Morgunblaðið - 13.02.1993, Blaðsíða 26

26
MORGUNBLAÐIÐ LAUGARDAGUR 13. FEBRUAR 1993
.4x4 sýning
um helgina
UM HELGINA verður haldin
4x4 sýning á Akureyri á vegum
aukahlutadeildar Toyota um-
boðsins í Bilasölunni við Stór-
holt.
Sýndir verða Toyota jeppar s.s.
Land Crusier á 44“ dekkjum, Hil-
ux á 33“ dekkjum og 4Runner á
-. 38“ dekkjum sem aukahlutadeildin
hefur séð um breytingar á. Á
staðnum verður boðið upp á
reynsluakstur og léttar veitingar,
en sýning er opin bæði á laugar-
dag og sunnudag, 13. og 14. febr-
úar.
Héraðsráð Eyjafjarðar skipar sjö manna nefnd
Sameining sveitarfélaga
á svæðinu verði skoðuð
Afangaskýrslunni um málið verði skilað næsta haust
HÉRAÐSRÁÐ Eyjafjarðar hefur samþykkt að skipa sjö manna
nefnd sem fara á i saumana á kostum og göllum þessa að sveitar-
félög í Eyjafirði sameinist í eitt. Nefndinni er ætlað að skila
áfangaskýrslu 15. október næstkomandi. Sveitarstjórnarmenn í
Eyjafirði hittust nýlega og ræddu sameiningarmálið og kom þar
fram vi^ji til að skoða af alvöru sameiningu sveitarfélaga á svæð-
inu. Um 20 þúsund manns búa á Eyjafjarðarsvæðinu í 14 sveitarfé-
lögum.
Stórt verkefni
Guðný Sverrisdóttir formaður
Héraðsnefndar Eyjafjarðar sagði
að skipað yrði í nefndina innan
skamms, en verkefnið væri stórt
og langan tíma tæki að skoða það
ofan í kjölinn.
Þjónusta og útgjöld
í tillögu Héraðsráðs sem vísað
er til hérðasnefndar Eyjaíjarðar
er lagt til að skipuð verði sjö
manna nefnd til að móta tiilögur
um sameiningu sveitarfélaga í
Eyjafirði og er henni ætlað að
leggja tillögur sínar eða áfanga-
skýrslu fyrir héraðsnefnd eigi síð-
ar en 15. október 1993. Verkefni
nefndarinnar eru m.a. að leggja
mat á áhrif breytinga á mörkum
sveitarfélaga í Eyjafirði og í því
sambandi verði sérstaklega athug-
uð áhrif á sveitarstjórnarstigið
sem stjórnsýslueiningu og þau
verkefni sem sameinuð sveitarfé-
lög gætu annast. Ennfremur er
nefndinni ætlað að leggja mat á
áhrif breytinga á þjónustustig
núverandi sveitarfélaga ásamt
áhrifum á útgjöld til hinna ýmsu
málaflokka.
Kostir og gallar
Héraðsnefnd boðaði sveitar-
stjómir á svæðinu til fundar um
sameiningarmál í síðasta mánuði
þar sem skipst var á skoðunum
og sagði Guðný að á þeim fundi
hefði komið fram vilji til að skoða
möguleika á sameiningu sveitarfé-
laganna á svæðinu í eitt. „Það er
enn ekki um það að ræða að við
ætlum að sameinast, en við höfum
ákveðið að skoða kosti þess og
galla og hvaða hagræðing felst í
slíkri sameiningu og hvort þjón-
usta við íbúana muni batna í kjöl-
farið,“ sagði Guðný.
Mikil samvinna
Svæðið sem um er að ræða nær
frá Ólafsfirði út með Eyjafírði
vestanverðum fram Eyjafjarðar-
sveit og út eftir ströndinni austan-
megin að Grýtubakkahreppi, auk
eyjanna, Hríseyjar og Grímseyjar.
Á þessu svæði búa rúmlega 20
þúsund manns, en sveitarfélögin
eru 14 talsins. Þegar hafa sveitar-
félögin með sér samvinnu m.a.
varðandi framhaldsskólana á
svæðinu og þá hefur verið ákveðið
að stofna byggðasamlag um sorp-
hirðu, en Guðný sagði að samvinna
sveitarfélaganna á svæðinu væri
sífellt að aukast.
