Morgunblaðið - 14.11.1995, Blaðsíða 14

14 ÞRIÐJUDAGUR 14. NÓVEMBER 1995
MORGUNBLAÐIÐ
LANDIÐ
------------------------ -------—— -- 'g
Talið að hunda-
hópur hafi banað
fé í Húnaþingi
Hvammstanga - Feðgarnir á Mið-
hópi í Húnaþingi, Benedikt Axels-
son og Ólafur Benediktsson, urðu
fyrir óvenjulegum ijárskaða í liðinni
viku. Fullvíst er talið að hundahóp-
ar hafi rekið stóran fjárhóp sem var
í högum við Hópið yfir girðingar
og vatnsmikinn læk. Átta kindur
fundust drukknaðar í krapaelg í
Hópinu.
Áð sögn Benedikts voru um 180
íjár, mest tveggja vetra kindur, í
högum milli túnsins og Hópsins.
Benedikt fór í hagann síðdegis,
daginn fyrir atburðinn, og var allt
með felldu. Féð höfðu þeir feðgar
keypt í fjárskiptum fyrir tveimur
árum af Ströndum og Vestfjörðum
og þykir það afar spakt.
Síðdegis daginn eftir tók fólk
eftir að fjárhópur virtist í sjálfheldu
við Hópið. í Ijós kom að allt féð var
farið úr haganum, stærstur hluti,
um 130 fjár, var kominn í land
Grafar, sem er næsti bær. Kindum-
ar höfðu farið yfir girðingu og
vatnsmikinn læk sem skiptir jörðun-
um. Hinn hlutinn, um 40 ær var í
sjálfheldu sem skapaðist af metra
háu krapahröngli i fjöru Hópsins.
Féð náðist í hús og virtist dasað
en ekki slasað. Daginn eftir fundu
bændurnir 8 kindur dauðar, en þær
höfðu hrakist út í krapa við land.
Ágætt veður var þessa daga. Því
er mjög líklegt að féð hafi hrakist
svona af völdum hundahóps, trú-
lega 3-4, að sögn Bendikts. Hann
sagði að í júní sumar hefði sést til
tveggja hunda sem króað höfðu af
nokkrar kindur. Vön skytta í sveit-
inni hefði verið fengin til að skjóta
annan þeirra á færi en hinn hafi
sloppið. Eins sagði Benedikt að
nokkur lömb frá tveimur bæjum í
sýslunni hefðu komið hundbitin í
sláturhúsið á Hvammstanga í
haust. Kvað hann bændur uggandi
yfir þessu fári og hvatti hann al-
menning til að vera á verði gegn
þessari hættu.
Fyrsti áfangi við nýtingu heita vatnsins í Skógum

m * ' :« Ka >* \ "f:
m < »llg ■?. ' 1
k *• Mjf lÍL- , rall
Morgunblaðið/Halldór Gunnarsson
MAGNÚS Tómasson og Sverrir Magnússon veita heita vatninu inn í skólann.
k
(
|(
(
(
I
(
(
I
(
l
Olíuspamaður 100
þúsund á mánuði
Morgunblaðið/Líney Sigurðardóttir
RÚSSNESKA flutningaskipið.
Selja loðnu og síld til
manneldis í Rússlandi
Þórshöfn - Rússneskt flutninga-
skip kom hingað til Þórshafnar á
föstudag til þess að' sækja loðnu
og síld. Rússar höfðu samið við
Hraðfrystistöð Þórshafnar um kaup
á síld og loðnu til manneldis og
keyptu þeir um 300 tonn af Hrað-
frystistöðinni.
Þetta er í fyrsta sinn sem H.Þ.
selur loðnu og síld á rússneskan
markað en óvíst er hvort framhald
verður á þeim viðskiptum. Fyrr í
vikunni var annað rússneskt flutn-
ingaskip á ferð hér og keypti H.Þ.
þá um 150 tonn af freðfiski.
Samfelld vinna hefur verið 1
Hraðfrystistöðinni og er vonast til
þess að hægt v'erði að fylla upp í
erfiðasta tímann yfir veturinn með
vinnslu á rússafiski. Undanfarið
hefur verið unnið bæði við almenna
fiskvinnslu og við flökun og fryst-
ingu á síld.
Holti - Það var hátíðarstund í Skóg-
um undir Eyjafjöllum þegar Magn-
ús Tómasson, húsvörður Skóga-
skóla, opnaði fyrir rennsli heita
vatnsins inn í gamla skólahúsnæðið
á sunnudaginn. Vatnið er notað í
sturtur skólans, inn á forhitara, sem
síðan hitar upp miðstöðvarkerfi
skólans og í sundlaugina.
