Morgunblaðið - 19.09.1993, Blaðsíða 43

43
MORGUNBLAÐIÐ IÞROTTIR SUNNUDAGUR-19. SEPTEMBER. 1-993
séum með gott lið, þar sem aldrei
hefur verið nein fótboltahefð? Við
verðum að gjöra svo vel að fara
til bæjarbúans og láta hann vita
af því að nú sé kominn tími á að
mæta á völlinn. Ef bæjarbúanum
finnst gaman á vellinum kemur
hann aftur. Við í FH verðum að
gera mikla bragarbót á fyrir næsta
tímabil, en það er ekki nýtt hin
síðari ár að það sé fátt fólk á vellin-
um.“
Hörður sagði liðið eiga skilið
meiri stuðning. „Mér fínnst þetta
slæmt, sérstaklega strákanna
vegna, því þeir eiga skilið meiri
stuðning heldur en þeir hafa fengið
í sumar. Þeir hafa verið að spila
glymrandi fótbolta, en hvorki feng-
ið þann stuðning né umfjöllun, sem
þeir eiga skilið. Varðandi um-
fjöllunina þá hefur það.á vissan
hátt hjálpað til að hafa fengið að
vera nokkuð utan sviðsljóssins
þrátt fyrir geysigóðan árangur. Það
er ekki okkar að stýra henni eða
stjórna og ég er á vissan hátt þakk-
látur fyrir að hún hafi ekki verið
meiri því auðveldara hefur verið
að halda mönnum á jörðinni og
menn hafa ekki misst jarðsamband
vegna mikillar umfjöllunar. En þeir
eiga skilið töluvert meiri umfjöllun
og mun meiri stuðning en þeir hafa
fengið, því þeir hafa lagt mjög
hart að sér frá l.október í fyrra
og uppskorið eins og til var sáð.
Ég ætla bara að vona að þetta
breytist."
Þórir sagðist vera viss um að
þetta ætti eftir að breytast: „Það
er ótrúlegt hvað hefðin er rík. Við
sjáum í handboltanum að um leið
og vel gengur hjá okkur troðfyllist
húsið okkar, við erum að fá uppí
3.500 manns á heimaleik. Ég veit
að fótboltinn er kominn til að vera
í efstu hæðum hjá okkur. Almenn-
ingur í bænum veit nú af þessu og
þetta skilar sér á næsta ári. í þessu
sambandi vil ég taka fram að
leikurinn gegn Fram, sem við unn-
um mjög ljúft á dögunum, hefði
tapast fyrir tveimur árum. Það er
alveg á hreinu. Það er vegna þess
að virðing og hefðir hafa mikið að
segja í þessu. Þegar við lékum síð-
asta leikinn í deildinni 1989 var
íslandsmeistaratitillinn í húfi, en
við töpuðum 2:1 fyrir Fylki. Þá var
liðið engan veginn tilbúið til að
vinna stóra sigra. Strákarnir höfðu
ekki karakter til að ljúka dæminu,
voru skrefi of stuttir. Sömuleiðis í
bikarúrslitaleiknum gegn Val
1991. Núna höfum við lært af
reynslunni, menn eru þess minnug-
ir að stutt er í aumingjann. Liðið
kom mjög vel undir þetta búið og
við náðum þessum sigri gegn Fram,
sem ég tel vera mesta sigur, sem
unnist hefur á knattspyrnusviðinu
í Hafnarfirði."
Hvað með framhaldið?
„Það verður sama stjórn hjá FH,
sem betur fer, og við ætlum að
vona að við fáum að njóta starfs-
krafta Harðar áfram. Það hafa
ekki farið fram neinar formlegar
viðræður, en ég veit að hann hefur
áhuga á að halda áfram með það
sem hann hefur verið að byggja
upp. Það er engin spurning af okk-
ar hálfu að enginn annar kemur
til greina.“
„Það er ekkert öruggt í lífínu,
en nauðvitað er ég mjög jákvæður.
