Morgunblaðið - 14.09.1993, Qupperneq 28

28
MORGUNBLAÐIÐ VIÐSKIPTI/flTVlNWULÍF ÞRIÐJUDAGUR 14, SEPTEMBER 1993
Þvottavélar
á verði
sem allir
ráða við!
Þær nota
HEITT OG KALT vatn
- spara tíma og rafmagn
•Fjöldi þvottakerfa eftir
þínu vali
•Sérstakt ullarþvottakerfi
•Fjölþætt hitastilling
•Sparnaðarrofi
•Stilling fyrir hálfa hleöslu
Verð 52.500,-
49.875,- Stgr.

L85-800 sn. vinda.
Verð 57.500,-
54.625,- Stgr.
CD
ii. 31
\LM munXlán
Heimilistæki hf
SÆTÚNI 8 SlMI 69 15 00 • FAX 69 15 55
Erlent
Coca-Cola vill leggja
heiminn að fótum sér
Hagnaður fyrirtækisins jókst um 19% á fyrri helmingi ársins og salan
stefnir í meira en 14 milljarða dollara á árinu
ÞEGAR Michael Jackson aflýsti tónleikum i Tælandi á sama tíma
og' hann var sakaður um hafa misnotað ungan dreng kynferðislega,
kenndi hann ekki ágengum blaðamönnum um, heldur „uppþornun“.
Coca-Cola sá sér þarna leik á borði í stríðinu við keppinautinn,
PepsiCo, sem er með Jackson á sínum snærum, og auglýsti strax í
blöðunum: „Ertu að þorna upp? Fáðu þér þá kók.“ Þessi snöggu
viðbrögð segja margt um kraftinn á bak við kunnasta vörumerki í
heimi.
Sala Coca-Cola stefnir í meira
en 14,3 milljarða dollara á þessu
ári og nettóhagnaður fyrirtækisins
jókst um 19% á fyrra helmingi árs-
ins, var 1,1 milljarður dollara. Á
sama tíma og margir framleiðendur
og eigendur kunnra vörumerkja
hafa verið að beijast við ódýrari
tegundir og alls konar afsláttartil-
boð í verslunum hafa þeir hjá Coke
verið að reyna að sannfæra vitring-
ana í Wall Street um, að hagnaður-
inn hjá fyrirtækinu muni aukast
um 15-20% á ári lengi enn.
Ástæðan fyrir þessu er „Marl-
boro-föstudagurinn“ svokallaði, 2.
apríl sl., en þá mátti Philip Morris
viðurkenna, að Marlboro-sígarett-
urnar hefðu látið nokkuð undan
síga í baráttunni við ódýrar tegund-
ir, sem margir höfðu ekki einu sinni
heyrt nefndar á nafn. Svarið var
það að lækka verðið. í kjölfarið
lækkaði gengi hlutabréfa í Philip
Morris verulega og margir fóru að
efast um framtíð stóru og kunnu
vörumerkjanna.
Ekki saman að jafna,
sígarettum og kók
í átta síðna skýrslu færði Coke
rök fyrir því, að þetta myndi ekki
henda það. Voru þau helst, að ekki
væri með nokkru móti hægt að
bera saman markaðinn fyrir sígar-
ettur og gosdrykki. Á þetta féllst
Wall Street og hlutabréfaverðið
stökk upp.
Sumum finnst bjartsýnin hjá
Coke raunar fullmikil því að á
Bandaríkjamarkaði er aukningin
lítil milli ára, þó allt að 6% á þessu
Kynningarfundur
DALE
CARNEGIE•
Þjálfun
Miðvikudagskvöld kl.
20.30 að Sogavegi 69
Námskeiðið
Guðrún Jóhannesdóttir
D.C. kennari
Eykur hæfni og árangur einstaklingsins
Byggir upp leiðtogahæfnina
Bæff'rminni þitt og einbeitingarkraftinn
Skapar sjálfstraust og þor
Árangursríkari t j á n i n g
Beislar streitu og óþarfa áhyggjur
Eykur eldmóðinn og gerir þig hæfari í
daglegu lífi
Fjárfesting í menntun skilar þér arði ævilangt.
Innritun og upplýsingar í síma: 812411
2 QB
STJÓRNUNARSKÓLINN
Konráð Adolphsson. Ein1<aumboð fyrir Dale Carnegie® námskeiðin.
ári, en ekki er búist við nema í
mesta lagi 3-4% vexti eftir það.
Salan þar er hins vegar aðeins rúm-
ur þriðjungur af heildarsölunni í
magni og utan Bandaríkjanna er
búist við 8-10% aukningu árlega.
Hér kemur líka til markaðurinn í
kommúnistaríkjunum fyrrverandi
og núverandi, frá Prag til Peking,
en þar eru möguleikarnir gífurlega
miklir.
Ástæður aukins hagnaðar
Þegar litið er á áætlaða aukningu
í Bandaríkjunum og utan þeirra
kemur aðeins út talan 7-8% á ári
og því má spyija hvernig hægt sé
að búast við 15-20% hágnaðaraukn-
ingu árlega. Þeir hjá Coke segja,
að ástæðurnar séu þijár:
í fyrsta lagi geti viðskiptin við
átöppunarverksmiðjurnar gefið
meira af sér. Meginviðskipti fyrir-
tækisins eru með hráefni í gos-
drykkina og síróp, serh framleitt
er samkvæmt leynilegri uppskrift,
og þetta er selt til um 1.300 átöpp-
unarverksmiðja víða um heim. Hér
telur Coke, að svigrúm sé fyrir verð-
hækkun og hagræðingu um leið.
