Morgunblaðið - 15.11.1995, Side 21

MORGUNBLAÐIÐ
MIÐVIKUDAGUR 15. NÓVEMBER 1995 21
LISTIR
Kæti o g
kynórar
MYNPLIST
Ga11crí Fold
MÁLVERK
Sigurbjörg Jóhannesdóttir. Opið
mánud.-laugard. 10-18 og sunnud.
14-18 til 19. nóvember. Aðgangur
ókeypis
ÞAÐ ER misjafnt hveiju menn
sækjast eftir í listinni, en almennt
má telja að fleiri leiti þar leiks en
leiðinda, gáska fremur en alvöru,
svo lengi sem eitthvað meira en
yfirborðið eitt fylgir með.
Sigurbjörg Jóhannesdóttir,
Sibba, hefur þessa þætti greini-
lega að leiðarljósi í listsköpun
sinni, en hér sýnir hún um fjöru-
tíu myndverk sem eru fyrst og
fremst mótuð af gleði og leik, en
þó má einnig finna undirtón alvör-
unnar að baki. Sibba útskrifaðist
frá MHÍ síðastliðið vor, en hafði
áður sótt listaskóla á Spáni, sem
greinilega hafði mikil áhrif á
SIGURBJÖRG Jóhannesdóttir við verk sitt, Nóttin.
hennar myndsýn ef marka má
verkin hér.
Málverkin á sýningunni eru
flest unnin með akryllitum eða
blandaðri tækni, þar sem blaðaúr-
klippur, ljósmyndir, efnisbútar og
textar skarast við notkun heitra
lita. Teiknun er oft barnsleg eða
byggir jafnvel á skopmyndum,
sem hentar vel til að skila því
myndefni, sem listakonan er að
fást við - einkum í þeim fjöl-
mörgu myndum þar sem kynfæri
karla eru í aðalhlutverki.
í kynningu sýningarinnar er
nefnt að safnstjóri á Spáni hafi
viljað útiloka verk listakonunnar
af sýningu fyrir ósiðlegt inntak,
en af því sem hér sést verður
aðeins ályktað að viðkomandi
hafi verið illa aðkrepptur á sál-
inni. Ein myndanna hér - „Full-
næging" (nr. 11) - gæti mögu-
lega hreyft þannig.við einhveij-
um, en einfaldlega ekki nógu góð
í samanburði við margt annað til
að verðskulda slíka athygli.
Mefininntak fleiri verka er hins
vegar galsafengið grín að karl-
hlutverkinu og kynórum tengdum
því; hér má ýmist líta til mynda
eins og „Lítill og sorgmæddur"
(nr. 6) og „Stór og hamingjusam-
ur“ (nr. 7), seríunnar um ást,
jeppa og tjald (nr. 8-10) eða
„Töfraflautunnar“ (nr. 22), sem
er þá væntanlega hljóðfæri sem
allar konur geta leikið á.
Loks má greina alvarlegri
þenkingar um stöðu kynjanna í
verkum eins og „Karlmaðurinn,
til hvers?“ (nr. 39) og „Konan,
fyrir hvern?" (nr. 40), sem titlarn-
ir segja margt og konan er sett
í líki freistarans. Sú ógn sem
getur hvílt yfir konunni er hins
vegar skýrust í J'Ióttin" (nr. 38),
þar sem hún gengur örsmá í
umhverfi næturinnar, þar sem
allt getur gerst.
Listakonan sýnir hér einnig
myndir, sem sýna gott auga fyrir
viðfangsefninu. „Fyrirmyndin“
(nr. 18) er vel unnið málverk, sem
og smámyndirnar „Falleg kona“
(nr. 14-16). Loks skera myndir
nr. 30 og 31 sig frá heildinni fyr-
ir litanotkun óg myndbyggingu,
og sýna að þess má vænta að
Sigurbjörgu takist ekki síður upp
við önnur viðfangsefni en þá
galsafengnu túlkun kynóra og
barnslegu kæti, sem hér ríkir í
flestum verkanna.
Hér er á ferðinni glaðbeitt sýn-
ing ungrar listakonu, sem vert
er að benda listunnendum á að
fylgjast með.
Eiríkur Þorláksson
íslensk heim-
speki í Póllandi
ÍSLENSK HEIMSPEKI
var til umfjöllunar á um-
ræðufundi í heimspekideild
Marie Curie-Sklodowska
háskólans í Lublin í Pól-
landi þar sem saman voru
komnir um 30 heimspekid-
oktorar. Jerzy Wielunski,
sem er efnafræðingur, hélt
fyrirlestur um megin- Dr. Helgi
strauma í íslenskri ' hug- Pjeturss
myndasögu og heimspeki,
ailt frá dögum fróðra manna og
edduljóða, frá Ara Þorgilssyni og
Snorra Sturlusyni til Björns Gunn-
laugssonar, Brynjólfs á Minnanúpi,
Gríms Thomsens, Helga Pjeturss
og Þorsteins Guðjónssonar. Wiel-
unski starfar sem skáld og blaðá-
maður en auk menntunar í efna-
fræði hefur hann lært fjölda tungu-
mála; talar hann flest evr-
ópsk tungumál en einnig
hefur hann lagt sig sérstak-
lega eftir málum fámennis-
landa, þar á meðal íslensku.
í kjölfar kynningarinnar
var dr. Gerhard Gluchowski
heimspekingur útnefndur
af forseta heimspekideildar
háskólans í Lublin til að
vinna að frekari rannsókn-
um á íslenskri hugmynda-
sögu. Á fundinum lá frammi eintak
af Framnýal eftir Helga Pjeturss
og í prentun er bók um heimspeki
Helga á pólsku en á fundinum var
mikil eftirspurn eftir frekara efn:
um Helga. Auk þess hefur íslensk-
um fræðimanni verið boðið að halda
fyrirlestur um kenningar Helga í
Lublin.
Nýjar bækur
Sköpun snýst upp
í andstæðu
og sköpunin snýst upp í
andstæðu sína,“ segir í
kynningu.
Þetta er önnur bók höf-
undar, en ljóðabókin Dög-
un kom út á síðasta ári.
Sagan Burt er 160 síður
og er ein fjögurra bóka
sem Andblær gefur út á
þessu hausti. Stensill
prentaði.
ÚT ER ko'min skáldsagan
Burt eftir Þórarin Torfa-
son. Sagan segir frá ung-
um rithöfundi sem dvelst
erlendis og sendir systur
sinni bréf og kafla úr
skáldsögu sem hann er
að skrifa.
„Hér er fjallað um
hvernig skil skáldskapar
og raunveruleika raskast
Þegar hringt er í grænt númer greiðir viðskiptavinurinn
aðeins venjulegt innanbæjarsímtal og það kann hann að
meta.Hringdu í grænt númer Posts og sima, 800 6360
og leitaðu nánari upplýsinga. Á bls. 13 í atvinnuskránni
er að finna lista yfir þá aðila sem hafa græn númer.
Hringir Sigga í þig eða keppinautinn?