Morgunblaðið - 29.05.1994, Blaðsíða 22
22 SUNNUDAGUR 29. MAÍ 1994
MORGUNBLAÐIÐ
KVIKMYNDIR/STJÖRNUBÍÓ frumsýnir eftir helgina gamanmyndina Guarding Tess sem
Qallar um um erfiðleika leyniþjónustumanna við að gæta fyrrverandi forsetafrúar Bandaríkj-
anna. Með aðalhlutverk í myndinni fara þau Shirley MacLaine og Nicolas Cage.
Tess
í pössun
í AUGUM almennings í Bandaríkjunum er Tess Carl-
isle (Shirley MacLaine) þjóðargersemi. Út á við er
hún virðuleg fyrrverandi forsetafrú, en á bak við
luktar dyr er hún duttlungafull, viljasterk gömul
kona sem virðist hafa það eina markmið í lífinu að
komast að því hve hún getur gengið langt gagnvart
leyniþjónustumanninum Doug Chesnic (Nicolas Cage)
áður en hann springur í loft upp. Þessi ósanngjarna
en fjöruga kona sem fædd er til að segja öðrum
fyrir verkum veit svo sannarlega hvernig hún á að
koma úr jafnvægi þessum unga manni sem fengið
hefur það hlutverk að gæta hennar á gamals aldri.
Hann fer eftir öllum settum reglum, sem reyndar
eru sniðnar til þess að gæta Tess, en þessar reglur
hindra hins vegar fyrrum forsetafrúna í því að haga
lífinu eins og hún helst óskar. Skiljanlega verða þess-
ar aðstæður þess valdandi að hún verður svolítið
stygglynd, og skoðun hennar er sú að ef hún þarf
að þjást þá skulu þeir Doug og félagar hans sex sem
starfa við gæslu hennar sko líka fá að þjást.
Tjótt Doug sé af þeirri
-I. manngerð sem alltaf
fer eftir settum reglum þá
þráir hann það innst inni
að vera þar sem mest á
mæðir og hættan er mest
hveiju sinni. í stað þess að
fá þessar óskir sínar upp-
fylltar er hann hins vegar
niðurkominn í smábæ í
Miðvesturríkjunum þar
sem Tess heldur honum við
efnið, jafnvel þótt það felist
ekki í öðru en færa henni
morgunverðinn í rúmið.
Það virðist nefnilega vera
svo að hún telji leyniþjón-
ustumann vera leyniþjón,
og ekkert í þjálfunarhand-
bók leyniþjónustunnar hef-
ur undirbúið hann fyrir
skyldustörf af þessu tagi.
Hann gerir því uppreisn að
lokum og í kjölfarið fýlgir
kátleg og þijóskuleg bar-
átta hans við þá manneskju
sem hann er eiðsvarinn til
að vernda.
Eftir að eiginmaður
Tess, forseti Bandaríkj-
anna, lætur lífið á meðan
hann gegnir embætti, kýs
hin dáða ekkja hans að
eyða ævikvöldinu í
heimabæ sínum í Ohio, en
þar verður Doug Chesnic
einn af fáu föstu punktun-
um í lífi hennar. Hann er
í þjónshlutverki
LENIÞJÓNUSTUMAÐURINN Doug Chesnic innir
af hendi þjónustu sem hvergi var minnst á í kennslu-
bókum leyniþjónustunnar.
Vel varin
FORSETAFRÚIN fyrrverandi í öruggri gæslu leyni-
þjónustumanna sem alls ekki eru sáttir við það hlut-
verk sitt að gæta hennar.
metnaðarfullur og ákveð-
inn leyniþjónustumaður ■
sem þjónaði í Hvíta húsinu
í forsetatíð Carlisle, og
stjórnar hann nú því sjö
manna liði sem ætlað er
að gæta Tess. Dbug þráir
ekkert heitar en að sleppa
við þetta varðhundshlut-
verk, og þolinmóður og af
skyldurækni klárar hann
eina ferð með Tess og und-
irbýr sig síðan fyrir að
halda til höfuðborgarinnar
þar sem hann væntir þess
að axla skyldur við leyni-
þjónustustörf sem hann
geti verið stoltur af. Tess
hefur hins vegar svolítið
annað í huga hvað hann
varðar og eftir að hún hef-
ur rætt, í síma við núver-
andi húsbónda í Hvíta hús-
inu verður Doug ólgandi
af reiði að sætta sig við það
á nýjan leik að færa henni
morgunverðinn í rúmið.
Hann er haldinn full-
komnunaráráttu og er heið-
arlegur eins og skáti, og
undir öllum kringumstæð-
um í lífinu hefur hann reynt
að gera gott úr öllum að-
stæðum sem hann hefur
lent í. En í þetta sinn hefur
Tess gengið of langt, og
það allt of langt. Hún nýtur
þess að pota svolítið í fag-
mannlegt háttalag hans og
reyna að bijóta eins margar
reglur og hún getur í nær-
veru hins ósveigjanlega
gæslumanns. Það er ekki
einungis það að hún njóti
þess að kvelja Doug, heldur
hefur hún það á stefnuskrá
sinni að fá hann til þess
að veita sjálfum sér ein-
hverja ánægju í lífínu og
til þess að svo megi verða
heldur hún áfram að tuska
hann til á allan hátt.
