Morgunblaðið - 12.04.1994, Blaðsíða 54

H s
54
MORGUNBLAÐIÐ ÞRIÐJUDAGUR 12. APRÍL 1994
PFAFF
ÞAR SEM
HEIMILISTÆKIN FÁST
CANDY PURRKARI. Snýst í báöar áttir.
5 kg. Timarofi 0-120 mínútur.
CANDY KÆLI/FRYSTISKÁPUR.
Kælir 225 Itr. frystir 92 Itr. Mál: 163x60x60
CANDY UPPÞVOTTAVÉL Hljóðlát
og sparneytin 8-12 manna, 5 kerfi
CANDY TRlÓ Eldavél 4 hellur, ofn/grill
og uppþvottavél 6 manna, I einu tæki.
Upplýsingar um
umboðsaðila
hjá Gulu línunni
öll verð miðast við staðgreiðslu
BORGARTÚNI 20
sími 626788
w!7!7Fr!i!TŒríxrMr!vffM;
Morgunblaðið/Gunnlaugur Rögnvaldsson
Sigursveit Ski-Doo í Fjallarallinu, Sigurður Gylfason, Stefán
Bjarnason og Haukur Ofeigson. Sigurður vann flest verðlaun
mótsins, gull i öllu sem hann tók þátt í.
Umdeilt atvik. Gunnar Hákonarson á Yamaha skýst framúr Sig-
urði Gylfasyni á Ski-Doo í grennd við bilaðan sleða, dómnefnd
taldi framúraksturinn ólöglegan og Gunnar var dæmdur í annað
sæti í viðkomandi umferð.
Þrjú gull fóru til Sigurðar
Gylfasonar í vélsleðakeppni
EINOKUN Polaris í flestum akstursgreinum á íslandsmótinu í
vélsleðaakstri er lokið. Það kom í ljós á fyrsta mótinu til íslands-
meistara í Bláfjöllum um helgina. Sömuleiðis hafa norðanmenn
misst þau tögl og hagldir sem þeir hafa haft síðustu ár, sunnlensk-
ir ökumenn eru komnir inn í myndina. Reykvíkingurinn Sigurður
Gylfasson á Ski-Doo MXZX vann þrenn gullverðlaun. Ski-Doo
sleðar unnu fimm gullverðlaun, Arctic Cat fern og Polaris þrenn.
Meistari lagður. Finnur Aðalbjörnsson á Polaris lenti á hliðinni
í brautarkeppni, þegar hann barðist við Vilhelm Vilhelmsson á
Arctic Cat í opnum flokki í úrslitum.
Keppt var í þremur aksturs-
greinum í mótinu, sem fram fór
neðan við skíðasvæði Bláfjalla og
var síðan fært að Kolviðarhól
seinni keppnisdag vegna veðurs.
Þar fór fram snjókrosskeppni, sem
keppt er í til íslandsmeistara í
fyrsta skipti. í öllum keppnisgrein-
um var keppt í nokkrum flokkum,
eftir vélarstærð og útbúnaði sleð-
anna. Öflugasti sleði keppninnar
var Arctic Cat AC ZR 902 Vilhelms
Vilhelmssonar, sem vann opna
flokkinn í brautarkeppni. Þar óku
keppendur í samhliðabraut og var
ekið með útsláttar fyrirkomulagi.'
Vilhelm lagði að velli félaga sinn
að norðan, Finn Aðalbjörnsson á
Polaris 650 eftir hörkukeppni og
náði besta aksturstíma allra kepp-
enda í brautinni.
Bændurnir börðust
Finnur nældi einnig í silfur i
snjókrossi á eftir norðanmanninum
Jóhannesi Reykjalín. Báðir eru
bændur og sleipir undir stýri. Jó-
hannes vann einnig sinn flokk í
brautarkeppninni, en hann er með
elstu keppendum og sannar að ald-
ur skiptir ekki öllu máli. Hann lagði
margan knáan og ungan öku-
manninn að velli, en Jóhannes varð
íslandsmeistari í fyrra í sínum
flokki. { ár verður aðeins einn ís-
landsmeistari í hverri keppnis-
grein, ekki flokkameistarar. Þá
ræður miklu hve fjölmennur hver
flokkur er innan hverrar keppnis-
greinar. Sá sem nær hlutfallslega
bestum árangri verður meistari,
sama hvort hann ekur í aflminnsta
eða öflugasta flokknum.
