Morgunblaðið - 28.12.1994, Qupperneq 4

4 MIÐVIKUDAGUR 28. DESEMBER 1994
MORGUNBLAÐIÐ
FRÉTTIR
Framkvæmdastjóri GATT hvetur Alþingi til að
samþykkja samkomulagið
Fyrirkomulag innflutnings
þarf ekki að liggja fyrir
PETER Sutherland, framkvæmda-
stjóri GATT og verðandi fram-
kvæmdastjóri Alþjóðaviðskipta-
stofnunarinnar, WTO, hefur ritað
Davíð Oddssyni forsætisráðherra
bréf og hvatt til þess að Alþingi
samþykki GATT-samkomulagið
fyrir áramót.
Sutherland segir að tæknilega
sé ekkert því til fyrirstöðu að full-
gilda samkomulagið, þótt fyrir-
komulag á innflutningi landbúnað-
arafurða liggi ekki fyrir. Ýmsir
þingmenn hafa krafizt þess að slíkt
liggi fyrir, áður en hægt verði að
samþykkja GATT.
Sutherland segir í bréfinu, sem
er dagsett 22. desember, að hann
hafí án árangurs reynt að ná í
forsætisráðherra í síma og sendi
honum því bréf á myndsenditæki.
Hann bendir á að 75 ríki hafí þeg-
ar lokið staðfestingu GATT-sam-
komulagsins eða afhent fullgild-
ingarskjöl sín.
Islandi mjög til framdráttar
„Alls á ég von á að a.m.k. yfír
90 ríki, þar á meðal helztu við-
skiptaríki íslands, hafí afhent full-
gildingarskjöl sín fyrir 30. desem-
ber 1994 og verði þess vegna stofn-
ríki WTO 1. janúar 1995,“ segir
Sutherland í bréfínu. „Mér skilst
að fullgilding sé nú til meðferðar
á Alþingi og að líkt og í öffrum
þjóðþingum kunni umræðurnar að
tengjast pólitískt innlendri löggjöf
um framkvæmd samningsins, jafn-
vel þótt slík tenging sé tæknilega
ekki nauðsynleg áður en fullgilding
á sér stað.“
Sutherland segist mjög gjaman
vilja sjá íslendinga staðfesta
GATT-samkomulagið á næstu
dögum, „þar sem ég tel að það
yrði íslendingum mjög til fram-
dráttar að vera í hópi stofnríkja
WTO 1. janúar 1995. Ég vil þess
vegna hvetja til þess að Alþingi
taki ákvörðun fljótlega, svo fremi
það er gerlegt, og á réttum tíma
til þess að þetta verði mögulegt."
Trú á að Alþingi fullgildi
GATT fyrir árslok
Davíð Oddsson sendi Sutherland
svarbréf á Þorláksmessu og segir
þar að ríkisstjórn íslands leggi
áherzlú á að ísland þurfi að verða
stofnríki WTO. „Það er bjargföst
trú mín að Alþingi muni verða
stjóminni sammála og fullgilda
samninginn fyrir árslok," segir í
bréfí forsætisráðherra.
10 og 12
uðust
ára bræður slös-
í vélsleðaslysi
Bolungarvík. Morgunblaðið.
TVEIR bræður, 10 og 12 ára, slös-
uðust í vélsleðaslysi rétt ofan við
Bolungarvíkurkaupstað laust eftir
miðnætti annars dags jóla. Sá er
ók vélsleðanum er um tvítugt, bróð-
ir drengjanna, og höfðu þeir bræður
þrír farið í stutta vélsleðaferð um
nágrenni bæjarins og voru á leið
heim.
