Morgunblaðið - 16.03.1993, Blaðsíða 31

MORGUNBLAÐIÐVIÐSKIPn/AIVINNUIÍr ÞRIÐJUDAGUR 16. MARZ 1993
31
Bílaleiga
BILALEIGA — í tilefni breytinganna á eignarhaldi AVIS á
íslandi kom hingað Olav Hammerstad, framkvæmdastjóri Evrópudeild-
ar AVIS. Með honum á myndinni er Hafstein J. Reykjalín, eigandi
og forstjóri bílaleigunnar á íslandi.
Bílaleigan RVS hefur
keypt helming í A vis
BÍLALEIGA RVS keypti fyrir
nokkru 50% eignarhlut ALP
bílaleigunnar í AVIS bílaleig-
unni. RVS sem áður átti 50% í
AVIS er þannig orðinn eini eig-
andinn. Avis hefur verið fimm
til sex ár á íslandi, en RVS og
ALP áttu hana saman í tæp tvö
ár. „Það hefur farið frekar lítið
fyrir þessari bílaleigu, en nú er
stefnt að breytingu þar á. Mér
telst til að miðað við stöðuna í
dag sé þetta þriðja stærsta bíla-
leigan á íslandi," sagði Haf-
stein, forsljóri og eigandi
AVIS/RVS.
AVIS bílaleigur er að finna í
sextíu og tveimur löndum heims
og við fyrirtækið starfa um sex
þúsund manns á nítján hundruð
stöðum. Tæp hálf milljón bíla bera
merki fyrirtækisins, en bílaeign
AVIS/RVS á íslandi er nú um 100
bílar.
AVIS hefur gefið út sérstakt
kort sem veitir viðskiptavinum
bílaleigunnar hvar sem er í heimin-
um rétt á ákveðnum afslætti,
mismiklum eftir umfangi viðskipt-
anna. „Viðskiptavinir okkar fá
AVIS kort sem veitir þeim 15-25%
afslátt á viðskiptum innanlands.
Erlendis er afslátturinn frá
10-15% t.d. í Evrópu. Þessi kort
eru rétt að komast í gagnið, en
ætlunin er að allar bílaleigur Avis
verði með þau,“ sagði Hafstein.
Eignaleiga
Aukinn hagnaður Lýsingar
HAGNAÐUR eignaleigufyrir-
tækisins Lýsingar hf. var á sl.
ári 23,9 milljónir eftir skatta
samanborið við 19,6 milljónir
árið áður. Á árinu jókst eftir-
spurn eftir þjónustu fyrirtækis-
ins þrátt fyrir um 14% samdrátt
í fjárfestingum í landinu. Hefur
Lýsing m.a. lagt áherslu á eigna-
leigusamninga um atvinnuhús-
næði og nema þeir nú um 9% af
heildarsamningum í árslok.
Á sl. ári voru nýir kaup- og fjár-
mögnunarleigusamningar ásamt
lánum samtals að fjárhæð 1.100
milljónir. Af eldri samningum voru
greiddar samtals 600 milljónir
króna. í árslok voru samningar og
lán samtals 2.356 milljónir. Hefur
þeirri stefnu verið fylgt hjá Lýsingu
að eiga aðeins viðskipti við fyrir-
tæki eða einstaklinga með rekstur.
Lýsing gaf út tvo nýja skulda-
bréfaflokka á sl. ári sem samtals
voru að nafnvirði 350' milljónir.
Bréfín seldust upp á innan við hálf-
um mánuði. Á árinu voru lagðar til
hliðar á afskriftarreikning 23,4
milljónir í varúðarskyni til að mæta
hugsanlegum töpum. Hefur fyrir-
tækið haldið þeirri reglu að leggja
til hliðar árlega 3,5% af eftirstöðv-
um samninga, lána, víxla og skulda-
bréfa en samtals hafa verið lagðar
til hliðar 96,6 milljónir.
Eigið fé Lýsingar um síðustu
áramót var alls 311 milljónir en
eigið fé og víkandi lán voru sam-
tals 542 milljónir. Eiginfjárhlutfall
var 10,8% og hlutfall eiginfjár og
víkjandi lána var 18,8%, en sam-
kvæmt gildandi lögum um eignale-
igur þarf þetta hlutfall að vera 10%.
Á sl. ári urðu framkvæmdastjóra-
skipti hjá Lýsingu. Kom Ólafur
Helgi Ólafsson, viðskiptafræðingur
í stað Sveins Hannessonar sem var
ráðinn framkvæmdastjóri Félags
íslenskra iðnrekenda. Þá var Jón
Snorri Snorrason, hagfræðingur,
ráðinn aðstoðarframkvæmdastjóri.