Messur á
Akureyri
Akureyrarkirkja Sunnu-
dagaskólinn mætir í fjöl-
skyldumessu kl. 11 og fer í
Safnaðarheimilið eftir predik-
un. Fjölskyldumessa verður í
Akureyrarkirkju á morgun kl.
11. Barnakór kirkjunnar mun
syngja og leiða sönginn undir
stjóm Hólmfríðar Benedikts-
dóttur. Æskulýðsfélag Akur-
eyrarkirkju verður í kapell-
unni kl. 17 og Biblíulestur
verður í Safnaðarheimilinu kl.
20.30.
Glerárkirkja Biblíulestur og
bænastund verður í dag kl.
13. Bamasamkoma kl. 11 á
morgun og foreldrar hvattir
til að koma með bömum sín-
um. Jón Þorsteinsson syngur
einsöng í guðsþjónustu kl. 14
á morgun og boðið verður upp
á molasopa að lokinni guðs-
þjónustu. Æskulýðsfundur
verður haldinn kl. 17.30.
Morgunblaðið/Rúnar Þór
Dagur fagnar 75 ára afmæli
FJÖLMARGIR lögðu Ieið sína í höfuðstöðvar dagblaðsins Dags við
Strandgötu í gær, föstudaginn 12. febrúar en þá var haldið upp á 75
ára afmæli blaðsins. Gestum var boðið upp á veitingar og þá kynntu
starfsmenn blaftsins starfsemina sem þar fer fram, en rekin er prent-
smiðja í tengslum við útgáfu blaðsins. Á myndinni sjást gestir fylgj-
ast með prentun helgarblaðs Dags í gær. Ritstjóri Dags er Bragi V.
Bergmann, fréttastjóri er Kristján Kristjánsson, en alls starfa um 40
manns hjá fyrirtækinu.
Biblíudagurinn
1993 á morgun
HINN árlegi Biblíudagur er á morgun, sunnudaginn 14. febr-
úar. Þennan dag er vakin athygli á starfi Hins íslenska Biblíufé-
lags og þess jafnframt minnst með þakklæti hve lengi Islending-
ar hafa átt Biblíuna á eigin tungu.
Dagskrá Biblíudagsins hefst
að þessu sinni með útvarpsguðs-
þjónustu í Hallgrímskirkju, kl.
11 f.h., þar sem framkvæmda-
stjóri Hins íslenska Biblíufélags,
séra Sigurður Pálsson predikar,
félagar úr Mótettukór Hall-
grímskirkju syngja og Hörður
Áskelsson organisti leikur tvö
verk eftir Jón Nordal. Jafnframt
verður dagsins minnst við aðrar
guðsþjónustur sem haldnar eru
þennan dag og tekið við gjöfum
til Biblíufélagsins.
Síðdegis, eða kl. 15.30, verður
aðalfundur Hins íslenska biblíu-
félags haldinn í Hallgrímskirkju
og verða veitingar fram bornar
í boði sóknarnefndar.
Listvinafélag Hallgrímskirkju
gengst síðan fyrir dagskrá í
samvinnu við Hið íslenska bibl-
íufélag, sem hefst í kirkjunni kl.
17.00. Yfirskrift dagskrárinnar
er: Biblían, uppspretta sköpun-
ar. Þar munu félagar úr Mót-
ettukór Hallgrímskirkju flytja
kórverk við Biblíutexta, Auður
Bjarnadóttir dansari og Þórunn
Magnea Magnúsdóttir leikkona
flytja einþáttung um Samversku
konuna og leikararnir Arnar
Jónsson og Tinna Gunnlaugs-
dóttir lesa texta úr nýrri þýðingu
Gamla testamentisins sem verið
er að vinna að um þessar mund-
ir. Auk þess mun Hörður Áskels-
son leika á orgel kirkjunnar.
Þar sem Hið íslenska biblíufé-
lag hefur nú um 25 ára skeið
haft aðsetur í Guðbrandsstofu í
Hallgrímskirkju þótti við hæfi
að halda daginn hátíðlegan þar
með þessum hætti.
