Morgunblaðið - 31.07.1993, Blaðsíða 56

fKgimfclfifrtfr
EINARJ. |
SKÚLASON HF j
MORGUNBLAÐIÐ, KRINGLAN 1 103 REYKJAVtK SÍMI 691100, SÍMBRÉF 69II8I, PÓSTHÓLF 1555 / AKUREYRI: HAFNARSTRÆTI 85 LAUGARDAGUR 31. JÚLÍ 1993 VERÐ í LAUSASÖLU 125 KR. MEÐ VSK.

■ Ferðalangar í Aðalvik
ÞÓ AÐ ýmsir leggi í vana sinn að sækja fjölmenn mannamót
um verslunarmannahelgi kjósa aðrir fáfarnari staði eins og
þessir ferðalangar sem tjaldað hafa í Aðalvík á Hornströnd-
um. Fátt virðist líklegt til að raska ró þeirra í sumarblíðunni.
Morgunblaðið/Ámi Sæberg
Valur Valsson bankasljóri íslandsbanka um 5% nafnvaxtahækkun
Aðgerðaleysi hefði þýtt
gífurlegt tap bankans
Ur takti við allt nema e.t.v. slæma rekstrarstöðu bankans, segir forseti ASI
ÍSLANDSBANKI hækkaði nafnvexti á óverðtryggðum útlánum um 5%
í gær, en lækkaði raunvexti verðtryggðra lána um 0,4%. Aðrar innláns-
stofnanir breyttu vöxtum aðeins smávægilega. Valur Valsson, banka-
sj'góri íslandsbanka, segir í viðtali við Morgunblaðið að aðgerðaleysi
hefði þýtt gífurlegt tap fyrir bankann og tjón fyrir sparifjáreigendur,
sem hefðu lent með sparifé sitt í verðbólgubáli í nokkrar vikur. Bene-
dikt Davíðsson, forseti Alþýðusambandsins, gagnrýnir vaxtahækkunina
harðlega og segir hana úr takti við allt, sem sé að gerast í þjóðfélaginu
„nema ef vera skyldi mjög slæma rekstrarstöðu íslandsbanka".
Aðspurður hvort nafnvaxtahækk-
unin nú væri vegna slæmrar stöðu
bankans, sagði Valur Valsson í sam-
tali við Morgunblaðið í gærkvöldi:
„Þessi hækkun er vegna þeirrar verð-
bólgu, sem skellur yfir um þessar
mundir. Hún er ekki vegna fortíðar-
innar.“
Gjald fyrir verðtryggingu
kemur til greina
viðtalinu við Morgunblaðið segir
Valur að verðtryggingin sé mikill
vandi í vaxtamálunum. Þannig séu
75% af innlánum íslandsbanka verð-
tryggð. Mikið af þessu fé sé hins
vegar lánað út óverðtryggt og mis-
munurinn sé nú um 8,6 milljarðar
króna. „Við getum ekki orðið fullgild-
ir aðilar að Evrópumarkaðnum fyrr
en við höfum gert eitthvað í verð-
tryggingarmálunum og vextir til
skamms tíma geta ekki þróazt eðli-
lega á íslandi meðan við erum með
þetta kerfi,“ segir Valur.
Hann segir að til greina komi ein-
hvers konar gjaldtaka fyrir verð-
tryggingu innlána, þannig að hún
verði óhagstæð á skammtímaskuld-
bindingum en hafí lítil eða engin
áhrif eftir því sem skuldbindingarnar
standi lengur.
Sighvatur Björgvinsson viðskipta-
ráðherra segist mjög undrandi á
vaxtahækkun íslandsbanka og segir
hana ganga þvert á það, sem aðrar
innlánsstofnanir séu að gera. Bene-
dikt Davíðsson segir í samtali við
Morgunblaðið að aðgerðin rýri traust
íslandsbanka og í sama streng tekur
Þórarinn V. Þórarinsson, fram-
kvæmdastjóri Vinnuveitendasam-
bandsins, sem segir að íslandsbanki
ýti með þessu undir óstöðugleika í
efnahagslífinu.
Engin breyting hjá
Landsbanka — lítil hjá öðrum
Landsbankinn breytti vöxtum ekki
í gær og hyggst bankastjóm bíða með
vaxtabreytingar, í von um að verð-
bólga aukist ekki til langs tíma. Spari-
sjóðimir hækkuðu vexti víxla um 0,3%
og nafnvexti almennra skuldabréfa-
lána og yfírdráttarlána um 0,8%. Bún-
aðarbankinn lækkaði vexti á verð-
tryggðum útlánum um 0,05%.