í öðru lagi stefnir Coke að betri
skiptingu milli tegunda en um 40%
af tekjum fyrirtækisins eru af öðru
en kóladrykkjum, meðal annars af
Fanta og Sprite. Coca-Cola hefur
hagnast því meir, sem það hefur
fært meira út kvíarnar og það er
mikið land ónumið að því leyti. Það
sést best á því, að Bandaríkin
standa undir 30% sölunnar en þar
búa þó aðeins 5% mannfólksins.
Utan Bandaríkjanna verður þó oft
að laga framleiðsluna að smekk og
siðum fólks í hveiju landi fyrir sig
en umfram allt að leggja áherslu á
að koma fljótt með nýja vöru á
markaðinn, það er að segja að fylgja
tískusveiflum strax og áður en þær
eru um það bil að renna sitt skeið.
í þriðja lagi er það fjármála-
stjórnin. Hjá Coke er búist við, að
lausafjárstaðan verði svo góð, að
unnt verði að leggja 800 milljónir
dollara eða meira til hliðar á ári en
af slíkri upphæð eru ekki litlir vext-
ir.
Á móti þessu öllu kemur, að
hagnaðurinn á nýjum mörkuðum
getur látið á sér standa. í þróunar-
ríkjunum vex salan mikið en hún
var bara lítil sem engin fyrir og
þótt hún aukist um 25% á ári í
Austur-Evrópu kemst hún aðeins í
200 millj. kassa 1995. Þá má að
lokum nefna, að kostnaður við að
þjálfa upp starfsfólk, koma upp
átöppunarverksmiðjum og við ýmis-
legt annað er verulegur á nýju
mörkuðunum.
Heimild: Economist
Bankamál
Rekstrarspamaður Lands-
bankans 140 millj. á árinu
Selfossi.
MARKMIÐ Landsbankans um 7,5% sparnað í almennum kostnaðarþátt-
um mun nást á þessu ári. Um er að ræða 140 milljónir króna og að-
haldsaðgerðir í rekstri bankans munu einnig skila verulegum sparn-
aði á næsta ári. Þetta kom meðal annars fram á blaðamannafundi sem
bankaráð Landsbankans og bankasljórar héldu á Selfossi fyrir helgi
í tilefni kynnisferðar þeirra um Suðurland. 4. október eru liðin 75 ár
frá því Landsbankinn hóf starfsemi á Selfossi.
Markmiðið með ferð bankaráðsins
og bankastjóranna var að kynnast
starfsemi útibúanna nánar svo og
að kynna sér starfsemi helstu við-
skiptavina bankans á Suðurlandi.
Landsbankinn hefur tekið upp
svæðisskiptingu útibúa sinna, fjögur
svæði eru á höfuðborgarsvæðinu og
sex á landsbyggðinni. Suðurlands-
svæðið nær frá Árnessýslu til Hafn-
ar í Hornafirði. Svæðisstjóri á Suður-
landi er Magnús Gíslason á Selfossi.
Sverrir Hermannsson er sá banka-
stjóri sem hefur umsjón með Suður-
landssvæðinu í aðalbankanum. Með
svæðafyrirkomulaginu er vald fært
nær viðskiptavininum sjálfum til
þess að meiri þekking sé til staðar
innan bankans á málefnum ein-
stakra viðskiptavina og til að auð-
velda ákvarðanatöku heima í héraði.
Á Suðurlandi námu innlán rúmum
5,5 milljörðum en útlán tæplega 8
milljörðum. í heild eru útlán Lands-
bankans á landsbyggðinni umtals-
vert hærri en innlánin. Á Austur-
og Norðurlandi eru þau um fjórð-
ungi hærri en innlán og á Vestfjörð-
um lánar bankinn sem nemur tvö-
földum innlánsviðskiptum á svæð-
inu.
Að sögn bankaráðsmanna og
bankastjóra hefur verið dregið úr
kostnaði á öllum sviðum bankans
og samkvæmt átta mánaða uppgjöri
munu sparnaðarmarkmiðin nást á
þessu ári. Kostnaður við rekstur
bankans minnkar um 140 milljónir
á árinu. í bankanum hefur verið
fækkað um á annað hundrað starfs-
ígildi. Sverrir Hermannsson banka-
stjóri sagði að ekki yrði um neinar
laxveiðar bankastjóra né bankaráðs-
manna á kostnað bankans. Það væri
einn liðurinn í sparnaði bankans.
„Sóun er of viðtekin venja í þessu
þjóðfélagi," sagði Sverrir og að tími
væri kominn til að henni linnti.
í hófi sem bankaráðið hélt við-
skiptavinum sínum á Suðurlandi af-
henti Kjartan Gunnarsson formaður
bankaráðs Fjölbrautaskóla Suður-
lands að gjöf tíu skákborð og skák-
klukkur auk 250 þúsund króna.
Sig. Jóns.
•ttress
Hressingarleikfími kvenna og karla
Haustnámskeið heflast fimmtudaginn 23. september nk.
Kennslustaðir: Leikfimisalur Laugarnesskóla ogíþróttahús Seltjarnarness.
Fjölbreyttar æfíngar
Músik - Dansspuni - Þrekæfingar
- Slökun - Ýmsar nýjungar
Innritun og upplýsingar
í dag og á morgun
kl. 9.00-22.00.
Ástbjörg S. Gunnarsdóttir,
íþróttakennari.