Morgunblaðið - 19.09.1993, Blaðsíða 31

31
MORGUNBLAÐIÐ MINNINGAR SUNNUDAGUR 19. SEPTEMBER 1993
Oskar Jón Everts-
son — Minning
Fæddur 3. febrúar 1915
Dáinn 23. ágúst 1993
Deyr fé,
Deyja frændur,
deyr sjálfur ið sama.
En orðstír
deyr aldregi
hveim er sér góðan getur.
(Hávamál)
Þessi viskuorð Hávamála _ koma
í hugann þegar minnst er Óskars
Evertssonar, þau standa við hans
afmælisdag í dýrmætri bók. Nú er
Óskar allur, en hann lifðl lífínu á
þann veg að hans mun ætíð minnst
sem mikils heiðursmanns.
Óskar var fæddur á Þingeyri 3.
febrúar árið 1915. Hann var sonur
hjónanna Krístínar Guðmundsdótt-
ur. frá Kirkjubóli í Dýrafirði og
Everts Bjömssonar bókbindara,
sem ættaður var frá Hvammsdal í
Saurbæ.
Kristín og Evert hófu búskap á
Staðarhóli í Saurbæ árið 1906.
Evert reisti þar stórt timburhús á
þeirra tíma mælikvarða og þar
bjuggu þau góðu búi í átta ár og
eignuðust tvö böm, Jón Lúðvík og
Ragnheiði. Þegar Jón Lúðvík lést
aðeins sex ára að aldri úr barna-
veiki, fluttust þau hjón með fjöl-
skyldu sína til Þingeyrar árið 1914
og þar fæddist Öskar ári síðar.
Hann var aðeins sex merkur að
þyngd við fæðingu og er það til
marks um hve smár hann var að
faðir hans kom giftingarhring sín-
um upp að olnboga drengsins. Ósk-
ar lýsti því oft hvemig ljósmóðirin
hélt í honum lífinu. Hún tók hann
með sér heim og í nokkrar vikur
vakti hún yfir honum, hlúði að hon-
um og nærði á meðan hann var að
komast yfir erfiðasta hjallann.
Þetta tókst henni og drengurinn
dafnaði.
Sama ár og Óskar fæddist dó
faðir hans úr lungnabólgu. Nokkru
síðar fluttist Kristín með börn sín
suður á land, fýrst að Suður-Reykj-
um í Mosfellssveit, en síðan til
Hafnarfjarðar sem varð þeirra
heimili upp frá því. í Hafnarfirði
óx Óskar upp, gekk þar í skóla og
lauk námi frá Flensborg árið 1932
með góðum árangri. Hann hóf síðan
störf hjá Bæjarútgerð Hafnarfjarð-
ar þar sem hann var verkstjóri til
margra ára.
Fyrir 40 árum fluttist Óskar til
Reykjavíkur og bjó hann hjá systur
sinni Ragnheiði og manni hennar
Sigmundi Sigmundssyni skipstjóra.
Hann hóf störf hjá heildsölufyrir-
tæki Friðriks Sigurbjömssonar og
vann þar um tveggja áratuga skeið.
En um það leyti fór parkinsons-
veikin að hrjá hann. I um 20 ár var
sjúkdómurinn honum erfiður fylgi-
nautur, sérstaklega síðustu árin.
Óskar var mjög trúaður maður
og starfaði í KFUM á yngri ámm.
Hann var ljóðelskur og víðlesinn og
fylgdist vel með í heimi bókmennta,
í athafnalífinu og stjórnmálum.
Ákveðnar skoðanir hafði hann á
málum, hann hélt þeim ákveðið
fram á sinn hægláta hátt þó að
hann þrengdi þeim ekki upp á aðra.
Persónulega sannfæringu sína í
stjórnmálum ræddi hann sjaldan,
en hann var barn síns tíma, Hafn-
firðingur og minnugur erfiðleika
kreppuáranna og mun hafa hallast
að jafnaðarstefnunni ungur.
Oskar var sérstaklega minnugur.
Ég undraðist frábært minni hans,
þegar hann og Ragnheiður systir
hans rifjuðu upp fyrir okkur lífið í
Reykjavík á seinni hluta þriðja ára-
tugarins í tengslum við viðtal við
Ragnheiði sem birt var hér á síðum
Morgunblaðsins fýrir nokkmm
árum. Hann mundi mjög vel alla
staðhætti, byggingar, nöfn eigenda,
eigendaskipti og allar helstu breyt-
ingar sem urðu í bænum á þessum
ámm. Þetta var einstakt hjá manni
sem búsettur hafði verið í Hafnar-
firði á þessum tíma.
