Morgunblaðið - 16.03.1993, Side 26
26
MORGUNBLAÐIÐ ÞRIÐJUDAGUR 16. MARZ 1993
MORGUNBLAÐIÐ ÞRIÐJUDAGUR 16. MARZ 1993
27
JMwgnnftliifrUt
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Ritstjórnarfulltrúi
Árvakur h.f., Reykjavík
Haraldur Sveinsson.
Matthías Johannessen,
Styrmir Gunnarsson.
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Björn Vignir Sigurpálsson.
Ritstjórn og skrifstofur: Aðalstræti 6, sími 691100. Auglýsingar: Aðal-
stræti 6, sími 691111. Afgreiðsla: Kringlan 1, sími 691122. Áskriftar-
gjald 1200 kr. á mánuði innanlands. í lausasölu 110 kr. eintakið.
Ekkí verst stödd
- ekki ennþá
Isunnudagsblaði Morgunblaðs-
ins birtust tölur um ástand
máia hjá grannþjóð okkar Færey-
ingum. Þar er atvinnuieysið komið
í 20% og stefnir í að það aukist
enn. Fjárlagahallinn er 10% af
þjóðartekjum og að mestu leyti
fjármagnaður með erlendum lán-
um. Á sl. ijórum árum hafa heild-
arskuldir Færeyinga erlendis auk-
izt úr 125% af þjóðarframleiðslu
í 140%. Allt stefnir í að þjóðar-
framleiðslan dragist saman um
20% á þessu ári.
Upplýsingar um stöðu mála í
Finnlandi komu einnig fram í
Morgunblaðinu á sunnudag. Hjá
Finnum er atvinnuleysið orðið
17%. Erlendar skuldir eru 188%
af útflutningstekjum landsmanna
á árinu og fjárlagahallinn stefnir
í um 15% af þjóðarframleiðslu á
þessu ári. í Finnlandi er jafnvel
farið að tala um þjóðargjaldþrot,
rétt eins og í Færeyjum, og sumir
hafa spáð því að Álþjóðabankinn
muni gera upp þjóðarbúið næsta
sumar. Lánstraust Finna eriendis
fer þverrandi og margt bendir til
að vextir á erlendum lánum muni
hækka. Aukinheldur er banka-
kerfi landsins i gífurlegri kreppu
og ríkisstjórnin sér sig tilneydda
að hjálpa bönkunum með tuga
milljarða króna framlögum úr
opinberum sjóðum.
Á íslandi er atvinnuleysið um
þessar mundir um það bil 5%.
Erlendar skuldir stefna í 60% af
þjóðarframleiðslu í árslok og fjár-
lagahallinn er um 2% af lands-
framleiðslu. Þótt þessar tölur geti
ekki talizt viðunandi, eru þær
langt frá þeim raunveruleika, sem
Finnar og Færeyingar búa við.
Engu að síður er ástæða til að
gaumgæfa ástandið hjá þessum
grannþjóðum okkar og skoða hvað
hefur farið úrskeiðis.
Þegar grannt er skoðað, er
margt líkt með kreppu Finna,
Færeyinga og íslendinga. í öllum
tilvikum hefur skyndilegt áfall
valdið efnahagslífinu erfiðleikum.
í Færeyjum, rétt eins og hér á
landij veldur aflabrestur mestu
um. I Finnlandi hrundu austurvið-
skiptin, sem höfðu svarað til allt
að fjórðungi utanríkisverzlunar
Finna, nánast á einni nóttu. Erfið-
leikar á timburmörkuðum og
kreppan í grannríkinu Svíþjóð
hafa heldur ekki hjálpað Finnum
að rétta úr kútnum.
Öli eiga þessi þijú lönd það
sameiginlegt að hafa fjárfest um
of og fjármagnað ofíjárfestmguna
með erlendum iánum. Á íslandi
og í Færeyjum var fjárfest í físki-
skipum og fískvinnslustöðvum,
fiskeldisstöðvum og atvinnuhús-
næði en í Finnlandi voru fjárfest-
ingar í ýmiss konar þjónustu, ekki
sízt á vegum hins opinbera, áber-
andi. Þegar áföllin ríða svo yfir,
stendur atvinnulífíð ekki undir því
að greiða erlendu lánin og hættan
eykst á að þau vefji stjórnlaust
upp á sig vegna vaxtakostnaðar
og nýrra lántaka.
