Morgunblaðið - 25.02.1994, Blaðsíða 16

J6___________________________ MORGUNBLAÐIÐ FÖSTUDAGUR 25. FEBRÚAR 1994
UtanríkisráðheiTa segir samkomuiag stjómarflokkaima sniðgengið |
Samstarfi flokkanna
spillt að tilefnislausu
JÓN Baldvin Hannibalsson utanríkisráðherra segir, að með
breytingatillögu formanns landbúnaðamefndar sé verið að reyna
að koma inn í búvörulög tillögum um víðtækar gjaldtökuheimild-
ir sem eigi að gilda eftir að GATT-samningurinn tekur gildi,
sem sé þvert á samkomulag stjórnarflokkanna. Forsætisráð-
herra hafi margsinnis staðfest, að samkomulag sé um, að sér-
stök nefnd fjalli um endurskoðun innflutningslöggjafarinnar
vegna GATT. „Það þarfnast sérstakra skýringa hvers vegna
menn leggja slíkt kapp á að sniðganga þetta samkomulag og
spilla þannig samstarfi sljórnarflokkanna að tilefnislausu," sagði
Jón Baldvin.
Jón Baldvin segir að búvörudeil-
an hafi veikt stjórnarsamstarfið en
það sé ekki af völdum Alþýðu-
flokksins. Hann segir, að Alþýðu-
flokksmenn séu ekki að stilla þessu
máli upp til þess að efna til illinda
í stjórnarsamstarfinu og fínna til-
efni til stjómarslita. „Það er'ekkert
tilefni til slíkra hugleiðinga að því
er okkur varðar. Við höfum gert
samkomulag um að endurreisa
bannheimildir og heimila landbún-
aðarráðherra verðjöfnun þar sem
það á við og er framkvæmanlegt.
Það er ekki upp á okkur að klaga
með það að við höfum staðið við
okkar samkomulag upp á punkt og
prik og erum reiðubúnir til þess að
gera það. Spumingum um hvort
fyrir einhveijum vaki að spilla
stjórnarsamstarfinu verður því að
beina til þeirra, sem eru með þarf-
lausar tillögur af þessu tagi og lýsa
því yfír að þeim komi ekkert við
það samkomulag, sem forystumenn
stjórnarflokkanna hafa gert með
sér,“ segir hann.
Unnið án samráðs við
Alþýðuflokk
„Þær breytingatillögur við stjóm-
arframvarpið sem formaður land-
búnaðamefndar hefur lagt fram,
vora unnar án nokkurs samráðs við
Alþýðuflokkinn. Þingflokkur Al-
þýðuflokksins fjallaði stuttlega um
þær í gær (miðvikudag) og þar var
niðurstaðan einróma að hafna
þeim,“ sagði Jón Baidvin.
Hann sagði það misskilning, að
Alþýðuflokkurinn stæði gegn því
að tryggja landbúnaðinum sömu
vemd og hann hefði haft áður en
Hæstaréttardómur hnekkti bann-
heimildum landbúnaðarráðherra.
„Þvert á móti gerðum við samkomu-
lag um að við ættum aðild að stjórn-
arframvarpi sem endurreisti þessar
bannheimildir eins og þær voru
áður. Við samþykktum einnig heim-
ildir til landbúnaðarráðherra um
verðjöfnunargjöld að settum skil-
málum. Þau verðjöfnunargjöld
verða að vera í samræmi við ákvæði
milliríkjasamninga með skilgreind-
um hámörkum og auðveld í fram-
kvæmd,“ sagði hann.
Hann sagði að breytingatillagan,
sem lögfræðingar formanns land-
búnaðamefndar hefðu unnið, væri
meingölluð og grannurinn fyrir
verðjöfnunargjöld væri skilgreindur
sem tilbúið heimsmarkaðsverð, sem
væri í raun hvergi til. Það myndi
skapa vandamál í framkvæmd,
óvissu og jafnvel bjóða heim mála-
ferlum.
