Morgunblaðið - 30.06.1994, Blaðsíða 38

38 FIMMTUDAGUR 30. JÚNÍ 1994
MORGUNBLAÐIÐ
Tommi og Jenni
DID YOU KNOU) THERE
ARE 600,000 DOCTOR5 IN
THI5 COUNTRY ?
A5 A UJORLP FAM0U5
5UK6E0N, PO YOU THlNK
THAT'5 TOO MANY DOCTOR5?
vra
Vlssirðu að það eru 600.000 lækn-
ar í þessu landi?
Heldur þú, sem heimsfrægur Bara ef þeir eru allir á vakt í
skurðlæknir, að það séu of marg- kvöld.
ir læknar?
|íl'OíC0ivmþilaínií>
BKÉF
HL BLAÐSINS
Kringlan 1103 Reykjavík • Simi 691100 • Símbréf 691329
Hugleiðing
vegna nýbúa
Frá Sigurði Kristjánssyni:
YFIRLEITT er ég stoltur yfir upp-
runa mínum. Ég er íslendingur með
brúngræn augu og svart hár, 172
cm á hæð. Sennilega hefur einhvern
kona á Hornströndum syndgað fyr-
ir nokkrum kynslóðum, þegar
Fransmenn stigu þar land. Fransk-
ur nýbúi sem starfar með mér er
einnig sannfærður um þetta. í föð-
urætt minni sem er svona „ógæfu-
söm“ er fólk fremur dökkt yfirlitum,
en þrátt fyrir það þekki ég það af
góðu.
Ástæða hugleiðinga minna er
grein í Morgunblaðinu 24. júní sem
birtist undir nafninu Burt með
nýbúana, skrifuð af Magnúsi Þor-
steinssyni. Öllu gamni fylgir alvara
og ég mun ekki eltast við að rök-
ræða við manninn. Ég starfa sem
bamalæknir í Svíþjóð og hef gert
undanfarin 9 ár og hef haft mikil
samskipti við nýbúa sem hafa víkk-
að sjóndeildarhring minn. Þær stað-
reyndir sem Magnús birtir um með-
alfæðingartölu innfæddra Svía og
nýbúa eru rangar en það skiptir litlu
máli.
Ég er hneykslaður og vonsvikinn
yfir að Morgunblaðið sem ég hef
lesið frá blautu barnsbeini birti
grein, þar sem virðing fyrir sam-
ferðamanninum er svo hrokafull og
laus við samkennd sem raun ber
vitni. Svona skrif er ekki hægt að
láta afskiptalaus í siðmenntuðu
þjóðfélagi. Þau geta hleypt af stað
skriðu misskilnings og fyrirlitning-
ar svo að ekki verðuv aftur snúið.
Ég vona að Morgunblaðið sem er
lang stærsta og eiginlega eina dag-
blað á íslandi sem getur haft víðtæk
áhrif á skoðanamyndun fólks taki
skýra og afdráttarlausa afstöðu
gegn ritsmíðum af því tagi sem
Magnús hefur fengið birta á besta
stað.
SIGURÐUR KRISTJÁNSSON,
barnalæknir,
Nyponvagen 29,
44837 Floda.
Að loknum
kosningum
Frá Karli Ormssyni:
AÐ LOKNUM kosningum velta
margir fyrir sér, hvort hlutirnir
hefðu getað orðið öðruvísi ef þetta,
og hitt, hefði verið gert á annan
veg. Ég er engan veginn öðruvísi
hugsandi um framvindu mála en
aðrir, það hefði kannski verið hægt
að hafa þetta öðruvísi o.s.frv.
Ein áleitin spurning brennur
stöðugt á mér og er upphaf henn-
ar að rekja til þess tíma er kosning-
ar um sameiningu sveitarfélag-
anna voru sem mest í brennidepli
á síðasta ári. Nú er aldrei gott að
sanna hluti sem aldrei voru prófað-
ir, en samt má leiða sterkar líkur
að mörgum atburðum, að þeir
gætu hafa haft samhengi, en slíkt
er oft aðeins færustu sagnfræð-
inga að sanna.
Ég ætla samt að taka mér það
bessaleyfi að færa líkur að einni
ástæðu að tapi sjálfstæðismanna á
þremur stöðum í sveitarstjórna-
kosningunum í vor. Það tap er
hvorki af stjórnarsetu sjálfstæðis-
manna, þar sem ríkisstjórnin mæl-
ist í skoðariakönnun í júní með
51,01% fylgi og enn síður af EES
þar sem í skoðanakönnun eru enn
fleiri fylgjandi aðild en áður.
Skiptar skoðanir
Það er kunnara en frá þurfi að
segja að við undirbúning kosninga
til sameiningar sveitarfélaganna
voru skiptar skoðanir hjá sveitar-
stjórnamönnum um ágæti samein-
ingar. Tvö sveitarfélög skáru sig
mjög úr hér á Stór-Reykjavíkur-
svæðinu, það var Mosfellsbær og
Seltjarnarnes. Hvað hafði svo verið
sameiginlegt með þessum báðum
bæjum? Það var sameiginlegt með
þeim að sveitarstjórnir jafnvel
hvöttu kjósendur til að sameinast
ekki Reykjavík, bæjarstjórn Mos-
fellsbæjar sté feti lengra og meira
að segja skrifaði hverju heimili í
Mosfellsbæ og skoraði á fólk að
fella samkomulagið. Það var ekki
furða þótt Róbert vildi ekki missa
bæjarstjórastöðuna, en var betra
að missa hana til Framsóknar og
komma í kosningunum í vor?
Einhvern tímann var sagt, af
frægum_ manni „hún snýst nú
samt“. Áður en ég fer lengra ætla
ég að benda á annað sveitarfélag
en það er Seltjarnarnes, þar eru
svo margir smákóngar sem ekki
vilja missa völdin og setja hags-
muni sína ofar hagsmunum heild-
arinnar (smákóngaveldið hefur oft
orðið okkur dýrara en tárum taki).
Ef Mosfellsbær og Seltjarnarnes
(sem enginn skilur nú af hveiju
er sér sveitarfélag) hefðu borið
gæfu til að sameinast Reykjavík
hefði meirihluti sjálfstæðismanna
aldrei fallið í Reykjavík, ekki held-
ur í Mosfellsbæ og Seltirningar
hefðu ekki misst sveitarstjórnar-
mann yfir til vinstri manna. Það
sem hefði verið kannski allra dýr-
mætast er að Reykjavík sem er
að verða landlaust svæði eftir fá
ár og Seltjarnarnes sem er þegar
landlaust svæði hefðu fengið nóg
byggingarsvæði um ókomna tíma
allt að Hvalfjarðarbotni. Það er
stundum dýrt að gera tilraunir og
hugsa ekki um afleiðingar þeirra
fyrr en eftir á, við höfum bitra
reynslu af því í Reykjavík.
KARL ORMSSON,
raftækjavörður,
Kringlunni 87, Reykjavík.