Morgunblaðið - 29.05.1994, Blaðsíða 20

20 SUNNUDAGUR 29. MAÍ 1994
MORGUNBLAÐIÐ
KONANMEÐ
KÓREUBÍLANA
eftir Hildi Friðriksdóttur
VIDSKIPn AIVINNULÍF
ÁSUNNUDEGI
►SEGJA má að Erna Gísladóttir hafi rutt braut kyn-
systra sinna inn á nýbílamarkaðinn þegar hún tók
við framkvæmdastjórastöðu hjá Bifreiðum & Land-
búnaðarvélum (B&L) í byrjun árs 1992. Auk þess starfs
sér hún um fjármál fyrirtækisins. Fáar konur eru í
stj órnunarstöðum í greininni og engin sem stendur í
sömu sporum. Erna er fædd 5. maí 1968 og var þar
af leiðandi aðeins 23 ára þegar hún fékk stöðuna, í
kjölfar þess að B&L tók við Hyundai-umboðinu. Hún
er dóttir Gísla Guðmundssonar forstjóra B&L og
Bessíar Jóhannsdóttur.
Erna lauk BS gráðu í hajg-
fræði frá Háskóla Is-
Iands 1991 og hóf þá
strax störf hjá Bifreiðum
og landbúnaðarvélum.
Fyrsta árið fór að mestu í að kynna
sér starfsemina í hinum ýmsu
deildum en þegar fyrirtækið var
valið sem innflutningsaðili Hy-
undai-bifreiða í desember 1991
kom í hlut Ernu að sjá um þann
hluta.
Hún sér einnig um fjármál allra
deilda og vinnur áætlanagerð í
samráði við skrifstofustjóra. „Við
tökum stefnumarkandi ákvarðanir
sem unnið er út frá. Ég lærði það
af Kóreumönnum, sem eru mjög
kröfuharðir, hversu mikils virði er
að gera áætlanir. Við gerum sölu-
áætlanir til lengri tíma en áður
og setjum okkur ákveðnari mark-
mið,“ segir Erna þar sem við sitj-
um á nokkuð stórri skrifstofu
hennar, en ekki íburðarmikilli, við
Suðurlandsbrautina með útsýni
yfir Laugardalinn.
870 bílar seldir frá upphafi
Sala á Hyundai-bílum hófst í
maí 1992 og er skemmst frá því
að segja að bílarnir hafa hlotið
afar góðar viðtökur á markaðnum.
Hyundai hefur náð um 7% mark-
aðshlutdeild á tveimur árum á
sama tíma og sala nýrra bíla hefur
dregist verulega saman. Hafa 870
bílar selst frá upphafi og raunar
náði tegundin öðru sæti yfir mest
seldu fólksbílana um tíma. Þennan
árangur má eflaust þakka því að
Hyundai-bílarnir eru svipaðir jap-
önskum bílum að gæðum en eru
hins vegar talsvert ódýrari.
A sama tíma og uppgangur
hefur verið í sölu kóreönsku bíl-
anna hefur sala Lada-bfla dregist
saman. Þannig má segja að fyrir-
tækið hafi tekið hárrétta ákvörðun
þegar það afréð að taka við Hy-
undai-umboðinu. Um tíma kom
fyrirtækið reyndar sterklega til
greina sem umboðsaðili Mazda hér
á landi en japönsku verksmiðjurn-
ar afréðu að leita annað með
umboðið.