Sjá bls. 4 og miðopnu: „Gjald
fyrir verðtryggingu___“
Morgunblaðið/Óskar Sæmundsson
Nýr meistari
ÞORSTEINN Hallgrímsson úr Goif-
klúbbi Vestmannaeyja varð í gær
Islandsmeistari í golfi í fyrsta sinn
og fagnar hér á 18. flöt. Karen
Sævarsdóttir úr Golfklúbbi Suður-
nesja varð meistari í kvennaflokki
5. árið í röð. Sjá bls. 44 og 45.
Strokufangarnir þrír sem sluppu af Litla-Hrauni allir komnir í leitirnar
Sá síðasti faimst í kjallara-
herbergi við Háteigsveg
VEGNA verzlunarmanna-
helgarinnar kemur Morgun-
blaðið næst út miðvikudaginn
4. ágúst nk.
LÖGREGLAN fann Björgvin Þór Ríkharðsson klukkan hálfátta í gær-
kvöldi, síðastan fanganna þriggja sem struku frá Litla-Hrauni á mið-
vikudagskvöldið. Hann var einn í felum í kjallaraherbergi við Háteigs-
veg þegar fíkniefnalögregla og menn úr sérsveit lögreglunnar í
Reykjavík fóru þar inn og handtóku hann. Maðurinn var allsgáður
að sjá, að sögn Magnúsar Einarssonar, aðstoðaryfirlögregluþjóns, og
hafði ekkert gert til að breyta útliti sínu. Hann gafst upp án mótþróa
og sagðist hafa ætlað að gefa sig fram eftir helgina. Hann hafði ekki
verið yfirheyrður nákvæmlega um ferðir sínar í gærkvöldi.
Björgvin Þór og félagar hans
tveir, Hörður Karlsson og Hans Ern-
ir Viðarsson, sem handteknir voru
undir áhrifum fíkniefna að talið er
i húsi við Yrsufell í fyrrinótt, geta
átt yfír höfði sér ákæru og allt að
sex mánaða fangelsisdóm í sérstöku
dómsmáii fyrir að hafa sammælst
um að stijúka úr fangavistinni. Þeir
verða fluttir í gæsluvarðhaldsfang-
elsið við Síðumúla og verða þar látn-
ir sæta einangrunarvist um tíma.
Björgvin Þór Ríkharðsson er gæslu-
fangi þar sem Hæstiréttur hefur
ekki enn fjallað um áfrýjun hans á
10 ára fangelsisdómi sem Héraðs-
dómur Reykjavíkur dæmdi hann í
vegna nauðgana og árása.
Fjöldi vísbendinga
Þá hefur lögreglan í haldi mann
á þrítugsaldri sem handtekinn var í
húsi í Norðurmýri í fyrranótt og
hefur játað að hafa ekið strokuföng-
unum þremur til Reykjavíkur eftir
strokið. Hann hafði samkvæmt upp-
lýsingum Morgunblaðsins farið aust-
ur að Litla-Hrauni á miðvikudags-
kvöldið að beiðni Björgvins Þórs.
Eftir að nöfn og myndir stroku-
fanganna þriggja voru birt í fjölmiðl-
um bárust lögreglunni fjöldi ábend-
inga um ferðir mannanna og segir
Magnús Einarsson að lögreglan sé
afar þakklát bæði almenningi og
fjölmiðium sem auðvelduðu henni
að hafa hendur í hári þeirra en m.a.
barst fjöldi vísbendinga frá fólki sem
taldi sig hafa orðið vart við ferðir
mannanna.
Að sögn Magnúsar var sannleiks-
gildi vísbendinga kannað og það
voru vísbendingar frá almenningi
sem séð höfðu myndir mannanna
sem leiddu til handtöku þeirra. Þó
hafa ekki allar vísbendingamar
reynst jafnáreiðanlegar því sam-
kvæmt upplýsingum Morgunblaðs-
ins höfðu lögreglu m.a. borist til-
kynningar frá fólki sem taldi sig
hafa séð til ferða Björgvins Þórs í
Hvalfirði, á Akureyri, á Austfjörð-
um, í Breiðholti og á Laugavegi.