Morgunblaðið - 13.02.1993, Blaðsíða 12

12
MORGUNBLAÐIÐ LAUGARDAGUR 13. FEBRÚAR 1993
Bragi í Listhúsinu í Laugardal
Myndlist
Eiríkur Þorláksson
Listhúsið í Laugardal er smám
saman að vinna sér sess sem fastur
viðkomustaður þeirra sem reglu-
lega heimsækja sýningarsali mynd-
listar í borginni; jafnframt því býð-
ur húsið upp á fleiri kosti, verslan-
ir með listmuni og litla kaffistofu,
sem virðist vinaleg og ágætlega
sótt. Nú hefur að mestu verið geng-
ið frá lóð og umhverfi byggingar-
innar, svo vænta má að með hækk-
andi sól komi kostir hennar æ bet-
ur í ljós.
Forráðamenn Listhússins hafa
tekið upp þann sið að bjóða til sín
gestum til sýningarhalds, og um
þessar mundir stendur yfír í mið-
rými hússins gestasýning á mál-
verkum Braga Asgeirssonar list-
málara, sem njóta sín vel í þessu
rúmgóða og bjarta sýningarrými.
Nýlega lauk í Hafnarfírði opnunar-
sýningu í nýjum sýningarsal, Port-
inu, þar sem Bragi var einn þriggja
sýnenda, svo segja má að skammt
sé högga á milli um þessar mundir
hjá listamanninum.
Sýningin í Listhúsinu er nokkuð
sérstök sakir þeirra verka, sem þar
er að fínna. Hér er um að ræða
átta málverk, sem Bragi fór fyrr á
þessum vetri með á listkynningar
í Japan, en þar voru verk hans
m.a. sýnd í nýjum listasöfnum í
Osaka og Tókýó. Flest málverkin
voru unnin á árunum 1989 -1991,
og sum hafa sést á sýningum hans
síðustu ár, en ekki öll.
Segja má að myndimar sem fóru
til Japan sýni vel það sem hefur
einkennt málverk Braga hin síðari
ár: markviss notkun litanna og birt-
unnar í fletinum, lagskipt en um
leið fjölbreytt myndbygging, sem
oft má rekja til náttúruminna, og
heildarsvipur, sem viðheldur lifandi
spennu í fletinum, einkum þar sem
flataskipan er ekki of fastmótuð.
Verk eins og „Regndagur í júií“
(nr. 1) sýna þetta vel í sterkum
gróðurlitum, sem þó eru hnepptir
í dumbung veðursins. í „ísaland"
(nr. 2) skín frostið í gegnum kyrra
birtu flatarins, á meðan hið iðandi
líf léttleikandi forma í „Sumar-
hnoðrar“ (nr. 5) skilar því mynd-
efni á lifandi hátt.
Til viðbótar þessum málverkum
hefur Bragi sett upp fjögur nokkuð
ólík verk, sem öll bera nafnið
„Astríðudansinn (Tango Jalousie)"
(nr. 8-11). í þessum myndum, sem
allar eru hringlaga, byggir lista-
maðurinn á dansandi pari, sem
hann málar í mismunandi sterkum
litum og fellir inn í það samspil
flatanna, sem einkennir mynd-
bygginguna. Þetta kemur forvitni-
lega út; í mynd nr. 9 er parið næsta
hlutlaust, en í nr. 11 er það í æp-
andi litum og þar með hvössu sam-
bandi við umhverfi sitt.
Það er aðal góðra listamanna
að vera í sífelldri endumýjun og
þróun, sem kann að bera þá á áður
ókunnar slóðir. Þó svo Bragi hafí
vissulega komið víða við á löngum
ferli, verður í framhaldi af þessum
verkum forvitnilegt að sjá, hvort
mannveran á eftir að gegna stærra
hlutverki í málverkum hans en hún
hefur gert undanfarið, og þá í
hvaða samhengi.
I sjálfum sýningarsal Listhússins
getur að líta grafíkverk, og hefur
að hluta til verið skipt um þau frá
því undirritaður leit inn síðast. Af
nýjum verkum má benda á silki-
þrykk og fleiri grafíkmyndir
Tryggva Amasonar, einkum þau
sem tengjast árstímanum, með sín-
um krapaflóðum og leysingum.
Sýningin á verkum Braga Ás-
geirssonar í miðrými Listhússins í
Laugardal stendur til fimmtudags-
ins 18. febrúar.
