Morgunblaðið - 29.05.1993, Blaðsíða 27

MORGUNBLAÐIÐ LAUGARDAGUR 29. MAÍ 1993
27
Björgvin Jónsson al-
þjóðlegur skákmeistari
Skák
Margeir Pétursson
BJÖRGVIN Jónsson tryggði
sér alþjóðlegan meistaratitil
með árangri sínum á móti
danska skákfélagsins K41 i
Valby, sem lauk um síðustu
helgi. Um árabil hefur Björg-
vin verið aðeins hársbreidd frá
því að hreppa titilinn og á
mótinu í Valby lagði hann
áherslu á að innbyrða hann.
Eftir sigur í fyrstu umferð lét
hann sér nægja jafntefli í öll-
um átta skákunum sem eftir
voru og fimm vinningar
dugðu, þar sem andstæðing-
arnir voru nægilega öflugir,
þar á meðal voru nokkrir stór-
meistarar. Björgvin er þrett-
ándi titilhafi Islendinga í skák.
Á mótinu í Danmörku tefldu
18 skákmenn níu umferðir eftir
svissnesku kerfí og var því ætlað
að gefa efnilegum skákmönnum
tækifæri. Björgvin var þó sá eini
sem nýtti sér það og náði áfanga.
Sigurvegari varð sænski stór-
meistarinn Jonny Hector sem
þekktur er fyrir hvassa og
skemmtilega taflmennsku. Þröst-
ur Þórhallsson, alþjóðlegur
meistari, fór of hægt af stað til
að eiga möguleika á áfanga að
stórmeistaratitli.
Úrslit á mótinu urðu þessi:
1. Hector, Svíþjóð 6Vi v.
2. -3. Lars Bo Hansen, Dan-
mörku og Zigurd Lanka, Lett-
landi 6 v.
4. Vladimir Bagirov, Lettlandi
5 V2 v.
5. —10. Björgvin Jónsson, Þröstur
Þórhallsson, Henrik Danielsen,
Lars Schandorff, Nikolaj Borge
og Flemming Fuglsang, allir
Danmörku 5 v.
Fyrir eru alþjóðlegu meistar-
amir Ingi R. Jóhannsson, Haukur
Angantýsson, Karl Þorsteins,
Sævar Bjarnason, Þröstur Þór-
hallsson og Hannes Hlífar Stef-
ánsson, en telja má víst að hinn
síðastnefndi gangi upp í hóp stór-
meistara í næsta mánuði. Stór-
meistarar verða þá sjö, þar af
fimm virkir, en alþjóðlegir meist-
arar sex talsins, einnig fimm
virkir.
Þetta er mjög óvenjulegt hlut-
fall, í flestum öðrum löndum em
miklu fleiri alþjóðlegir meistarar
en stórmeistarar. Þrír skákmenn
hafa áfanga að alþjóðlega titlin-
um, þeir Héðinn Steingrímsson,
Halldór G. Einarsson og Þröstur
Ámason. Með auknum tækifær-
um fyrir íslenska skákmenn
myndi tala alþjóðlegu meistar-
anna vafalaust tvöfaldast eða
þrefaldast á 2—3 ámm.
Björgvin Jónsson, sem er
fæddur árið 1964, hóf skákferil
sinn suður með sjó og varð strax
á unglingsárum skákmeistari
Keflavíkur og Suðurnesja. Árið
1986 sigraði hann á Haustmóti
Taflfélags Reykjavíkur og árið
eftir náði hann áfanga að alþjóð-
legum meistaratitli á heimavell-
inum í Njarðvík. Titillinn virtist
þá á næsta leiti, en veikindi og
laganám töfðu fyrir. Árið 1990
náði Björgvin svo öðrum áfanga
á Skákþingi íslands á Höfn í
Hornafirði og vann sér jafnframt
sæti í Ólympíuliði íslands.
