Morgunblaðið - 19.10.1993, Blaðsíða 35

MORGUNBLAÐIÐ ÞRIÐJUDAGUR 19. OKTÓBER 1993
35
þá ekki síst fjölskyldu sinni. Hann
hafði fastmótaðar skoðanir og var
rökfastur, en um leið umburðarlynd-
ur og jákvæður. Guðmundur Vignir
hefur notið mikils trausts og virð-
ingar sakir mannkosta sinna, hæfi-
leika og þekkingar og að verðleik-
um.
Vignir var meðalmaður á hæð,
fríður sýnum og samsvaraði sér
vel, hann var dökkur á hár, en
hærðist með aldrinum. Hann var
jafnan vel klæddur og framganga
hans fáguð og virðuleg.
Þau hjón voru vakin og sofin yfir
þörfum og velferð bama sinna, en
umgengni Vignis við börn var þögul
en nærgætin athygli, ekki síst vit-
ræn, fremur en bein afskipti eða
ærsl, sem ekki var háttur hans.
Vignir bar ekki vandamál sín á
torg, en hann hafði auk missis eig-
inkonu sinnar, sem var honum allt,
átt við heilsubrest að stríða hin síð-
ari árin. Hann gekkst undir hjarta-
aðgerð fyrir fáum árum, en náði sér
undravel og hratt á strik og hélt
fullri starfsorku sinni. Einungis
tveimur mánuðum eftir andlát
Hönnu Veigu greindist hann með
krabbamein, en jafnframt meðferð
þess hélt hann áfram störfum sínum
af áhuga og lét raunar ekki af þeim
meðan stætt var og hann taldi
vinnuveitanda samboðið. Hann var
afskaplega þakklátur samstarfs-
fólki, vinum og ættingjum fyrir hlut-
deild í veikindum hans, svo og lækn-
um þeim og hjúkrunarliði sem önn-
uðust hann, og eru þessum aðilum
öllum færðar bestu þakkir dætra og
skylduliðs.
Magnús Jóhannesson.
Þegar starfsmenn opinberra
stofnana ná ákveðnu aldursmarki
er þeim gert að hætta störfum, hvort
sem þeim er það ljúft eða leitt. Um
þetta gilda ákveðnar reglur, svo sem
flestir vita. Guðmundur Vignir Jó-
sefsson hæstaréttarlögmaður lauk
löngum og farsælum starfsferli sín-
um sem gjaldheimtustjóri í Reykja-
vík hinn 29. febrúar 1992.
Eðli máls samkvæmt setjast flest-
ir í helgan stein á þessum tímamót-
um. Guðmundur Vignir var hins
vegar í fullu starfsfjöri og gat vel
hugsað sér að halda áfram málflutn-
ingsstörfum. Það var mikið lán að
hann skyldi gefa kost á að ganga
til liðs við okkur sem störfum við
embætti ríkislögmanns. Hann kom
til starfa þar strax eftir að störfum
hans sem gjaldheimtustjóra lauk.
Guðmundur var hæstaréttarlög-
maður og hafði í störfum sínum flutt
fjölmörg mál fyrir dómstólum. Hin-
um nýju störfum fylgdu hins vegar
verkefni á öðrum sviðum lögfræð-
innar en hann hafði áður fengist
við sem gjaldheimtustjóri. Það segir
sig sjálft að það hlýtur að hafa ver-
ið mikið átak fyrir mann, kominn á
þennan aldur, að taka þannig að sér
ný verkefni. Þá var einnig framund-
an umbylting í réttarfari, sem allir
er á þessum vettvangi stafa þurftu
að tileinka sér með-tilheyrandi end-
urmenntun. Þetta reyndist engin
hindrun fyrir þann ásetning Guð-
mundar að halda áfram störfum
meðan heilsa leyfði.
Við kynntumst honum ekki að-
' eins sem duglegum og hæfum mál-
flutningsmanni, heidur einnig sem
einstaklega þægilegum og góðum
félaga með ljúft viðmót og ríka
kímnigáfu. Öllum sínum störfum
skilaði hann með miklum ágætum.
Það lýsir styrk Guðmundar að
hann reyndist afkastamikill í störf-
um sínum á þessu tímabili, þrátt
fyrir að mörg þung áföll hafi dunið
yfir á þeim tíma. Eiginkona hans
lést í agsúst á sl. ári eftir erfið viek-
indi. í kjölfar þess komu upp alvar-
leg veikindi hans sjálfs. Hann var
staðráðinn í að beijast til þrautar
við sjúkdóminn og lét ekki bugast.
Slíkur baráttumaður var hann.
Hann hélt ódeigur áfram störfum
sínum meðan kraftar entust.
Við þökkum Guðmundi nú að leið-
arlokum fyrir ánægjulegt samstarf
og kveðjum hann með söknuði.