Hluti vandans, eins og á öllum
Norðurlöndunum, er að menn hafa
byggt upp velferðarkerfi, sem
þeir hafa ekki efni á. Þessi veik-
leiki verður svo enn ljósari þegar
ytri áföll ríða yfir. Stjórnvöld
neyðast því til að taka á þessum
vanda með því að draga úr vel-
ferðarþjónustunni eða taka upp
þjónustugjöld í auknum mæli.
Það, sem bæði Finnar og Fær-
eyingar þurfa nú að horfast í augu
við, er að kreppan hverfur ekki
sjálfkrafa. Á Norðurlöndum hefur
sá hugsunarháttur verið ríkjandi
að kreppur komi og fari, og að
bregðast megi við þeim tímabund-
ið með svolítið meiri opinberri
eyðslu og dálítið meiri erlendum
lántökum. Þessi tálsýn er hins
vegar að bresta. Stjórnvöld, at-
vinnurekendur og almenningur
gera sér nú æ betur grein fyrir
að vandanum er aðeins skotið á
frest með þeim hætti. Grundvall-
arbreytinga er þörf og róttæk
uppstokkun þarf að koma til,
bæði í ríkisíjármálum og atvinnu-
lífí. Þar er uppsafnaður vandi, sem
menn hafa hingað til komið sér
hjá að glíma við.
Tölurnar, sem vitnað var til hér
á undan, sýna að íslendingar eru
ekki jafnilla staddir og grannþjóð-
ir okkar. Það er hins vegar engin
ástæða til að halda lengra út á
brothættan ís og gera sömu mis-
tökin og Finnar og Færeyingar
gerðu. Engu verður bjargað með
því að auka útgjöld hins opinbera.
Finnar og Færeyingar standa nú
í svo sársaukafullum niðurskurði,
að aðhald íslenzkra stjómvalda í
ríkisfjármálunum er bamaleikur
einn í samanburði við hann. Engu
verður heldur bjargað með því að
taka fleiri erlend lán. Tillögur um
slíkt eru ákaflega varasamar. Með
því er vandanum aðeins skotið á
frest. Þá sýnir reynsla Færeyinga
og Finna að óbilgjarnar kröfur
launþegahreyfínga gera ekki ann-
að en að seinka lausn vandans. í
Færeyjum kröfðust opinberir
starfsmenn til dæmis launahækk-
ana lengi vel, þrátt fyrir að öllum
mætti vera ljóst hvert stefndi. Nú
mega þeir þakka fyrir að halda
vinnunni og hafa neyðzt til að
taka á sig umtalsverða launa-
lækkun. Sömu sögu er að segja í
Finplandi. Nú virðist hins vegar
raúnsærri tónn í aðilum vinnu-
markaðarins í Finnlandi og talað
er um að launa’kröfur stéttarfé-
laga verði „í samræmi við efna-
hagslega getu þjóðarbúsins," eins
og segir í yfírlýsingu vinnuveit-
enda og verkalýðsforystu frá því
á föstudag.
Islendingar ættu að þakka fyrir
að vera ennþá betur staddir en
sumar af grannþjóðunum og nota
tækifærið til að snúa þróuninni
við áður en komið er í sama óefni
og þar.
AF INNLENDUM
VETTVANGI
ÓMAR FRIÐRIKSSON
Hollenski bankinn Bank Mees & Hope gagnrýnir íslenskt réttarfar og fjármálakerfi
Krefst rannsóknar á skipt-
um þrotabús Stálfélagsíns
lillíÉHS
Morgunblaðið/RAX
Haugurinn umdeildi
Brotajárnshauginn við verksmiðju Stálfélagsins í hrauninu fyrir sunnan Hafnarfjörð er hinn myndarlegasti.
HOLLENSKI bankinn Bank
Mees & Hope, sem var einn
af stærstu lánardrottnum
íslenska stálfélagsins hf.,
hefur óskað eftir því við
Rannsóknarlögreglu ríkis-
ins að hún rannsaki skipta-
meðferð þrotabús Stálfé-
lagsins. S.J. Mulder, aðal-
deildarstjóri hjá Bank Mees
& Hope, segir í samtali við
Morgunblaðið að bankinn
hafi grunsemdir um að svik
hafi átt sér stað þegar mat
var lagt á það magn brota-
járns sem var til staðar þeg-
ar rekstur verksmiðjunnar
stöðvaðist haustið 1991
vegna gjaldþrots en bankinn
átti veð í birgðunum. Bank-
inn telur að birgðirnar hafi
verið 16 þúsund tonn en skv.
mati bústjóra þrotabúsins og
sérfróðra aðila sem hann
kvaddi til var brotajárns-
haugurinn ekki nema sex
þúsund tonn. Haraldur Þór
Ólason í Furu hf. keypti
umrætt brotajárn á nauð-
ungaruppboði 5. mars sl.
fyrir 50 þúsund krónur en
fulltrúar Mees & Hope
mættu ekki á uppboðið.
