Morgunblaðið - 12.04.1994, Blaðsíða 1

64 SIÐUR B
81.tbl. 82. árg.
ÞRIÐJUDAGUR 12. APRÍL 1994
Prentsmiðja Morgunblaðsins
Zhírínovskíj veldur usia í Frakklandi
Æpti og hrækti
á mótmælendur
Strassbourg. Reuter.
RÚSSNESKI þjóðernissinninn Vladimír Zhírínovskíj hrækti
á fólk sem mótmælti gyðingahatri í Strassbourg í gær, henti
í það mold og gijóti og hótaði því með „kjarnorkuskamm-
byssu“ sinni. Björn Bjarnason alþingismaður, sem situr þing
Evrópuráðsins í Strassbourg, hlýddi á Zhírínovskíj í ræðu-
stól á þinginu í gær og sagði hann, að ótrúlegt hefði verið
að hlusta á Zhírínovskíj tala, enda hrópuðu menn í þingsaln-
um: „Látið manninn hætta, hann er genginn af göflunum."
Um 100 gyðingar úr röðum
námsmanna söfnuðust saman fyr-
ir framan rússnesku ræðismanns-
skrifstofuna í Strassbourg, þar
sem þing Evrópuráðsins er haldið.
Gerði fólkið hróp að Zhírínovskíj
og kallaði hann nýnasista en hann
svaraði fyrir sig með því að æpa
„ég lem ykkur í spað“ á frönsku.
Hann hrækti framan í mótmæl-
endur og henti mold og gijóti úr
garði ræðismannsskrifstofunnar á
fólkið. „Ég drep ykkur með kjarn-
orkubyssunni minni,“ æpti hann
svo.
Frakkar settu Zhírínovskíj það
skilyrði, að honum yrði vísað úr
landi ef hann setti fram stórorðar
yfirlýsingar. Þá hefur honum ver-
ið meinað að yfirgefa Strassbo-
urg.
Hatursávarp
Á Evrópusambandsþinginu
hrópaði hann hótanir um að
NATO-ríkin ættu að vara sig á
að varpa sprengjum á Bosníu, því
Rússar ættu miklu öflugri
sprengjur, sem hægt væri að
varpa á borgir Evrópu. Björn
sagði, að ræðu Zhírínovskíjs væri
ekki hægt að lýsa nema sem hat-
ursávarpi yfir Evrópubúum og
Evrópuráðinu. „Hann sakaði Evr-
ópu um að hafa leitt kommúnism-
ann yfir Rússa og nær stuðlað
að útrýmingu þeirra og vísaði þá
væntanlega til þess að Karl Marx
var Evrópubúi," sagði Björn.
„Þingfulltrúar sátu sem lamaðir
og það var greinilegt, að þeir töldu
sig vera að hlusta á mann sem
genginn var af göflunum. Ég veit
ekki hvort Zhírínovskíj meinar það
sem hann segir eða hvort hann
segir þetta til að fá athygli, en
þetta er eins og að hlusta á sturl-
aðan mann.“
Reuter
Kastar grasi í mótmælendur
ZHÍRÍNOVSKÍJ reiddist gyðingum, sem mótmæltu við rússnesku
ræðismannsskrifstofuna, svo nijög að hann grýtti grasi, steinum
og mold í þá.
Kosningar í Ukraínu
Kommún-
istar hljóta
mest fylgi
Kiev. Reuter.
KOMMÚNISTAR og bandamenn
þeirra hlutu mest fylgi í fyrstu
þingkosningunum í Úkraínu eftir
að landið hlaut sjálfstæði, sam-
kvæmt bráðabirgðatölum. Ljóst
þykir að mikil átök verði á þing-
inu, þar sem þjóðernissinnar sóp-
uðu til sín fylgi í vesturhluta
Úkraínu.
Kommúnistar, sósíalistar og
Bændaflokkurinn hlutu um 110
þingsæti af 450 í tveimur umferðum
kosninganna. Hófsamir þjóðernis-
sinnar hlutu um 60 þingsæti, flest
í vestur- og miðhluta landsins. Öfga-
fullir þjóðernissinnar fengu fimm
menn kjörna á þing. Fjöldi óflokks-
bundinna frambjóðenda náði kjöri,
m.a. Leoníd Kuchma, fyrrum forsæt-
isráðherra landsins.
Helstu ágreiningsmál kommún-
ista og þjóðernissinna eru talin verða
aðild að Samveldi sjálfstæðra ríkja,
ný stjórnarskrá og tímasetning for-
setakosninga.
Þrátt fyrir að kosningaþátttaka
hafi verið rúmlega 66% er talið að
kosningarnar geti verið ógildar í 113
kjördæmum vegna hinna flóknu
kosningareglna. Um 330 þingmenn
munu taka sæti á þinginu að sögn
kjörnefndarmanna, en sá fjöldi næg-
ir til þinghalds og til ákvarðanatöku
í stærri málum.
Air France
Meirihluti
fylgjandi
aðhalds-
aðgerðum
París. Reuter.
