Morgunblaðið - 28.10.1993, Blaðsíða 30

30
MORGUNBLAÐIÐ FIMMTUDAGUR 28. OKTÓBER 1993
Hópurinn
FERÐALANGARNIR íslensku, Magnús Scheving og Björn Leifsson, í hópi þolfimifólks að tjaldabaki.
Magnús Scheving vann brons í þolfimi í Suður-Kóreu
„ Akveðinn í að ná
heimsmeistaratitli“
A verðlaunapalli
MAGNÚS á verðlaunapalli með heimsmeistaranum japanska á
sterku móti í Suður-Kóreu. Magnús vann bronsverðlaun á mótinu.
Þolfimikappinn Magnús Schev-
ing er nýkominn frá Suður-Kóreu,
þar sem hann keppti á þolfimimóti
þeirra bestu í heimi. Þeir voru vald-
ir úr hópi þeirra sem kepptu á
heimsmeistaramótinu í Japan fyrr
á árinu. Magnús endurtók leikinn
frá heimsmeistaramótinu og vann
bronsverðlaun, eftir að hafa leitt
keppnina fyrri daginn af tveimur.
„Ég er ákveðinn í að ná heims-
meistaratitlinum eftir þessa keppni,
sem var góð reynsla fyrir næsta
heimsmeistaramót. Ég var hæstur
að stigum eftir fyrri dag keppninn-
ar, en það var Japaninn Kenjimura
sem vann á endanum. Ég tók smá
áhættu seinni daginn, gerði æfingu
sem heppnaðist ekki fullkomlega
og tapaði því forskotinu. Brasilísk-
um keppanda tókst síðan að
smeygja sér í annað sætið, en það
munaði fáum stigum á fyrstu sæt-
unum,“ sagði Magnús Scheving í
samtali við Morgunblaðið.
Leist ekki á hundakjötið
„Það var mikið ævintýri að fara
til Seoul í Suður-Kóreu. Heimsókn-
in byijaði ekki vel því farangurinn
okkar Björns Leifssonar kom ekki
á flugvöllinn. Ég var með eina
handtösku með æfingagalla, skó,
þrjár dósir af Aquarius orkudrykk
og kassetuna með tónlistinni fyrir
keppnisatriði mitt. Við þrömmuð-
um niður í bæ, ætluðum að kaupa
föt í staðinn fyrir það sem tapað-
ist. Það var vonlaust mál, allur
fatnaður var sniðin á smágerða
Kóreubúanna. Svo var ekki beint
auðvelt að finna mat sem mig lang-
aði í, ég varð að passa mataræðið
vel fyrir keppnina. Það væri
kannski ráð að senda nokkrar rútur
með íslendinga í megrun þangað,
þeir fyndu ekkert að borða. Eini
kjötrétturinn sem mér Ieist á meðan
ég var þarna reyndist vera hunda-
kjöt og ég var fljótur að hætta við
slíkan snæðing. Kóreubúarnir voru
svo ekkert hrifnir af því að við
borðum hrossakjöt.
Ég ákvað að fara í gufu og nudd
eftir langt ferðalag frá íslandi og
það var skemmtileg upplifun. Við
svömluðum í laug sem var full af
ginseng, mjög sterklyktandi og svo
þrömmuðu nuddararnir berfættir
yfir skrokkinn á manni. Það var
ágæt afslöppun fyrir strangar æf-
ingar fyrir keppnina sem stóðu í
tvo daga. Það voru þúsundir áhorf-
enda á keppninni, en maður sá
ekki nein svipbrigði, það voru allir
með póker andlit, sem var skrítinn
upplifun. Maður er vanur klappi
og látum, en þeir eru svona ótrú-
lega kurteisir, rétt hvísla þegar
þeir tala saman. Ég sá þarna mjög
skæðan keppanda frá Ítalíu, sem
varð bronsverðlaunahafi á Ólymp-
íuleikunum í fimleikum. Ég þarf
að hafa gætur á honum, sem og
Brasilíubúanum sem hirti af mér
silfrið. Japanski meistarinn má
gæta þess að staðna ekki I sömu
æfingum, en hann hefur keppt í
mörg ár í þolfimi.
Nýjungum haldið leyndum
Ég gætti þess að sýna engar
nýjungar á mótinu, svo aðrir kepp-
endur myndu ekki sjá hvað ég er
að gera. Kannski gerðu þeir slíkt
hið sama. Ég þarf að undirbúa mig
virkilega vel og þyrfti því að finna
fleiri stuðningsaðila, en Aquarius
orkudrykkjaframleiðandinn hefur
stutt við bakið á mér ásamt Toyota.
Það er margt framundan. Ég tek
þátt í íslandsmótinu í þolfimi 5.
desember og ef ég vinn þar kemst
ég á Norðurlandamótið í byrjun
janúar. Síðan er Evrópumót í febr-
úar og heimsmeistaramótið í apríl.
Um miðjan nóvember fer ég á stórt
íþróttamót í Svíþjóð, þar sem
íþróttamenn alls staðar að í heimin-
um koma með sýningaratriði.
Það kostar sitt að keppa í þolfimi
á alþjóðlegum vettvangi og ég
myndi alveg vilja sjá að þessi íþrótt
fengi sama skilning og boltaíþróttir
hjá þeim sem stjórna í landinu.
Bjarni Friðriksson júdokappi fékk
ekki mikla náð fyrir þeirra augum
á sínum ferli og það virðist vera
erfitt fyrir einstaklinga sem ná
árangri að fá stuðnig yfirvalda á
sama hátt og boltamenn. Það þýðir
þó ekkert annað en beijast áfram.
Titlinum ætla ég að ná á næsta
ári og undirbý mig af bestu getu,
alveg boltalaus ..." sagði Magnús.