Morgunbiaðið fékk staðfest hjá
Rannsóknarlögreglu ríkisins að
bankinn hefði sent erindi vegna
þessa máls og óskað eftir rann-
sókn á því. Er það í athugun en
rannsókn er ekki hafin.
Hótanir í bréfi
í bréfí sem bankinn hefur sent
til fyrrv. bústjóra, Helga Jóhann-
essonar og eigenda verksmiðjunn-
ar, Búnaðarbanka og Iðnþróunar-
sjóðs, er því lýst yfir að bankinn
sé mjög óánægður með íslenskt
réttarfar og fjármálakerfið á ís-
landi, sérstaklega vegna þess
hvernig staðið hafí verið að sölu
eigna þrotabúsins en bankinn tap-
aði rúmlega 400 millj. kr. vegna
gjaldþrots Stálfélagsins. í bréfinu-
hótar bankinn því að hann muni
aðvara alþjóðlega bankakerfið við
að eiga viðskipti við íslendinga.
„Við teljum það skyldu okkar
að upplýsa hið alþjóðlega banka-
kerfí eftir öllum mögulegum leið-
um um þá misnotkun sem bankinn
hefur orðið fyrir í viðskiptum sín-
um á íslandi, sem mun án nokk-
urs vafa hafa áhrif á Iánsfjáröflun
landsins erlendis,“ segir m.a. í
umræddu bréfí.
Muider vildi ekki staðfesta að
bankinn hefði sent frá sér þessa
hótun en sagði að þetta mál væri
slæmt fyrir ísland. Hann sagði
einnig að ef lögreglurannsóknin
leiddi í ljós að bankinn hefði orðið
fyrir tjóni yrði sett fram krafa um
endurheimt þess fjár sem hann
hefði tapað fyrir dómstólum.
Gættu ekki hagsmuna sinna
Helgi Jóhannesson, sem var
bústjóri þrotabúsins, sagði að af-
staða bankans kæmi sér á óvart.
Allan tímann hefði verið haft fullt
samstarf með veðhöfum um sölut-
ilraunir en eftir að ljóst varð að
þær gengju ekki upp og ekki yrði
komist hjá nauðungaruppboði
hefðu fulltrúar bankans ekki mætt
eða sett fram tilboð til að gæta
hagsmuna sinna. „Ég get ekki séð
af hveiju þeir eru óánægðir með
að farið sé eftir uppboðs- og gjald-
þrotalögum varðandi lok þessa
máls. Líkt og aðrir veðhafar höfðu
þeir möguleika á að gæta hags-
muna sinna á uppboði en það
gerðu þeir ekki og hafa sjálfsagt
metið það þannig að þetta væri
ekki þess virði að kaupa það á
uppboði. Ég lít svo á að þetta sé
eitthvert innra mál bankans,“
sagði Helgi.
Mat á birgðum á reiki
Bank Mees & Hope veitti ís-
lenska stálfélaginu um fjögurra
milljón dollara fjárfestingarlán og
um tveggja milljón dollara rekstr-
arlán í júní 1991 og var síðar
nefnda lánið með veði í brotajárni
og öðrum rekstrarvörum verk-
smiðjunnar. í tengslum við lánveit-
inguna var brotajárn sem safnað
hafði verið talið vera 18 þúsund
tonn. Járnið var þó aldrei viktað
heldur stuðst við „sjónmat" starfs-
manna en fulltrúar bankans komu
ekki til landsins í tengslum við
þessi viðskipti og sættu sig við
uppgefnar tölur skv. heimildum
blaðsins.
Þegar hollenski bankinn lokaði
svo fyrir öll frekari viðskipti við
Stálfélagið um haustið sama ár
og ljóst varð að gjaldþrot var
óumflýjanlegt var mat á birgðum
brotajárns mjög á reiki. í bókhaldi
aðaleiganda verksmiðjunnar Ip-
asco Steel Ltd. var það bókfært
upp á 22 þúsund tonn en að sögn
Mulders telur bankinn að það hafí
þá verið 16 þúsund tonn.