Það er því vonum seinna að
Björgvin nær titlinum, lengi hef-
ur styrkleikinn verið til staðar. í
landskeppninni við Frakka á dög-
unum vann hann glæsilegar
skákir, en var mistækur og í síð-
ustu umferð lék hann vinnings-
stöðu niður í jafntefli en sigur
hefði tryggt honum alþjóðlega
meistaratitilinn.
Björgvin hefur löngum verið
kunnur fyrir hvassan og
skemmtilegan sóknarstíl sinn, en
hann er líka afar vel lesinn skák-
maður og flestum betur að sér í
byrjanafræðunum. Hann hefur
nú 2.400 Elo-skákstig og næsta
verkefni hans er að leiða sveit
Taflfélags Garðabæjar í Evrópu-
keppni taflfélaga.
Björgvin starfar nú sem lög-
fræðingur hjá íslandsbanka í
Reykjavík.
Við skulum líta á sigurskák
hans frá mótinu í Danmörku:
Hvítt: Burgess, Englandi
Svart: Björgvin Jónsson
Sikileyjarvörn
I. e4 - c5, 2. d4 - cxd4, 3. c3!?
Englendingurinn teflir Morra-
bragð, sem er fáséð, en hann
hefur nýlega ritað bók um bragð-
ið.
3. — dxc3, 4. Rxc3 — Rc6, 5.
Rf3 - e6, 6. Bc4 - Dc7
Hér er oft leikið 6. — a6 bg
síðan Rge7, eða 6. — Bb4 og
Rge7. Burgess fær nú sóknar-
færi fyrir peðið.
7. De2 - Rf6, 8. e5! - d5, 9.
exf6 — dxc4, 10. 0-0 — gxf6
II. Rd5 - Dd8, 12. Hdl -
Bd7, 13. Bf4 - Hc8, 14. Hd2
- Bb4
Svartur átti erfítt með að losa
um sig. 14. — Rb4? var slæmt
vegna 15. Rxf6+! — Dxf6, 16.
Be5,
15. Rc3 — Bxc3, 16. bxc3 —
Da5, 17. Hadl — Hd8, 18. Dxc4
- e5
Hvítur hefur unnið peðið til
baka og staðan virðist u.þ.b. í
jafnvægi, en þá fórnar Burgess
aftur liði fyrir frumkvæðið.
19. Rg5!? - fxg5, 20. Bxg5 -
Björgvin Jónsson, alþjóðlegur
skákmeistari.
Re7, 21. Bf6 - Hf8
Reynir að forðast jafnteflið
sem yrði niðurstaðan eftir 21. —
Hg8, 22. Bxe7 - Kxe7, 23.
Hxd7+. En svartur er í svo mik-
illi klemmu að í næsta leik sér
Björgvin sér ekki annað fært en
að gefa kost á þessu.
22. Hd6 - Hg8
Varast gildruna 22. — Rfð??,
23. Hxd7! Nú ætti hvítur að taka
jafntefli og leika 22. Bxe7 eins
og áður er nefnt, en hann gætir
ekki að sér og Björgvin nær
óvæntri gagnsókn:
23. Dh4?
23. - Hxg2+!!, 24. Kxg2 -
Bc6+, 25. Kgl - Hxd6, 26.
Hxd6 - Dxc3, 27. Dg4??
Hvítur varð að reyna 27. Hxc6
- Rxc6, 28. Dxh7 - Dal+, 29.
Kg2 — Dxa2, 30. h.4, þótt svart-
ur standi til vinnings eftir 30. —
Dd5+ og næst 31. — Rd4.
27. - Del+ Mát.
Helgarskákmót
Taflfélag Kópavogs, Skákfé-
lag Hafnarfjarðar og Taflfélagið
Hellir í Reykjavík gangast fyrir
atskákmóti um helgina. Það hefst
föstudaginn 28. maí kl. 20 í fé-
lagsheimili TK í Hamraborg 5,
Kópavogi, og er fram haldið laug-
ardaginn 29. maí kl. 14 á sama
stað. Tefldar verða sjö umferðir.