Dætrum Guðmundar og fjölskyldu
hans allri vottum við samúð okkar.
Guð blessi minningu Guðmundar
Vignis Jósefssonar.
Samstarfsmenn við embætti
ríkislögmanns.
Hellismótið byrjar um helgina
Skák
Margeir Pétursson
FJÓRIR stórmeistarar og sjö
alþjóðlegir meistarar eru skráð-
ir til leiks á alþjóðaskákmót
Taflfélagsins Hellis í Reykjavík.
Það hefst á laugardaginn í
Menningarmiðstöðinni Gerðu-
bergi í Breiðholti. Þátttakendur
verða alls 20 talsins, þar af sjö
erlendir meistarar. Tefldar
verða níu umferðir eftir svissn-
esku kerfi. Upprennandi ís-
lenskir skákmenn eiga þess kost
að vinna sér inn áfanga að al-
þjóðlegum titlum.
Erlendu þátttakendurnir eru frá
sex löndum. Sá þeirra sem lengst
kemur að er alþjóðlegi meistarinn
Bolat Asanov frá Kasakstan. Þetta
mót er einskonar millistig á milli
hefðbundnu lokuðu mótanna og
þeirra opnu. Fyrirkomulagið er
nokkuð tíðkað erlendis og hentar
sérlega vel til að gefa sem flestum
skákmönnum á uppleið tækifæri.
Þátttakendur verða þessir, tald-
ir eftir upp eftir stigum:
Helgi Ólafsson SM 2.530
Bischoff, Þýskalandi SM 2.515
Hannes H. Stefánsson SM 2.500
Gausel, Noregi AM 2.500
McNab, Skotlandi SM 2.490
Kristensen, Danmörku AM 2.470
Þröstur Þórhallsson AM 2.440
VanMil, Hollandi AM 2.435
Pliester, Hollandi AM 2.420
Björgvin Jónsson AM 2.405
Asanov, Kasakstan AM 2.385
Helgi Áss Grétarsson 2.365
Jón Garðar Viðarsson 2.325
Halldór G. Einarsson 2.320
Róbert Harðarson 2.320
Andri Áss Grétarsson 2.310
Sigurður D. Sigfússon 2.295,
Guðmundur Gíslason 2.270
Snorri G. Bergsson 2.265
Dan Hansson 2.250
Miðað við þátttakendalistann
ættu að vera afar góðar horfur á
íslenskum sigri á mótinu og áföng-
um að titlum.
FIDE einvígið byrjað aftur
Eftir þriggja vikna hlé settust
þeir Anatólí Karpov og Jan Tim-
man aftur að tafli á sunnudag í
Djakarta í Indónesíu og tefldu
þrettándu skákina. Timman hafði
hvítt og komst ekkert áleiðis.
Honum láðist að leika a2-a3 og
hindra Karpov í að létta á stöð-
unni með uppskiptum. Síðan leyst-
ist skákin fljótt upp í jafntefli.
Karpov hefur því enn tveggja
vinninga forskot, Tim-
man á því enn einhvetja möguleika
á að verða opinber heimsmeistari
Alþjóðaskáksambandsins, en nái
Karpov einum vinningi meira í
forskot fer að verða útséð um
úrslit.
13. einvígisskákin:
Hvítt: ían Timman .
Svart: Anatólí Karpov
Réti byijun
1. Rf3 - Rf6, 2. g3 - d5, 3. Bg2
- c6, 4. 0-0 - Bg4, 5. b3 -
Rbd7, 6. Bb2 - e6, 7. c4 -
Bd6, 8. d3 - 0-0, 9. Rbd2 -
De7, 10. Dc2 - e5, 11. h3 -
Bxf3, 12. Rxf3 - Hfe8, 13. e3
- Ba3, 14. Bxa3 — Dxa3, 15.
cxd5 - Rxd5, 16. Hfdl - a5,
17. d4 - e4, 18. Re5 - Rxe5,
19. dxe5 — Hxe5, 20. Bxe4 —
Hxe4, 21. Dxe4 - Rc3, 22. Dc2
- Rxdl, 23. Hxdl - De7, 24.
Hd4 - Hd8, 25. De4 - Df8, 26.
h4 — g6, 27. De5 Jafntefli.
Kasparov nálgast sigurinn
Nú er eingöngu dagaspursmál
hvenær úrslit ráðast í heimsmeist-
araeinvígi Kasparovs og Shorts í
London. Eftir jafntefli í 18. skák-
inni á laugardaginn er staðan IIV2
—6V2 Kasparov í vil og hann þarf
aðeins hálfan vinning í viðbót til
að veija titilinn og vinning til að
tryggja sér sigur. Hann hefur hvítt
í 19. skákinni í dag.