Bústjóri hélt hins vegar áfram
móttöku brotajárns eftir að verk-
smiðjan stöðvaðist og var því ekki
haldið aðskildu frá því járni sem
fyrir var vegna plássleysis á verk-
smiðjulóðinni. Brotajárnið sem
barst eftir lokun verksmiðjunnar
var hins vegar viktað og kom þá
í ljós við samanburðinn að haugur-
inn sem fyrir var var mun minni
en álitið hafði verið og varð það
niðurstaða bústjóra og sérfróðra
manna sem hann kvaddi til að
birgðirnar hefðu ekki numið nema
sex þúsund tonnum.
Búnaðarbankinn og Iðnþróun-
arsjóður áttu kröfur á 1. veðrétti
í þrotabú Stálfélagsins og leystu
verksmiðjuna til sín á nauðungar-
uppboði í október á síðasta ári
fyrir 50 milljónir króna ásamt 18
þúsund tonnum af brotajárni eða
því magni sem safnað hafði verið
frá því að starfsemi verksmiðjunn-
ar stöðvaðist. Bank Mess & Hope
lagði ekkert boð fram á uppboðinu.
Haraldur Þór Ólason eigandi
Fuitj hf. keypti svo brotajárnið af
Búnaðarbankanum og Iðnþróun-
arsjóði fyrir skömmu. Uppboði á
því brotajárni sem óselt var var
hins vegar frestað um tíma að
kröfu hollenska bankans eða til
5. mars. Haraldur keypti brota-
járnið á uppboðinu en enginn full-
trúi frá Mees & Hope var viðstadd-
ur uppboðið.
Haraldur var einn af hluthöfum
íslenska stálfélagsins á sínum
tíma og mun hollenski bankinn
einnig hafa lýst óánægju með að
Búnaðarbankinn og Iðnþróunar-
sjóður skyldu selja honum brota-
járnshahuginn en Haraldur á í við-
ræðum við eigendurna þessa dag-
ana um kaup á sjálfri verksmiðj-
unni.
Mistök bankans?
Skv. upplýsingum Morgun-
blaðsins álíta margir sem komið
hafa að þessa máli hérlendis að
hollenski bankinn hafi gert mistök
þegar hann ákvað að fjármagna
starfsemi Stálfélagsins sumarið
1991 og ekki tryggt lánin nægi-
lega. Viðbrögð bankans nú stafi
af því að þeir starfsmenn bankans
sem önnuðust þessi viðskipti séu
að reyna að breiða yfir mistökin
gagnvart æðstu yfirmönnum
bankans. Mulder segist hins vegar
vænta hlutlausrar og vandaðrar
lögreglurannsóknar og segir að
þegar niðurstaða liggi fyrir muni
bankinn birta afstöðu sína opin-
berlega.
SH hafnar tilboði um kaup
eða leigu á Jökulfellinu
SAMSKIP hf. hafa gert Sölumiðstöð hraðfrystihúsanna tilboð, þar
sem SH var boðið að kaupa eða taka á leigu Jökulfellið, til þess
að annast freðfiskflutninga til Bandaríkjanna. SH hefur hafnað
þessum tilboðum. Jökulfellið er sérstaklega útbúið frystiskip, sem
Samskip telja, samkvæmt upplýsingum Morgunblaðsins, að sé mun
hagkvæmara til freðfiskflutninga en Hofsjökull, flutningaskip Jökla
hf. sem er 20 ára gamalt skip.
Samkvæmt upplýsingum Morg-
unblaðsins var það mat Samskipa
hf. að með því að taka Jökulfellið
á leigu og selja þess í stað Hofsjök-
ul, sem er í eigu Jökla hf. gæti SH
náð fram umtalsverðri hagræðingu
í freðfiskfíutningum vestur um haf,
eða sem svaraði yfír 5 sentum sent-
um á hvert flutningskíló. Miðað við
18.500 tonna freðfiskflutninga S.H.
á liðnu ári, mætti þannig áætla að
tæp ein milljón dollara, eða rúmar
60 milljónir króna gætu sparast í
flutningum á ársgrundvelli og þá
yfir 180 milljónir króna á þeim
þremur árum, sem leigutilboðið
hljóðaði upp á, samkvæmt upplýs-
ingum Moigunblaðsins.
