Morgunblaðið - 19.09.1993, Blaðsíða 42
42 MORGUNBLAÐIÐ IÞROTTIR SUNNUDAGUR 19. SEPTEMBER 1993
KNATTSPYRNA
Þórir Jónsson og Hörður Hilmarsson segja að fótboltahefðin í FH í Hafnarfirði sé komin til að vera
ÞjáNarinn og formaðurinn
óaðskiljanlegir í starfi og leik
FH-INGAR eiga spútniklið 1. deildar karla í knattspyrnu, sem
lýkur í vikulokin. Markviss stjórn Harðar Hilrnarssonar, þjálfara,
og Þóris Jónssonar, formanns knattspyrnudeildar FH, hefur
skilað félaginu öðru sæti í deildinni og jafnframt Evrópusæti
að ári. Skilaboð þeirra til Hafnfirðinga eru skýr: Hafnarfjörður
er ekki lengur aðeins handboltabær heldur knattspyrnubær og
fótboltahefðin í FH er komin til að vera.
Morgunblaðið/Kristinn Ingvarsson
Félagarnir Þórir Jónsson til vinstri og Hörður Hilmarsson eru saman nánast öllum stundum.
Félagamir hafa leikið, starfað,
unnið eða verið saman á einn
eða annan hátt í nær þrjá áratugi,
eða síðan þeir voru
á seinna ári í fjórða
Steinþór “ JS . Þónr
Guðbjartsson skipti yfir 1 Val.
„Hann var fyrsti
atvinnumaðurinn á íslandi, fékk
strætómiða til að nota á milli Hafn-
arfjarðar og Reykjavíkur," sagði
Hörður, sem hóf störf hjá FH öðru
sinni fyrir tæplega ári. Þeir vinna
saman hjá ferðaskrifstofunni Úr-
val-Útsýn og sinna knattspyrnunni
hjá FH nánast öllum öðrum stund-
um, en fara í skallatennis með
„gömlum“ Völsurum einu sinni í
viku. Hvernig gengur svona náið
samband?
Sama uppeldið
„Það er mesta furða,“ sagði
Hörður, „og vissulega er þetta
sjaldgæft, en við erum góðir vinir.“
Þórir varð við ósk þess efnis að
taka við stjóm Knattspyrnudeildar
1988, þegar liðið var í 2. deild, og
fékk hann Hörð til starfa í fyrra.
„Hugmyndir okkar um fótbolta
hafa farið mjög vel saman. Til
dæmis gefum við oft einkunnir eft-
ir leiki og þær hafa verið ótrúlega
líkar — við sjáum fótboltann frá
svipuðum sjónarhóli. Eins er að
Hörður hefur fengið mjög gott fót-
boltalegt uppeldi hjá Val. Þar höfðu
Róbert Jónsson og fleiri góðir menn
mikil áhrif á okkur, en ég taldi að
sá hugsunarháttur, sem við fengum
og lærðum á yngri árum, væri
mjög til bóta fyrir fótboltann í FH,
og sóttist því eftir Herði. Við áttum
mjög gott samstarf við Óla Jó.
[Ölaf Jóhannesson], þegar hann
var hjá okkur í §ögur ár, en hann
hrinti af stað þessu, sem við erum
að byggja ofaná í dag, fótbolta-
hefð, sem er komin til að vera.“
Hörður hefur starfað sem þjálf-
ari í áratug, en lá ekki í loftinu að
hann tæki við FH-liðinu vegna
samvinnunnar við formanninn?
„Nei, það held ég ekki,“ sagði
þjálfarinn. „A þjálfaraferlinum hef
ég tekið ákvörðun um að þjálfa
ákveðið lið hveiju sinni. Stundum
hafa verið fleiri en eitt eða fleiri
en tvö í boði og þá hef ég reynt
að vega og meta möguleikana út
frá sjálfum mér og fjölskyldunni
með hjálp góðra vina. Það kemur
ekki alltaf fram hvað manni er
boðið en það kemur fram hvar
maður endar. Þegar Þórir hafði
samband við mig síðast liðið haust
og bauð mér að taka við liði FH
leist mér mjög vel á það og sló
strax til, þurfti ekki mikla úmhugs-
un til, þó aðrir möguleikar væru
vissulega í boði. Mér leist vel á
þetta, fannst þetta kreljandi en
skemmtilegt verkefni. Það var líka
það að þarna var að koma upp
. hópur af ungum mönnum, sem var
hægt að hafa jákvæð áhrif á varð-
andi framþróun þeirra sem fót-
boltamanna. Eg held að þetta sé í
fyrsta skipti, sem stór hópur efni-
legra leikmanna kemur upp hjá FH,
hópur, sem með réttu hugarfari
getur náð langt."