RÚM 80% starfsmanna Air
France-flugfélagsins greiddu
atkvæði með aðhaldsaðgerðum
stjórnar félagsins en þær fela
m. a. í sér uppsagnir og fryst-
ingu launa. Úrslit atkvæða-
greiðslunnar eru talin mikill
sigur fyrir Christian Blanc,
stjórnarformann Air France,
sem tók við starfinu í október.
Af 40.000 starfsmönnum
greiddu 83,5% atkvæði og voru
81.3% fylgjandi aðhaldsaðgerð-
unum en 16,5% á móti. Atkvæða-
greiðslan greiðir fyrir 20 millj-
arða franka (250 milljarða ísl.
kr.) aðstoð frá franska ríkinu en
talið er að taprekstur fyrirtækis-
ins á síðasta ári hafi numið um
93 rnilljörðum króna.
Verkalýðsforingjar sögðu
ástæðu þess að starfsfólk hefði
tekið tillögum Blancs mun betur
en niðurskurðartillögum Bern-
ards Attalis, fyrrverandi stjórn-
arformanns, vera þá að þær
kæmu ekki eins hart niður á
starfsfólki og tillögur Attalis.
Hann hrökklaðist frá störfum eft-
ir verkfall starfsfólks í október
sl. sem beint var gegn aðhaldsað-
gerðum í rekstrinum.
Bandaríkin hóta Bosníu-Serbum frekari árásum láti þeir ekki segjast
Skothríð á Gorazde hætt
eftir tvær loftárásir SÞ
Moskvu, Washington, Sar^jevo, Belgrad. Reuter.
BILL Clinton Bandaríkjaforseti varði í
gær loftárásir bandarískra flugvéla í gær
og á sunnudag á Bosníu-Serba við músl-
imaborgina Gorazde í Bosníu, sagði þær
fullkomlega löglegar og gerðar að ósk
fulltrúa Sameinuðu þjóðanna (SÞ). Um
hálfri annarri klukkustund eftir síðari
loftárás bandarisku flugvélanna stöðv-
uðu Serbar að mestu aðgerðir sínar gegn
borginni og var tiltölulega kyrrt þar seint
í gærkvöldi. Rússar gagnrýna loftárás-
irnar, einkum skort á samráði um þær,
og Bosníu-Serbar segja að SÞ hafi nú
tekið afstöðu með múslimum í stríðinu.
„Þetta eru tímamót og við vitum ekki hvort
við getum með nokkru móti átt frekara sam-
starf við friðargæslulið SÞ þegar það tekur
afstöðu með öðrum aðilanum í þessu borgara-
stríði," sagði Radovan Karadzic, leiðtogi
Bosníu-Serba, í gær eftir fund með Vítalíj
Tsjúrkín, aðstoðarutanríkisráðherra Rúss-
lands. Serbar svöruðu í gær aðgerðum SÞ
með því að slíta um hríð öllum samskiptum
við fulltrúa samtakanna og hindra umferð til
og frá Sarajevo. Þrátt fyrir þessi viðbrögð
hyggjast Serbar hefja viðræður við fulltrúa
SÞ, Bandaríkjanna og Rússlands í dag, þriðju-
dag.
Um 65.000 manns búa á Gorazde-svæðinu.
• •
Orving-luð flóttakona
KONA í hópi flóttamanna frá Goradze hníg-
ur örvingluð niður er fólkið mótmælir við
stöðvar Sameinuðu þjóðanna í Sarajevo.
Kröfðust flóttamennirnir hertra aðgerða SÞ
gegn Bosníu-Serbum.
Önnur árás bandarískra flugvéla Atlantshafs-
bandalagsins, NATO, á stöðvar Serba á einum
sólarhring var gerð í gær og mun hafa tekist
að granda þrem skriðdrekum sem skotið höfðu
á miðborg Gorazde. Vélar NATO héldu áfram
að fljúga yfir borgina og nálæg svæði síðdegis
í gær.
Clinton forseti hótaði Serbum fleiri árásum
ef þeir drægju ekki iið sitt á brott frá Gorazde.
„Ég tel að við þurfum að sýna festu. Við höf-
um áður séð að þegar við höfum sýnt festu í
stuðningi við aðgerðir SÞ hefur það ýtt undir
frekari samningaviðræður. Það er það sem við
erum að gera, reyna að ýta undir viðræður.“
Clinton hringdi í Borís Jeltsín Rússlandsfor-
seta rétt eftir fyrri árásina á sunnudag og
tjáði Jeltsín honum þá að Rússar vildu auka-
fund um málið í öryggisráði Sameinuðu þjóð-
anna. Ekkert bendir þó til þess að Rússar
hyggist beita neitunaivaldi gegn frekari árás-
um á Serba og í yfirlýsingu utanríkisráðuneyt-
isins í Moskvu var hvatt til skyndiaðgerða til
að aflétta umsátri Serba við Gorazde og af-
vopnunar á svæðinu. I viðtali við rússnesku
sjónvarpsstöðina Ostankíno í gær gagnrýndi
Vítalíj Tsjúrkín Serba, sagði þá ekki hafa skýrt
Rússum rétt frá atburðum undanfarna daga
við Gorazde.
Sjá: „Bosníu-Serbar...“ á bls. 27.