Morgunblaðið - 29.05.1994, Blaðsíða 2

2 SUNNUDAGUR 29. MAÍ 1994
MORGUNBLAÐIÐ
FRÉTTIR
Börnin í Hlíðaskóla gáfu gangbrautaverðinum sínum gjafir
Mikill styrkur
frá börnunum
EFNT var til sérstakrar athafnar í Hlíðaskóla seinasta miðvikudag þar
sem Erlendi Guðmundssyni, gangbrautaverði við skólann, voru afhentar
gjafir og viðurkenningarskjal í þakklætisskyni fyrir störf hans í vetur.
Engin umferðaslys hafa orðið á börnum í vetur.
Erlendur starfaði við vörsluna í
þrjá mánuði í fyrra og í allan vet-
ur. Erlendur fékk afhent ljóðsafn
eftir Stein SteinaiT, bækur um Jó-
hannes Kjarval og úipu til að klæð-
ast við.vinnu sína, auk blómvandar.
í samtali við Morgunblaðið
kvaðst Erlendur ánægður með
starf sitt sem fólgið er annars veg-
ar í gangbrautarvörslu við umferð-
argötur hjá skólanum, auk þess
sem hann sér til þess að halda ró
á leiksvæði í frímínútum og gæta
yngri nemenda við skólann.
Erlendur vinnur frá klukkan
8-17 alla virka daga og hjálpar
börnunum yfir gangbrautir við
skólann, klukkutíma í senn nema
á miðvikudögum, þegar hann
stendur gangbrautavaktina tvær
klukkustundir í senn, auk þess sem
börnin sækja hann á öðrum tímum
þegar þau þurfa að fara yfir gang-
braut. „Það verður stundum kalt í
starfinu, sérstaklega þegar maður
er orðinn vanur því að sitja inni,
en þakklæti barnanna hlýjar
manni. Ég á mikil samskipti við
nemendur, skólastjóra og kennara
og hef meðal annars fengið lögregl-
una til að koma á haustin og ráð-
leggja krökkunum sem hefur gefist
afskaplega vel,“ segir Erlendur.
Hann kveðst telja það nær eins-
dæmi að gangbrautavörður við
skóla sé leystur út með gjöfum að
vori. „Ég er búinn að fá það mik-
inn styrk frá börnunum, að hann
hefði nægt mér, en foreldrarnir og
börnin vildu gera eitthvað sýni-
legt,“ segir hann.
Erlendur segist ekki eiga von á
að geta starfað við gangbrauta-
vörsluna næsta vetur, þótt hann
feginn vildi — launin séu of lág.
Hann fái aðeins útborgaðar 51
þúsund krónur og fyrir 58 ára
gamlan mann sé það ekki mann-
sæmandi. „Mér finnst það sárt að
þurfa að hætta, ekki síst þar sem
nýr hópur sex ára bama kom í
skólann í gær til að kynna sér skól-
ann og þau vonuðustu öll tit að sjá
mig í haust. Ég afhenti þeim bækl-
inga frá Umferðarráði um notkun
öryggisbelta og bókamerki, en gat
því miður ekki heitið þeim því að
vera hérna þegar skólinn byijar,"
segir Erlendur.
MIKIL gleði ríkti þegar Erlendur Guðmundsson, gangbrauta-
vörður, tók við þakklætisvotti frá nokkrum af yngri nemendum
Hlíðaskóla.
Hvalveiðiráðið samþykkir kvótareiknireglur
en hvalveiðar eru áfram bannaðar
Breytir ekki afstöðu
íslenskra stjómvalda
ÁLYKTUN um reiknireglur fyrir hvalveiðikvóta var samþykkt á ársfundi
Alþjóðahvalveiðiráðsins í Mexíkó á föstudagskvöld. Bann við atvinnuhval-
veiðum er þó í gildi eftir sem áður þar sem hvalveiðiráðið telur að hrinda
þurfi víðtækri veiðistjórnunaráætlun í framkvæmd áður en hægt sé að
fjalla um hvort aflétta eigi banninu.
Yera Moda
í Þýskalandi
Islendingur
opnar fyrstu
verslunina
KRISTINN Már Gunnarsson opn-
ar á miðvikudag í Trier fyrstu
Vera Moda-verslunina í Þýska-
landi. Verslunin er um 150 fer-
metrar og stendur við aðalgöngu-
götuna í miðborg Trier. Sólrún
Lísa Kristjánsdóttir, unnusta
Kristins, verður verslunarstjóri og
sér hún um öll innkaup og dagleg-
an rekstur, en til að byija með
selur verslunin eingöngu kven-
mannsföt.