Þegar Ema er spurð hver sé
skýringin á þessum góðu viðtökum
Hyundai svarar hún að þær séu
eflaust margar. „Sú mikilvægasta
er án efa hve starfsmennirnir voru
áhugasamir, jákvæðir og unnu að
því sem einn maður að vel til tæk-
ist.“
Gerðist pantanaglöð
Pantanir á nýjum bílum verða
að fara fram sjö vikum fyrir fram-
leiðslu. Þannig verður ágústfram-
leiðslan pöntuð í júní og kemur
hún til landsins í október. „Þessi
tilhögun gerir það að verkum að
við verðum að sjá sveiflur þokka-
lega fram í tímann. Það var nokk-
uð flókið í byijun þar sem við viss-
um ekki hver salan yrði. Ég hafði
ekki mikla reynslu af innkaupum
og gerðist mjög pantanaglöð í
fyrstu sendingunum, bað um §öl-
breytt úrval lita auk ýmissa auka-
hluta.“
— Gekk dæmið upp?
„Ég segi það nú kannski ekki
alveg," svarar hún. „Reyndar voru
topplúgur það eina sem ég pant-
aði of mikið af. Mér fannst þær
spennandi, auk þess sem þær voru
í tísku á ákveðnu tímabili. íslend-
ingar féllu hins vegar ekki fyrir
þeim, enda býður veðráttan
kannski ekki upp á það, sérstak-
lega ekki á veturna."
— Hefurðu orðið vör við gagn-
rýni um að þú hafir fæðst með
silfurskeið í munni og því ekki
skrýtið að þú sért komin hér í
framkvæmdastjórastöðu?
„Já, auðvitað hef ég orðið vör
við það. Það er engin launung á
því. í hörðum heimi viðskiptanna
hefur ekkert fyrirtæki efni á því
að hafa vanhæfa stjórnendur og
þar skipta ættartengsl engu máli.
Það er jú eitt að fá stöðu og ann-
að að halda henni.
Ég hafði kannski ekki jafn
mikla reynslu og aðrir í stjórnun-
arstörfum en ég hafði starfað áður
í öllum deildum fyrirtækisins öðr-
um en verkstæði og þekkti því
innviði fyrirtækisins vel. Ég læri
af þeim sem eru reynslumeiri í
kringum mig og það er góður
skóli.“
— Hefurðu leitt hugann að
„þriðjukynslóðarvandamáli“ nú
þegar þú er sest í framkvæmda-
stjórastól og átt kannski eftir að
taka við forstjórastóli í framtíð-
inni?
„Nei,“ svarar hún. „Það mun
tíminn leiða í ljós.“
Saga fyrirtækisins
Bifreiðar & landbúnaðarvélar
sem er fjölskyldufyrirtæki verður
40 ára nú í júní. Upphaflega var
það stofnað af Félagi bifreiðainn-
flytjenda fyrir tilstilli ríkisins. Einn
af stofnendum var Guðmundur
Gíslason afi Ernu, sem síðar varð
forstjóri fyrirtækisins. Koma
þurfti á vöruskiptum milli Sovét-
rikjanna og íslands eftir að Bretar
höfðu stoppað innflutning á fiski
í kjölfar stækkunar landhelginnar.
Þá var fluttur út fiskur til Sovét-
ríkjanna en í staðinn var flutt inn
olía, járn og timbur. Einnig var
óskað eftir að íslendingar flyttu
inn bifreiðar og landbúnaðarvélar.
Reyndar varð lítið úr innflutningi
á þeim síðarnefndu. „Alla tíð síðan
hefur fyrirtækið staðið í innflutn-
ingi frá Sovétríkjunum og nú
Rússlandi. Fyrst voru fluttir inn
Pobeda, Moskvitch, Volga og nú
síðast Lada, sem átti geysilegum
vinsældum að fagna á uppgangs-
árunum í kringum 1986-88. Til
dæmis seldum við 2.800 bíla árið
1987 sem þýddi að rúmlega 1%
þjóðarinnar keypti sér Lödu.
Markaðshlutdeild hennar hefur þó
farið minnkandi síðan við tókum
við Hyundai-umboðinu. Við hyggj-
um þó á markaðssókn að nýju, því
við teljum Löduna góðan kost fyr-
ir það verð sem við getum boðið.
