Morgunblaðið - 08.10.1992, Blaðsíða 37

Morgunblaðið - 08.10.1992, Blaðsíða 37
seci aaaöTao .8 guDAŒJTMKn gigAjaMUoaoK MORGUNBLAÐIÐ FIMMTUDAGUR 8. OKTÖBER 1992 37 gleði og hamingju í 22 ár þegar kall- ið til hans kom og hlutverk hans breyttist. Nú eru það æðri máttar- völd sem fá að njóta hæfileika hans. Elsku Hrafnhildur og fjölskyldan, Fríða, Guðjón og Magnús, ég og fjöl- skylda mín vottum ykkur okkar dýpstu samúð og biðjum guð að varð- veita ykkur og veita ykkur styrk á þessari sorgarstundu. Með okkur öll- um vakir ávallt minning um góðan dreng. María Skaftadóttir. í dag er kvaddur hinstu kveðju kær frændi okkar og vinur, Kristján M. -Guðjónsson. Okkur langar að minnast hans með fáeinum orðum. Kristján var fæddur 22. september 1970 í Reykjavík. Foreldrar hans eru Hólmfríður Benediktsdóttir, ættuð frá Garði í Aðaldal og Guðjón M. Jónsson, ættaður úr Njarðvíkum. Bróðir Kristjáns er Magnús Benedikt og eiginkona Kristjáns er Hrafnhild- ur V. Garðarsdóttir. Kristján ólst upp á Seltjarnarnes- inu þar sem foreldrar hans reistu hús á sjöunda áratugnum. Þar undi fjöl- skyldan sér vel og bræðurnir uxu úr grasi í skjóli öryggis og hlýju heimilisins. Hólmfríður og Guðjón eru bæði sérlega gestrisin og eru ófá boðin og veislurnar sem við fjölskyldan höfum setið hjá þeim og móttökurnar ávallt sem verið væri að taka á móti þjóðhöfðingjum. Bræðurnir sýndu snemma að sjaldan fellur eplið langt frá eikinni, hlýlegt og jafnframt glaðlegt viðmót þeirra lét okkur finna að við vorum alltaf innilega velkomin á heimilið. Kristján sýndi snemma dugnað bæði við vinnu og í námi. Hann lauk stúdentsprófí frá FB um jólin 1990 og hugðist síðan taka sér frí frá námi um skeið. Ýmislegt fer öðruvísi en við menn- irnir ætlum, því í janúar síðastliðnum gekkst Kristján undir mikla aðgerð, eftir undanfarandi veikindi sem höfðu hrjáð hann meira og minna um nokkurt skeið og talin voru ann- ars eðlis en síðar kom í ljós. Síðustu mánuðir hafa verið Krist- jáni erfiður tími, tíðar ferðir á sjúkra- hús þar sem leitast var við að draga úr útbreiðslu sjúkdómsins og lina þjáningar sem honum fylgdu. Við hlið Kristjáns í veikindum hans stóðu alla tímann Hrafnhildur, eiginkona hans, foreldrar og tengda- foreldrar sem öll reyndust honum frábærlega í veikindum hans. Sein- ustu vikur, daga og nætur viku þau naumast frá sjúkrabeði hans. Kristján fékk hægt andlát að kvöldi 27. september. Eins og áður kom fram þá voru síðustu mánuðir erfiður tími hjá Kristjáni, en inn á milli komu góðar stundir þar sem hann gat notið tilver- unnar að vissu marki og verið sam- vistum við ástvini sína. Sem drengur var Kristján í sum- ardvöl í Garði þar sem móðir hans er fædd og uppalin og átti hann því sterkar rætur fyrir norðan. Um síð- astliðna verslunarmannahelgi dvöldu Kristján og Hrafnhildur í sumarhúsi sem foreldrar hans hafa reist í landi Garðs. Þegar helginni lauk ákvað Kristján að vera lengur sér til hressingar og flutti sig um set yfir í Garð, en þar býr Guðný móðursystir hans og frændur, en kært hefur verið alla tíð með Kristjáni og frændfólkinu í Garði. Á sama tíma dvöldum við undirrit- uð í sumarleyfi í Garði og var ánægjulegt að sjá Kristján taka þátt í heyskapnum ásamt hinu fólkinu, hressan og kátan að vanda, þrátt fyrir þverrandi líkamskrafta og er þessi tími sem við áttum með honum í svéitinni eins og sólargeisii í hug- skoti okkar á annars erfiðum tíma. Að lokum viljum við þakka Krist- jáni fyrir samfylgdina og minninguna - um góðan dreng munum við alla tíð geyma. Innilegar samúðarkveðjur. Sesselja, Benedikt og dætur. Sá sem eftir lifir deyr þeim sem deyr en hinn dáni lifir í hjarta og minni manna er hans sakna. Þeir eru himnarnir honum yfir. Baráttunni er lokið, hinn illvígi sjúkdómur hafði betur. Það var