Morgunblaðið - 31.07.1993, Blaðsíða 38

38
MORGUNBLAÐIÐ LAUGARDAGUR 31. JÚLÍ 1993
Heimir Bjamason
læknir sjötíu ára
Á mánudaginn, 2. ágúst, verður
Heimir Bjamason, aðstoðarhéraðs-
læknir í Reykjavík, sjötugur.
Ekki er það einvörðungu fyrir
náin fjölskyldutengsl og langa vin-
áttu okkar að ég minni á afmæli
Heimis, heldur veit ég með vissu, að
afmæliskveðja mín á samhljóm í
góðum óskum fjölmargra vina hans
víða um land, ættingja og vensla-
fólks.
Um Heimi má með sanni segja
að hann beri gott með sér. Stundum
er líka á orði haft að menn strái um
sig gleði. Ef það orðalag á við um
nokkum mann, fellur það að lýsingu
á mannkostum Heimis Bjamasonar.
Samskipti við hann eru öll hin liðleg-
ustu, þó að ekki sé það fyrir lærðar
kurteisisforskriftir, hvað þá fleðu-
skap, heldur þetta óútskýranlega
sambúðarvit sem góðum mönnum er
gefið. En ekki eru úthverfír persónu-
töfrar einhlítir. Góðvild Heimis og
notalegum samskiptaháttum hans
fylgja gáfur og greind, sem aðrir
mættu öfunda hann af, dugnaður og
fyrirhyggja um embættisverk og eig-
in hag, lifandi áhugi á almannamál-
um.
Heimir Bjamason fæddist í Kaup-
mannahöfn 2. ágúst 1923. Hann var
sonur einstæðrar móður, Helgu
Bjarnadóttur frá Húsavík, sem þá
var við nám þar í borg. Atvik og
aðstæður höguðu því svo, að þessum-
bráðgera Kaupmannahafnar-íslend-
ingi var ungum komið í fóstur hjá
móðursystur sinni, Bimu Bjamadótt-
ur, og manni hennar, Pétri Sigfús-
syni verslunarstjóra, sem þá og lengi
síðan áttu heima á Húsavík. Ólst
Heimir upp til fullorðinsára á fjöl-
mennu myndarheimili þeirra hjóna í
stórum barnahópi sem væri hann
eitt systkinanna, enda enginn munur
gerður þar á. Pétur Sigfússon var
síðar um árabil kaupfélagsstjóri á
Borðeyri og þar átti Heimir ánægju-
rík unglingsár, enda gullvægar sögur
sem hann kann að segja af Hrútfirð-
ingum, ekki síður en frændum sínum,
Þingeyingum.
Eins og tímarnir voru á árunum
fyrir síðari heimsstyrjöld var ekki
einboðið að hver unglingur með góð-
ar námsgáfur hlyti að fara í mennta-
skóla til þess að ljúka stúdentsprófi
tvítugur og halda síðan til háskóla-
náms eins og á færibandi. Raunar
var fágætt að ungt fólk hugsaði tij
langskólanáms á þessum tímum. í
þeim efnum fór Heimir sér hægt eins
og flestir jafnaldrar hans. Hann sat
í Laugaskóla í Reykjadal tvo vetur
í skólastjóratíð dr. Leifs Ásgeirsson-
ar, reyndist þar ágætur námsmaður
og var hvattur til þess, þá tvítugur
að aldri, að sækja um skólavist í
gagnfræðadeild Menntaskólans á
Akureyri. Þar slóst hann í hóp skóla-
félaga, sem nokkurt miseldri var á,
— því að þá var alvanalegt að full-
orðnir menn, harðnaðir af erfiðis-
vinnu á sjó og landi, settust á skóla-
bekk, — en í heild varð úr þessu
samstæður hópur. Heimir féli ágæt-
lega að þessum félagsskap, enda
félagslyndur og fjörmikill auk þess
sem hann var í fremstu röð náms-
manna, jafnvígur á allar greinar.
Hann lauk því stúdentsprófi með
miklu lofí.
Eftir stúdentspróf 1947 tók við
nám í læknisfræði við Háskóla ís-
lands, ekki aðeins langt og strangt,
heldur kostnaðarsamt félitlum stúd-
ent, sem lengst af háskólaárum hafði
fýrir fleirum að sjá en sjálfum sér.