Ólafur Olafsson forstjóri Sam-
skipa sagði í samtali við Morgun-
blaðið að Samskip hefðu átt í við-
ræðum við Friðrik Pálsson, stjórn-
arformann Jökla og forstjóra SH
um samsiglingar á Ameríku og
meðfram ströndinni. Ólafur sagði
aðspurður um efnislegt innihald
þeirra tilboða sem Samskip hefðu
gert SH. „Ég vil ekki úttala mig
við íjölmiðla um það hvaða tilboð
við erum að gera væntanlegum eða
núverandi viðskiptavinum okkar.“
Ekki viðskiptalegur hagur
Friðrik Pálsson, forstjóri SH og
stjórnarformaður Jökla hf., sagði
þegar hann var spurður hvers
vegna SH hefði hafnað þessum til-
boðum Samskipa: „Við höfnum
þessum tilboðum, einfaldlega vegna
þess að eftir að hafa lagt okkar
besta mat á tilboðin á undanförnum
vikum, var niðurstaða okkar sú að
það hefði ekki í för með sér þann
viðskiptalega bata sem við teldum
nauðsynlegan, til þess að við tækj-
um þá áhættu sem í tilboðunum
einnig fólst.“
Aðspurður hvaða áhætta hefði
falist í því fyrir SH að taka tilboð-
inu, sagði Friðrik: „Það er ýmiss
konar áhætta sem felst í því að
breyta út frá því sem við erum að
gera í dag. Við erum með skip í
rekstri í dag og fyrirtækið Jöklar
hefur gengið mjög vel á undanförn-
um árum og skilað okkur ágætum
hagnaði, þótt lítið félag sé,“ sagði
Friðrik.
Friðrik sagði að niðurstaðan
Jökulfellið
JÖKULFELLIÐ er sérútbúið til flutninga með frystar vörur og Samskip töldu það henta SH injög vel.
hefði því orðið sú, að teknu tilliti
til þeirrar áhættu sem hefði falist
í því „að taka þetta skip til kaups
sem upphaflega var boðið, eða til
leigu, hefði jafnframt þýtt það að
við hefðum þurft að leggja Hofs-
jökli eða reyna að selja hann, sem
ekkert er vitað um hvernig hefði
gengið. Þegar við höfðum farið ofan
í saumana á málinu, þá komumst
við að þeirri niðurstöðu að það var
einfaldlega ekki viðskiptalegur
hagur fyrir okkur að ganga að þess-
um tilboðum,“ sagði Friðrik Páls-
son.
Verkbann sam-
þykkt á alla í
áhöfn Herjólfs
Bæjarstjórn Vestmannaeyja íhugar að
biðja um að deilan verði leyst með lögum
VERKBANNSBEIÐNI Herjólfs hf. á 16 manna áhöfn Vest-
mannaeyjaferjunnar var samþykkt á framkvæmdastjórnar-
fundi Vinnuveitendasambands íslands síödegis í gær. Um
helgina fóru út um þúfur viðræður deiluaðila sem staðið
höfðu yfir sleitulítið í eina viku í Vestmannaeyjum. Bæjar-
sljórn Vestmannaeyja kemur saman til fundar I dag og
sagði Guðjón Hjörleifsson bæjarstjóri að bæjarsljórnin
myndi hugsanlega beina þeirri ósk til löggjafans að hann
setti lög á deiluna.
Verkbannið tekur gildi eftir eina
viku, en þá hefur Hetjólfur verið
bundinn við festar í sjö vikur. Um
miðja næsta viku verða því allir i
áhöfn Heijólfs komnir út af launa-
skrá hjá fyrirtækinu.
Tilboð stýrimanna
Grímur Gíslason, stjórnarformað-
ur Heijólfs, sagði að tvær sáttatillög-
ur hefðu verið settar fram, m.a. sam-
eiginleg tillaga áhafnarhópanna um
skipun nefndar þar sem tveir menn
frá hveijum áhafnarhópi og stjórn
fyrirtækisins ættu sæti. Hlutverk
hennar átti að vera að komast að
samkomulagi um launakerfi starfs-
manna Herjólfs og vinnufyrirkomu-
lag. Nefndin átti að ljúka störfum
fyrir 31. október. Svipuð tillaga kom
frá stjórn Heijólfs sl. föstudag en
hún gekk auk þess út á það að næðist
ekki samkomulag fyrir 15. júlí nk.
yrði skipuð yfirnefnd þriggja manna
sem myndi úrskurða um þessi mál.
