Morgunblaðið - 16.12.1994, Qupperneq 18

18 FÖSTUDAGUR 16. DESEMBER 1994
ERLENT
MORGUNBLAÐIÐ
Norðursambandið krefst
stóls forsætisráðherra
Greidd atkvæði um traustsyfirlýsingu
við Silvio Berlusconi á miðvikudag
Róm. Reuter.
UMBERTO Bossi, leiðtogi Norðursambandsins, gerði í gær kröfu til
embættis forsætisráðherra fyrir hönd flokks síns. Sá maður, sem Bossi
hefur í huga sem næsta forsætisráðherra Ítalíu, hefur hins vegar ekki
áhuga á embættinu. ítölsk blöð voru í gær samhljóða um að stjórn
Silvios Berlusconis væri að falla. A miðvikudag í næstu viku mun Ber-
lusconi ávarpa þingið, er fjárlagafrumvarpið hefur verið samþykkt, og
í kjölfarið verða greidd atkvæði um traustsyfirlýsingu við hann.
Bossi kallaði yfir sig
reiði Berlusconis og
þriðja stjórnarflokksins,
Þjóðarfylkingarinnar, er
hann boðaði til viðræðna
við stærstu vinstri- og
miðjuflokkanna í stjórn-
arandstöðunni um
mögulega stjórnar-
myndun.
Sagði Bossi í samtali
við franska blaðið Le
Figaro að Norðursam-
bandið yrði að vera í for-
sæti næstu ríkisstjómar,
þar sem flokkurinn hefði
farið fyrir breytingum í
ítölskum stjómmálum.
Hann útilokaði hins veg-
ar að setjast sjálfur í
stól forsætisráðherra.
Roberto Maroni inn-
anríkisráðherra, sem tal-
inn hefur verið líklegasta
forsætisráðherraefni
Norðursambandsins,
sagðist í gær ekki hafa áhuga á
embættinu. „Ef önnur stjórn verð-
ur mynduð, getur sá sem hefur
trúað á þessa stjórn ekki verið
eins og strengjabrúða,“ sagði
Maroni. „Ekki er um hollustu mína
við Berlusconi að ræða heldur það
að vera trúr eigin sannfæringu."
Neitaði Maroni því að Norðursam-
bandið leitaðist við að kljúfa ríkis-
stjórnina.
Fullyrt er að þijátíu af 164
þingmönnum Norður-
sambandsins muni til-
kynna Bossi að þeir
muni ekki styðja stjórn
sem Lýðræðislegi vinst-
riflokkurinn, flokkur
fyrrum kommúnista,
eigi aðild að.
„Stjórn í dái“
í samtali við La
Repubblica segir Ber-
lusconi tíma til kominn
að „horfast í augu og
depli einhver auga, verð-
ur það áreiðanlega ekki
ég.“ Berlusconi og Bossi
hafa deilt hart, auk þess
sem hart hefur verið deilt
á Berlusconi vegna
gruns um spillingu í
tengslum við fyrirtæki
hans, Fininvest. Er nú
svo komið að stjórnin er
við það að klofna.
ítölsku dagblöðin virð-
ast á einu máli máli um að svo
muni fara. „Stjóm í dái, stjórnar-
andstaðan undirbýr valdarán,“
segir í fyrirsögn II Giornale sem
hallt er undir Berlusconi. Þá segir
stjómmálaskýrandinn Napoleone
Colojanni að Berlusconi verði að
víkja. „Hann er eini maðurinn eft-
ir stríð, sem hefur tekist á aðeins
átta mánuðum að eyðileggja al-
mennt samkomulag sem náðst
hefur eftir kosningar“.
Berlusconi
JÓLA GJAFIRNAR íÁR
Stærð 122x50 sm.
Staðgreiðsluverð 28.800
Stærð 59x37, h.60 sm.
Staðgreiðsluverð 19.710
Stærð 72x47, h.123 sm.
Staðgreiðsluverð 34.830
húsgögn
Ármúla 44, sími 91-32035.
Reuter
REIÐHJÓL liggur á broti úr væng smáþotunnar sem
brotlenti á fjölbýlishúsi í Fresno á miðvikudagskvöld.
Flugvéi brotlendir á fjölbýlishúsi
Eldur kviknaði
í hreyflinum
Fresno, Kaliforaíu. Reuter.
RANNSÓKNARMENN kanna nú
rústir fjölbýlishúss, sem Lear-þota
bandaríska þjóðvarðliðsins brotlenti
á í Fresno í Kaliforníu á miðviku-
dag. Flugmennirnir tveir og maður
sem varð fyrir braki úr vélinni lét-
ust og tuttugu manns sem voru í
húsinu slösuðust.
Þotan brotlenti á götu nærri flug-
vellinum í Fresno og þeyttist flak
hennar á íbúðarblokk, þar sem það
sprakk. Myndaðist gífurlegt eldhaf
í húsinu auk þess sem kviknaði í
nokkrum bílum sem lagt var fyrir
framan það. íbúarnir þustu skelf-
ingu lostnir út úr byggingunni,
margir með alvarleg brunasár. Um
100 manns bjuggu í húsinu.