Þórir áréttaði að fyrri þjálfarar
hefðu gert það, sem ætlast var til
af þeim, en tími hefði verið kominn
á breytingar.
„Þegar við réðum Óla Jó. var
hann að mati okkar Vidda [Viðars
Halldórssonar] rétti maðurinn í
þetta. Hann var mikill keppnismað-
ur og feykilega góður leikmaður,
góður þjálfari og félagi. Með því
að vera inná vellinum sjálfur náði
hann að smita út frá sér, því oft
vantaði leiðtoga í liðið. Óli reyndist
okkur frábærlega vel og skilaði
öllu því, sem við ætluðumst til af
honum. Síðasta haust fannst okkur
vera kominn tími til að fá þjálfara,
sem væri aðeins utan vallar, þjálf-
ara, sem gæti gert góða leikmenn
betri. Við vissum að við værum
með ágætis lið, en það er kúnst
að gera góðan mann betri. Það er
engin sérstök kúnst að taka lið upp
á milli deilda, en þjálfarar, sem
hafa þá hæfileika að geta gert
góða menn betri, eru mjög fáir á
Islandi, og ég tala af reynslu. Við
töldum að Hörður hefði þennan
hæfileika og ég held að liðið segi
til um að svo sé.“
Uppbygging
Hörður hefur notað 20 leikmenn
í mótinu í sumar og þar af sex, sem
eru í öðrum flokki. „Þetta hefur
virkað eins og vítamínssprauta á
allt starfíð,“ sagði Þórir. „Einnig
er mjög þýðingarmikið að Hörður
hefur ekki aðeins verið þjálfari
meistaraflokks heldur tekið að sér
æfíngar í 2. flokki og komið á for-
eldrafundi, þar sem hann hefur
rætt hugmyndir sínar um uppbygg-
ingu fótboltans. Við höfum mjög
öflugt unglingastarf og það er mjög
gaman þegar meistaraflokksþjálf-
ari fer á bólakaf í allt, sem við
kemur starfinu.“
Þórir tók upp þá nýbreytni að
fara með liðið í æfingaferðir til fjar-
lægari staða og sagði að í minning-
unni væru það einmitt slíkar ferðir
sem stæðu uppúr. FH gæti ekki
lagt mikið undir í þeirri von að ná
árangri, en mikilvægt væri að
byggja á gleðinni og ánægjunni á
líðandi stund.
„Eg og Viddi lékum saman í
mörg ár og við ákváðum að byggja
upp fótboltann í rólegheitum, því
við getum ekki farið framúr þróun-
inni, en við höfum verið með nán-
ast sömu, samheldnu stjórnina síð-
an 1988. Við vorum með brothætta
yngri flokka og urðum að leggja
grunninn, sem og við gerðum,
koma upp með meistaraflokk, sem
myndi sóma sér vel í 1. deild og
gáfum okkur 10 ár til að vera á
meðal þeirra fremstu. Þessar ferð-
ir, sem við höfum verið að fara,
hafa verið leið í áttina, því þær
hafa ekki aðeins skilað okkur sem
betri félögum og strákunum sem
betri fótboltamönnum heldur situr
í mönnum að gera eitthvað nýtt,
eitthvað öðruvísi. Annað, sem okk-
ur hefur tekist er að strákar, sem
hafa farið frá okkur og spila ann-
ars staðar, eru áfram hluti af FH-
fjölskyldunni. Við höldum sam-
bandi við þá og þeir við okkur; við
lítum áfram á þá sem FH-inga, þó
við lánum þá til annarra félaga í
nokkum tíma.“
Stundum ósammála
Eruð þið alltaf sammála?
„Nei,“ sögðu báðir, en Hörður
bætti við: „Það er ekki algengt að
formaður í knattspyrnudeild, sem
á lið í 1. deild, hafi jafn mikla þekk-
ingu á fótbolta og Þórir, sem lék
sjálfur í mörg ár og var landsliðs-
maður, mjög góður leikmaður.
Þekkingin í stjórninni á fótbolta er
mikil, en fólk heldur að Þórir sé
alltaf að spyija mig hvernig liðið
sé eða að við séum stöðugt að
ræða uppstillinguna, en svo er ekki.