Grímur sagði að félag undirmanna
hefði ekki verið tilbúið til að sam-
þykkja þá tillögu.
Grímur sagði að stýrimenn hefðu
gert stjórn Heijólfs tilboð, sem hefði
falið í sér 40-50 þúsund kr. kaup-
hækkun til þeirra á mánuði.
Lög á deiluna
„Það eru ekki margar leiðir í stöð-
unni. Ég sé að það sé annað í þessu
máli en að skoða hvort hægt sé að
setja lög á deiluna og það verður
skoðað á morgun [í dag],“ sagði
Guðjón Hjörleifsson, bæjarstjóri
Vestmannaeyja í gær.
Jón Kjartansson formaður Verka-
lýðsfélags Vestmannaeyja sagði að
engin beiðni hefði borist frá Sjó-
mannafélaginu Jötni í Vestmanna-
eyjum um samúðarverkfall. „Það
væri ákaflega erfitt að neita því
vegna þess hvernig allt er í pottinn
búið, en það verður bara að koma í
ljós,“ sagði Jón.
Guðlaugur Gíslason,_ starfsmaður
hjá Stýrimannafélagi Islands, sagði
að félagið hefði gengið verulega til
móts við óskir útgerðarinnar um
breytt vinnufyrirkomulag og fleira
gegn því að fá ígildi tveggja eftirvin-
nutíma á dag. Því hefði verið hafnað
umsvifalaust. k
Borgarstjóri viðstadd-
ur HM í Svíþjóð
Kynning á
Islandi og
Reykjavík,
MARKÚS Örn Antonsson
borgarstjóri verður viðstaddur
athöfn að lokinni Heimsmeist-
arakeppninni í handbolta á
sunnudaginn. Þar mun einnig
fara fram kynning á íslandi og
Reykjavík og borgarstjóri mun
veita HM ’95 viðtöku fyrir ís-
lands hönd.
Auk borgarstjóra munu þeir Ómar
Einarsson, framkvæmdastjóri
Iþrótta- og tómstundaráðs, Ólafur
Jónsson upplýsingafulltrúi og Gunn-
ar Guðmundsson, forstöðumaður
Laugardalshallar, halda til Svíþjóðar
í vikunni til að kynna sér fram-
kvæmd keppninnar þar. Þeir munu
ásamt borgarstjóra skoða aðbúnað
keppenda og fréttamanna og annað
er snýr að mótshaldi.
Þá verður kynningargögnum um
keppnina hér á landi dreift til blaða-
og fréttamanna.
Hundraðhestaflagengið komið á leiðarenda
Hrepptu slæmt
veður alla leiðina
FÉLAGARNIR 5 í Hundraðhestaflagenginu komust á leiðarenda
um hádegi í gær er þeir komu í Skyndidal norðan Hornafjarðar.
Þeir snéru þar við og fóru aftur vestur Vatnajökul og komu til
Sigöldu í gærkvöldi.
Hundraðhestaflagengið lagði af
frá Snæfelli í gærmorgun og fór
þaðan upp Eyjabakkajökul inn á
Goðahnjúka, að sögn Siguijóns
Péturssonar, sem aðstoðaði félag-
ana fimm við undirbúning ferðar-
innar. Þaðan fóru þeir suður um
Breiðubungu niður á Heiðnaberg-
sjökul og komu í Skyndidal um
hádegisbil. Ófært var um dalinn þar
sem Skyndidalsá var mikið bólgin.
Þeir félagar höfðu þá ekið alla leið-
ina sem ætlunin var að fara á sleð-
um og sneru við. Þeir fóru til baka
ofan við Heiðanbergsjökul og
Skálafellsjökul og fóru fyrir norðan
Esjufjöll. Þaðan tóku þeir stefnuna
á Grímsfjall og svo niður í Jökul-
heima. Þeir komu til Sigöldu um
áttaleytið í gærkvöldi.
Erfið veður
Þeir félagar hrepptu erfið veður
alla þá fimm daga sem þeir voru á
leiðinni frá Horni til Hornafjarðar. *
Slæmt skyggni var á hálendinu alla
dagana og urðu þeir að sleða eftir
lóran mest af leiðinni. Votviðrasamt
var og vosbúð frá morgni til kvölds
á sleðunum. Urðu þeir félagar að
taka sér nokkra hvíld á sunnudag
og bíða betra veðurs og varð ferða-
lagið því einum degi lengri en áætl-
að var.