Morgunblaðið - 14.11.1995, Blaðsíða 12

12 ÞRIÐJUDAGUR 14. NÓVEMBER 1995
MORGUNBLAÐIÐ
AKUREYRI
Þrengt að félagsmiðstöð Iþrótta- og tómstundaráðs í Glerárskólanum
Kjallari við-
byggingar
ákjósanlegur
KJALLARI undir stjórnunarálmu, sem nú er verið
að byggja við Glerárskóla, þykir ákjósanlegur kost-
ur fyrir félagsmiðstöð íþrótta- og tómstundaráðs
í skólanum.
Félagsmiðstöðin í Glerárskóla á nú undir högg
að sækja vegna breytinga sem gera þarf á skólahús-
næðinu vegna einsetningar í skólanum næsta haust.
íþrótta- og tómstundaráð hefur lagt til við bæjar-
stjórn að þegar verði hafist handa um að búa félags-
miðstöð ráðsins framtíðaraðstöðu í kjallara nýju
stjórnunarálmunnar og kjallara vesturálmu og aö
framkvæmdir hefjist við það verk strax á næsta ári.
Félagsmiðstöðin hefur nú til afnota eina stór
kennslustofu í skólanum auk þess sem smærri
kennslustofur hafa verið fengnar að láni þegar á
hefur þurft að halda. Nú er ráðgert að þessi salur
og aðliggjandi herbergi verði skipt upp í tvær
kennslustofur og þarf því að finna félagsmiðstöð-
inni annan samastað. Með viðbyggingunni sem nú
er að rísa skapast góðir möguleikar fyrir miðstöð-
ina í kjallara byggingarinnar sem auðvelt er að
samnýta með skólanum án þess að valda truflun á
skólastarfi.
HÖRÐUR Guðmundsson, starfsmaður Hyrnu, við störf í kjallara stjórnunarálmunnar
sem verið er að reisa við Glerárskóla en þar þykir ákjósanlegt að framtíðaraðstaða
Félagsmiðstöðvar íþrótta- og tómstundaráðs verði.
Þrjár ljóða-
bækur gefnar
út á Akureyri
TVÆR ljóðabækur, annars vegar
Misvæg orð, frumort ljóð eftir
Braga Siguijónsson, og hins vegar
Af erlendum tungum II, ljóðaþýð-
ingar hans, komu út fyrir heígi.
Bækurnar eru prentaðar í As-
prenti/POB sem við sama tæki-
færi gáf út ljóðabókina Ljóðgeislar
eftir Kristjönu Emilíu Guðmunds-
dóttur.
Bragi Siguijónsson lést fyrir
fáum dögum og var hann jarðsett-
ur frá Akureyrarkirkju á föstudag.
Hann hefði orðið 85 ára gamall
síðastliðinn fimmtudag, 9. nóvem-
ber, og stóð upphaflega til að gefa
bækurnar út á afmæli skáldsins.
Síglíma mannsins
við mistök sín
Eftir Braga liggur fjöldi bóka,
ljóð, smásögur, frásagnir og safn-
rit og þá hefur hann fengist við
ljóðaþýðingar. Yrkisefni hans eru
margþreytileg, hann yrkir um sí-
glímu mannsins við mistök sín og
tilvist eða ekki tilvist guðdómsins
er honum áleitið yrkisefni eins og
komist er að orði á bókarkápu.
Náttúrulýsingar hans eru kunnar
úr fyrri bókum hans og í þeirri
síðustu yrkir hann um vorfögnuð,
sumardýrð, haust- og vetrargrun.
Að bókarlokum kveður skáldið upp
úr með það, að hann dreymi ekki
til annars sumars, sé engin von
að mæta aftur því er honum hafi
veist fegurst og dýrmætast á
sumri því, er senn halli hurð að
staf.
Fyrri bók Braga með ljóðaþýð-
ingum kom út 1990. Eins og í
þeirri bók eru allar þýðingar af
ensku og Norðurlandamálum.
Þýdd eru ljóð m.a. eftir John Milt-
on, Sir Walter Scott, A.C. Swin-
burne, Laurence Binyon, John
Masefield, Rolf Jocobsen, Olav H.
Hauge, Ivar Orgiand, Harald
Bergstedt, Tove Ditlevsen og Bo
Carpelan. Bæði er um að ræða
bundin og óbundin ljóð. Flestir
höfundarnir eru af eldri og þekkt-
ari kynslóð skálda í heimalöndum
sí.num, sumir nýlátnir.
Ljóðgeislar
Ljóðgeislar er þriðja ljóðabók
Kristjönu Emilíu Guðmundsdóttur.
Bókin er prýdd myndum eftir Grím
Marínó Steindórsson eins og síð-
asta bók hennar sem kom út fyrir
réttum tveimur árum. Kristjana
er búsett í Kópavogi, þar sem hún
starfar sem bókbindari og bóka-
vörður í Bókasafni Kópavogs.
Ljóðin eru ort á síðustu tveimur
árum og notar hún jöfnum höndum
.hefðbundið og óhefðbundið form.
Hún yrkir einkum um það sem
gerist í daglega lífinu. „Þetta er
tómstundaiðja, en ég hef alla tíð
haft mikinn áhuga á ljóðum,“
sagði hún.
Morgunblaðið/Kristj án
BRÆÐURNIR Úlfar og Hrafn Bragasynir og
Krisljana Emilía Guðmundsdóttir.
Morgtjnblaðið/Kristján
ADOLF Davíðsson fylgist með starfsmönnum Umhverfisdeildar,
þeim Ingólfi Jóhannssyni og Birgi Eiríkssyni, en þeir unnu við
að reisa fjallaþininn í garði hans við í gær.