„Lögfræðingamir hafa ekki tekið
tillit til ábendinga sérfræðinga ut-
anríkis-, viðskipta- og fjármála-
ráðuneytis um þetta atriði, sem
hafa einkum varað við þessu. Þarna
endurspeglast enn misskilningur-
inn, sem menn héldu að hefði verið
leiðréttur, um að það sem taki við
eftir að GATT tekur gildi sé verð-
jöfnunargjaldaútfærsla," sagði
hann. „Það sem á að gera er að
taka ákvarðanir um að hve miklu
leyti menn vilja nýta tollaheimild-
imar. Þetta hlýtur auðvitað að vera
meginviðfangsefni nefndarinnar
undir forystu forsætisráðherra, þar
sem hún á að endurskoða innflutn-
ingslöggjöfina og koma með tillögur
um hvernig við getum staðið við
okkar skuldbindingar. Þetta þýðir
að hún hlýtur að taka tollskrána
til endurskoðunar," sagði hann.
Jón Baldvin sagði, að það væri
misskilningur hjá Davíð Oddssyni
forsætisráðherra í Morgunblaðinu í
gær, að hann væri að gera ágrein-
ing við virta lögfræðinga um lög-
fræði. „Ég er einfaldlega að segja,
að þeir hafa af einhveijum ástæðum
ekki kynnt sér til hlítar hvernig
tollamálum verður skipað sam-
kvæmt GATT eftir að það tekur
gildi,“ sagði hann.
Forsætisráðherra hefur haldið
því fram að þrátt fyrir breytingar
GATT-samkomulagsins verði engin
breyting á að forræði málsins verði
áfram hjá landbúnaðarráðherra eft-
ir GATT. Um þetta sagði Jón Bald-
vin, að ekki færi á milli mála að
landbúnaðarráðherra hefði mikið
forræðisvald í búvörulögunum og
það væri verið að endurreisa og
bæta við það vald hans með því að
heimila honum verðjöfnunargjald-
tökuna þar sem það væri unnt.
„Hitt hefur aldrei verið umsamið,
að búta tollskrána í sundur og
skipta þenni upp milli fagráðu-
neyta. Ég hef aldrei heyrt svo vit-
lausa tillögu setta fram af alvöru,“
sagði hann.
Deilan óþörf
„Þessi deila er óþörf ef menn
láta af þeim leik að spilla samstarf-
inu vísvitandi og að óþörfu. Ef
menn standa við samkomulagið um
að troða ekki inn í búvörulögin
ákvæðum sem eiga heima í tollalög-
um eftir GATT og standa við upp-
haflegt samkomulag ráðuneytanna
um vörulistann, er engin deila eftir.
Ég tek eftir að þingflokkur Sjálf-
stæðisflokksins hefur ekki tekið
endanlega afstöðu til málsins og
ég trúi því ekki fyrr en ég tek á,
að ábyrgir menn í þeim flokki sjái
ekki um að staðið verði við sam-
komulag stjórnarflokkanna," sagði
hann.
Eggert Haukdal fulltrúi Sjálfstæðisflokks í landbúnaðarnefnd
Skilyrði að búvörulög-
in taki einnig til GATT
EGGERT Haukdal fulltrúi Sjálfstæðisflokksins í landbúnaðar-
nefnd Alþingis segist geta staðið að þeim breytingatillögum við
búvörulagafrumvarp ríkisstjórnarinnar, sem formaður Iandbún-
aðarnefndar hefur kynnt í nefndinni og ekki komi til greina
að breyta þeim frekar. Einar K. Guðfinnsson fulltrúi flokksins
í nefndinni útilokar hins vegar ekki einhverjar breytingar ef
efni standi til. Alþýðuflokkurinn hefur alfarið hafnað breytinga-
tillögunum.
Sjálfstæðisflokkurinn á fjóra full-
trúa í landbúnaðarnefnd, Egil Jóns-
son, sem er formaður nefndarinnar,
Árna M. Mathiesen, Eggert Haukd-
al og Einar K. Guðfínnsson. Eggert
Haukdal sagði við Morgunblaðið,
að upphaflega stjómarfrumvarpið
hefði verið handónýtt en þær tillög-
ur sem nú hefðu verið unnar af
sérfræðingum hefðu bætt svo úr
að hann geti nú staðið að framvarp-
inu.
Það geti hins vegar breyst ef enn
ein ný útgáfa liti dagsins ljós og
það sé skilyrði af sinni hálfu að
framvarpið taki einnig til mála eft-
ir að GÁTT-samningar taka gildi.
En Alþýðuflokkurinn hefur hafnað
breytingatillögunum, þó sérstak-
lega því að þar skuli vísað til GATT-
samninganna í tengslum við erlent
viðmiðunargjald við útreikning
verðjöfnunargjalda.