Óskar var mjög vandaður maður,
hann var jákvæður og ég minnist
þess ekki að hann léti orð falla
öðrum til hnjóðs. Fáguð framkoma
var honum eðlislæg eins og svo
mörgum öðrum úr hans frænd-
garði. Hann var hefðarmaður af
gamla skólanum. Okkur frænd-
systkinum hans, sem orðinn er
nokkuð fjölmennur hópur, var hann
einlægur og alúðlegur frændi,
áhugasamur um allt það sem hver
og einn tók sér fýrir hendur og
hann fýlgdist vel með hvernig hópn-
um vegnaði í lífinu. Vera má að
áhuginn hafi verið meiri vegna þess
að hann var barnlaus sjálfur, en
hann giftist ekki og átti ekki börn.
Eftir að Ragnheiður varð ekkja
héldu þau heimili saman.
Fyrir nokkurm árum fór parkin-
sons-veikin að ágerast og hann fór
á Elli- og hjúkrunarheimilið Grund
og þar naut hann góðra umhyggju
starfsfólks. Snemma sumars varð
hann fyrir því áfalli að lærbrotna
og dvaldist hann á Landspítala í sjö
vikur við góða aðhlynningu hjúkr-
unarfólks og lækna. Hann náði
ekki heilsu á ný. Hann lést 23.
ágúst. Útför hans fór fram í kyrr-
þey að hans eigin ósk.
Við geymum í minningunni mynd
af hæglátum ljúfum manni, björtum
yfirlitum þar sem hann heilsar bros-
andi.
Blessuð veri minning hans.
Margrét Þorvaldsdóttir.
+
Ástkeer faðir okkar,
tengdafaðir, afi og langafi,
RAGNAR ERLINGSSON
málarameistari,
Austurbrún 2,
lést á heimili sínu 7. september.
Jarðarförin fór fram í kyrrþey að ósk hins látna.
Geir Þórðarson, Jónasfna Jónsdóttir,
Esther Ragnarsdóttir, Páll Kristinsson,
Kolbrún Ragnarsdóttir, Páll Ingimarsson,
Þórarinn Ragnarsson, Lovisa Jóhannsdóttir
barnabörn og barnabarnabörn.
t
POULO. BERNBURG
hljómlistarmaður,
Stigahlíð 12,
sem lést þann 11. september, verður
jarðsunginn frá Fossvogskirkju mánu-
daginn 20. september kl. 13.30.
Þeim, sem vildu minnast hans, er bent
á Krabbameinsfélagið.
Ingunn Bernburg,
Gunnar Bernburg, fris H. Bragadóttir,
Kristján Bernburg, Thérése De Cauwer,
barnabörn og barnabarnabarn.
Elömastofa
Friöfinm
Suöurlandsbraut 10
108 Reykjavík. Sfmi 31099
Opíð öll kvöld
til kl. 22,-einnig um helgar.
Skreytingar við öll tilefni.
Gjafavörur.
+
Innilegar þakkir fyrir auðsýnda samúð
og vinarhug við andlát og útför,
GUÐMUNDAR Gl'SLASONAR,
Efstasundi 16.
Starfsfólki Hvíta bandsins fœrum við
sérstakar þakkirfyrir hlýhug og hjúkrun,
síðustu ár hans.
Aðstandendur hins látna.
LEGSTEINAR
MOSAIK H.F.
Hamarshöfda 4 — sími 681960
Minning
Pálmi Guðmundsson
Fæddur 16. mars 1913
Dáinn 3. september 1993
Vinir koma og vinir fara. Á þann
veg er gangur jarðlífsins, en sakn-
aðartilfinning kemur engin í ljós á
skilnaðarstund nema afstaða hins
brottfarna hafi verið jákvæð.