Margrét Einarsdóttir, oddviti,
sagði fyrst frá því að samstarfsaðil-
ar um borun holunnar, sveitarfélag-
ið, Byggðasafnið í Skógum og ríki,
hefðu ákveðið að heimila ríkinu að
nýta vatnið til notkunar í skólanum
á meðan tilraunadæling ætti sér
stað úr holunni til næsta vors, enda
bæri skólinn allan kostnað af þeirri
framkvæmd.
Tilraunadæling hefði hafist úr
holunni þegar í ágústlok og við
dælingu á 50 metra dýpi kæmu
allt að 7 sekúndulítrar af 44,6 stiga
heitu vatni miðað við að vatnsyfir-
borð í holunni héldist í jafnvægi.
Nauðsynlegt væri að tilraunadæling
stæði yfir lengur, áður en ákveðið
yrði um framhald, þ.e.a.s. hvort
ætti að fóðra holuna dýpra niður
til að fá heitara vatn eða hvort
dæla ætti upp úr holunni neðar eða
nýta vatnið eins og nú væri.
Sverrir Magnússon sagði að
hann hefði falið húsverði með öðr-
um aðilum að sjá um að leiða heita
vatnið frá borholunni um 330
metra inn í skólann og einnig að
ganga frá frárennsli. Virtist, miðað
við kostnaðaráætlun verksins, að
skólanum hefði tekist að láta ljúka
verkinu fyrir um helming þeirrar
áætlunar.
Sverrir sagði að inn í skólann
rynnu núna um 2 sekúndulítrar sem
myndu spara skólanum um 100
þúsund krónur á mánuði. Orkan
væri um 150 kílówattstundir og
þetta vatnsmagn myndi geta nýst
skólanum að fullu. Núna væri það
tekið til notkunar í gamla hús-
næðinu og sundlauginni en í vor
yrði það leitt út í nýju heimavistina
og út í Ásgarð og þá yrði sparnað-
ur ríkisins enn meiri, því olíukaup
skólans hefðu verið um 2 milljónir
á ári undanfarin ár.
Slökkt á olíukyndaranuni
Því næst var slökkt á olíukyndar-
anum, skrúfað fyrir olíuleiðsluna
að kyndaranum og opnað fyrir heita
vatnið inn á lagnirnar í húsinu.
Þaðan var gengið út að sundlaug
skólans þar sem rúmlega 40 gráðu
heitt vatn rann í laugina.
Með þessum fyrsta áfanga við
að nýta heita vatnið í Skógum má
segja að heimamenn hafi fundið
gpill Þrasa, lansnámsmanns í Skóg-
um, sem sögnin geymir, að hann
hafi falið í jörðu undir Skógarfossi.
Stefnt er að því að heita vatnið
verði lagt að Byggðasafninu í Skóg-
um og húsum sveitarfélagsins, fé-
lagsheimilinu Fossbúð og grunn-
skólanum, svo og öðrum húsum í
Skógum í vor, þegar tilraunadæl-
ingu úr holunni lýkur.
£\ I
4{
Morgunblaðið/Sig. Jóns.
ÞEIR unnu við að vefa mottur og vinna efni í þær.
Verndaður vinnustaður á Selfossi 5 ára
Fjölbreyttar vörur
seldar á staðnum
Selfossi - Vinnustofan við Gagn-
heiði á Selfossi hefur verið starf-
rækt í fimm ár og í tilefni þess var
opið hús og gestum boðið að koma
og skoða og kynnast starfseminni.
Vinnustofan er verndaður vinnu-
staður með 22 starfsmönnum auk
5 umsjónarmanna.
Framleiðslan er fjölbreytt og
ýmist seld á staðnum eða á ýmsum
mörkuðum. Það er Svæðisskrifstofa
Suðurlands um málefni fatlaðra
sem hefur yfirumsjón með Vinnu-
stofunni.
Mottur og dúkkuföt
Meðal þess sem framleitt er í
Vinnustofunni eru mottur af ýms-
um gerðum, bómullar- og ullarmott-
ur, dúkkuföt eru saumuð, búningar
á íþróttalukkutröll, leirbrennsla á
styttum og keramikvörum og körf-
ur af ýmsum gerðum. Þá annast
Vinnustofan pökkun á skrúfum fyr-
ir SG-búðina á Selfossi auk þess
sem öskjur eru brotnar fyrir Kast-
alaostinn hjá MBF. Einnig er kembt
tróð á staðnum, en það er mikið
notað í púðagerð og ýmislegt annað
á föndursviðinu, einkum þegar líður
að jólum.
Starfsfólkið byijar á morgnana
klukkan 8.30 og vinnur til 16.30.
Það er sérlega ánægjulegat að kom
í Vinnustofuna, þar er góður starfs-
andi, unnið af kappi og alltaf vel
tekið á móti gestum.
í
|