Morgunblaðið - 18.03.1994, Blaðsíða 7
Hæstiréttur
MORGUNBLAÐIÐ FÖSTUDAGUR 18. MARZ 1994
7
900 þús.
í bætur
til Þýsk-
íslenska
HÆSTIRÉTTUR dæmdi í gær rík-
issjóð til að greiða Þýsk-íslenska
hf. 900 þúsund krónur í skaðabæt-
ur þar sem ekki hafi verið beitt
réttum aðferðum við stöðvun at-
vinnurekstrar fyrirtækisins
19.-21. júní 1989 þegar þáverandi
fjármálaráðherra lét innsigla
starfsstöð fyrirtækisins sem lið í
hertum innheimtuaðgerðum
vegna vangoldins söluskatts. Þá
var ríkissjóður dæmdur til að
greiða fyrirtækinu 250 þúsund
krónur í málskostnað. Hins vegar
var hafnað kröfu Þýsk-íslenska
um að ríkissjóði yrði gert að end-
urgreiða 22,5 milljóna króna sölu-
skatt með vöxtum frá 1987.
Arið 1985 hófst skattrannsókn á
málefnum Þýsk-íslenska vegna
gruns um að félagið hefði vangoldið
skatta, þar á meðal söluskatt. Voru
forsvarsmenn fyrirtækisins m.a.
dæmdir til refsingar í Hæstarétti.
Meðan ágreiningur fyrirtækisins
um skattstofna var til meðferðar hjá
skattyfirvöldum og dómstólum hóf-
ust að frumkvæði þáverandi fjár-
málaráðherra hertar aðgerðir til að
innheimta söluskatt. í því átaki inn-
siglaði lögregla húsnæði Þýsk-
íslenska og fleiri fyrirtækja.
Fyrirtækið taldi sig hafa orðið
fyrir íjártjóni og miska vegna lokun-
arinnar sem stóð í 2 daga enda hafi
verið um umdæmda skattkröfu að
ræða. Hæstiréttur segir að skattamál
fyrirtækisins hafí verið til meðferðar
hjá yfirvöldum á fjórða ár, þegar
lokað var og áfrýjandi hafi haft
ástæðu til að ætla að leitað yrði lög-
taks til tryggingar skuldinni og yrði
honum gert aðvart ef grípa ætti til
aðgerða. Þess í stað hafi lögregla
mætt í höfuðstöðvar fyrirtækisins
fyrir opnunartíma og innsiglað húsa-
kynnin án viðvörunar. Hæstiréttur
segir að sú grundvallarregla stjórn-
arfarsréttar eigi við um innheimtu
af þessu tagi að stjórnvöld þurfi að
gæta hófs og velja vægasta úrræði
sem að gagni kemur.
Þeim beri að taka mið af hagsmun-
um sem í húfi séu. Þá er rakið að
fyrirtækið hafi staðið skil á áfallandi
söluskatti allt frá árinu 1985 og
hafi hann mátt vænta að fá tilkynn-
ingu um lokin ef ákveðið yrði að
beita henni. Eftirfarandi greiðsla fyr-
irtækisins á kröfunni hafí sýnt að
það var gjaldfært og hefði getað
varist lokuninni hefði það fengið
færi á því. Því verði að telja að við
aðgerðimar hafi ekki verið beitt rétt-
um aðferðum og eigi fyrirtækið rétt
á bótum fyrir það tjón sem það hlaut.
Hæstiréttur taldi hæfilegar bætur
900 þúsund krónur og sneri þannig
við dómi Héraðsdóms.
-----» ♦ «----
Fjögur um-
ferðarslys
FJÖGUR slys urðu í umferðinni í
Reykjavík á síðasta sólarhring,
ekkert þeirra alvarlegt, að sögn
lögreglu.
Á mótum Bankastrætis og Lækj-
argötu voru umferðarljós biluð og varð
þá harður árekstur milli þriggja bíla.
Ókumaður eins bílanna var fluttur á
slysadeild n\jaðmagrindarbrotinn.
Þá var ekið á sjö ára gamlan dreng
á mótum Álfheima og Glaðheima.
Drengurinn hlaut höfuðhögg en var
ekki hættulega meiddur að sögn lög-
reglu. Ökumaðurinn hlaut vægt áfall
og var einnig fluttur á sjúkrahús.
Þá varð harður árekstur á Suður-
götu. Annar bílanna kastaðist upp á
gangstétt en gangandi vegfarandi
gat forðað sér frá meiðslum með að
stökkva upp á grindvegg. Annar
ökumannanna skaddaðist á öxl.
SAMS KON AR
LYF,
SAMA VIRKA
EFNIÐ,
SITT HVORT VERÐIÐ!
Merki læknir bókstafinn (§) við lyfjaheiti á lyfseðli, fær
sjúklingur eingöngu afgreilt tiltekið lyf. Merki læknir hins
vegar bókstafinn(S)við lyfjahciti, fær sjúklingur afgreitt
ódýrasta samheitalyf í sama lyfjaflokki.
4.526 kr.
0.327 kr.
Það er ótrúlegt en satt að jafngild,
samskonar lyf eru ekki alltaf seld á
sama verði. Þau eru oft á markaði frá
tleirum en einum framleiðanda undir
sitt hvoru heitinu. Og verðmunurinn er
oft ótrúlegur.
í þessari auglýsingu er borið saman
tvennskonar verð á samheita hjarta- og
æðalyfi. Annarsvegar 4.526 kr.,
hinsvegar 10.327 kr. Þetta er algengt
lyf, sem notað er gegn háþrýstingi og oft
geFið sjúklingi í iangan tíma.
Á markaði hérlendis eru tvö form lyfsins
frá fjórum framleiðendum. Dæmið sýnir
verðmun á venjuiegum 100 daga
skammti af lyfinu. Hér er um jafngilt
samheitalyf að ræða, sama virka efnið;
annarsvegar frumlyf, merkt með (R) á
iyfseðii, en hinsvegar ódýrara
samheitalyf, merkt með© á lyfseðli.
Dæmið sem hér er tekið þarf ekki að
vera aigilt um verðmun á lyfjum
merktum© og®.
Lyfið er oft gefið sjúklingum í langan
tíma, eins og að framan greinir. Hér
getur því verið um verulegar upphæðir
að ræða fyrir sjúklinga og samféiag.
Ekki er hægt að geta heitis lyfsins hér,
því samkvæmt íslenskum lyfjalögum, er
óheimiit að nefna nöfn lyfja í
auglýsingum, sem birtast almenningi.
Aðhald og sparnaður í rekstri
veitir aukið svigrúm til betri
heilbrigðisþjónustu.
HEILBRIGÐIS- OG
TRYGGINGAMÁLA-
RÁÐUNEYTIÐ
TRYGGINGASTOFNUN
K& RÍKISINS