Morgunblaðið - 11.10.1995, Blaðsíða 36
36 MIÐVIKUDAGUR 11. OKTÓBER 1995
MORGUNBLAÐIÐ
Dýraglens
' 1/Á! F£N 60 K. 1
Grettir
Ljóska
Smáfólk
Ég hef ákveðið að verða betri En auðvitað ekki alveg strax ... Kannski eftir fáeina daga ...
manneskja...
BREF
HL BLAÐSINS
Kringlan 1 103 Reylqavík • Sími 5691100 • Símbréf 569 1329
Greiðum fyrir
framförum í
umfer ðarmálum
Frá Óskarí Dýrmundi Ólafssyni:
STRÆTISVAGNAR Reykjavíkur
eru bjarta vonin í umferðinni. Þessi
fullyrðing er sönn þegar við horfum
til þróunar í samgöngumálum borg-
arinnar. Það fer ekki fram hjá nein-
um að gatnakerfi borgarinnar er
sprungið. Þetta er greinilegt þegar
horft er á umferðina silast eftir
Miklubraut og Hringbraut milli 8
og 9 á morgnana. Það er ekki
sprungið vegna þess að hér býr millj-
ónaþjóð heldur að hér notar fólk
bílinn margfalt á við það sem eðli-
legt getur talist þegar litið er tii
hliðstæðra borga erlendis. Þetta
skrifast að hluta til á borgaryfirvöld
og að hluta til á notendur. Til eru
tvær lausnir, annaðhvort byggjum
við fleiri og breiðari hraðbrautir eða
við breytum umferðinni og drögum
úr fyrirferðinni.
Atlagan að SVR
Á síðasta kjörtímabili var gerð
alvarleg atlaga að SVR og var nán-
ast búið að eyðileggja þennan þjóð-
hagslega hagkvæma samgöngu-
máta með gríðarlegum niðurskurði
og vanhugsaðri einkavæðingu.
Borgarbúar lögðust eindregið gegn
þessum breytingum og sýndu í síð-
ustu kosningum að SVR á að vera
öflugt almenningsflutningafyrirtæki
í eigu borgarbúa. Reykjavíkurlistinn
brást við með því að taka til baka
breytingar á eignaformi og stórauka
framlag borgarinnar til SVR. Þetta
framlag virðist ekki ætla að nægja
og því grípur SVR til þess að hækka
fargjöldin. Þó er hækkunin ekki
meira en svo að nágrannasveitarfé-
lög eru enn með töluvert hærri far-
gjöld. Þessi hækkun hefur mælst illa
fyrir með þeim rökum að hér sé
verið að skerða félagslega þjónustu.
Þessi fullyrðing er máttlítil þegar
horft er til þess hvernig kjör eru í
boði. Aldraðir, unglingar og öryrkjar
halda áfram að fá töluverðan afslátt
og til þeirra sem þurfa að borga
fullt gjald þá er þetta ekki há upp-
hæð þegar við berum hana saman
við valkostinn sem felst í rekstri bif-
reiðar. Þegar við borgum trygging-
ar, bensínið og öll mislægu gatna-
mótin þá fer umræðan ekki fram á
þeim nótunum að hér sé verið að
tryggja félagslega þjónustu. Þær
forsendur sem þar gilda eru arðsem-
isútreikningar. Ef við berum saman
arðsemi strætó og svo einkabílsins
fyrir einstaklinga jafnt sem borgar-
sjóð þá eru strætisvagnarnir marg-
falt hagstæðari kostur þrátt fyrir
umrædda hækkun fargjalda. Í ein-
faldri líkingu má segja sem svo að
því minna sem borgarbúar nota
einkabílinn, því minni samfélagsleg-
ur kostnaður er við gatnagerð og
því meira fé er til ráðstöfunar við
að greiða niður þjónustu SVR. Þrátt
fyrir hækkun fargjalda er þjónusta
strætisvagnanna enn ódýrasti sam-
göngumáti sem völ er á, það er ef
við undanskiljum notkun reiðhjóla.
Einkabíllinn
er meinsemdin
Vandamálið snýst því ekki um
títtnefnda fargjaldahækkun heldur
þann gríðarlega kostnað sem hlýst
af notkun einkabílsins. Forgangsröð
borgaryfirvalda undanfarinna kjör-
tímabila hefur miðast við það að
gera einkabílinn að helsta sam-
göngutækinu og sem dæmi vekur
það ekki neina furðu að oddviti sjálf-
stæðismanna ?rá síðustu borgar-
stjómarkosningum skuli nú gegna
formennsku hjá Félagi íslenskra bif-
reiðaeigenda. Allir vita að FÍB vinn-
ur ekki að bættum hag SVR. Þess-
ari forgangsröð er Reykjavíkurlist-
inn að breyta. Það er stefna borgar-
yfirvalda alls staðar í hinum vest-
ræna heimi að vinna að því að fólk
hvíli bílinn sinn og nýti sér frekar
valkosti eins og strætisvagna, reið-
hjól og samnýtingu/sameign bíla.
Sama stefna er nú þegar í fram-
kvæmd hjá Reykjavíkurborg. Stór-
felldar umbætur standa yfir fyrir
hjólandi og gangandi, og í undirbún-
ingi eru umbætur hjá SVR næsta
vor sem sýna að mikill sóknarhugur
er á þeim bæ. Þessum umbótum eig-
um við sem ábyrgir samfélagsþegn-
ar að taka á móti með opnum örmum
og styðja við. Hver vill ekki draga
úr byggingu mislægra gatnamóta
og fjárfesta frekar í vistvænum og
hagkvæmum almenningssamgöng-
um og eiga samt nóg eftir til þess
að styrkja hrörnandi heilbrigðis- og
menntakerfi þjóðarinnar. Það er
okkar sem búum í borginni að styðja
við bakið á framfaraöflum eins og
SVR sem munu í nánustu framtíð
skila okkur betri umferðarmenningu
og betri borg.
ÓSKAR DÝRMUNDUR
ÓLAFSSON
á sæti í Umferðarnefiid
Reykjavíkur.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.
Jólaefni - 700 gerðir
úr að velja. Verð frá kr. 385 til kr. 947 pr. m.
Gífurlegt úrval af jólaföndursniðum, bókum, blúndum og
satínborðum. Föndurlímið vinsæla ávallt til hjá okkur.
VIRKA
Mörkin 3 við Suðurlandsbraut.
Sími 568-7477
Opið mán - föst.
kl. 10-18.
og laugard.
kl. 10-14.