Samningarnir gilda
Einar K. Guðfínnsson sagði við
Morgunblaðið, að hann teldi breyt-
ingatillögumar jákvæðar þótt hann
vildi ekki útiloka að gera mætti á
þeim einhveijar breytingar ef efni
stæðu til. „Það er skýrt kveðið á
um það í breytingatillögunum að
álagning verðjöfnunargjalds skuli
vera í samræmi við þá skilmála sem
kveðið er á um í fríverslunar- og
milliríkjasamningum. Þetta þýðir,
að ef menn ætla að ákveða verðjöfn-
unargjöld umfram þá skilmála,
gilda samningarnir og gjöldin yrðu
þá að lækka í samræmi við þá.
Þetta held ég að menn hafi ekki
tekið nægilega með í reikninginn,"
sagði Einar.
Skýrara fyrir neytendur
Árni M. Mathiesen sagði við
Morgunblaðið, að breytingatillög-
urnar væru til mikilla bóta, einkum
með tilliti til þess hversu vítt menn
telji að hægt sé að túlka búvöra-
lagabreytingu sem gerð var í des-
ember. „Það er mikilvægt fyrir inn-
flytjendur og neytendur, að þar er
markað með skýrum hætti hvaða
vörur er um að ræða, hvaða vörur
verði háðar innflutningsleyfí, hvaða
vörur falli undir verðjöfnun og
hvaða gjöld eigi að leggja á vörurn-
ar,“ sagði Árni.
Hann sagðist ekki telja það
breyta málinu efnislega hvort í bú-
vöralögunum væri tenging við
GATT eða ekki. „Það er einungis
spurning um það hver eigi að fara
með þau gjöld sem leggjast á við
GATT. Alþjóðlegir samningar, sem
við höfum gert, setja skorður við
því hvað hægt er að ganga langt í
álagningu gjalda," sagði Árni. „Það
sem skiptir máli er að samningarn-
ir segja til um hversu há gjöld
megi leggja á vöruna og þá skiptir
samsetning þeirra ekki máli. Og
ríkisstjórn á hveijum tíma hlýtur
að hafa stefnu í því hversu há gjöld
eru lögð á matvörur og það á ekki
að valda deilum um það hvaða ráðu-
neyti eigi að fara með verðjöfnunar-
gjöld eða verndartolla," sagði Árni.
Tillagan skoðuð
Morgunoiaoio/Arni bæoerg
HRAFN Bragason, forseti Hæstaréttar, t.h., og Haraldur Henrýsson
hæstaréttardómari virða fyrir sér tillöguna að fyrirhuguðu húsi Hæsta-
réttar við Lindargötu 2.
Sýning á teikningum Hæstaréttarhúss
Lokaátakið í að kynna
málið fyrir borgarbúum
Á sýningunni eru teikningar hönn-
uða og verkfræðinga, byggingarefni
hússins, en það verður klætt með
eir, grágrýti og gabbró, myndir af
lóðinni og skipulag borgarinnar í
gegnum árin.
Hús Hæstaréttar í
bresku tímariti
f marshefti RIBA Journal, tímariti
bresku arkitektasamtakanna Royal
Institute of British Aschitecture, er
fjallað um fyrirhugað hús Hæstaréttar
og birtar teikningar af því. í greininni
er sagt frá arkitektunum, Steve
Christer og Margréti Harðardóttur, frá
sigri þeirra í samkeppninni um Ráðhús
Reykjavíkur og keppni sem þau unnu
í Þýskalandi. Fjallað er um staðsetn-
ingu Hæstaréttarhússins og helstu ein-
kenni þess.
> #
Skoðanakönnun IM Gallup í Kópavogi
SYNING á teikningum, hkam, þos-
myndum og öðru sem tengist fyrir-
hugaðri byggingu húss Hæstarétt-
ar Islands við Lindargötu 2 verður
opnuð í dag kl. 14 á jarðhæð Hverf-
isgötu 4-6. Dagný Leifsdóttir, for-
maður byggingamefndar Hæsta-
réttarhússins, segir að með henni
eigi að gera lokaátakið til að kynna
málið fyrir borgarbúum.
Dagný segir að fólk hafí takmark-
að leitað eftir upplýsingum um húsið
og nefndin hafi viljað sýna hvaða
vinna lægi að baki þeim 30 milljónum
sem búið er að leggja í hönnunina
og undirbúning byggingarinnar.
Hún sagði að hönnun hússins
væri að verða lokið og væri sýningin
til þess ætluð að kynna feril málsins
og er byijað á aðdraganda bygging-
arinnar.