G.R.
KYNNINCARFYRIRLESTUR
Innhverf íhugun - TranscendentalMeditation
JWmrisisi fate* Yogo.
upphaferaoðw 'mbmAtw 9wg«nor
í kvöld, fimmtudag, verður kynning á hugleiðsluaðferð
Maharishi Mahesh Yoga. Komið og fræðist um áhrif og
tílgang þessarar mest rannsökuðu hugleiðsluaðferðar.
Fundurinn hefst kl. 20.30 á Suðurlandsbraut 48 (2. hæð)
við Faxafen (niðri er versl. Tékkkristall).
Nánari upplýsingar í síma 678178.
Landsfundur Sjálfstæðisflokks
Meiru verði varið
til íþróttamála
í ÁLYKTUN um íþrótta-, æsku-
lýðs- og tómstundamál, sem
samþykkt var á landsfundi Sjálf-
stæðisflokksins um helgina, er
hvatt til þess að auknu fé verði
varið til íþrótta- og æskulýðs-
mála.
Orðrétt segir í ályktuninni:
„Fjárframlög ríkisins til íþrótta-
og æskulýðshreyfingarinnar verði
aukin og metin til samræmis við
gildi starfseminnar í landinu.
Tryggt sé að getraunir og happ-
drætti á vegum íþróttahreyfingar-
innar verði ekki skattlögð og að
íþróttastarfsemin í landinu sé ekki
tekjulind fyrir ríkissjóð, hvorki með
almennum sköttum né sérsköttum.
Hafist verði handa um að skoða
framtíðarþróun í fjármögnun
íþrótta- og æskulýðshreyfinga,
sem gerir þeim kleift að starfa
sjálfstætt, hér eftir sem hingað
til. Skoðaður verði m.a. möguleiki
á sérstökum skattafrádrætti til
fyrirtækja sem styrkja viðurkennd
íþrótta- og æskulýðssamtök.
Landsfundurinn vekur athygli á
þeim tekjum sem ríkið hefur í formi
virðisaukaskatts vegna sölu á
íþróttavörum og tækjum."
yilborg Ingólfsdóttir, formaður Hjúkrunarfélags íslands, t.v., og
Ásta Möller, formaður Félags háskólamenntaðra hjúkrunarfræð-
inga, t.h., undirrita samkomulag um útgáfu Tímarits hjúkrunar-
fræðinga.
Ráðinn ritstjóri nýs
hjúkrunarblaðs
HJÚKRUNARFÉLAG íslands og Félag háskólamenntaðra hjúkr-
unarfræðinga hafa gert samning um að gefa sameiginlega út nýtt
fagtímarit í hjúkrun. Útgáfu Hjúkrunar, tímarits Hjúkrunarfélags
íslands, og Tímarits FHH er því formlega hætt. Hið nýja tímarit
heitir Tímarit hjúkrunarfræðinga og er stefnt að útgáfu fyrsta
tölublaðs í nóvember 1993. Aðsetur blaðsins er í húsnæði Hjúkrunar-
félags íslands, Suðurlandsbraut 22.
- Staða ritstjóra var auglýst í maí
sl. og sóttu 37 um starfið. Þorgerð-
ur Ragnarsdóttir hjúkrunarfræð-
ingur var ráðin ritstjóri frá fyrsta
ágúst.
Auk ritstjóra eiga sæti í ritnefnd
tveir fulltrúar frá hvoru félagi.
Þessir fulltrúar eru Ragnheiður
Haraldsdóttir og Guðrún Jónas-
dóttir frá FHH og Hólmfríður
Gunnarsdóttir og Christel Beck frá
HFÍ. Varafulltrúar eru Anna Gyða
Gunnlaugsdóttir frá FHH og Hjör-
dís Guðbjömsdóttir frá HFI.
Ráðstefna um miðlun
íslenskrar sögu og
menningar erlendis
STOFNUN Sigurðar Nordals og
Norræna húsið gangast fyrir
ráðstefnu um miðlun íslenskrar
sögu og menningar laugardag-
inn 30. október nk. Hefst hún
kl. 10 árdegis og er öllum opin.
Ráðstefnan er haldin í tilefni af
því að nú eru 400 ár liðin frá því
að fyrsta kynningarritið um Island,
Brevis commenatius de Islandia,
eftir Arngrím Jónsson, lærða, kom
út. Frummælendur á þinginu verða
Jakob Benediktsson, fv. orðabó-
karritstjóri, Gestur Guðmundsson,
félagsfræðingur, Guðmundur
Hálfdanarson, dósent, Guðrún M.
Ólafsdóttir, dósent, Keneva Kunz,
rithöfundur, Sigurjón B. Haf-
steinsson, mannfræðingur, og Þor-
geir Þorgeirsson, rithöfundur.
Þátttakendur í pallborðsumræðum
að loknum framsöguerindum
verða: Heimir Pálsson, ritstjóri,
Kristinn Jóhannesson, lektor,
Kristín Halldórsdóttir, starfskona
kvennalistans, Lars-Áke Engblom,
forstjóri Norræna hússins, og Þor-
geir Olafsson, deildarsérfræðingur
í menntamálaráðuneytinu. Úlfar
Bragason, forstöðumaður Stofnun-
ar Sigurðar Nordals, stýrir umræð-
unum.
í tengslum við ráðstefnuna eru
rit um Island og veggspjöld, sem
gerð hafa verið til landkynningar,
sýnd í anddyri Norræna hússins.
Einnig verða kvikmyndir um ísland
sýndar í húsinu í hádeginu dagana
fyrir ráðstefnuna..
Þá gefur Sögufélagið út íslenska
þýðingu á Brevis commentarius de
Islandia sem Árni Þorvaldsson
menntaskólakennari gerði.