Kristinn Már hefur búið í Þýska-
landi í um fjögur ár. Hann segist
hafa verið að vinna í þessu undan-
farin tvö ár. Ástæðan fyrir því að
Trier varð fyrir valinu sé meðal
annars að borgin sé tilvalinn stað-
ur til að læra af. Á svæðinu sé
sæmilega mikið af fólki og það sé
gott verslunarsvæði.
Hann segir að Vera Moda sé
lítt þekkt í Þýskalandi en margir
Þjóðveijar þekki merkið frá öðrum
löndum.
íslenskir fjárfestar
Að versluninni stendur hópur
íslenskra fjárfesta, að sögn Krist-
ins, sem búinn er að rannsaka
markaðinn í tæp 2 ár. Þeir hafi
verið með nokkur önnur fyrirtæki
í huga áður en Vera Moda varð
ofan á. „Gkkur finnst að þetta sé
ágætis millistig sem vantar," segir
hann. „Það er til mikið af dýrum
og ódýrum fötum en lítið þar á
milli.“
Engin lán
Kristinn segist vera orðinn mjög
spenntur vegna opnunarinnar.
Þetta sé dýrt dæmi og hafi kostað
meira en hann hélt í upphafi, en
nánast engin lán voru tekin til að
opna verslunina.
Þorsteinn Pálsson sjávarútvegs-
ráðherra sagði við Morgunblaðið
að hann sæi ekki að niðurstaða
ársfundar hvalveiðiráðsins hefði
áhrif á þá afstöðu íslenskra stjórn-
valda að standa fyrir utan ráðið.
„Mér finnst niðurstaða hvalveiði-
ráðsins afar lítil raunveruleg breyt-
ing. Ákvörðunin um friðunarsvæði
sýnir að það er ekki mikill vilji tii
þess að láta vísindalegar niðurstöð-
ur ráða. Það er ljóst að þó að veiði-
stjórnunaraðferðir séu viðurkennd-
ar þá eru hvalveiðar á þeim grunni
ekki leyfðar, þannig að því leyti er
þessi fundur vonbrigði," sagði Þor-
steinn.
En hvalveiðiráðið samþykkti fyrr
í vikunni verndarsvæði fyrir hvali
í Suðurhöfum og samkvæmt því er
bannað að veiða hvali á svæðinu
án tillits til veiðiþols hvalastofna.
Reutersfréttastofan hafði eftir Clif
Curtis talsmanni Grænfriðunga á
ársfundinum að sú samþykkt benti
til þess að hvalveiðiráðið hefði
breyst úr hvalveiðiráði í hvalfriðun-
arráð.
Viðhorfsbreyting?
Bandaríkin lögðu fram ályktun-
ina um samþykkt veiðistjórnunar-
reglnanna ásamt fleiri ríkjum og
ályktunin var samþykkt án at-
kvæðagreiðslu. Fyrir ári lýstu
bandarísk stjórnvöld því yfir að
Bandaríkin væru á móti hvalveiðum
þótt þær væru stundaðar á vísinda-
legum grunni. Eftir ársfundinn á
föstudagskvöld sagði Brian Gorman
talsmaður bandarísku sendinefnd-
arinnar við Reutersfréttastofuna að
ef stunda ætti hvalveiðar af ein-
hveiju tagi ætti það að vera á vís-
indalegum grundvelli og undir yfir-
stjóm Alþjóðahvalveiðiráðsins. Re-
utersfréttastofan hafði einnig eftir
James Baker formanni bandarísku
sendinefndarinnar að Bandaríkin
styddu ekki að atvinnuhvalveiðar
hæfust á ný og sæju ekki fyrir sér
að atvinnuveiðar hæfust í náinni
framtíð.
Þegar Þorsteinn Pálsson var
spurður hvort orðið hefði viðhorfs-
breyting hjá Bandaríkjamönnum
sagði hann óvíst hvort svo væri í
raun. „Þeir hafa ekki sýnt á þau
spil. Það er augljóst að úrsögn okk-
ar úr hvalveiðiráðinu hefur haft
mjög mikla þýðingu. Hún hefur
knúið menn til að taka afstöðu og
knúið menn til að viðurkenna að
minnsta kosti í orði vísindalegar
forsendur fyrir veiðum. Hún hefur
gert það að verkum að bandarísk
stjórnvöld hafa óttast að fleiri þjóð-
ir gengju á eftir ef þau sýndu ekki
einhvern lit. Ég held hins vegar að
niðurstaða hvalveiðiráðsins sé afar
lítil raunveruleg breyting.“
R-listinn kvartar vegna starfsemi D-listans á kjörstöðum
Ekkí ástæða til aðgerða
R-LISTINN kvartaði til yfírkjör-
stjómar í gær vegna starfsemi Sjálf-
stæðisflokksins á kjörstað og fullyrti
að hún truflaði kjósendur. I yfírlýs-
ingu frá yfirkjörstjóm segir að það
hafi tíðkast í mörg ár í Reykjavík
að stjórnmálaflokkar fengju aðstöðu
á kjörstöðum til að auðvelda eftirlit
þeirra með framkvæmd kosning-
anna. Starfsemin megi þó ekki trufla
kosningarnar.