Myrkum músíkdög-
um lýkur á morgun
MYRKUM músíkdögum lýkur á morgun, sunnudag, með tónleikum
tveggja hópa, Caput og Paragon. Á efnisskránni eru verk eftir sjö
tónskáld og frumflutt verður Dúó Atla Heimis Sveinssonar. Hulda Birna
Guðmundsdóttir framkvæmdastjóri Myrkra músíkdaga, segir greinilegt
að ný tónlist hafi unnið á, hún höfði nú til fleiri en fyrir nokkrum árum.
Hulda Birna segir að tónleikarnir
hafí verið misjafnlega sóttir, en hóp-
urinn sem komi til að hlusta sé greini-
lega breiðari en áður. Ýmis tónskáld-
anna og flytjenda á músíkdögunum
segja að samtímatónlist sé lagrænni
og fallegri en fyrir nokkrum árum.
Kannski finnist nú fleirum gott að
hlusta á hana og víst sé að þeim fari
fækkandi sem fúlsi við „nýju gargi“.
í dag, laugardag, kemur afrakstur
samvinnu barna og fullorðinna tón-
listarmanna í ljós. Tónsmiðja barn-
anna og kennsluflokkur Paragon-
hópsins hafa undirbúið sig í mánuð
fyrir tónleikana í Ráðhúsinu sem
heijast klukkan 14.00.
Myrkir músíkdagar eru haldnir
annað hvert ár og markmið þeirra
hefur verið að kynna nýja íslenska
samtímatónlist. Að þessu sinni var
jafnframt lögð áhersla á tónlist frá
Skotlandi og á lokatónleikunum á
morgun verða leikin verk eftir tvo
Skota, þijá íslendinga, íra og Frakka.
Caput-hópurinn var stofnaður
1987 af ungum íslenskum tónlistar-
mönnum til þess að flytja nýja tón-
list. Efnisskráin miðast þannig við
síðustu tuttugu ár en hópurinn hefur
frumflutt mörg verk. Þannig er um
verk Atla Heimis, sem hann samdi
sérstaklega fyrir þá Kolbein Bjarna-
son og Guðna Franzson.
Paragon Ensemble frá Skotlandi
var stofnuð 1980. Sveitin vakti fljótt
athygli í Bretlandi fyrir djarft efnis-
val og hefur ferðast víða. David Davi-
es er nú stjómandi hennar, hann
hefur unnið til ýmissa verðlauna fyr-
ir hljómsveitarstjórn og hefur stjóm-
að öllum helstu hljómsveitum í Skot-
landi.
Norræna húsið
Bókmenntír og trommudans
í dag, laugardaginn 13. febrúar, verður finnsk bókakynning í Norræna
húsinu. Finnski sendikennarinn Virve Vainio-Pyykönen segir frá bókum
sem gefnar voru út í Finnlandi á síðasta ári, og finnski rithöfundurinn
Leena Lander les úr verkum sínum. Norræna húsið stendur einnig fyr-
ir sýningu á finnskum teiknimyndum fyrir börn á morgun, sunnnudag,
kl. 14.00 og grænlenskum grímuleik og trommudans leikarans Rink
Egede kl. 16.00.
Finnski rithöfundurinn Leena
Lander er fædd árið 1955 og hafa
verk hennar notið hylli í Finnlandi.
Fyrsta skáldsaga hennar kom út árið
1982 og hét hún „Syyspastoraali" en
síðan hafa verið gefnar út sex skáld-
sögur hennar, og kom sú sjöunda út
árið 1991 og nefnist „Tumminen per-
hosten koti.“ Auk skáldsagnanna
hefur hún skrifað fyrir leikhús, dag-
blöð, tímarit, útvarp og sjónvarp.
Grænlenski leikarinn Rink Egede
sýnir grímuleik og trommudans kl.
16.00 á sunnudag, en „Uaajeerniq"
er nafn á ævafornum grímuleik eða
trommudansi sem Ínúítar í Síberíu,
Alaska og Kanada lögðu stund á.
Brynja Benediktsdóttir leikstjóri mun
kynna sýninguna og segja lítillega
frá leiklistarhefð og leiklist Græn-
lendinga í dag. Aðgangur er ókeypis
að öllum þessum dagskrárliðum.
7.870 ASTÆÐUR FYRIR ÞVI
« ♦
♦ « ♦
Til afgreiðslu strax • Opið virka daga kl. 9:00 - 18:00 og laugardaga kl. 11:00 - 15:00 • Honda • Vatnagq