Morgunblaðið - 16.03.1993, Síða 11

MORGUNBLAÐIÐ ÞRIÐJUDAGUR 16. MARZ 1993
11
Kammersveit Reykjavíkur
Grieg-hátíð í íslensku ópeninni
í dag, þriðjudaginn 16. mars, heldur Kammersveit Reykjavíkur
tónleika í Islensku óperunni og hefjast þeir kl. 20.30. Yfirskrift þeirra
er Grieg-hátíð - samtímamenn þá og nú, en á þessu ári er þess
minnst með hátíðarhöldum víða um heim að liðin eru 150 ár frá
fæðingu þjóðartónskálds Norðmanna, Edvards Griegs. Kammersveit-
in ákvað að tefla saman Grieg og samtímamanni hans, Sveinbirni
Sveinbjörnssyni, ásamt Leifi Þórarinssyni og Arne Nordheim, sem
er eitt helsta núlifandi tónskáld Noregs.
Einsöngvarinn Njal Sparbo og stjórnandinn Ingar Bergby.
Barnaverndarsj óður
Forvarnir á sviði
barnavemdarmála
í TILEFNI 60 ára afmælis Barnaverndarráðs íslands á síðasta
ári ákvað Barnaverndarráð undir formennsku Haraldar Johannes-
sen að stofna sérstakan sjóð, Barnaverndarsjóð. Sjóðurinn er
stofnaður af framlögum sem Barnaverndarráði höfuð borist úr
Líknarsjóði Islands og fjármunum Barnaverndarsjóðs Knuds
Knudsens.
Á efnisskránni eru verk Griegs
fyrir strengjasveit op. 53, 63 og
68 og 5 lög op. 33 við ljóð eftir
O.A. Vinje og „Den Bergtekne" op.
32. Einsöngvari í þessum ljóðum
er Njál Sparbo, ungur norskur bari-
tonsöngvari sem hefur látið útsetja
lögin fyrir bariton og strengjasveit,
en þau eru samin fyrir söngrödd
og píanó. Sparbo er íslenskum tón-
listarunnendum að góðu kunnur frá
því að hann söng hlutverk Jesú í
flutningi Mótettukórs Hallgríms-
kirkju um síðustu páska. „Eg var
mjög ánægður með samstarfið við
íslenskt tónlistarfólk,“ segir
Sparbo, „og þegar ég var spurður
hvort ég vildi koma til íslands á
nýjan leik, svaraði ég umsvifalaust
játandi. Rætur þjóðanna liggja jú í
sama jarðvegi, en þið hafið varð-
veitt eigindir í menningu ykkar sem
við höfum glatað úr sameiginlega
þjóðararfinum, og þar er tungumál-
ið fremst í flokki og nýyrðasmíðin,
sem er hreint stórkostlegur þáttur.“
Eftir hlé verður flutt lítið verk
eftir Sveinbjörn Sveinbjörnsson,
Reverie, fyrir flautu, selló og hörpu.
Eftir Leif Þórarinsson verður flutt
verkið Angelus Domini, sem hann
samdi fyrir Kammérsveit Reykja-
víkur til heiðurs Ragnari í Smára,
við þýðingu Halldórs Laxness á
Maríukveðskap frá miðöldum. Ein-
söng í því verki syngur Þórunn
Guðmundsdóttir. Síðast á efnis-
skránni er Magic Island eftir Arne
Nordheim við_ texta Shakespeares
úr Ofviðrinu. í því verki koma báð-
ir einsöngvararnir fram, og einnig
er raftónlist notuð með hijóðfærun-
um. Á tónleikunum koma fram 25
hljóðfæraleikarar og stjórnandi er
Ingar Bergby, ungur norskur
stjórnandi. Þegar grennslast er eft-
ir hvort staða Griegs í hugum Norð-
manna sé jafn sterk og fyrrum,
svara þeir játandi. „Grieg hefur
einkum varðveitt stöðu sína og mik-
ilvægi í vitund almennings," segir
Bergby. „Þegar rætt er um norsk
tónskáld, kemur Grieg umsvifalaust
upp í huga fólksins, en nútímatón-
listin er þeim fremur framandi.