okk- ur mikið áfall þegar okkur var til- kynnt að hann Kristján vinur okkar hefði greinst með krabbamein. Við spyrjum okkur hver sé tilgangurinn að leggja svona erfiði á ungan og lífsglaðan mann sem átti allt lífið framundan. Við spyrjum en lítið er um syör. Þó að við vissum að hverju stefndi allt frá byrjun báðum við og vonuðum að Kristján myndi sigrast á sjúkdómnum. Þrátt fyrir að þetta hafi verið mjög erfiður tími fyrir Kristján lét hann ekki deigan síga. Hann fór út á meðal vina og reyndi eftir bestu getu að taka þátt f því sem hann gat. Eftirminnilegt er ferðalag sem hann fór í með vinum og kunningjum. Hann skemmti sér jafn vel og aðrir og kvartaði ekki þrátt fyrir að hann væri mjög veikur. í kringum Kristján var ávallt mik- ið um að vera og þannig munum við minnast hans. Hrafnhildur hefur staðið eins og klettur við hlið Krist- jáns og undrumst við styrk hennar. Þau giftu sig 19. september síðastlið- inn og voru það gleðileg tíðindi, en aðeins viku seinna var baráttunni lokið. Elsku Hrafnhildur, Maggi Benni, foreldrar Kristjáns, Hólmfríður og Guðjón, og aðrir aðstandendur, við sendum okkar innilegustu samúðar- kveðjur. Megi Guð gefa ykkur styrk. Signý og Valdi. Okkur langar til þess að minnast vinar okkar í nokkrum orðum. Krist- ján, eða Stjáni eins og við vorum vanar að kalla hann, lést eftir langa og harða baráttu við illvígan sjúkdóm þann 27. september sl. Stjáni lét engan bilbug á sér finna þrátt fyrir veikindi sín og átti Hrafnhildur, eig- inkona hans, mikinn þátt í því þar sem hún stóð við hlið hans eins og klettur. Alltaf máttum við eiga von á að hitta Stjána með bros á vör, og reyndi hann allt til þess að uppörva okkur ef á þurfti að halda og var hann góður vinur að leita til. Það er erfitt að skilja hvers vegna ungt fólk er hrifið í burtu í blóma lffsins og að sætta sig við það að geta ekki hitt Stjána aftur, að hann sé alfarinn. Elsku Hrafnhildur, Maggi Benni og aðrir aðstandendur, Guð styrki ykkur í sorg ykkar. Minningin lifir ávallt um góðan dreng. Stella og Sigga. Tíminn er undrafljótur að líða. Þótt tæpir tveir áratugir séu síðan fjölskylda mín fluttist vestur á Sel- tjarnarnes fínnst mér sem það hafi næstum gerst í gær. Hverfið sem við fluttumst í var að byggjast upp, veikburða gróður byrjaður að teygja sig upp úr görðunum og börnin fundu sér leikvang í Valhúsahæðinni. Yngsti sonur okkar, sex ára gam- all, bast strax sterkum vináttubönd- um við tvo bræður, jafnaldra sína, í næstu götu. Við hjónin fundum fljót- lega að þetta var syni okkar hollur félagsskapur og tókum þessum vin- áttuböndum fagnandi. Þetta voru þeir Kristján og Magnús, synir Hólm- fríðar Benediktsdóttur og Guðjóns M. Jónssonar, Barðastrðnd 8. Með okkur hjónumim og foreldrum bræðranna tókst einnig mikil vinátta sem engan skugga hefur borið á. Fyrir góða granna og einlæga vin- áttu getur maður verið þakklátur. Margt hefur breyst á þessum árum. Trén sem við gróðursettum við komuna eru fyrir löngu vaxin okkur yfir höfuð og drengirnir litlu orðnir fullorðnir menn. Nú haustar að og lauf trjánna farin að fölna og falla og einn úr drengjahópnum, Kristíán M. Guðjónsson, er^fallinn i valinn. Kristján skar sig úr hópnum fyrir einbeitni, áræði og dugnað. Það var öllum ljóst að þar fór mikið mannsefni. Fyrir nokkrum mánuðum kenndi hann sér meins og í ljós kom að þar var á ferðinni ólæknandi krabbamein. Kristján sýndi mikla karlmennsku þegar honum var kveð- inn hinn þungi dómur og bar örlög sín af slíku æðruleysi að til fádæma hlýtur að teljast. Þegar dró að leiðarlokum gekk Kristján að eiga unnustu sína, Hrafn- hildi V. Garðarsdóttur, 19. þessa mánaðar og þannig innsigluðu þau ævarandi ást sína við dauðans dyr. Eiginkona, foreldrar og bróðir hafa misst mikið, en þau eru rík af minningunni