Viðamesta verkefni Hins ís-
lenska biblíufélags um þessar
mundir er eins og kunnugt er
ný þýðing á Gamla testamentinu
úr hebresku, sem unnin er méð
fjárhagslegum stuðningi ríkis-
sjóðs og er liður í undirbúningi
kristnitökuhátíðar árið 2000.
Auk þess vinnur félagið að
fræðslu um Biblíuna og gefur
árlega út Biblíulestrarskrá sem
dreift er í um 10.000 eintökum
árlega. Jafnframt þessu leitast
félagið við að taka þátt í sam-
starfí Sameinuðu Biblíufélag-
anna (UBS) sem er öflug al-
heimshreyfmg sem vinnur að
útbreiðslu og dreifingu Biblíunn-
ar um allan heim. Þessi samtök
dreifðu á síðastliðnu ári 640
milljónum Biblía og biblíurita og
er stór hluti þess rit sem gefin
eru út til nota í baráttunni við
ólæsi í heiminum, en Sameinuðu
Biblíufélögin hafa m.a. haft
samvinnu við UNESCO í þeim
efnum.
(Fréttatilkynning)
Breiðholtskirkja
Samkomur
með Ulrich
Parzany
DAGANA 14.-21. febrúar
verða haldnar vakningarsam-
komur í Breiðholtskirkju í
Reykjavík undir yfirskriftinni
„Jesús ’93“. Samkomurnar
eru haldnar á vegum KFUM,
KFUK, Kristilegu skólahreyf-
ingarinnar og Kristniboðs-
sambandsins. Ræðumaður á
samkomunum verður þýski
vakningarpredikarinn Ulrich
Parzany, en hann er fram-
kvæmdasljóri KFUM/K í
Þýskalandi
Parzany er þekktur víða um
lönd sem áhrifamikill predikari.
Hann kom hingað til lands árið
1990 og talaði þá á fjölmennum
samkomum sem haldnar voru í
Bústaðakirkju.
Á samkomunum nú í Breið-
holtskirkju verða flutt ávörp,
leikþáttur og frásagnir. Söng-
hópar munu syngja og hljóm-
sveitin „Góðu fréttirnar“ spila.
Auk þess verður mikill almennur
söngur, lofgjörð og fyrirbænir.
Ulrich Parzany predikar síðan á
öllum samkomum nema þeirri
fyrstu og verður mál hans túlkað
á íslensku.
Sunnudagana 14. og 21. febr-
úar hefjast samkomumar kl. 17
og eru fyrir alla fjölskylduna.
Dagana þar á milli, 15.-20.
febrúar, verða þær kl. 20.30.
Allir eru velkomnir á samkom-
urnar.
Skólaganga Útivistar
Framhaldsskólar
og kennaraskólar
FARIÐ verður í fjórða áfanga
Skólagöngunnar með rútu
sunnudaginn 14. febrúar kl.
10.30 frá Umferðarmiðstöð-
inni.
Gengið verður frá Görðum á
Álftanesi gömlu leiðina til
Hafnarfjarðar þangað sem
gömlu Flensborgarhúsin stóðu
og þaðan að Flensborgarskólan-
um kl. 13. Frá Flensborgarskó-
lanum verður ekið að Fjölbrauta-
skólanum í Breiðholti og komið
þangað kl. 14. Þaðan verður
gengið og ekið að Kennarahá-
skóla íslands og verið þar um
kl. 15.30. Frá Kennaraháskólan-
um verður gengið niður á Um-
ferðarmiðstöð með viðkomu í
gamla Kennaraskólanum, Kenn-
arahúsinu.
Þessum áfanga skólagöng-
unnar er ætlað að rifja upp sögu
gagnfræðaskóla og kennara-
skóla á íslandi og einnig starf-
semi fjölbrautaskóla og Kenn-
araháskóla íslands í dag.
Fylgdarmenn verða Kristján
Bersi Ólafsson, skólameistari
Flensborgarskólans í Hafnar-
firði, Kristín Arnalds, skóla-
meistari Fjölbrautaskólans í
Breiðholti, Þórir Ólafsson, rektor
Kennaraháskóla íslands og
Svanhildur Kaaber, formaður
Kennarasambands íslands.
Hægt er að velja um að vera
með allan tímann eða kom inn á
ofangreindum tímum. Allir fá
sérstimplað göngukort til minja
um ferðina.
(Fréttatilkynning)