Hann spyr mig aldrei hvernig liðið
sé og ég virði það. Mér finnst það
mjög gott að fá að undirbúa liðið
og hugsa um það í friði frá form-
anninum, sem þó hefur mikið inn-
sæi. En við emm ekki alltaf sam-
mála. Við erum nær því að vera
sammála um fótboltann, sem
áhorfendur, en það er annað en að
leggja línur fyrir lið. Ég er svona
ívið meira í því að draga fram mikil-
vægi dugnaðarforkanna og vinnu-
mannanna í liðinu, því ekki er ein-
göngu hægt að byggja upp lið á
þeim sem skapa eða skora mörkin.
Þeir gera það ekki nema sterkur
kjarni búi að baki. Þegar maður
horfir á leiki vill maður sjá brasil-
íska takta útum allt, en maður er
praktískur, líta verður á praktísku
hliðarnar og sjá hvar. aðalatriðin
liggja."
„Þegar ég tók við stjórninni,“
sagði Þórir, „var fyrsta reglan að
enginn stjórnarmaður skipti sér af
liðinu, kæmi ekki nálægt því og
hefði tæplega rétt á að spyija um
það fyrir leik. Ég geri það aldrei
og hef aldrei gert það. Þetta er
algjör regla og hnýsni útí það hveij-
ir þessir 11 eru hveiju sinni má
ekki vera fyrir hendi. Það er algjör
krafa, enda er þetta mál þjálfar-
ans.“
Bitnar ósamkomulag ykkar í
sambandi við fótboltann á sam-
starfinu í vinnunni?
„Aldrei," sagði Þórir. „Málið er
það að ég veit sjálfur að þjálfari
veit ekki alltaf hvort hann sé að
gera rétt með því að setja þennan
mann í einhveija stöðu eða hafa
hann í liðinu yfir höfuð. En gangur
eíns leiks breytir engu. Það eru
heildar áherslurnar sem skipta
máli í fótbolta sem og öðru í lífinu,
hvernig maður tekur á pakkanum,
hvemig maður hefur rammann, og
við höfum alltaf treyst þessum
þremur þjálfurum, sem við höfum
haft og það hafa aldrei verið uppi
neinar umræður innan stjórnar
hvernig á að stilla liðinu upp og
hvernig liðinu hefur verið stillt
upp. Ekki heldur á milli okkar
hérna í vinnunni.“ „Það er frekar
að við ræðum hvað við getum gert
til að gera góða hluti betri,“ bætti
Hörður við. Og Þórir hélt áfram:
„Kosturinn við þetta er sá að menn,
sem koma úr grasrótinni, eins og
ég og Viðar, þekkjum hugsunar-
gang strákanna, erum nánir þeim
og höfum oft getað komið í veg
fyrir jafnvel leiðindi, þegar menn
eru kannski ekki í liðinu, með því
að tala sjálfir við þá, ræða um lífið
og tilveruná og framgang félags-
ins. í knattspyrnudeild FH vita all-
ir að það er einn sem ræður og það
er þjálfarinn. Þeir vita það líka að
ekki eru margir með puttana í
umgjörð meistaraflokksins enda
held ég að það fari aldrei vel.“
Lítill stuðningur
Þrátt fyrir gott gengi hafa FH-
ingar mátt búa við lítinn stuðning
utan vallar. Þórir sagði að stjórn-
inni væri sjálfri að vissu leyti um
að kenna. „Stór hluti af þessu er
okkur sjálfum að kenna. Hver er
sinnar gæfu smiður. Það er engin
spurning. Ef við erum með gott lið
eigum við að láta bæjarbúa vita
af því. Hvernig á bæjarbúi í
Hafnarfirði að vita af því að við
10
1982
Gengi FH-inga
síðustu árin
FH-ingar voru komnir með aðra
höndina á íslandsbikarinn fyrir
síðustu umferð, stóðu best að
vígi, en töpuðu heima fyrir Fylki
og KA-menn fögnuðu því
íslandsmeistaratitli eftir
sigur qegn ÍBK
í Keflavík.
Besti árangur liðsins í
1. deild. 1989 hlaut
liðið 32 stig, og KA
varð meistari með 34,
en fyrir næst síðustu
umferðina í gær voru
FH-ingar komnir með
34 stig.
2. d
eild
Liðinu var í vor spáð 7. sæti af fyrirliðum,
þjálfurum og formönnum knattspyrnu-
deilda liðanna 10 - en hefur komið mjög á
óvart og er öruggt með 2. sætið og þar
með sæti í UEFA-keppninni næsta haust.
1983 1984 1985 1986 1987 1988 1989 1990 1991 1992 1993