Á öðru ári Heimis í háskólanum gift-
ust þau María Gísladóttir, systir mín,
og hann, stofnuðu heimili og brutust
sameiginlega gegnum þessi erfiðu
námsár. Þetta gerðist árum áður en
umtöluð óspilunarsemi opinbers
námslánakerfis kom til sögu, sú sem
nú er á orði höfð og sögð sliga sjálft
efnahagslífíð. En svo mikið er víst
að þeir sem stunduðu háskólanám á
fímmta og sjötta áratugnum og
höfðu það oft sem hjáverk, þágu
ekki opinbera ölmusu.
Heimir lauk kandídatsprófí í lækn-
isfræði vorið 1956. Næstu þrjú ár
sinnti hann ýinsum læknisstörfum,
meðal annars á sjúkrahúsum í
Reykjavík og _sem staðgöngumaður
héraðslækna. Árið 1959 gerðisthann
héraðslæknir á Djúpavogi og gegndi
þar embætti um níu ára skeið, síðar
á Hellu önnur níu ár. Fyrsta júlí
1977 varð hann aðstoðarborgar-
læknir í Reykjavík (nú aðstoðarhér-
aðslæknir) og hefur annast það starf
síðan. Öllum þessum störfum hefur
hann sinnt af áhuga og árvekni við
traust og vinsældir, sem honum er
svo eðlislægt að ávinna sér.
Heimili þeirra Maju er öllum ætt-
ingjum og vinum kunnugt fyrir gest-
risni og myndarskap. Þar á systir
mín óskilið mál, en hlutur beggja
góður. Þau hafa eignast sjö böm,
allt hið mesta efnisfólk. Þau _ eru
Helga, meinatæknir, gift Olafi
Sveinssyni viðskiptafræðingi og búa
í Reykjavík; Pétur, heilsugæslulækn-
ir á Egilsstöðum, kvæntur Ólöfu Sig-
ríði Ragnarsdóttur kennara; Fanný
Kristín, búsett í Svíþjóð, gift Breka
Karlssyni verkfræðingi; Gísli, verk-
fræðingur í Reykjavík, kvæntur Þor-
gerði Ragnarsdóttur hjúkrunarfærð-
ingi; Birna, nemi, búsett í Noregi;
Heimir, verktaki í Reykjavík, kvænt-
ur Elínu Sigríði Óladóttur; María,
læknir við framhaldsnám í Banda-
ríkjunum, kvænt Ólafi Tryggva Þor-
geirssyni lækni. Barnabörn Heimis
og Maríu em sextán, svo að niðjahóp-
urinn allur er býsna stór.
Meðal samstúdenta og gamalla
skólafélaga yfírleitt er Heimir hrókur
alls fagnaðar á góðri stund og allt
dauflegra ef hann er hvergi nærri.
Ekki er það síst þessi hópur sem ég
sé fyrir mér, að muni taka undir
afmæliskveðju mína, auk venslafólks
og vina annars staðar og úr öðmm
áttum.
Ingvar Gíslason.
R AÐ AUGL YSINGAR
Selfoss
Áskrifendur athugið að umboðsmaður hefur
fengið nýtt símanúmer sem er 23375.
Afgreiðslan er opin frá kl. 7 alla útburðardaga.
fltargiiitMbifrffr
Til leigu
4ra herbergja íbúð ásamt bílskúr í fjölbýlis-
húsi við Stóragerði.
Getur leigst til lengri tíma. Laus nú þegar.
Tilboð leggist inn á auglýsingadeild Mbl.
fyrir 6. ágúst, merkt: „M - 1133.“
-
Einbýlishústil leigu
Einbýlishús á góðum stað á höfuðborgar-
svæðinu til leigu í' 1-3 ár.
Leigist með eða án húsgagna.
Áhugasamir leggi inn nafn og símanúmer á
auglýsingadeild Mbl., merkt: „E - 9911."
Einbýlishús
Til leigu stórt og gott einbýlishús á 101 svæð-
inu. Hentar vel fyrir sendiráð eða stóra fjöl-
skyldu.
Upplýsingar um greiðslugetu og fjölskyldu-
stærð sendist auglýsingadeild Mbl. merkt:
„F - ^839“ fyrir 7. ágúst nk.
Útgerðarmenn
Óskum eftir bátum í föst viðskipti á Suð-
vesturlandi til að veiða keilu, löngu og þorsk.