Af 18. skákinni að dæma hefur
Kasparov loksins fundið sér nokk-
uð trausta vöm gegn leik Fisch-
ers, 6. Bc4, í Najdorf afbrigðinu:
Hvítt: Nigel Short
Svart: Gary Kasparov
Sikileyjarvörn
1. e4 - c5, 2. Rf3 - d6, 3. d4
— cxd4, 4. Rxd4 — Rf6, 5. Rc3
— a6, 6. Bc4 — e6, 7. Bb3 — b5,
8. 0-0 - Be7, 9. Df3 - Dc7, 10.
Dg3 - 0-0, 11. Bh6 - Re8, 12.
Hadl - Bd7m, 13. Rf3 - a5!?
Endurbætir taflmennsku svarts
í skákinni Kasparov—Gelfand,
Linares í febrúar. Þar tefldi svart-
ur mjög illa: 13. — b4?! 14. Re2
— a5, 15. Rf4! - Kh8, 16. Bg5 -
Rf6, 17. Dh4 - Bb5?, 18. Rd4! -
Be8, 19. Rdxe6! — fxe6, 20. Rxe6
— Da7, 21. e5 — dxe5, 22. Rxf8
— Bxf8, 23. Bxf6 - gxf6, 24.
Hd8 - Rd7, 25. Dg4 gefíð.
14. a4 - b4, 15. Re2 - Rc6, 16.
Rf4 - Bf6, 17. Rd3 - e5!, Fer
langt með að jafna taflið. Hvítu
riddararnir eru ekki í stakk búnir
til að taka þátt í baráttunni um
d5 reitinn.
18. Be3 - Be7, 19. Rd2 - Rf6,
20. f3 - Hfe8, 21. Khl - Be6,
22. Hfel - Hac8, 23. Df2 -
d5!, 24. Bb6 - Db8, 25. Bc5 -
Bxc5, 26. Rxc5 — Rd4, 27. Rxe6
— fxe6, 28. exd5 — Rxb3, 29.
Rxb3 — exd5, 30. Rxa5 — Da8,
31. Rb3 - Dxa4, 32. Hal -
Dc6, 33. He2 - d4, 34. Del -
Dd6, 35. Ha5 - d3
Jafntefli.
Svava til Euro-Disney
Skáksambandi íslands bauðst
nýverið að senda unga keppendur
á Euro-Disney atskákmótið í sam-
nefndum skemmtigarði rétt hjá
París í Frakklandi. Þar munu etja
kappi böm fædd 1979 og síðar.
Keppt verður bæði í drengja- og
telpnaflokki. Úrtökumót fyrir
stúlkur fæddar 1979 og síðar fór
fram um helgina í húsakynnum
SÍ í Reykjavík. Það verður Svava
Bjarney Sigbertsdóttir, 13 ára
nemandi í Árbæjarskóla sem fer
til Euro-Disney fyrir jólin. Röð
þeirra efstu varð þessi:
1. Svava Bjarney Sigbertsdóttir
8‘/2 v. af 9 mögulegum.
2. Berta Ellertsdóttir, Grunda-
skóla á Akranesi 7 v.
3. -4. Harpa Ingólfsdóttir, Hjalla-
skóla í Kópavogi og Margrét
Hanna Bragadóttir, Langholts-
skóla í Reykjavík 6 v.
5. Halldóra Þorsteinsdóttir, Hofs-
staðaskóla í Garðabæ 5*/2 v.
6. Anna María Þorsteinsdóttir,
Húsaskólá Reykjavík 5 v.
7. Ingibjörg Birgisdóttir, Hóla-
brekkuskóla, Reykjavík 4 v.
Halldóra, sem lenti í 5. sæti,
er aðeins níu ára. Henni einni tókst
að marka á sigurvegarann.
Minning
Benedikt Benedikts
son málarameistari
Fæddur 12. október 1910
Dáinn 9. október 1993
í dag er til moldar borinn á Akur-
eyri tengdafaðir minn og vinur,
Benedikt Benediktsson, málara-
meistari, sem lengst af bjó í Strand-
götu 43 en hin allra síðustu ár í
Skarðshlíð 24. Ekki er að efa að
eldri borgarar á Akureyri muna
Benedikt, svo mörg og giftudijúg
spor sem hann skildi eftir sig þar í
bæ á löngum starfsferli. Benedikt
Aðalsteinn Benediktsson, eins og
hann hét fullu nafni, var fæddur 12.
október 1910 í Garðsvík á Svalbarðs-
strönd. Foreldrar hans voru Bene-
dikt Magnússon söðlasmiður og
bóndi í Garðsvík og kona hans Helga
Jóhannesdóttir en þau voru bæði
ættuð úr Þingeyjarsýslu. Benedikt
Magnússon dó langt um aldur fram,
aðeins 34 ára, fjórum mánuðum fyr-
ir fæðingu Benedikts tengdaföður
míns. Nokkrum árum eftir lát manns
síns flutti Helga til Akureyrar með
börn sín en þau voru auk Benedikts,
dæturnar Sigrún, f. 1899, og Aðal-
björg, f. 1904. Þær eru nú báðar
látnar fyrir allnokkrum árum.