Mér hefur liðið geysilega vel þarna,
stjórnarmenn og leikmenn hafa
verið mjög jákvæðir og ég hef fund-
ið fyrir miklum stuðningi og já-
kvæðu andrúmslofti. Það er gott
að vinna við slíkar aðstæður.“
Verður uppbyggingin eins?
„Það verður ein áherslubreyting
á uppbyggingunni hjá okkur,“
sagði formaðurinn. „Við ætlum að
taka þriðja flokkinn, sem hefur
verið undir unglingaráðinu, inní
meistaraflokkspakkann. Hörður
verður þá væntanlega yfirþjálfari
meistara-, annars og þriðja flokks,
en þjálfarar 3. og 2. flokks verða
aðstoðarmenn meistaraflokksþjálf-
ara eftir föngum. Við ætlum að
nota • haustmánuðina til að fara
yfir þá leikmenn, sem við erum
með, en þeir eru orðnir æði margir
og mjög margir efnilegir í 3. flokki.
Með því að taka þá strax inní meist-
araflokkspakkann sjá þeir hvernig
unnið er að málum í meistara-
flokki, en það er talsvert öðruvísi
en í yngri flokkunum. Sömu reglur
gilda, umgengnisreglur, agamál og
ýmislegt annað, en ég held að
strákarnir hafí mjög gott af því.“
Hörður tók undir orð formanns-
ins: „Þetta er spuming um að temja
mönnum góða siði eins fljótt og
hægt er svo þjálfari meistaraflokks
þurfí ekki að byija á því að temja
mönnum sjálfsagðar umgengis-
venjur, virðingu fyrir búningum og
öðrum eignum félagsins, stundvísi,
kurteisi og svo framvegis. Ég held
að það sé betra ef þessi innræting
á sér stað fyrr og víða er hún til
staðar í yngri flokkunum. Við höf-
um rætt mikið hvernig uppbygg-
ingu eigi að vera háttað og okkur
finnst mjög eðlilegt að byija í 3.
flokki. Hja 4. flokki og yngri situr
leikurinn í fyrirrúmi og þar á ekki
að leggja neina áherslu á að vinna
titla heldur á þetta að vera létt og
skemmtilegt, en gera má meiri
kröfur í 3. flokki og síðan kemur
afrekshugsunin frá 2. flokki og
uppúr.“
Enn var Þórir sammála: „í yngri
flokkunum hefur verið alltof mikil
áhersla lögð á titla, sem skila engu
máli. Það er verið að birta myndir
af sigurvegurum í 5., 6. og 7. flokki
eftir hvert mót. Ég held að það sé
ekki leiðin til árangurs á seinni
stigum. Það á fyrst að byggja upp
félagsmanninn, kenna honum
undirstöðuatriðin í yngri flokkun-
um og síðan kemur árangurinn í
kjölfarið. En almennt viljum við svo
oft flýta okkur. Við erum svo sólgn-
ir í sigra og við erum með foreldra
á hliðarlínunni, sem krefjast þess
að barnið sigri, en það er ekki sig-
ur fyrir barnið, þegar upp er stað-
ið. Sigur er að kenna því góða siði
pg venjur, undirstöður fótboltans.
í þriðja flokki er hægt að leggja
meiri áherslu á leiðina til árang-
urs.“
Áttuð þið von á 2. sætinu?
