlát og útför móður okk-
ar, tengdamóður, ömmu og langömmu,
ÖNNU KRISTÍNAR SVEINBJÖRNS-
DÓTTUR
frá ísafirði.
Starfsfólki Umönnunar- og hjúkrunar-
heimilisins Skjóls viljum við færa okkar
sérstöku þakkir fyrir einstaka umönnun
og hlýju.
Hrefna Lárusdóttir Kvaran, Ragnar Kvaran,
Anna Margrét Lárusdóttir, Jónas Hallgrímsson,
Jón Lárusson, Sigríður Guðjónsdóttir,
barnabörn og barnabarnabörn.
Þá sest ég niður til að skrifa um
Öggu mína. Ótal mörg bréf fóru á
milli okkar gegnum árin, sem urðu
næstum fimmtíu.
Alla mína ævi hefur hún verið
tengd mínum hugsunum. Á ég
margar góðar minningar um elsku
hennar og umhyggju.
Allt frá því að hún átti heimili
sitt hjá okkur i Miðtúni 15 hefur
mér fundist ég eiga tvær mömmur,
sem deildu umhyggju um mig af
miklum kærleika. Glöggt mundum
við báðar eftir atvikum liðinna ára,
sem við rifjuðum oft upp, síðast nú
í sumar. Til dæmis daginn, þá var
ég 4 eða 5 ára, sem henni varð það
á að gleyma að kyssa mig biess um
morguninn þegar hún fór til vinnu
í bankanum. Eg hljóp háskælandi
út alla götu, hálfklædd, og strætis-
vagnabílstjórinn varð að bíða með
fullan vagninn af fólki á meðan ég
fékk minn kveðjukoss.
Minnisstæð er mér tilhlökkunin
þegar við mamma sigldum til Eng-
lands þar sem Agga mín var við
vinnu og söknuðurinn þegar hún
fluttist til Danmerkur.
Alla tíð hafa hugir okkar verið
tengdir í vináttu sem var einstök.
Alltaf var það min fyrsta hugsun
að veita henni hlutdeild í atburðum
lífs míns og fjölskyldu minnar.
Þakklát erum við hjónin fyrir
heimsóknirnar sumrin ’90 og ’91
og samveruna á ættarmótinu. Við
vissum hvað það gladdi hana mikið-
að hitta svo fjölmennan hóp frænd-
fólks og vina. Gott var líka að hún
gat heimsótt „Sumarlandið" okkar
og fylgst með uppbyggingunni þar
og höfum við ákveðið að viðhalda
minningunni um Öggu á áþreifan-
legan hátt. Vanda þarf umgjörðina
vel, aldrei hef ég vitað hana vinna
verk sem ekki varð að vera fullkom-
ið.
Vegna þessa eðlisþáttar var líf-
hennar löngum innri barátta, sem
hún kaus of oft að heyja í einrúmi.
Er ég viss um að margir dagar
hafa verið langir og sárir.
En nú er annað land fyrir stafni
og bestu óskir mínar Öggu minni
til handa eru að þær væntingar sem
hún hafði til nýrrar landtöku hafi
ræst.
Ég kveð frænku mína þar til við
hittumst næst. Silli og drengirnir
biðja fyrir kveðjur og þakklæti.
Gurrý.
MUNIÐ!
Minningarkort Styrktarfélags
krabbameinssjúkra barna
Seld í Garðsapóteki,
sími 680990.
Upplýsingar einnig veittar
í síma 676020.
BLÓM
SEGJA ALLT
Mikið úrval
blómaskreytinga
fyrir öll tækifæri.
blófinoud
Opið alla daga frá kl. 9-22.
Sfmi 689070.
V^terkur og
KJ hagkvæmur
auglýsingamiðill!
fltargtiiiMfifrife