Morgunblaðið - 07.04.1993, Qupperneq 1

64 SIÐUR B/C
STOFNAÐ 1913
81.tbl. 81. árg.
MIÐVIKUDAGUR 7. APRIL 1993
Prentsmiðja Morgunblaðsins
Ágreiningur um þátttöku Þjóðverja í flugbanninu yfir Bosníu
Hótanir um
stjórnarslit
Bonn, Genf, Sarajevo. Reuter.
MIKIL spenna er í þýsku stjórninni vegna deilna um réttmæti
þess að Þjóðveijar taki þátt í að framfylgja flugbanni yfir Bosn-
íu. Stjórnlagadómstóll kveður í dag upp úrskurð í máli sem sam-
starfsflokkur Kristilegra demókrata, Frjálslyndir demókratar,
efndi til með því að biðja dómstólinn að banna þátttökuna. Sab-
ine Leutheusser-Schnarrenberger dómsmálaráðherra, úr flokki
Fijálslyndra, hvatti í gær til þess að flokksmenn íhuguðu stjórn-
arslit ef úrskurðurinn yrði þeim ekki í vil.
Helmut Kohl kanslari og Kristi,-
legir demókratar hans vilja ein-
dregið að Þýskaland láti meira til
sín taka í alþjóðamálum, þar á
meðal alþjóðlegri friðargæslu.
Ýmsir flokksleiðtogar Fijálslyndra
töldu að stjórnarslit núna myndu
hvorki þjóna hagsmunum Bosníu-
manna né verða til þess að Þjóð-
veijum tækist að skilgreina á ný
stöðu sína á alþjóðavettvangi.
Sameinuðu þjóðirnar hafa falið
Atlantshafsbandalaginu, NATO,
að framfylgja flugbanninu. Þeirri
röksemd er mjög beitt gegn því
að senda þýska flugmenn til Bosn-
íu að fólskuverk nasista í seinni
heimsstyijöldinni séu ekki gleymd
í fyrrverandi lýðveldum Júgóslavíu
og þá einkum meðal Serba.
Stjórnarskrártúlkun
Samkvæmt stjórnarskrá Þýska-
lands er stjómvöldum óheimilt að
láta þýska hermenn taka þátt í
aðgerðum utan hefðbundins
varnarsvæðis NATO. Deilt er um
það hvort þetta eigi einnig að gilda
um friðargæslu, eins og raunin er
í Bosníu.
Bílalest SÞ komst til múslima-
borgarinnar Srebrenica í gær en
leiðtogar múslima á staðnum neit-
uðu fulltrúum samtakanna um
leyfi til að flytja á brott fleiri
óbreytta borgara. Herforingjar
múslima hundsuðu í gær samráðs-
fund sem haldinn var í Genf. Enn
mun þó vera eining um að fram-
hald verði á ótryggu vopnahléi sem
staðið hefur í tíu daga.
Stríðsádeila
Reuter
PETER C. Siegl, listamaður frá Vín, situr hér fyrir framan styttu af
Viktoríu Bretadrottningu við Buckingham-höll þar sem hann mót-
mælti stríðinu í Bosníu í gær í tilefni þess að eitt ár var liðið frá því
umsátrið um bosnísku höfuðborgina Sarajevo hófst. A mótmælaborðan-
um eru nöfn borga og fangabúða á stríðssvæðinu og svörtu stafirnir
í orðunum mynda setninguna: „Verið róleg, það eina sem við getum
gert er að sitja og sjá til.“
ítölsk þingnefnd ræðir meint tengsl mafíunnar við slj órnmálamenn
Kröfu um réttarhöld yfir
Giulio Andreotti hafnað
Rómaborg. Reuter.
ÍTÖLSK þingnefnd féll í gær frá
kröfu um „ að Giulio Andreotti,
fyrrverandi forsætisráðherra,
yrði dreginn fyrir rétt vegna
meintra tengsla við itölsku maf-
íuna. Saksóknarar hafa birt ásak-
anir um spillingu og mútuþægni
á hendur Andreotti og lagði
nefndin til að þingið tæki afstöðu
til pólitískrar ábyrgðar hans en
14. apríl verður ákveðið hvort
svipta eigi Andreotti þinghelgi svo
hægt verði að draga hann fyrir
dómstóla.