Þotan hafði fengið leyfi til lend-
ingar er flugmennirnir tilkynntu um
neyðarástand, flugu yfir flugbraut-
ina og brotlentu á götunni. Að sögn
talsmanns slökkviliðsins í Fresno,
kviknaði í öðrum hreyfli vélarinnar.
Bandaríska loftferðaeftirlitið hefur
borið lof á flugmanninn fyrir að beina
vélinni frá skóla sem vélin stefndi á
og er skammt frá ijölbýlishúsinu.
Flugöryggisregl-
ur verða hertar
Ralcigh. Rcuter.
FEDERICO Pena samgönguráð-
herra Bandaríkjanna fyrirskipaði
loftferðaeftirlitinu (FAA) í gær að
rannsaka öryggismál hjá hveiju ein-
asta flugfélagi landsins.
Jafnframt hefur verið ákveðið að
herða öryggiskröfur gagnvart
smærri flugfélögum. Verða þær
samræmdar þeim kröfum sem gilda
fyrir stóru áætlunarfiugfélögin. Eiga
breytingarnar að liggja fyrir innan
innan 100 daga.
Pena sagði í gær að bandan'sk yfir-
völd hefðu þungar áhyggjur vegna
tíðra slysa í farþegaflugi undanfarnar
vikur. Hefur verið ákveðið að stórauka
eftirlit með flugrekstri og gera auknar
kröfur til flugrekstraraðila.
Mun FAA ráða 300 nýja öryggi-
seftirlitsmenn á næstunni. Þá sagð-
ist Pena hafa ákveðið að boða flug-
rekstrarstjóra og yflrflugstjóra allra
lítilla og stórra farþegaflugfélaga í
Bandaríkjunum til fundar í Washing-
ton til að ræða um aðgerðir til að
auka flugöryggi.
Þrátt fyrir flugslys síðustu vikur
hefur óhöppum í flugi lítilla svæðis-
bundinna flugfélaga fækkað um
helming frá í fyrra, eða úr 19 óhöpp-
um í níu. Fjórum sinnum hlaust
dauðaslys af í fyrra en tvisvar á
þessu ári. Um er að ræða þrjár milij-
ónir flugferða hvort ár og koma um
55 milljónir farþega við sögu sitt-
hvort árið.
Völd
Ahtisaari
skert
STJÓRNARSKRÁRNEFND
finnska þingsins úrskurðaði í
gær að þátttaka Finna í hinum
ýmsu stofnunum Evrópusam-
bandsins (ESB) skuli heyra
undir ríkisstjórnina og þingið
en ekki forseta. Martti Ahtisa-
ari forseti hefur sóst eftir þessu
hlutverki en öruggt þykir að
þingið samþykki tillögur nefnd-
arinnar sem skerða völd forset-
ans.
Faðir frank-
ans látinn
ANTOINE Pinay, fyrrverandi
forsætisráðherra Frakklands,
lést á þriðjudag rétt fyrir 103.
afmælisdag
sinn. Hans er
einkum
minnst fyrir
góða hag-
stjórn og fyrir
mikinn
árangur við
að kveða nið-
ur verðbólgu.
Um Pinay er
sagt að hann
hafi verið maðurinn sem bjarg-
aði franska frankanum.
Verkamanna-
flokknum
spáð stórsigri
BRESKI íhaldsflokkurinn átti
yfir höfði sér auðmýkjandi
ósigur í aukakosningum sem
fram fóru í Dudley West í
gær, því skoðanakannanir
bentu til þess að Verkamanna-
flokkurinn hefði stóraukið fylgi
sitt í kjördæminu. íhaldsflokk-
urinn vann þingsætið í síðustu
kosningum árið 1992. Sam-
kvæmt einni könnuninni er
fylgi Verkamannaflokksins
71% en íhaldsflokksins aðeins
16%. Verði úrslitin eitthvað í
líkingu við þetta yrði það mesta
fylgissveifla frá stjórnarflokki
til stjórnarandstöðunnar í
stjórnmálasögu Breta.
Dregur úr
vöggudauða
DREGIÐ hefur úr vöggudauða
í Bretlandi eftir að þar var
hafin herferð fyrir því að láta
kornabörn sofa á bakinu. At-
huganir benda til að 1.469 börn
hafi dáið vöggudauða árið 1988
en 442 í fyrra eða eittþúsund
færri.
Finna for-
söguleg tré
FUNDIST hafa 39 tré í
klettagjá í Bláufjöllum vestur
af Sydney í Ástralíu og eru þau
sögð náskyld tijátegund sem
var algeng fyrir 150 milljónum
ára. Trén eru allt að 40 metra
há og bolurinn allt að þrír
metrar í þvermál.
Mannrétt-
indabrot
Tyrkja
ÞÝSKA þingið gagnrýndi tyrk-
nesk stjórnvöld fyrir meðferð á
kúrdíska minnihlutanum í
Tyrklandi í ályktun í gær. Yfir-
völd í Ankara voru hvött til
þess að nema úr gildi fangelsis-
dóma yflr átta kúrdískum þing-
mönnum.