I kvörtun R-Iistans segir að í
Breiðagerðisskóla reki sjálfstæðis-
menn skrifstofu og hafi R-listanum
borist kvartanir vegna starfseminn-
ar.
Yfirkjörstjóm kannaði hjá hverfis-
kjörstjórn í Breiðagerðisskóla hvort
starfsemi D-listans truflaði fram-
kvæmd kosninganna og taldi hún að
svo væri ekki. Því hafí ekki verið
ástæða til aðgerða.
Kjartan Gunnarsson, fram-
kvæmdastjóri Sjálfstæðisflokksins,
segir að þessi kvörtun sé ekkert ann-
að en örvæntingarfull tilraun til þess
að hafa áhrif á kosningamar. Það
sé ákvörðun kjörstjórnar á hveijum
stað að útvega húsnæðið og svona
hafið þetta verið gert athugasemda-
laust í 50 ár.
Solzhenitsyn snýr aft-
ur
►Alexander Solzhenitsyn snýr
aftur til Rússlands eftir 20 ára
útlegð á Vesturlöndum þar sem
hann hefur freistað þess í hvívetna
að hafa sem minnst kynni af vest-
rænni menningu./lO
íbúðum aldraðra
ábótavant
►iðjuþjálfar telja að mikið skorti
á að íbúðir þær, sem byggðar eru
fyrir aldraða þjóni tilgangi sín-
um./12
Styttist í stóra daginn
►Undirbúningur vegna þjóðhátíð-
ar á Þingvöllum er kominn á loka-
stig./16
Að móta unglinginn
►Heimsókn í menntasetrið að
Reykholti í Borgarfirði./18
Konan með Kóreubíl-
ana
► Segja má að Erna Gísladóttir
hafi rutt braut kynsystra sinna inn
á nýbílamarkaðinn þegar hún tók
við stöðu framkvæmdastjóra hjá
Bifreiðum og landbúnaðarvél-
um./20
B
► 1-28
í stjörnufiokki
►Elín Ósk Óskarsdóttir segir frá
söngferli sínum, æskuárum og
starfi sem kjötmatsmaður./l
Aftur til steinaldar
►Sumarið er gósentíð afþreying-
armyndanna frá Hollywood og
bráðlega taka stórmyndir sumars-
ins sér bólfestu í bíóunum á ís-
landi./4
Veiðisögur að vestan
►Jón Jens grenjaskytta er enn
að og kominn á níræðisaldurinn. /8
Barnið skal heita Mót-
taka
►Björg Pálsdóttir, fjörkálfurinn
af Seltjamarnesinu, sem sinnt hef-
ur hjúkrunar- og ljósmóðurstörfum
meðal blásnauðra og stríðshijáðra
í Asíu og Afríku tekin tali./12
Hnykkurinn 1999
►indverska bókin sem sameinar
vísindi og dulhyggju. /14
BÍLAR____________
► 1-4
Ágreiningur um æf-
ingakennslubraut
►Stefnir í að byggðar verði tvær
brautir en hvor mun kosta á annað
hundrað millj. kr. /3
Reynsluakstur
►Honda Accord Si, aflmikill og
lipur bíll sem hefur fengið andlits-
lyftingu./4
FASTIR bÆTTIR
Fréttir 1/2/4/6/bak Fólk í fréttum 38
Leiðari 24 Bíó/dans 39
Helgispjall 24 íþróttir 42
Reykjavíkurbréf 24 Útvarp/sjónvarp 44
Minningar 26 Dagbók/veður 47
Myndasögur 34 Gárur 6b
Brids 34 Mannlífsstr. 6b
Stjörnuspá 34 Kvikmyndir lOb
Skák 34 Dægurtónli8t ltó
Bréf til blaðsins 35 Samsafnið 26b
Velvakandi 36
INNLENDAR FF tÉTTlR:
2-6-BAK
ERLENDAR FRÉTTIR:
1-4 *