Reynt að bjarga
fjallaþininum
TILRAUN var gerð til að rétta við
einn stæðilegasta og raunar nánast
eina fjallaþininn á Akureyri í gær,
en hann er í garðinum við Hlíðar-
götu 10. Tréð, sem er 8,5 metrar
á hæð, fauk um koll í óveðrinu sem
gekk yfir landið í lok október.
Garðyrkjumenn Umhverfisdeild-
ar Akureyrarbæjar sáu um verkið
sem var nokkuð umfangsmikið en
Tryggvi Marinósson verkstjóri
sagði að þar sem tréð væri nánast
hið eina af þessari tegund í bænum
hefði öllu verið kostað til við að
rétta það við. Rætur þess slitnuðu
alveg öðrum megin, en voru að
hluta til í lagi hlémegin. Tréð var
reist við með vörubílskrana og stag-
að í steypta girðingu við götuna.
Ekki kemur í ljós fyrr en seinni
hluta vetrar hvort tréð lifír en það
tekur þá um tvö ár að jafna sig að
fullu. Adolf Davíðsson, 87 ára gam-
all íbúi í Hlíðargötu 10, gróðursetti
tréð í garðinum sínum í kringum
1955. „Það hefur alltaf verið fal-
legt, vaxið og dafnað vel en fyrir
um 30 árum fékk það einhveija
pest og missti barrið. Þá þvoði ég
það upp úr daufu sápuvatni og þá
náði það sér á strik á ný og hefur
verið mikið augnayndi síðan,“ sagði
Adolf.
Hann fór út óveðursnóttina þegar
hann sá hvað verða vildi, en gat
ekkert gert þar sem hann fauk sjálf-
ur sífellt um koll. „Þegar ég vakn-
aði daginn eftir og sá að tréð var
fallið fannst mér eins og ég hefði
misst góðan vin,“ sagði Adolf sem
var að vonum glaður yfir hjálpsemi
starfsmanna umhverfisdeildar.
Sautján
bílar
rispaðir
SAUTJÁN bílar, sem stóðu í
miðbæ Akureyrar aðfaranótt
sunnudags, voru rispaðir með
hvössu eggjárni, sennilegast
skrúfjárni, og er að sögn varð-
stjóra lögreglunnar á Akureyri
um mikið tjón að ræða.
Bílarnir voru á bílastæðum á
svæðinu frá Hafnarstræti og
að Hólabraut en einn bílanna
var við Skarðshlíð, en alls höfðu
sautján bifreiðaeigendur til-
kynnt um tjón á bílum sínum
til lögreglunnar síðdegis í gær.
Búið var að rispa suma bílana
allan hringinn, en aðra minna.
Greiniiegt er, að sögn varð-
stjóra, að sömu aðilar hafa ver-
ið að verki í ölium tilvikum og
eru þeir sem telja sig geta gef-
ið upplýsingar um málið beðnir
að láta lögreglu á Akureyri vita.
Stórtónleikar
til styrktar
Flateyringnm
STÓRTÓNLEIKAR til styrktar
söfnuninni Samhugur í verki
verða haldnir í íþróttahöllinni á
Akureyri næsta sunnudag, 19.
nóvember, og hefjast þeir kl.
16.00.
Dagskráin hefst með ávarpi
sr. Péturs Þórarinssonar í Lauf-
ási. Þá leikur Sinfóníuhljóm-
sveit Norðurlands nokkur lög
og fær hún til liðs við sig um
20 hljóðfæraleikara úr Reykja-
vík auk þeirra 30-40 hljóð-
færaleikara sem skipa hljóm-
sveitina. Kór Tónlistarskólans á
Akureyri syngur á tónleikunum
og eftir hlé koma fram Tryggvi
Húbner, Borgardætur, Tjarnar-
kvartettinn, The Cigarettes,
KK, Piltur og stúlka (Ingunn
Gylfadóttir og Tómas Her-
mannsson og loks Pálmi Gunn-
arsson. Allur aðgangseyrir
rennur sem fyrr segir til söfn-
unarinnar Samhugur í verki,
en með tónleikunum vilja skipu-
leggjendur horfa til framtíðar
með Flateyringum.
Ekið á ungan
dreng
EKIÐ var á tólf ára gamlan
dreng á Hörgárbraut, skammt
norðan við Glerárbrú um kl. 10
á sunnudagskvöld. Hann var
fluttur á slysadeild, hann reynd-
ist óbrotinn, en mikið marinn
og skrámaður og dvaldi því á
Fjórðungssjúkrahúsinu á Ákur-
eyri yfir nótt. Fimm árekstrar
urðu í bænum um helgina, eng-
in meiðsl urðu á fólki en nokk-
urt tjón á bifreiðum.
Um helgina stöðvaði lögregla
þijú ungmenni, tvo pilta og
stúlku, öll 15 ára, en þau voru
í ökuferð um bæinn og höfðu
vitanlega ekki bílpróf.
Kveikt í rusli
ÓPRÚTTNIR náungar söfnuðu
saman bréfarusli sem þeir komu
fyrir í stigagangi í húsinu við
Skipagötu 2 laust fyrir kl. 22.00
á laugardagskvöld og kveiktu
síðan í. Fólk sem býr í húsinu
hafði slökkt eldinn þegar
slökkvilið og iögregla komu á
vettvang. Stigagangurinn fyllt-
ist af reyk, en litlar skemmdir
urðu af uppátækinu.
Skyndihjálp
JÓN Knutsen fjallar um skyndi-
hjálp á samverustund fyrir for-
eldra ungra barna sem verður
í Safnaðarheimili Akureyrar-
kirkju á morgun, miðvikudag-
inn 8. nóvember frá kl. 10.00
til 12.00.