Morgunblaðið - 08.11.1995, Blaðsíða 21

MORGUNBLAÐIÐ
MIÐVIKUDAGUR 8. NÓVEMBER 1995 21
FJÖLMIÐLUIM
Sjónvarpsstöðin Fjölsýn hefur útsendingar í Vestmannaeyjum
Sex útsendingarrásir
Vestmannaeyjum. Morgunblaðið.
SJÓNVARPSSTÖÐIN Fjölsýn í
Vestmannaeyjum hóf formlega
starfsemi nýverið er stöðin var
opnuð við athöfn í húsnæði því er
tækjabúnaður Fjölsýnar er til húsa.
Fjölsýn er hlutafélag í eigu ein-
staklinga og fyrirtækja og einnig
á Vestmannaeyjabær hlut í félag-
inu. Fjölsýn sendir efni út með
örbylgjusendingum. Sent er út á
sex rásum, þar af eru fimm erlend-
ar rásir sem endurvarpað er gegn-
um gervihnött en á einni rás verð-
ur sent út ýmiss konar innanbæjar-
efni, aulýsingar, textaðar bíó-
myndir og ýmislegt annað efni.
Erlendu rásirnar sem Fjölsýn end-
urvarpar eru Cartoon Network og
TNT, Discovery, MTV, Eurosport
og Sky news.
Fjölsýn var stofnuð á síðasta ári
eftir að Vestmannaeyjabær hafði
haft forgöngu um undirbúning að
stofnun félagsins. í sumar hófust
tilraunaútsendingar meðan verið
var að ganga endanlega frá öllum
tækjabúnaði. Móttökudiskur fyrir
sendingar frá gervihnöttum er
staðsettur efst í bænum sem og
sendiloftnet stöðvarinnar en þar
sem sent er út á örbylgju þarf
sendigeislinn að berast til móttak-
andans i sjónlínu frá sendiloftnet-
inu. Notendur þurfa því sérstakt
örbylgjuloftnet til að taka við send-
ingunum og einnig þurfa þeir af-
ruglara því efnið er sent út ruglað
þannig að einungis áskrifendur
geta notið þess. Afruglunarbúnað-
ur stöðvarinnar getur afruglað alls
32 stöðvar í einu þannig að hægt
er að horfa á allar útsendar rásir
samtímis hjá hveijum notenda í
gegnum einn afruglara, en ekki
bara eina rás eins og þekkst hefur
hjá öðrum sjónvarpsstöðvum hér-
lendis enda er afruglunarbúnaður
Fjölsýnar sá fýrsti sinnar gerðar
sem settur er upp í Evrópu.
Sýnt var beint frá formlegri
opnun stöðvarinnar á innanbæjar-
rás Fjölsýnar. Við opnunina flutti
Guðjón Hjörleifsson, bæjarstjóri,
ávarp og opnaði stöðina formlega,
en einnig fluttu ávörp Eiríkur
Bogason, veitustjóri, og Jón Á.
Ólafsson, stjórnarformaður Fjöl-
sýnar.
í máli þeirra kom fram að öll
vinna við undirbúning hefði gengið
mjög vel og með góðu samstarfi
bæjaryfirvalda og einstaklinga
hefði þessi draumur um sjónvarp
í Eyjum orðið að veruleika. Fram
kom að þrátt fyrir að sjónvarps-
stöðin væri að fara fyrst formlega
af stað á laugardaginn þá væru
þegar komnir yfir 150 áskrifendur
og þeim fjölgaði dag frá degi.
Notendur sem gerast áskrifend-
ur að Fjölsýn greiða tæpar tuttugu
þúsund krónur í inntökugjald en
síðan er áskriftargjald að stöðinni
1.790 krónur á mánuði.
Morgunblaðið/Sigurgeir Jónasson
SJONVARPAÐ var frá opnunarathöfninni á einni rásinni.
GESTIR virða fyrir sér hluta af tækjabúnaðinum.