Þingnefndin komst hins vegar að
þeirri niðurstöðu að Salvo Lima,
hægri hönd Andreottis á Sikiley,
hefði verið milligöngumaður maf-
íunnar gagnvart stjórnkerfinu í
Rómaborg. Lima tókst ekki að fá
framgengt þeirri kröfu mafíunnar
að fjöldi mafíósa, sem voru fyrir rétti,
yrðu vægt dæmdir. í hefndarskyni
létu glæpasamtökin taka hann af lífi
í mars í fyrra.
Vegna mikils þrýstings frá Kristi-
legum demókrötum og mótmæla
Andreottis sjálfs var fallið frá kröfu
um að hann yrði sóttur til saka.
Andreotti hefur óspart haldið fram
sakleysi sínu og staðið á því fastar
en fótum að samband þeirra Lima
jafngildi ekki því að hann hafí sjálfur
verið viðriðinn mafíuna.
Upplausn í flokknum
Einkaritari og helsti ráðgjafi Arn-
aldos Forlanis, fyrrverandi forsætis-
ráðherra, Gaetano Amendola, var í
gær handtekinn og ákærður fyrir að
þiggja jafnvirði allt að 48 milljóna
króna mútur. Fréttaskýrendur sögðu
það hafa valdið nýjum skjálftabylgj-
um í Kristilega demókrataflokknum,
sem haldið hefur um stjórnartaum-
ana á Italíu í 40 ár, og aukið á vanda
hans. Hneykslismálin á Ítalíu undan-
farna mánuði eru talin geta leitt til
þess að flokkurinn liðist í sundur.
Yngri flokksmenn hafa risið upp og
vilja gera upp við fortíðina með rót-
tækum breytingum á stefnu, starf-
semi og forystu flokksins.
Danska fiskdeilan
Fiskur
fluttur
í fylgd
lögreglu
Kaupmannahöfn. Frá Sigrúnu Davíðsdótt-
ur, fréttaritara Morgunblaðsins.
VIÐRÆÐUR Bjorns Westh,
sjávarútvegsráðherra Dan-
merkur, og danskra sjómanna
virðast nú strandaðar. Sjómenn
fara ekki að fyrirmælum for-
svarsinanna sjómannasamtak-
anna og hóta áframhaldandi
aðgerðum þrátt fyrir tilmæli
áðurnefndra aðila og fiskverk-
enda um að hindra ekki fiskinn-
flutning. Sjómenn segjast verða
í höfn þar til ráðherra fallist á
eða nálgist sjónarmið þeirra. í
gær keyrði fiskflutningabíll í
fyrsta skipti um Jótland í lög-
reglufylgd.
Eftir að hafa haft hægt um sig
undanfarna daga búa hópar
danskra sjómanna sig undir að
taka sér stöðu við landamærin og
feijuhafnir til að koma í veg fyrir
fiskinnflutning til vinnslustöðva og
í gær voru um tvö hundruð sjó-
menn mættir við Padborg. Sjó-
menn segjast þó ekki ætla að tak-
ast á við lögregluna, ef hún að-
stoði fiskflutningabíla, heldur
bregða á önnur ráð. Ekki komi til
greina að hefja veiðar, því dýrara
sé að veiða én sitja heima.
Fimm miUjarða tap
í gær ætluðu sjómenn að stöðva
alla fiskvinnslu, bæði á fiski úr
frystigeymslum og aðfluttum.
Fimm þúsund manns úr fiskvinnsl-
unni hafa verið send heim vegna
hráefnisskorts og reiknað er með
að útflutningsverðmæti upp á jafn-
gildi fimm milljarða ísl. króna hafi
tapast í deilunni.
Norsk flutningafyrirtæki og
fiskútflytjendur hyggjast stefna
dönskum lögregluyfirvöldum fyrir
að hafa leyft sjómönnum að eyði-
leggja fiskfarma.
Dauðadómum mót-
mælt í S-Afríku
SOLOMON Mahlangu, fyrsti liðsmaður
Afríska þjóðarráðsins (ANC) sem fékk
dauðadóm fyrir skæruliðaárás árið
1979, var borinn til grafar að nýju í
gær að viðstöddum 4.000 blökkumönn-
um, sem notuðu tækifærið til að mót-
mæla hengingardómum yfir ANC-
mönnum. Nelson Mandela, leiðtogi
hreyfingarinnar, ávarpaði fólkið og við-
urkenndi að ANC ætti sök á átökum
blökkumanna í landinu ekki síður en
Inkatha-frelsisflokkurinn. Átökin hafa
kostað 8.000 manns lífið á tæpum
þremur árum.
Rcuter