Er slysið varð voru þeir bræðurn-
ir á ferð í Tungudal rétt ofan við
kaupstaðinn. Myrkur var og snjó-
mugga og skyggni því slæmt. Að
sögn lögreglu mun það hafa orðið
með þeim hætti að sleðinn rann til
í hjólfömm á veginum rétt í þann
mund að honum var ekið í gegnum
hlið. Við það köstuðust yngri bræð-
umir tveir af og sá yngsti varð á
milli sleðans og hliðstólpans með
þeim afleiðingum að hann brotnaði
á handlegg og hlaut opið beinbrot
á fæti.
Ökumanni sleðans tókst að koma
bræðrum sínum upp á sleðann aftur
og ók með. þá rakleiðis til læknis
þar sem hlúð var að þeim og þeir
búnir undir flutning á sjúkrahúsið
á ísafírði. Sá yngri var síðan fluttur
með sjúkraflugi til Reykjavíkur síð-
ar um nóttina. Gekkst hann undir
aðgerð í gær og er líðan hans eftir
atvikum.
Sá eldri slapp með minni háttar
meiðsli og fékk hann að fara af
sjúkrahúsinu síðar um morguninn.
Morgunblaðið/Júlíus
EF UM semst flyst Tryggingastofnun í Höfðabakka 9.
Ríki býður í húsnæði í Höfðabakka 9
Skrifstofur Trygg-
ingastofnunar verði
á einum stað
FJARMALARAÐUNEYTI hefur
gert Sameinuðum verktökum til-
boð um kaup á rúmum 4.000 fm
í Höfðabakka 9 fyrir Trygginga-
stofnun ríkisinsi. Þórhallur Arason,
skrifstofustjóri í fjármálaráðu-
neytinu, vildi ekki gefa upp hvað
boðið hefði verið í rýmið. Tilboðið
væri hjá Sameinuðum verktökum
og yrði því svarað eftir áramót.
Hefðbundið
skrifstofuhúsnæði
Þórhallur sagði að boðið hefði
verið í húsnæðið að ósk Trygg-
ingastofnunar. Skrifstofur stofn-
unarinnar eru til húsa á þremur
stöðum í miðbænum og er gert ráð
fyrir að öll starfsemin geti flust.
Hjálpartækjabanki verði hins veg-
ar áfram til húsa í Kópavogi.
Þórhallur sagði að ef um semd-
ist færu flutningar eftir því hve-
nær hægt væri að rýma húsnæðið
sem væri í leigu. Hann sagði að
þar sem um hefðbundið skrifstofu-
húsnæði væri að ræða væri ekki
gert ráð fyrir að gera þyrfti mikl-
ar breytingar innanhúss og mikið
hagræði yrði að því að hafa alla
starfsemina á sama stað. Hús-
næðið er á hálfri fyrstu hæð, ann-
arri hæð, þriðju hæð, fjórðu hæð
og hluta fimmtu hæðar í bygging-
unni.
Þórhallur kvað ekki tímabært
að gefa upp hvað boðið hefði verið
í húsnæðið. Hins vegár væri ljóst
að hluti af húsnæði Trygginga-
stofnunar á Laugavegi 114 hefur
verið boðinn upp í húsnæðið.
Ungnr maöur slapp ótrúlega vel
í bílveltu í Hvalfirði
Beið í fjörunni
í tvo tíma áður
en hjálp barst
TUTTUGU og fjögurra ára gamall
Reykvíkingur, Rafn Benediktsson,
slapp ótrúlega lítið meiddur þegar
bíll sem hann ók fór út af Vestur-
landsvegi við Fossá í Hvalfírði í
fyrrakvöld. Bifreiðin, skutbíll af
Subarugerð, kastaðist niður bratta
hlíð og lenti niðri í fjöru, aðeins
örfáa metra fyrir ofan sjávarmál,
og telst vera gjörónýt.
Talið er að um tvær klukkustund-
ir hafí liðið áður en vegfarandi varð
bílsins var og gat látið vita og var
Rafn orðinn mjög kaldur þegar
hjálpin barst. Þyrla Landhelgis-
gæslunnar var send á staðinn og
flutti hún hann að Borgarspítala.