um góðan dreng og ein- stætt mannsefni sem kallaður hefur verið yfir móðuna miklu. Slíks manns hljóta að bíða mikilvæg verkefni á öðrum tilverustigum úr því hann var kallaður svo ungur á braut. Guð blessi minningu hans og styðji og styrki eftirlifandi aðstandendur. Örlygur Hálfdanarson. Minning Marta Jónsdóttír J (Hannes Pétursson) Fædd 11. júní 1907 Dáin 3. október 1992 Þegar hún Marta móðursystir mín missti heilsuna skyndilega í byrjun júní f sumar, skömmu fyrir áttatíu og fimm ára afmælisdaginn sinn, fann ég vel hvað ég hafði þekkt hana lengi og hvað þau kynni höfðu verið góð. Nú er hún dáin. Marta var dóttir hjónanna Jóns Johnsen, bónda á Suðureyri við Tálknafjörð og Gróu Indriðadóttur, húsfreyju. Á Suðureyri ólst hún upp í stórum systkinahópi unz hún hleypti heimdraganum. Hún giftist Heíga Guðmundssyni frá Steinhús- um í sömu sveit og flutti til Reykja- víkur. Þar bjuggu þau æ síðan en Helgi hafði umfangsmikinn rekstur sem pípulagningameistari. Ég var heimagangur á heimili Mörtu og Helga þegar börn þeirra, mín ágætu frændsystkini, Sigurður Stefán og Margrét, voru enn í for- eldrahúsum, fyrst á Snorrabraut- inni, síðar í Eskihlíðinni. Þangað var ávallt gott að koma. Hjartahlýjan og glaðværðin einkenndi Mörtu og hún lumaði gjarnan á einhverju góð- gæti f eldhúsinu. Helgi var einstakur heiðursmaður. Hann lézt í október 1973 og flutti Marta í snotra íbúð við Safamýri. Síðast átti hún heima í Skipa- sundi 74, bjó sér fallegt heimili í sama húsi og dóttir og tengdasonur, Sigrún og Erik. Þar átti hún gott skjól. Þær Marta og móðir mín hittust oft; milli þeirra var notalegt og elskulegt samband, traust tengsl eins og jafnan milli systkinanna frá Suðureyri. Þau eru nú flest farin. Öllum leið vel þegar Marta frænka kom í heimsókn. Þannig var það alla tíð. Eins og vorið vekur mestan vonararð úr dýpstu hjarni, sárust minning getur gefið gróða mestan tregans barni. (Matthías Jochumsson. Nú þegar mín elskuleg móðursyst- ir er fallin frá minnist ég þeirra Helga með virðingu og söknuði. William Thomas Möller. ...síðasta HRADLESTRARNAMSKEIDID! * Vilt þú margfalda lestrarhraðann og bæta eftirtektina? * Vilt þú lesa meira af fagurbókmenntum? * Vilt þú verða mikið betri námsmaður og auðvelda þér allt nám með auknum lestrarhraða og bœttri námstækni? + Vilt þú ná betri árangri á prófum og með bættri tækni? Svarir þú játandi, skaltu skrá þig strax á síðasta námskeið ársins sem hefst miðvikudaginn 21. október. Skráning í síma 641091. HRAÐLESTRARSKOLINIM ...við ábyrgjumst að þú nærð árangri! 1978-1992 [T SYNING á TOS renníbekkjum Föstudaginn 9 okt. og laugardaginn 10 okt. Frá kl. 9 -18 Við sýnum um helgina rennibekk af gerðinni T0S SN 40 C og mun erlendur sérfræðingur veita ráðgjöf á staðnum. Nethyl 2 Artúnsholti S: 689100 Bókhalds-og rekstramáS 72klst Byrjar 2. nóvember Námið er hnitmiðað og sérhannað með þarfir atvinnulífs- ins í huga. Markmið námsins er að útskrifa nemendur með víðtæka þekkingu á bókhaldi og færslu tölvubókhalds. Adalnámsgreinar: • Hlutverk bókhalds, bókhaldslög • Bókhaldsæf ingar og reikningsskil • Viðskiptamannabókhald • Launabókhald • Virðisaukaskattur • Raunhæft verkefni - afstemmingar og uppgjör • Tölvubókhald - Opus Allt Ef þú vilt auka þekkingu þfna á bókhaldi, styrkja stöðu þína á vinnumarkaðinum, starfa sjálfstætt og/eða geta notað bók- hald sem stýritæki í eigin fyrirtæki, þá er þetta nám fyrir þig. Viðskiptaskólinn býður uppá litla hópa, einungis reynda leið- beinendur, bæði dag- og kvöldskóla, sveigjanleg greiðslukjör. Sérstakt grunnnámskeið haldið 26.-29. október. Takmarkaður fjöldi á hvert námskeið. Innritun þegar hafin. Viðskiptaskólinti Skólavörðustíg 28, Reykjavík Sími62 4I 62

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.