Verðlaun eru 15 þús., 9 þús. og
6 þús. Umhugsunartími er hálf
klukkustund á skákina.
Sjötugur
Jónas Arnason
Börn eru fólk. Fólk er menn.
Menn róa á sjó. Veturnóttakyrrur.
Svo kemur fleira fólk. Þá er hó.
„Fuglinn sigursæli sá, sem ég
var að minnast á, goggar mat og
gijónin smá úr grasinu græna og
heitir bara hæna.“ Svo segir í fyrstu
bók sem kom í hendur „krakkanna
á Grænavatni, frá strák sem einu
sinni sat á vatnsbakkanum og
horfði á kríurnar eins og þau“. Það
eru ekki allir höfundar sem muna
eftir litlum frændum sínum, sem
þeir hafa ekki meira en svo séð,
og senda þeim bók, með þeirri eigin-
handaráritun sem hér er eftir höfð.
Það þarf meira að segja meira en
það eitt að vera bæði af Reykjahlíð-
ar- og Skútustaðaætt og Hinriks-
ætt í ofanálag til að vera sjómaður
— blaðamaður — skólamaður —
þingmaður — söngmaður — og þar
á ofan skáld, en þó umfram allt:
Maður.
Enn er „okkar góða kria“ komin
úr suðri. Enn syngur lóan sitt dirr-
indí með lóuglott á nefínu. Enn
geta krakkar á öllum aldrei setið
við hlið Jónasar Árnasonar eitt
sumar á landinu bláa og tekið und-
ir með honum þegar hann hefur
upp rödd sína til söngs og svo til
enn meiri söngs. Og það er þó nokk-
urt vit í því, hvort heldur einu sinni
á ágústkvöldi austur í Þingvalla-
sveit eða þegar hann er að gera
haugasjó úti á Hala svo að hífa
verður trollið inn. Alls staðar er
söngur og fólk — sjór og menn —
kveðskapur — kyrrur.
Jónas er kennari, ekki kenninga-
smiður. Honum þykir vænt um fólk,
en fordild er eitur í hans beinum.
Hann er skáld og skáldskapur hans
er lífið sjálft. Hann ann óspilltri
náttúru en hatar hernaðarbrölt og
brenglað siðferði. Hann er félags-
hyggjumaður og félagsstarf hans
er fólksins vegna. Hann er kvæntur
Guðrúnu og hefur aldeilis ekki
versnað við það og ómetanlegur
verður hennar hlutur alla tíð. Hann
var þingmaður og hann er Þingey-
ingur þó að hann hafi aldrei verið
heimilisfastur í því heimahéraði
sínu. Hann er þar heimamaður samt
og frændum hans þar þykir vænt
um hann rétt eins og honum þykir
vænt um þá. Fyrir þeirra hönd leyfi
ég mér að þakka ræktarsemina alla
tíð. Grænvetningar senda honum
innilegar hamingjuóskir á sjötugs-
afmælinu, með þeirri von að enn
megi hann sitja um stund á vatns-
bakkanum og horfa á kríurnar eins
og krakkarnir þar.
Erlingur Sigurðarson
frá Grænavatni.
FERMINGAR UM
HVÍTASUNNUNA
Ferming í Dómkirkjunni, hvíta-
sunnudag kl. 11. Prestur sr.
Iljalti Guðmundsson.
Fermd verða:
Daníel Pétur Axelsson,
Framnesvegi 31.
Kristín Ásgeirsdóttir,
Fálkagötu 5.
Ferming í Grundarfjarðarkirkju
hvítasunnudag kl. 10.30. Prestur
sr. Sigurður Kr. Sigurðsson.
Fermd verða:
Anna Björk Atladóttir,
Eyrarvegi 24.
Björn Kristján Ásgeirsson,
Fagurhólstúni 12.
Dögg Mósesdóttir,
. Grundargötu 50.
Elsa Fanney Grétarsdóttir,
Grundargötu 88.