Hjá fyrirtækinu eru nú 10 stöðu-
gildi.
Verkfæri
Þýsk-íslenska opnar versl-
unarskrifstofu íMoskvu
Skeljungur
með Snap-on
verkfæri
SKELJUNGUR tók nýlega við
umboði fyrir Snap-on verkfæri,
sem eru bandarísk og notuð
víða um heim við flugvélar, bíla,
skip eða annað.
I frétt frá Skeljungi segir að
sérstaða lykla og toppa frá Snap-
on sé sérstaklega vegna endingar-
innar. Það sem valdi því er fram-
leiðslumátinn en í stað þess að
bræða stálið ojf steypa verfærin í
mótum eru þau mótuð úr köldu
stáli, þannig verði stálið harðara.
Fyrr í þessum mánuði stóð
Skeljungur fyrir kynningu á þess-
um verkfærum þar sem myndin
var tekin. Á myndinni eru Bjarni
Snæbjörn Jónsson framkvæmda-
stjóri markaðssviðs Skeljungs,
Matti Sura sölustjóri evrópskra
dreifiaðila og Sigurður Kr. Sig-
urðsson sölustjori Skeljungs.
ÞÝSK-íslenska hf. hefur sett á fót
verslunarskrifstofu í Moskvu til
að annast framtíðarviðskipti fyrir-
tækisins í Austur-Evrópu. Með til-
komu verslunardeildarinnar sem
verður sérstök deild innan Þýsk-
íslenska hyggst fyrirtækið stór-
auka viðskipti sín við lönd Austur-
Evrópu með sérstakri áherslu á
Rússland.
Þýsk-íslenska hefur ráðið Yuri
Kudinov til að veita verslunarskrif-
stofunni forstöðu, en hann var til
skamms tíma yfirmaður viðskipta-
deildar rússneska sendiráðsins á ís-
landi og áður þess sovéska. Kudino
hefur um árabil haft umsjón með
viðskiptasamningum íslands og Sov-
étríkjanna.
Meðal vörutegunda sem Þýsk-
íslenska hyggst bjóða frá Rússlandi
á þessu ári verður timbur til bygg-
inga og smíða. Mikið framboð er á
ýmsum öðrum vörum sem fyrirhugað
er að kanna möguleika fyrir, ýmist
með beinum kaupum, vöruskiptum
eða þríhliða viðskiptum.
Útbob ríkisvíxla fer fram
mibvikudaginn 17. mars
A morgun fer fram nýtt útboö ríkisvíxla. Um er að ræöa
6. fl. 1993 í eftirfarandi verögildum:
Kr.
Kr.
1.000.000
10.000.000
Kr. 50.000.000
Kr. 100.000.000
Ríkisvíxlarnir eru til þriggja mánaöa meö gjalddaga
18. júní 1993. Þessi flokkur veröur skráöur á Verðbréfa-
þingi íslands og er Seðlabanki íslands viöskiptavaki
ríkisvíxlanna.
Ríkisvíxlarnir verða seldir með tilboðsfyrirkomulagi.
Lágmarkstilboð samkvæmt tilteknu tilboösverði er
5 millj. kr. og lágmarkstilboð í meðalverð samþykktra
tilboða er 1 millj. kr.
Löggiltum verðbréfafyrirtækjum, verðbréfamiðlurum,
bönkum og sparisjóðum gefst einum kostur á að gera
tilboð í ríkisvíxlana samkvæmt tilteknu tilboðsverði.
Athygli er vakin á því að 19. mars nk. er gjalddagi á 4. fl.
ríkisvíxla sein gefinn var út 18. desember 1992.
Aðrir sem óska eftir að gera tilboð í ríkisvíxla eru
hvattir til að hafa samband við framangreinda
aðila, sem munu annast tilboðsgerð fyrir þá og
veita nánari upplýsingar. Jafnframt er þeim sjálfum
heimilt að bjóða í vegið meðalverð samþykktra
tilboða (meðalávöxtun vegin með fjárhæð).
Öll tilboð í ríkisvíxlana þurfa að hafa borist
Lánasýslu ríkisins fyrir kl. 14, miðvikudaginn
17. mars. Tilboðsgögn og allar nánari upplýsingar
eru veittar hjá Lánasýslu ríkisins, Hverfisgötu 6,
í síma 62 60 40.
LANASYSLA RIKISINS
Hverfisgötu 6, 2. hæö, 150 Reykjavík, sími 91-62 60 40.