Það er hægt að kaupa nýjan bíl
fyrir 550 þús. kr.“
— Nú hefur fjöldi Lada-bifreiða
verið afskrifaður og þeir eru vin-
sælir af rússneskum sjómönnum.
Hefur ykkur aldrei dottið í hug
að hefja aftur vöruskipti við Rússa
og selja þeim notaðar Lödur?
„Nei, það hefur ekki komið til
tals vegna þess að flutningskostn-
aður er hár og það mundi aldrei
svara kostnaði.“
Nýtt húsnæði undir söludeild
Á uppgangsárunum þótti for-
svarsmönnum fyrirtækisins nauð-
synlegt að bæta við húsnæði fyrir
söludeildina og var því ráðist í að
byggja 3.000 fm hús við Ármúla.
Þangað flutti söludeildin árið
1988. Erna segir að þessi fjárfest-
ing hafi ekki komið fyrirtækinu í
koll þegar draga fór úr umsvifum
á nýjan leik. „Söludeildin er á jarð-
hæð en hinar hæðirnar eru í út-
leigu. Við gættum þess að fara
varlega á öðrum sviðum og skrif-
stofuhúsnæðið var t.d. ekki stækk-
að,“ segir hún.
Með minnkandi eftirspurn eftir
nýjum bílum hefur hluti af sam-
keppni umboðanna legið í að taka
eldri bíla upp í nýja. Hafa mörg
þeirra gripið til þess úrræðis að
selja þá með verulegum afslætti í
ákveðinn tíma. Erna segir að for-
svarsmenn B&L telji vænlegri kost
að halda sölunni jafnri yfir árið.
Hins vegar hefur fyrirtækið boðið
Hyundai Elantra 94 árgerð með
um 65 þúsund króna afslætti
þennan mánuðinn í tilefni tveggja
ára afmælis Hyundai á Islandi.
„Mér fmnst sum umboðin hafa
verið dugleg að auglýsa útsölur
með reglulegu millibili,“ segir hún.
„Fólk er farið að þekkja inn á
þetta og kaupir ekki bíla á meðan,
sem gerir það að verkum að salan
verður treg þegar engin tilboð eru
í gangi. Mér finnst raunar við ís-
lendingar vera orðnir alltof gin-
keyptir fyrir gylliboðum."
Framtíðarsýn
Þegar talið berst að markaðs-
horfum greinarinnar í framtíðinni
segist Erna ekki vera bjartsýn.
Raunar hafi hún sennilega verið
einna svartsýnust á nýafstöðnum
Bílgreinasambandsfundi.
Hún telur einnig að mikil upp-
stokkun verði á markaðnum ef
haldi áfram sem horfir, því aðeins
fjögur umboð, Toyota hf., Hekla
hf., Ingvar Helgason hf. og Bif-
reiðar & landbúnaðarvélar hf.
skipta með sér rúmlega 72% af
markaðinum, en hin umboðin, sem
eru í kringum tíu, beijast um 30%.
„Það sér það hver maður að ekki
er nóg að selja innan við 100 bíla
á ári til að fyrirtækið standi undir
sér, svo að búast má við einhveij-
um breytingum á markaðinum."
Hún segist ekki halda að þjóðfé-
lagið sé á uppleið ennþá. Raun-
verulegur hagvöxtur verði að auk-
ast til þess að sala bifreiða sem
og annarra vara aukist. „Fólk hef-
ur mjög litlar ráðstöfunartékjur
og meðan þær standa í stað verða
ekki keyptir nýir bílar, sem er aft-
ur neikvætt, því bílaflotinn er allt-
af að eldast. Auk þess hafa stjórn-
völd lækkað gjöld á bílum á upp-
gangstímum þannig að sveiflan í
bílainnflutningi varð enn meiri en
ella. Fyrst jókst innflutningurinn
verulega en síðan datt botninn úr.
Ég yrði ekki hissa þótt sagan end-
urtæki sig, því eftirspurnin er mik-