Heiðar Þór Bjarnason,
Grundargötu 98.
Hermann Geir Þórsson,
Grundargötu 68.
Jónína Guðrún Kristbergsdóttir,
Fossahlíð 7.
Margrét Eyrún Níelsdóttir,
Hlíðarvegi 19.
María Runólfsdóttir,
Sæbóli 40.
Oddur Hrannar Oddsson,
Hlíðarvegi 21.
Páll Mar Magnússon,
Borgarbraut 2.
Reynir Freyr Reynisson,
Grundargötu 49.
Runólfur Viðar Guðmundsson,
Grundargötu 86.
Sigmar Hrafn Eyjólfsson,
Fagurhólstúni 14.
Sigríður Guðbjörg Arnardóttir,
Sæbóli 38.
Sindri Siguijónsson,
Sæbóli 28.
Skarphéðinn M. Guðmundsson,
Fossahlíð 2.
Soffía Ösp Bæringsdóttir,
Sæbóli 35.
Sóley Ásta Karlsdóttir,
Borgarbraut 9.
Svanborg R. Kjartansdóttir,
Setbergi.
Valdís Asgeirsdóttir,
Sæbóli 34.
Valgeir Hreiðar Kjartansson,
Grundargötu 47.
Vigdís Gunnarsdóttir,
Fagurhólstúni 16.
Sveitarfélög á Suðurlandi
Plastúrg'angi safn-
að til endurvinnslu
Á NÆSTUNNI verður safnað saman landbúnaðarplasti á Suðurlandi
og verður það flutt til Vestmannaeyja þar sem byggðasamlag Eyja-
manna mun nýta það til orkuframleiðslu í nýju sorporkustöðinni Jf
Vestmannaeyjum. Þá er einnig í athugun að nýta hluta plastsins hjá
nýstofnuðu fyrirtæki að Svínafelli í Oræfum, Brennu-Flosa hf., en
það fyrirtæki er að gangsetja sorporkustöð sem ætlað er að kynda
upp sundlaug þar á staðnum.
Talið er að um 900 tonn af land-
búnaðarplasti leggist til á landinu
árlega, og þar af séu um 200 tonn
á Suðurlandi. Bændur á Suðurlandi
og aðrir sem nota landbúnaðarplast
geta komið plastúrgangi, þ.e. Hey-
rúlluplasti, áburðar- og fóðurvöru-
plastpokum, til förgunar í átakinu
sem nú stendur fyrir dyrum, en því
er áætlað að standa frá 1.-16. júní.
Komið verður á fót söfnunarstöð-
um, gámum eða annarri móttökuað-
stöðu, af hálfu þeirra sveitarfélaga
sem þátt taka í þessari tilraun, sem
umhverfisráðuneytið, Stéttarsam-
band bænda, Samband íslenskra
sveitarfélaga og Samband sunn-
lenskra sveitarfélaga standa fyrir.
Fundir heilbrigðis-
ráðherra á Vestíjörðum
Heilbrigðis- og
tryggingamálaráðherra,
Sighvatur Björgvinsson,
efnir til funda á Vest-
fjörðum sem hér segir:
Á Patreksfirði þriðjudaginn 1. júní.
Fundurinn verður haldinn í Félagsheimilinu á Patreksfirði og
hefst kl. 20.30.
Á Tálknafirði miðvikudaginn 2. júní.
Fundurinn verður haldinn í Félagsheimilinu og hefst kl. 20.30.
Á Bíldudal fimmtudaginn 3. júní.
Fundurinn verður haldinn íVerkalýðshúsinu og hefstkl. 20.30.
Á Suðureyri við Súgandafjörð föstud. 4. júní.
Fundurinn verður haldinn í Félagsheimilinu og hefst kl. 20.30.
Aðrir -fundir auglýstir síðar.
Rætt verður um heilbrigðis- og tryggingamál og héraðsmál.
Öllum er heimill aðgangur.
Heilbrigðis- og tryggingamálaráðuneytið,
26. maí 1993.