Pálmi Guðmundsson sem nú hef-
ur kvatt hinn jarðneska ævidag var
sá maður sem tók sína réttu af-
stöðu gagnvart öðrum. Hann
dæmdi ekki persónuna þótt svo að
um eitthvert vandræða ástand væri
þar að ræða heldur leit hann ætíð
á hina jákvæðu hlið málsins. Yfir-
borðskennd ásamt lævísu huglífi
átti hann ekki til. Hann var skap-
stór en þó var hann samt frekar
léttur að eðlisfari og gat jafnvel
verið grínsamur. En stríðni var eng-
in til samhliða því. Andrúmsloft í
hans nálægð á vinnustað var hreint.
Þar náðu óhreinu öflin ekki yfirtök-
um. Pálmi heitinn var alþýðusinnað-
ur maður, tryggur félagi í verka-
mannafélaginu Dagsbrún en það
er eina félagið sem hægt hefur
verið að treysta á í þessu óhreina
þjóðfélagi. Pálmi heitinn missti eig-
inkonu sina fyrir ellefu árum en
tveir eftirlifandi synir þeirra voru
honum styrkur og stoð fram til
hans síðasta dags.
Að endingu votta ég þeim og
öðru skyldfólki hans mína hluttekn-
ingu.
Blessuð sé minning Pálma Guð-
mundssonar.
Þorgeir Kr. Magnússon.
+
Ástkaer eiginkona mín, móðir okkar, dóttir, tengdadóttir og barna-
barn,
BRYNDÍS BJARNADÓTTIR,
Lertegelvegen 62,
Malmö,
sem lést í sjúkrahúsi í Lundi föstudaginn 10. september, verður
jarðsungin frá Víðistaðakirkju í Hafnarfirði þriðjudaginn 21. sept-
ember kl. 13.30.
Blóm og kransar afþakkaðir, en þeim sem vildu minnast hennar,
er vinsamlegast bent á Krabbameinsfélagið.
Birgir Björgvinsson,
Brynja Birgisdóttir, Andri Birgisson,
Guðrún Lárusdóttir, Bjarni Jakobsson,
Ingibjörg Aðalsteinsdóttir, Björgvin Elíasson,
Unnur Pétursdóttir.
+
Elskuleg eiginkona mín, móðir, dóttir,
systir, mágkona og tengdadóttir,
DROPLAUG SVEINBJÖRNSDÓTTIR,
tannlæknir,
Sæbólsbraut 39, Kópavogi,
sem lést 13. september, verður jarð-
sungin frá Fossvogskirkju þriðjudaginn
21. september kl. 15.00.
Þorvaldur Bragason, Birna Þorvaldsdóttir,
Sveinbjörn Björnsson, Guðlaug Einarsdóttir,
Björn Már Sveinbjörnsson,
Einar Örn Sveinbjörnsson, Soffía Ósk Magnúsdóttir,
Bragi Þórðarson, Elín Þorvaldsdóttir.
+
Maðurinn minn, faðir okkar, tengdafað-
ir og afi,
ÓLAFUR S. GUÐJÓNSSON,
húsgagnasmiður
og fyrrv. verkstjóri ó Reykjalundi,
Espigerði 2,
sem lést 3. september, verður jarð-
sunginn þriðjudaginn 21. september kl.
13.30 frá Fossvogskirkju.
Blóm og kransar afþakkaðir, en þeir
sem vildu minnast hans, vinsamlega látið Reykjalund njóta þess.
Anna Þóra Steinþórsdóttir,
Óskar Már Ólafsson, Erla Pálsdóttir,
Guðrún Ólafsdóttir, Guðjón Þór Valdimarsson
og barnabörn.
Birting afmælis- og
minningargreina
MORGUNBLAÐIÐ tekur afmælis- og minningargreinar til
birtingar endurgjaldslaust. Tekið er við greinum á ritstjórn
blaðsins Kringlunni 1, Reykjavík, og á skrifstofu blaðsins í
Hafnarstræti 85, Akureyri.
Athygli skal á því vakin, að greinar verða að berast með góð-
um fyrirvara. Þannig verður grein, sem birtast á í miðvikudags-
blaði að berast síðdegis á mánudegi og hliðstætt er með greinar
aðra daga.
Við birtingu afmælisgreina gildir sú regla, að aðeins eru birtar
greinar um fólk sem er 70 ára eða eldra. Hins vegar eru birtar
afmælisfréttir með mynd í dagbók um fólk sem er 50 ára eða eldra.
Mikil áhersla er á það lögð að handrit séu vel frá gengin, vél-
rituð og með góðu línubili.
Ákjósanlegast er að fá greinarnar sendar á disklingi.