Þorri ungs tónlistarfólks lítur hins
vegar meir til yngri tónskálda og
nútímatónlistar." Þeir segja þó að
gott samræmi sé á milli Griegs og
t.d. núlifandi tónskálda eins og
Nordheims. „Nordheim er stærsta,
núlifandi tónskáld okkar,“ segir
Sparbo, „og hefur mesta mikilvæg-
ið, sérstaklega á alþjóðlega vísu.
Hann hefur þróað með sér heild-
rænan og ljóðrænan stíl og skapar
fagra tónlist. Tónsmíðar Griegs og
Nordheims hafa það sameiginlegt
að þær eru afskaplega sönghæfar,
enda lagði Grieg áherslu á að allt
mætti syngja. Útgeislun verka hans
er sterk og tónsmíðarnar fallegar
og vel uppbyggðar." Bergby tekur
undir að hann telji samspil eldri og
yngri tónskálda heppnast að þessu
sinni, og jafnvægið sé gott á tón-
leikunum. „Ég hefði kosið mér ögn
lengri æfingatíma,“ segir hann,
„því tónblær Griegs er ögn sérstak-
ur, jafnvel framandi á köflum, og
það þarf að stilla strengi hljómsveit-
arinnar inn á hans bylgjulengd. En
þrátt fyrir annríki eru allir mjög
jákvæðir og á þann hátt gengur
þetta fullkomlega upp.“
Þeir segja að það sé frekar tor-
sótt fyrir unga tónlistarmenn að
vinna sér nafn á heimaslóðum í
Noregi, því samkeppnin er hörð.
„Það eru einnig gerðar miklar kröf-
ur til tónlistarfólks," segir Bergby,
„og ef við tökum sem dæmi norsku
fílharmóníuna, en hún er leiðandi
afl í tónlistarlífi landsins, hefur hún
marga stjórnendur á sínum snærum
og allflestir eru utanaðkomandi.
Það er því torvelt að komast þar
inn fyrir dyrnar, en hefst með réttri
blöndu af seiglu og hæfileikum."
Sparbo tekur í sama streng. „Marg-
ir góðir tónlistarmenn eru um hit-
una, og mikið reynt að komast að
hjá stórum stofnunum, s.s. útvarp-
inu og óperunni, þar sem allir vilja
syngja og spila til að vinna sér sess.
Maður verður að vera mjög öflugur
í að kynna sjálfan sig og þýðir ekk-
ert að sitja heima og bíða eftir sím-
tali.“
Grieg-tónleikarnir í kvöld eru
lokatónleikar Kammersveitar
Reykjavíkur á þessu starfsári, en
nú standa einnig yfir hjá Kammer-
sveitinni upptökur á tveimur geisla-
plötum sem væntanlegar eru síðar
á þessu ári.
Hlutverk Barnaverndarsjóðs er
að stuðla að forvörnum á sviði
barnaverndar og að upplýsa al-
menning um barnavernd. Fjár-
munum sjóðsins skal varið til út-
gáfu rita um þetta efni.
Sjórn Barnaverndarsjóðs er
skipuð þeim Þórunni J. Hafstein,
lögfræðingi, sem er formaður, Vil-
hjálmi Árnasyni, heimspekingi, og
Olöfu Sigurðardóttur, kennara, en
varamenn eru þau Rannveig Jó-
hannsdóttir, kennari, og Jón R.
Kristinsson, læknir.
Stjórnin hefur nú tekið til starfa
og mun auglýst eftir umsóknum
innan tíðar.
(Fréttatilkynning)
BRftBSK
Cg) TOYOTA
Tákn um gæði
EGUR BlLL