Sprangað
um vefinn
Á HEIMASÍÐU Netscape má
finna meðal annars beta-útgáfu 2
af Netscape 2.0, en Netscape býð-
ur hverjum þeim sem finnur villu
í forritinu verðlaun, mis-
mikil eftir því hversu alvarleg
villan er. Einnig má finna á síð-
unni Netscape Power Pack 1.0,
sem í eru ýmsar viðbætur, þar á
meðal Acrobat til að lesa .pdf-
skjöl, Apple QuickTime 1.9.2 fyr-
ir kvikmyndir o.fl. Slóðin er
http://home.netscape.com/,
en fyrir þá sem eru með Netscape
er nóg að smella á N-ið á forrit-
inu.
Windows 95 hefur selst vonum
framar að sögn Microsft-manna
þó ekki sé sársaukalsut að skipta
úr Windows 3.x. Tölvutímaritið
PC World rekur einskonar
gagnabanka fyrir Windows 95-
notendur þar sem finna má ýms-
an hugbúnað og tilheyrandi
hjálpartól. Slóðin er
http://www.pcworld.com/
win95/ en einnig má gerast
áskrifandi að ráðleggingum
vegna Windows 95 og fá sendar
ábendingar um forrit. Slóðin er
http://www.pcworld.com/
win95/win95tipoday.htmI.
Björk Guðmundsdóttir er nú á
tónleikaferð um Bandaríkin.
Ymsar heimasíður tengjast
Björk, þar á meðal hennar eigin
síða í http://www.bjork.co.uk en
upplýsingar um tónleikaferðina,
hvar verði leikið næst o.fl. má
finna á slóðinni http://pathfind-
er.com/4*RkopHhJQMAQLlP-
/elektra/.
BRÆÐURN-
IR Frederick
og David
Barclay eiga
fyrir The
European.
Barclay- bræður
kaupa Scotsman
London. Reuter.
BARCLAY-tvíburabræðurnir í Bret-
landi hafa keypt blaðaútgáfuna
Scotsman Publications fyrir ótiltekna
upphæð að sögn fyrirtækisins Thom-
son Corp í Kanada.
Scotsman Publications gefur með-
al annars út blöðin Scotsman, Scot-
land on Sunday og Edinburgh Even-
ing News.
Thomson-blaðaútgáfan, sem til-
kynnti í júní að hún hygðist selja öll
blöð sín í Bretlandi, hefur einnig
selt forlaginu Northcliffe News-
papers blaðið Aberdeen Press and
Journal fyrir 82 milljónir punda.
Northcliffe Newspapers er dóttur-
fyrirtæki Daily Mail & General Trust.
Þar með hafa öll blöð Thomsons
í Bretlandi verið seld. Skozkir kaup-
sýslumenn hafa gert ráð fyrir að
blöð fyrirtækisins í Skotlandi verði
seld fyrir um 175-200 milljónir
punda.
500 millj. punda stórveldi
Barclay-bræðurnir frá London
keyptu Scotsman-útgáfuna fyrir
milligöngu eigin ljárfestingarfyrir-
tækis, Ellerman Investments. Þeir
eru 57 ára gamlir, búa í skattapara-
dísinni Monte Carlo og ráða yfir fast-
eigna- og skipáútgerðarfyrirtæki,
sem er metið á 500 milljónir punda.
Fýrir þremur árum keyptu þeir
blaðið European og björguðu lífi þess
eftir gjaldþrot fyrrverandi eiganda,
útgáfustórveldis Roberts Maxwells.
I október keyptu Barclay-bræður
Ritz Hotel í London fyrir 75 milljón-
ir punda og í síðustu viku öfluðu
þeir 72 milljóna punda með því að
selja 24% í London Casinos Internat-
ional.
Charles Garside, ritstjóri Europe-
an, þakkaði Barclay-bræðrum stuðn-
ing við blaðið og sendi Scotsman
Pubhcations heillaóskir þegar gengið
hafði verið frá kaupunum. Garside
sagði jafnframt að Skotar tækju
miklu jákvæðari afstöðu til Evrópu-
samstarfsins en Englendingar.
Garside neitað því að eitthvað
væri dularfullt við viðskiptahætti
Barclays-bræðra, sem þykja einræn-
ir. „Þeir vilja fá að vera í friði, vilja
ekki láta taka af sér myndir og vilja
ekki láta mikið á sér bera,“ sagði
hann.