Eins og nærri má geta setti föð-
urleysið mark sitt á uppvaxtarár
Benedikts, sem þegar á unglingsár-
um fann til sterkrar ábyrgðar gagn-
vart fjölskyldu sinni. Þeim fækkar
nú óðum, sem í reynd muna erfiða
krepputima þriðja áratugar aldar-
innar, þegar duglegir menn tóku
fegins hendi hverri þeirri vinnu er
bauðst. Benedikt var þar sannarlega
engin undantekning 0g gekk að
ýmsum störfum bæði til sjós og
lands. Hann nam málaraiðn á Akur-
eyri upp úr 1930 og var síðan einn
af stofnendum Málarasveinafélags
Akureyrar og um árabil einn helsti
forystumaður þess.
Árið 1935 gekk hann að eiga
Hugrúnu Stefánsdóttur, Jónassonar
skipstjóra og útgerðarmanns á Ak-
ureyri og k.h. Guðrúnar Gíslínu Frið-
riksdóttur. Hugrún er fágæt mann-
kostakona og hún reyndist manni
sínum samhentur förunautur í löngu
og ástríku hjónabandi. Þau stofnuðu
heimili á Strandgötu 43 í húsi því
er tengdafaðir Benedikts reisti og
fáum árum síðar keyptu þau húsið
þegar tengdaforeldrarnir fluttu að
Knarrarbergi í Kaupangssveit. Á
ýmsum tíma voru leigjendur í hluta
hússins á Strandgötu 43. Með þeim
öllum og húsráðendum tókst vinátta,
sem hélst æ síðan. Segir það sína
sögu.
Á Strandgötu fæddust dæturnar
fjórar, Erla, f. 1938, búsett í Reykja-
vík, tvíburarnir Helga Björk, búsett
í Svíþjóð, og Margrét Birna, búsett
á Svalbarðsströnd, fæddar 1944, og
Gíslína Þorbjörg, f. 1951, búsett á
Akureyri.
Benedikt var einstakur fjölskyldu-
faðir, hlýr og umhyggjusamur og
reyndi ávallt eftir bestu getu að hlúa
vel að sínum. Hann var gætinn í
fjármálum en þó aldrei naumur, vildi
engum skulda, minnugur vafalaust
uppvaxtaráranna, er móðir hans var
verkakona á Akureyri með stopula
vinnu, en hún lést þegar Benedikt
var 19 ára gamall.
Tengdafaðir minn var það sem
sumir kalla „starfsmaður af gamla
skólanum"; honum var einstaklega
annt um hvert það verk, sem hann
bar ábyrgð á og lét jafnan vönduð
vinnubrögð fyrir öðru ganga. Hann
var mikill reglumaður í starfi og
öllum lífsháttum, siðprúður og hátt-
vís. Með öðrum var hann hrókur
alls fagnaðar, þegar svo bar undir,
enda bæði fjölfróður og gamansam-
ur. Ávallt var það barnabörnunum
mikið tilhlökkunarefni að fara til afa
og ömmu á Akureyri og fljótlega
var lítil hönd komin í þykkan og
hlýjan lófa afa og hann leiddur út í
garð eða í fjöruna þar sem svo margt
var að sjá og afa var svo lagið að
útskýra.
Benedikt naut góðrar heilsu þar
til fyrir nokkrum árum, að erfiður
sjúkdómur lagðist á hann með vax-
andi þunga og hefur nú dregið hann
til dauða. Veikindi sín bar hann með
æðrulausu jafnaðargeði, og naut
hann þá umhyggju og alúðar konu
sinnar og dætra. Síðustu mánuðina
dvaldi hann á Dvalarheimilinu Hlíð
þar sem umönnun var öll til fyrir-
myndar.
Kæra Hugrún, á þessari skilnað-
arstundu senda þér ættingjar og
venslafólk hjartanlega kveðju.
Hálfdan Helgason.
FLUGLEIDIR
IIÓTEL L8FTLE1M1
Islenskur efnivlður
íslenskar steintegundir henta margar
afar vel í legsteina og hverskonar
minnismerki. Eigum jafnan til fyrir-
liggjandi margskonar íslenskt efni:
Grástein, Blágrýti, Líparít og Gabbró.
Áralöng reynsla.
Leitið
upplýsinga.
il
| S. HELGAS0N HF
STEINSMIÐJA
SKEMMUVEGI 48 • SÍMI 91-76677