39% hyggjast kjósa
Sj*álfstæðisflokkinn
TVEIR af hverjum fimm íbuum
Kópavogs á aldrinum 18 til 69 ára
ætla að kjósa Sjálfstæðisflokkinn
í næstu bæjarstjórnarkosningum,
samkvæmt niðurstöðum könnunar
sem IM Gallup gerði í Kópavogi í
byijun febrúar. Fleiri karlmenn
en konur ætla að kjósa Sjálfstæðis-
flokkinn, en lítill munur er á því
hlutfalli sem ætlar að kjósa Sjálf-
stæðisflokkinn þegar greint er
eftir aldri.
í könnun ÍM Gallup var spurt
hvaða flokk eða lista viðkomandi
ætlar að kjósa í næstu bæjarstjórnar-
kosningum í Kópavogi. Samkvæmt
niðurstöðum könnunarinnar ætla
39,4% af þeim sem svöruðu að kjósa
Sjálfstæðisflokkinn, 19,5% ætla að
kjósa Alþýðubandaíagið, 17,5% ætla
að kjósa Alþýðuflokkinn, sömuleiðis
ætla 17,5% að kjósa Framsóknar-
flokkinn og 6,1% ætla að kjósa
Kvennalistann-.
Þegar niðurstaðan er greind eftir
kyni kemur í ljós að af þeim sem
svöruðu ætla 45,1% karla að kjósa
Sjálfstæðisflokkinn og 33,1%
kvenna. 19,3% karla og 19,7%
kvenna ætla að kjósa Alþýðubanda-
lagið, 16,2% karla og 18,9% kvenna
ætla að kjósa Alþýðuflokkinn, 15,5%
karla og 19,7% kvenna ætla að kjósa
Framsóknarflokkinn og 3,9% karla
og 8,6% kvenna ætla að kjósa
Kvennalistann.
Jöfn aldursdreifing kjósenda
Sjálfstæðisflokksins
Lítill munur reynist vera á því
hlutfalli sem ætlar að kjósa Sjálf-
stæðisflokkinn þegar niðurstaðan er
greind eftir aldri, en hins vegar er
nokkur munur á fylgi hinna flokk-
anna eftir aldri. Hvað Sjálfstæðis-
flokkinn varðar. ætla 41,4% fólks á
aldrinum 18-29 ára að kjósa flokk-
inn, 40,2% fólks á aldrinum 30-39
ára, 39,0% fólks á aldrinum 40-49
ára og 36,5% fólks á aldrinum 50-69
ára. Alþýðubandalagið kjósa 20,0%
fólks á aldrinum 18-29 ára, 22,0% á
, aldrinun} 30-39 ára, 20,?% á aldrin-
Hvaða nokk eða Hsta ætlar
þú að kjósa í nsstu
bæjarstjórnarkosmngum?
39,4%
tí.5%
i MlJ Y*-#
um 40-49 ára og 16,2% á aldrinum
50-69 ára. Alþýðuflokkinn kjósa
22,9% fólks á aldrinum 18-29 ára,
18,9% á aldrinum 30-39 ára, 22,6%
á aldrinum 40-49 ára og 7,4% á aldr-
inum 50-69 ára. Framsóknarflokkinn
kjósa 12,9% á aldrinum 18-29 ára,
11,0% á aldrinum 30-39 ára, 15,8%
á aldrinum 40-49 ára og 29,5% á
aldrinum 50-69 ára. Kvennalistann
kjósa 2,9% fólks á aldrinum 18-29
ára, 7,9% á aldrinum 30-39 ára, 2,3%
á aldrinum 40-49 ára og 10,3% á
aldrinum 50-69 ára.
Könnun ÍM Gallup var fram-
kvæmd 31. janúar til 2. febrúar síð-
astliðinn og var gagna aflað í gegn-
um síma. Urtak var tilviljunarkennt
úr þjóðskrá og voru 600 einstakling-
ar í því, en þátttakendur voru fólk
á aldrinum 18 til 69 ára úr Kópa-
vogi. Heildarfjöldi svara var 429, 61
neitaði að svara og ekki náðist í 96.
Endanlegt úrtak þegar frá hafa ver-
ið dregnir þeir sem eru búsettir er-
lendis, látnir eða veikir, samanstend-
ur af 586 einstaklingum og er nettó-
svörun því 73,2%.