„Ekki ég,“ sagði Hörður. „Maður
lætur sig alltaf dreyma og vissu-
lega hafði ég ákveðna drauma fyr-
ir þetta ár, en við settum okkur
það markmið að vera fyrir ofan
miðja deild. Ég hefði frekar átt von
á því að frammistaða okkar yrði í
líkingu við Keflvíkinganna. Þeir
hafa staðið sig mjög vel í sumar,
fóru í úrslit bikarkeppninnar og
voru í 4. sæti fyrir síðustu tvær
umferðirnar. Þeir hafa verið kö-
flóttir, átt góð tímabil og önnur
aðeins lakari, og ég hélt að okkar
tímabil yrði svipað, vonaðist til að
við yrðum í 4. til 5. sæti. En við
förum í alla leiki til að sigra og
meðan möguleiki er á að lenda í
1. sæti lætur maður sig dreyma
um það innst inni. Þegar sá mögu-
leiki er ekki lengur fyrir hendi er
það 2. sætið og svo koll af kolli,
en þetta hefur gengið framar von-
um.“
Árangurinn er einnig betri en
Þórir þorði að vona. „Að vera á
meðal fjögurra bestu á íslandi er
meira en að segja það. Að ná fyrsta
sæti er geysierfitt. Mitt markmið
var að vera í miðri deild, í 4. til
6. sæti, og ég hefði ekki verið
óhress með það. Ég veit að til að
gera sama á næsta ári, að hafna
í einu af fjórum efstu sætunum,
verðum við að vanda okkur mjög
mikið. Það er ekki sjálfgefið, þó
við séum að spila næst besta fót-
boltann í dag, því félag eins og
KR, sem hefur gífurlega hefð og
góða leikmenn, kemur eins og
grenjandi ljón á næsta ári og vill
vera í fyrsta til öðru sæti. Sömu
sögu er að segja um Val og Fram.
Enginn þessara klúbba sættir sig
að vera annars staðar en í fyrstu
þremur sætunum. Það er alveg á
hreinu, þannig að róðurinn verður
þungur, því Skagamen, sem hafa
verið lang bestir undanfarin tvö ár,
verða kandídatar á næsta ári, ef
þeir halda svipuðum mannskap.
Það er enginn spurning, því þetta
er aldeilis frábært lið.“
„Tónlist fyrir alla“
Fyrstu tónleikarnir í Kópavogi og á Selfossi og Akranesi í vikunni
AKRANES KÓPAVOGUR SELFOSS
20.-24 scptcmbcr SÖNGTÓNLEIKAR Bcrgþór Pálsson Anna GuÖný GuÖmundsdóttir 20.-24 scptcmbcr SÖNGTÓNLEIKAR Kristinn Sigmundsson Jónas Ingimundarson 20.-24 scptember ANTIQUA MUSICA Sverrir GuÖjónsson, Camilla Södcrberg Snorri Snorrason
18.-22.október FIÐLA, CELLO OG PlANÓ AuÖur Hafsteinsdóttir, Bryndís Halla Gylfadóttir Jónas Ingimundarson 18.-22.októbcr GÍTAR OG FLAUTUR Pétur Jónasson, Martial Nardeau GuÖrún Birgisdóttir 18.-22.október KLARINETTUTÓNLEIKAR GuÖni Fransson Þorstcinn Gauti SigurÖsson
8.-ll.nóvember BLÁSARAKVINTETT REYKJAVÍKUR Bemard Wilkinsson DaÖi Kolbcinsson Einar Jóhanncsson Hafsteinn GuÖmundsson Joscph Ognibcne 8.-1 l.nóvcmber SLAGVERKSTÓNLEIKAR Eggert Pálsson Kjartan GuÖnason Pétur Grétarsson Stccf van Oosterhaut 8.-11 .nóvembcr HUÓMSKÁLAKVINTETTINN Ásgcir H. Steingrímsson Sveinn Ðirgisson Þorkell Jóclsson Oddur Bjömsson Bjami GuÖmundsson
24.-28.janúar FLAUTUTÓNLEIKAR Kolbcinn Bjamason 24.-28.janúar FIÐLUTÓNLEIKAR Sigrún EÖvaldsdóttir Selma GuÖmundsdóttir 24.-28.janúar FIÐLA OG HARMONIKKA Szymon Kuran Reynir Jónasson
21.-26.fcbníar SINFÓNÍUTÓNLEIKAR Sinfóníuhljómsveit íslands 2 l.-26.fcbrúar SINFÓNÍUTÓNLEIKAR Sinfóníuhljómsveit íslands 21.-26.febrúar SINFÓNÍUTÓNLEIKAR Sinfóníuhljómsveit íslands
TÓNLIST fyrir alla er yfirskrift
fjölbreyttra tónleikaraða sem Jón-
as Ingimundarson píanóleikari
hefur skipulagt fyrir veturinn í
samvinnu við þrjú bæjarfélög og
skóla í hveiju þeirra. Hann hefur
fengið tónlistarfólk úr ýmsum átt-
um til að heimsækja Akranes,
Kópavog og Selfoss með nokkurra
vikna millibili fram í febrúar þeg-
ar Sinfóníuhljómsveitin leikur á
lokatónleikum. Það er bæði starf
Jónasar og brennandi áhugamál
að færa fólki tónlistina og tónleik-
arnir í bæjunum þremur eru við-
leitni til að gera þetta á skipulegan
hátt.
