Morgunblaðið - 08.06.1993, Blaðsíða 20

20
MORGUNBLAÐIÐ ÞRIÐJUDAGUR 8. JÚNÍ 1993
Sjómannadagurinn haldinn hátíðlegur við Reykjavíkurhöfn í besta veðri
Mesti fjöldi í mörg
ár fylgdist með
MIKILL mannfjöldi safnaðist saman við Reykjavíkurhöfn í hlýju
og mildu veðri á sjómannadaginn sl. sunnudag. Björgunarsveitir
af höfuðborgarsvæðinu og þyrla Landhelgisgæslunnar sýndu
búnað sinn og notkun hans og allt að 900 manns gripu tækifærið
og sigldu með varðskipinu Óðni. Slysavarnafélagið veitti sérstaka
viðurkenningu fyrir björgunarafrek og einnig fengu fimm sjó-
menn heiðursmerki sjómannadagsins. Garðar Þorsteinsson, fram-
kvæmdastjóri sjómannadagsins, giskaði á að um 7.000 manns
hefðu mættu mður á höfn.
„Ég er sannfærður um að þetta
er mesta þátttaka í mjög mörg
ár,“ sagði Hannes Þ. Hafstein,
fyrrverandi forstjóri Slysavama-
félags íslands, en hann var kynn-
ir á sjómannadaginn. Kór eldri
borgara kom og söng nokkur sjó-
aralög og varð úr mikill fjölda-
söngur þegar mannfjöldinn tók
undir. „Það var gríðarleg stemmn-
ing, einhver sú albesta, sem ég
hef kynnst" sagði Hannes.
Slysavamafélag íslands veitti
Pétri Kristjánssyni, skipstjóra,
sérstaka viðurkenningu fyrir
björgunarafrek. í september síð-
astliðnum bjargaði hann á síðustu
stundu þremur mönnum úr hafn-
armynninu í Reykjavíkurhöfn eft-
ir að skútu þeirra hafði hvolft.
Sérstök heiðursmerki sjó-
mannadagsins fengu Daníel Guð-
mundsson, vélstjóri, Einar Jó-
hannesson, bryti, Kristján Jóns-
son, loftskeytamaður, Pétur H.
Ólafsson, sjómaður, og Sigurður
Kr. Ámason, skipstjóri, fyrir vel
unnin sjómannsstörf og giftu-
dijúga þátttöku í félagsmálum.
Loks fengu tveir skipstjórar viður-
kenningu fyrir góðan öryggisað-
búnað á skipum sínum en þeir
voru Engilbert Engilbertsson á
Laxfossi og Guðmundur Kjalar
Jónsson á Sjóla HF 1.
Óðinn fór fimm ferðir
Björgunarsveitir úr Reykjavík,
Kópavogi, af Seltjarnamesi og
Kjalamesi ásamt þyrlu Landhelg-
isgæslunnar voru með hefð-
bundna sýningu varðandi slysa-
vamir á sjó og sjóbjörgun og vakti
hún sem endranær mikla athygli.
Varðskipið Óðinn fór fimm
ferðir með fullt skip af fólki, um
170 í hverri ferð.
Sjómenn heiðraðir
Morgunblaðið/Einar Falur
Á sjómannadaginn í Reykjavík var fimm sjómönnum veitt heiðursmerki sjómannadagsins fyrir vel
unnin störf og giftudrjúga þátttöku í félagsmálum. F.v. Daníel Guðmundsson, vélstjóri, Einar Jóhann-
esson, bryti, Kristján Jónsson, loftskeytamaður, Pétur H. Ólafsson, sjómaður, og Sigurður Kr. Árna-
son, skipstjóri.
Morgunblaðið/Einar Falur
Siglt til hafnar
Reykvíkingar tóku forskot á sjómannadaginn sl.
Iaugardag, þegar björgunarbáturinn Hannes Þ.
Hafstein sigldi fánum skrýddur inn í höfnina.
Morgunblaðið/Einar Falur
Siglt með Óðni
Á sjómannadaginn var fólki boðið að sigla með
varðskipinu Óðni og var veður var mjög gott til
slíks ferðalags.
Ólafur Þórarinsson {LrlÍJÖJ J IHHNUffl) og hljómsveitin Karma setja upp þessa vinsælu
sýningu í Súlnasal laugardaginn 12. júní n.k. Sýningin samanstendur af nýjum og gömlum
lögum eftir Labba og hefur hún slegið í gegn á Selfossi undanfarið.