Töffari á
rólegn
nótunum
NICOLAS Cage sem leikur leyniþjónustumanninn
þjáða í Guarding Tess var aðeins tólf ára gamall þeg-
ar frægur kvikmyndaleikstjóri bað hann í fyrsta sinn
að koma fram. Þá hét hann reyndar Nicolas Coppola
og leikstjórinn sem um ræðir var enginn annar en
frændi hans, Francis Ford Coppola, sem þá hafði
öðlast bæði frægð og frama. Þetta var árið 1976 og
ætlaði Francis að nota þennan litla frænda sinn til
að heilla nokkra japanska gesti sína upp úr skónum,
en snáðinn kunni nokkur orð í japönsku. Nicolas Cage
er nú að verða þrítugur og er hann þekktastur fyrir
að leika óheflaða og eirðarlausa töffara sem skapað
hefur honum frægð sem einhvers trylltasta leikarans
í Hollywood.
Sannleikurinn er þó sá
að Nicolas Cage er í
dag ákaflega venjulegur,
en þegar hann var yngri
skvetti hann vissulega úr
klaufunum og notaði þá
reynslu sem hann öðlaðist
af því í kvikmyndaleikinn.
Hann hætti námi á síðasta
ári í menntaskóla og snéri
sér að leiklistinni, og það
gerði hann með fullu sam-
þykki föður síns sem hann
bjó hjá eftir skilnað for-
eldra sinna.
Til að byija með lék
hann í nokkrum misheppn-
uðum sjónvarpsþáttum en
að því kom að hann fékk
aukahlutverk í nokkrum
kvikmyndum, og þeirra á
meðal var Rumble Fish
(1983) sem Francis frændi
leikstýrði. Hið fræga eftir-
nafn, Coppola, olli honum
þó nokkrum óþægindum
og því breytti hann því í
Cage, og í kjölfarið fékk
hann fyrsta aðalhlutverkið
í kvikmynd, en það var í
myndinni Valley Girl
(1983). Síðan lék hann ill-
NICOLAS Cage hefur
heldur róast með árunum.
skeyttan glæpamann í Cot-
ton Club (1984), en henni
leikstýrði Francis frændi.
Lifði hann sig svo inn í
þetta hlutverk að hann rú-
staði húsvagni sem hann
bjó í á meðan á kvikmynda-
tökunni stóð. í Birdy
(1984) lék hann síðan her-
mann sem skaddast hafði
í Víetnam og lét hann
draga úr sér tvær tennur
til að geta túlkað hlutverk-
ið sem best.
Engu munaði að Nicolas
Cage yrði rekinn þegar
hann lék í Peggy Sue Got
Married (1986), en Kathle-
en Tumer sem lék á móti
honum þoldi ekki óheflaða
framkomu hans og henni
voru reyndar sammála
flestir aðrir sem að gerð
kvikmyndarinnar komu.
Það var svo leikstjórinn
Francis Ford Coppola sem
hafði lag á að róa alla við-
komandi og koma á sáttum.
Þessi mynd varð geysivin-
sæl og í kjölfarið kom önn-
ur sem varð enn vinsælli,
en það var Moonstruck
(1987). í þeirri mynd lék
Nicolas rómantískt hlutverk
á móti Cher. Hann kunni
þó ekki að öllu leyti við sig
í því hlutverki og því lék
hann í Vampire Kiss þar
sem hann gat látið öllum
illum látum og í henni
sporðrenndi hann til dæmis
lifandi kakkalakka. í Wild
At Heart (1990) sem David
Lynch leikstýrði lék hann
svo enn einn töffarann, en
í Honeymoon in Vegas
(1992) var greinilega mesti
uppreisnarmóðurinn runnin
af honum.
Meðal annarra mynda
sem þessi kraftmikli leikari
hefur komið fram í eru
Amos & Andrew, Red Rock
West, Deadfall og hin
væntanlega rómantíska
gamanmynd Cop Tips Wai-
tress $2M, en í henni leikur
hann á móti Bridget Fonda
og Rosie Perez.
Margt til
lista lagt
SHIRLEY MacLaine sem leikur hina ástsælu en uppá-
tektarsömu fyrrverandi forsetafrú i Guarding Tess hefur
leikið í rúmlega 40 kvikmyndum auk þess að gefa út
fjölda bóka og leika á sviði og í sjónvarpi. Árið 1983
vann hún óskarsverðlaunin sem besta leikkona í aðalhlut-
verki fyrir frammistöðu sína í myndinni Terms of Endear-
ment, en hún hefur einnig verið tilnefnd til óskarsverð-
launanna fyrir leik sinn í Some Came Running, The
Apartment, Irma La Douce og The Tuming Point.
Shiriey MacLaine sem er
systir leikarans Warren
Beatty sást fyrst á hvíta
tjaldinu í myndinni The Tro-
uble With Harry. Síðan hefur
hún meðal annars leikið í
myndum á borð við Can Can
og Sweet Charity, og upp á
síðkastið hefur hún hlotið
mikið lof fyrir leik sinn í
myndunum Steel Magnolias,
Postcards From the Edge,
Used People og Wrestling
Ernest Hemingway.
Þessi fjölhæfa leikkona
hefur einnig leikið í nokkrum
sjónvarpsmyndum sem hún
hefur hlotið fyrir fimm til-
nefningar til Emmy-verð-
launa og hlotið þau einu
sinni, og þá hefur hún sett
aðsóknarmet þegar hún hef-
ur komið ein fram á sviði.
Hún er jafnframt mikilvirkur
rithöfundur og hefur sent frá
sér ijölda metsölubóka sem
margar hverjar hafa fjallað
SHIRLEY MacLaine er
fjölhæfur listamaður með
áhuga á andlegum mál-
efnum.
um andleg málefni, en fyrstu
metsölubókina sendi hún frá
sér 1970 og var hún byggð
á endurminningum hennar.