Fyrstu tónleikar vetrarins verða
söngtónleikar, í skólum bæjanna
þriggja dagana 20. til 24. septemhor,
og að kvöldi síðasta dagsins verða
svo tónleikar fyrir almenning. Berg-
þór Pálsson syngur á Akranesi, Krist-
inn Sigmundsson í Kópavogi og
Sverrir Guðjónsson á Selfossi. Með
þeim koma fram þekktir hljóðfæra-
leikarar eins og lesa má úr ramman-
um sem fylgir hér með.
„Ég hef spilað á fimmtíu tónleikum
á ári um allt land síðan 1970,“ segir
Jónas, „og margir þeirra hafa verið
í tengslum við einhverskonar tónlist-
arkynningu. Þá hef ég reynt að opna
tónlistina ef svo má segja með því
að spjalla við áheyrendur um verkin
og höfunda þeirra. Oft hef ég heim-
sótt skóla í leiðinni og deilt tónlist-
inni með nemendum á ýmsum aldri
og lært af viðbrögðum þeirra, en
þessar ferðir hafa verið tilviljana-
kenndar og óreglulegar. En í fá-
menni eins og á íslandi er auðvelt
að ná til hæfileikafólks og alger
óþarfí að láta alla þá fegurð sem
felst í tónlistinni fram hjá sér fara.
Best er að börn og unglingar venjist
því snemma að hlusta á góða tónlist,
það er helgidómur sem þau munu
sækja áfram í.
Þessir tónleikar sem eru að fara
af stað á næstu dögum eru framhald
tilraunar sem tókst með ágætum á
Selfossi í fyrravetur. Þar er ég kunn-
ugur og ákvað í samráði við stjórn-
endur grunnskólans og fjölbrautar-
innar að koma í kring nokkrum tón-
leikum af ólíku tagi. Þessu var ákaf-
lega vel tekið og Selfyssingar hafa
óskað eftir frekara tónleikahaldi í
vetur fyrir skólafólk og aðra bæj-
arbúa. Sömu hugmynd verður hrint
í framkvæmd í Kópavogi og á Akra-
nesi. Mér fínnst frábærlega spenn-
andi að færa tónlistina til fólks með
þessum hætti."
CatKerinc Deneuvc . Vincent Perez . LinK Dan PKam . Jean Yanne
ú 1 | BESTA f ERLENDA 1 MYNDIN [ 1993
£ ÚTNEFNINGAR / TIL CESAR CJ VmiLAVNA
Ný t'röusk OskarsverMaunamynd meö CATHERINE DENET
Sjónarsviöib er Indókína á nýlendutíma Frakka laust eftir 1930.
Myndin er tekin í ægifögra landslagi Vietnam á tímum
pólitTskra brevtinga og söguþráburinn
leiftrar af ljóörænni frásagnarlist. ^ ..^. ^
INDÓKÍNA ER SANNKÖLLVÐ X. ,—**♦„*£
STÓRMYND SEM ÞÚ VERÐUR AÐ SJÁ. HASKOLABIO
Catherine Deneuve er töfrandi 1 stormyndinni
í leikstjórn Régis Wargnier