Þegar þangað var komið var lík-
amshiti hans kominn niður í 34
gráður.
Rafn iagði af stað úr bænum um
sjöleytið á lánsbíl til fundar við
unnustu sína sem býr norður í iandi.
Hann hefur sennilega misst bílinn
út af veginum um klukkutíma síð-
ar. Rafn kveðst muna mjög óljóst
eftir atburðarásinni, enda lá hann
í roti í um tvo klukkutíma eftir slys-
ið. Geðhjúkrunarfræðingur sem tal-
aði við hann á sjúkrahúsinu sagði
honum að það væri eðlilegt að
gloppur kæmu í minnið eftir jafn
skelfílega lífsreynslu og langt með-
vitundarleysi. Hann muni þó að
hafa verið að eiga við bílútvarpið
en „síðan veit ég ekki meir“.
Hann segist líka muna eftir því
að hafa losað sig úr beltinu á leið-
inni niður, áður en allt varð svart.
Þegar hann rankaði við sér var bíl-
inn á hvolfi og hann lá í þakinu.
Hann gat einhvem veginn komið
sér út og ætlaði að reyna að kom-
ast upp á veg, en fann svo mikið
til að hann gafst upp og ákvad að
skríða inn í bílinn áftur og bíða
hjálpar þar. Þá datt honum í hug
að kveikja á viðvörunarljósum bíls-
ins.
Vegfarandi sá ljósin
Vegfarandi, sem átti leið um
Hvalfjörðinn, sá Ijósin og lét lög-
reglu vita. Tveir lögreglubílar fóru
á staðinn auk sjúkrabíls.
Að sögn lögreglumanns, sem fór
, # Morgunblaðið/Júlíus
BILLINN fór út af veginum, yfir graskafla, niður urð sem er fremst á myndinni og lenti í fjörunni.
Þar beið bílstjórinn í um tvær klukkustundir áður en vegfarandi varð bílsins var og lét lögreglu vita.
á slysstað, þótti ekki ráðlegra annað
en að kalla til þyrlu vegna þess hve
bratt er niður í fjöruna þar sem
bíllinn var. Rafn hefði sloppið ótrú-
lega vel því bíllinn væri gjörsamlega
handónýtur. Að sögn Tómasar
Helgasonar flugstjóra á þyrlu Land-
helgisgæslunnar gekk vel að ná í
Rafn, þrátt fyrir hvassviðri og snjó-
komu í Hvalfírðinum. Hann segir
að þyrlan taki vel af sér vindinn
og auk þess hafí lögreglu- og
sjúkraflutningamenn leiðbeint vel á
lendingarstað, sem var í fjöruborð-
inu.
Þyrlan var lent við Borgarspítal-
ann rúmum hálftíma eftir að hún
lagði af stað frá Reykjavíkurflug-
velli.
Kraftaverk að hann lifir
Höfuðáhersla var lögð á að ná
líkamshita Rafns upp þegar komið
var með hann á spítalann áður e.n
meiðsl hans voru könnuð. Hann
fékk að fara heim af sjúkrahúsinu
í gærdag og er nú með hálskraga,
marinn á baki og hefur fundið til
eimsla í höfði, en er að öðru leyti
ótrúlega lítið meiddur.
Svava Guðjónsdóttir, móðir
Rafns, segir margar einkennilegar
tilviljanir hafa stuðlað að björgun
hans, meðal annars þá að sá er kom
að honum er sonur gamals heimilis-
vinar þeirra. Hann hafi verið stadd-
ur í veislu hjá föður sínum í Hval-
firði þegar honum fannst skyndi-
lega að hann þyrfti að halda af stað,
og^skömmu síðar sá hann viðvörun-
arljósin í fjörunni. „Það er eins og
einhver hafí haldið verndarhendi
yfir Rafni og ber öllum saman að
það sé kraftaverk að hann hafí lifað
af,“ segir Svava.