Fram koma: Kári Þormar, píanóleikur. Kristjana Stefánsdóttir, söngur. Blandaður kór
„Austan átta“. Stórhljómsveitin KARMA með söngkonunum þrem.
Kynning: Radíusbræður, Steinn Ármann og Davíð.
Þetta er stanslaus skemmtun, stemmning, hlátur og fjör.
Verð: Sýning og matur 2.900,- kr. (Þríréttaður kvöldverður)
Sýning 1.500,- kr. Dansleikur 850,- kr.
Matargestum verður boðinn fordrykkur við komu.
Misstu ekki af þessari einu sýningu í Súlnasal. Pantaðu tímanlega, í síma 29900
-lofar góðu!
Sjávarútvegsráðherra á sjómannadaginn
„Tímitilað
slíðra sverðin“
ÞORSTEINN Pálsson, sjávarútvegsráðherra, sagði í ræðu á sjómanna-
daginn að við ríkjandi aðstæður í þjóðfélaginu væru allir kallaðir til
ábyrgðarhlutverks. Hann vildi gjarnan sjá víðtæka póiitíska samvinnu
og sátt við launafólk og atvinnulíf. Hann sagði að í hvalveiðimálum
mættu íslendingar hvorki láta bilbug á sér finna né heldur rasa um
ráð fram vegna óþolinmæði.
í hvalveiðimálinu yrði að sjálf-
sögðu að fara fram með gætni og
fullu raunsæi og láta öðrum eftir
að láta einvörðungu stjórnast af til-
finningarökum, sagði Þorsteinn.
Þorsteinn sagðist fagna því ef
unnt væri að skapa umræðuvettvang
milli stjórnar, stjómarandstöðu og
aðila vinnumarkaðarins til þess að
fínna í sameiningu leiðir út úr vand-
anum og bætti við: „Vafalaust hefur
það ekki farið framhjá nokkrum
manni síðustu daga, að bæði gamlar
og nýjar væringar innan stjómmála-
flokka og miili þeirra hafa sett mark
sitt á umfjöllun fjölmiðla um þessi
efni.
Þjóðarvandinn er hins vegar meiri
en svo að við getum látið pólitísk
glímutök eða persónuleg átök ráða
framgangi mála, þó að slíkt geti
verið freistandi bæði fyrir sjálfan
mig og aðra. Nú er tími til að slíðra
sverðin."
Þyrla keypt í haust
Þorsteinn sagði að baráttan fyrir
nýrri öflugri björgunarþyrlu fyrir
Landhelgisgæsluna væri orðin nokk-
uð löng en taldi að í haust myndi
endanleg afstaða verða tekin um
hvemig þyrla yrði keypt.
„Úr heiðnum dómi“
Hermann Pálsson flytur fyrirlestur
við Kennaraháskóla íslands
HERMANN Pálsson, prófessor í
Edinborg, flytur fyrirlestur við
Kennaraháskóla íslands miðviku-
daginn 9. júní sem hann kallar
Úr heiðnum dómi. í honum er
grafist fyrir um þá vitneskju sem
ráðin verður af hvers konar heim-
ildum, í lausu máli og bundnu,
um heiðinn átrúnað forfeðra okk-
ar. Athygli verður einkum beint
að ummælum íslendingasagna um
fornar siðvenjur.
Hermann Pálsson er einn þekkt-
asti núlifandi íslendingur á sviði
norrænna fræða. Hann hefur ritað
flölda bóka og greina um fornsögur
og kvæði og verið eftirsóttur fyrir-
lesari víða um lönd. Hann hefur
ekki alltaf farið alfaraleiðir í rann-
sóknum sínum og
margar nýstár-
legar kenningar
hans hafa vakið
mikla athygli.
Hermann hefur
og þýtt mörg
helstu fornrit
okkar á enska
„ tungu og hafa
Hermann Pálsson. þýðjngar hang
m.a. birst í ritröðinni „Penguin
Classics". Þannig hefur Hermann
lagt ómentanlegan skerf til kynning-
ar á bókmenntaarfi íslendinga.
Fyrirlesturinn í Kennaraháskól-
anum fer fram í stofu B-201 og
hefst kl. 16.15. Öllum er heimill
aðgangur.