Þórir Gunnarsson á Polaris XLT
vann flokk 3 í brautarkeppninni
og Halldór Jóhannesson á Polaris
Storm vann flokk Lávarða, nýjan
flokk fyrir eldri ökumenn og Guð-
laugur Halldórsson vann þriðja
gull Polaris manna með sigri á
XCR 600 í opnum litlum flokki. í
snjókrossinu voru eknar þrjár um-
ferðir, átta hringir í senn og reyndi
mikið á líkamlega burði keppenda.
Freyr Aðalgeirsson á Ski-Doo
Formula Z vann í fyrstu umferð-
inni í sínum flokki. Hann var svo
örmagna að hann reyndi að fá fé-
laga sína að norðan til að fara í
galla sinn og laumast til að keyra
næstu umferð! Honum varð ekki
kápan úr því klæðinu, endaði síðan
á að vinna einn keppenda allar
þrjár umferðirnar, eftir að hafa
safnað krafti og kjarki.
Keppendur gleyma reglunum
Mikil keppni var milli Sigurðar
Gylfasonar og Gunnars Hákonar-
sonar á Yamaha Y V Max 500,
bæði í braut og snjókrossi. Sigurð-
ur hafði gull í bæði skiptin, reynd-
ar komst Gunnar framúr Sigurði
á lokasprettinum í snjókrossinu,
en á svæði þar sem gulu flaggi til
merkis um hættu hafði verið veifað
vegna sleða sem voru í brautinni.
Maður hljóp í veg fyrir sleða Sig-
urðar, sem hægði á sér og skömmu
síðar skaust Gunnar framúr og
þeytti um leið Sigurði útúr braut-
inni, sem kláraði ekki lokabeygj-
una. Dómnefnd úrskurðaði Sigurð
sigurvegara þessarar umferðar. í
raun vantaði ýmislegt upp á að
framkvæmd snjókrossins væru
samkvæmt reglum og gerðu kepp-
endur athugasemdir á verðlauna-
afhendingu. En sem fyrr voru
keppendur ekki nægilega vel að
sér í reglum á keppnisstað, þar sem
mótmælin hefðu átt að koma fram.
Verður það vonandi lexía fyrir
aðra akstursíþróttamenn fyrir
komandi keppnistímabil, svo
skipulag móta gangi betur fyrir
sig og vandamálum fækki.
Það voru hinsvegar engin
vandamál í fjallarallinu, sem þykir
hvað mestur heiður að vinna í
hverju móti. Ekið var í tveimur
flokkum. Sveit Ski-Doo lagði tvær
sveitir Polaris, með þá Sigurð
Gylfason, Stefán Bjarnason og
Hauk Ófeigsson á MXZX innan-
borðs. Sigurður náði langbesta
aksturstímanum, ók tvo hringi á
átta kílómetra langri brautinni um
gil og dali Bláfjalla á 18.36,60
mínútum. Næsti maður var Jóhann
Eysteinsson sem ók á 19.05,52 og
Marinó Sveinsson 19.49,50 fyrir
sitt hvora Polaris sveitina. Tími
tveggja fljótustu ökumanna í
hverri sveit giltu til úrslita, en
þeim árangri náðu Sigurður og
Stefán á Ski-Doo sleðunum. Urðu
þeir rúmum tveimur mínútum á
undan B sveit Polaris. í flokk
öflugri sleða unnu gull þeir Freyr
Aðalgeirsson Halldór Bárðarsson
og Jónmundur Guðmundsson á
Ski-Doo, en sveitin fékk enga sam-
keppni. Freyr ók á tímanum
19.18,27.
G.R.
Seltjamar-
neskaup-
staður
tuttuguára
Seltjarnarneskaupstaður fagn-
aði 20 ára afmæli á laugardag,
með veislu á Eiðistorgi.
Ungir Seltirningar sáu um að
skemmta meðborgurum sínum.
Meðal annars lék lúðrasveit Tón-
listarskólans á Seltjarnarnesi, sýn-
ingarflokkur úr Balletskóla Guð-
bjargar Björgvinsdóttur sýndi list-
dans, Bossanova bandið spilaði og
valinn var íþróttamaður ársins á
Sc'tjarnarnesi, sem að þessu sinni
er Eva Guðrún Björnsdóttir, fim-
leikakona. Boðið var upp á veiting-
ar og voru tæplega 900 sneiðar
af afmælistertunni afgreiddar.
Morgunblaðið/Sverrir
Tuttugu ára afmæli fagnað
FJÖLMENNI kom í afmælisveislu Seltjarnarneskaupstaðar á Eiðistorgi á laugardaginn.