Svör óskast send til auglýsingadeildar Mbl.,
merkt: „V - 10932.“
Fulltrúar á S.U.S.-þing
Félagsmenn í Huginn, F.U.S. Garðabæ, sem áhuga hafa á að verða
fulltrúar félagsins á þingi Sambands ungra sjálfstæðismanna á Sel-
fossi og í Hveragerði dagana 13.-15. ágúst nk., sendi inn umsóknir
til félagsins í pósthólf 184, 212 Garðabæ, fyrir 4. ágúst nk.
Stjórnin.
Skrifstofuhúsnæði
Til leigu skrifstofuaðstaða með aðgangi að
helstu skrifstofuáhöldum.
Um er að ræða 1-3 herbergi.
Tilboð, merkt: „Múlahverfi - 12803“, sendist
auglýsingadeild Mbl. fyrir 10. ágúst.
Stórt atvinnuhúsnæði
óskasttil leigu
Okkur hefur verði falið af góðu og traustu
fyrirtæki að annast leit að ca. 500 m2 at-
vinnuhúsnæði á jarðhæð til leigu. Heppileg
skipting húsnæðis er að það séu ca. 400
m2 sem vörugeymsla með góðum afgreiðslu-
hurðum og síðan fullbúið ca. 100 m2 skrif-
stofuhúsnæði. Húsnæðið þarf að vera á
góðum stað, sé snyrtilegt og hafi góða að-
komu.
Tilboð, er greini frá stærð húsnæðis og stað-
setningu ásamt verðhugmyndum, óskast
okkur sent fyrir 6. ágúst nk.
Allar ferkari upplýsingar eru veittar á skrif-
stofu okkar.
Þjónustumiðstöð atvinnulífsins,
fyrirtækjasala, ráðningarþjónusta,
Hafnarstræti 20, 4. hæð,
símar 624550/625080,
104 Reykjavík.
qww útboð
Skeiða- og Hrunamannavegur
um Litlu-Laxá
Vegagerð ríkisins óskar eftir tilboðum í lagn-
ingu 1,5 km kafla á Skeiða- og Hrunamanna-
vegi. /
Helstu magntölur: Fyllingar og neðra burðar-
lag 28.000 m3, fláar og efni úr skeringu jafn-
að við hlið vegar 15.000 m3.
Verki skal lokið 1. desember 1993.
Útboðsgögn verða afhent hjá Vegagerð ríkis-
ins á Selfossi og í Borgartúni 5, Reykjavík
(aðalgjaldkera) frá og með 3. ágúst nk.
Skila skal tilboðum á sömu stöðum fyrir kl.
14.00 þann 16. ágúst 1993.
Vegamálastjóri.
Snæfellsnesvegur um Hraunsfjörð
Vegagerð ríkisins óskar eftir tilboðum í lagn-
ingu 5,6 km kafla á Snæfellsnesvegi um
Hraunsfjörð.
Helstu magntölur: Fylling 130.000 m3, rof-
varnir 17.000 m3 , burðarlag 26.000 m3 og
klæðning 35.000m2.
Verki skal lokið 1. september 1994.
Útboðsgögn verða afhent hjá Vegagerð ríkis-
ins í Borgarnesi og í Borgartúni 5, Reykajvík
(aðalgjaldkera) frá og með 3. ágúst nk.
Skila skal tilboðum á sömu stöðum fyrir kl.
14.00 þann 16. ágúst 1993.
Vegamálastjóri.
Útboð
Kirkjuráð óskar eftir tilboðum í smíði rektors-
bústaðar í Skálholti.
Húsið er 220 m2 að stærð, einlyft.
Það skal fullfrágengið til íbúðar.
Verkinu skal lokið fyrir 30. apríl 1994.
Útboðsgögn verða afhent á skrifstofu bisk-
ups íslands, Suðurgötu 22, 150 Reykjavík,
gegn 10.000 kr. skilagjaldi,
Tilboðin verða opnuð á sama stað þriðjudag-
inn 31. ágúst kl. 11.00.
m
Útboð
Olíuverzlun íslands hf. óskar eftir tilboðum
í sandblástur og málun birgðageyma í birgða-
stöðinni á Laugarnestanga. Áætlaður flötur
er 2.000 fm.
Útboðsgögn verða afhent á skrifstofu Olís,
Héðinsgötu 10, gegn 2.000 kr. gjaldi.
Tilboðum sé skilað á sama stað fyrir kl. 11
9. ágúst 1993.
Bújörð óskast
Óskum eftir að taka á leigu sem allra fyrst
bújörð til lengri eða skemmri tíma, með eða
án kvóta.
Tilboð leggist inn á auglýsingadeild Mbl.,
merkt: „B - 3922.“