Morgunblaðið - 21.11.1995, Blaðsíða 60

MORGUNBLAÐIÐ. KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTUÓLF 3040, NETFANG MBUSCENTRUM.IS / AKUREYRI: HAFNARSTRÆTI 85
ÞRIÐJUDAGUR 21. NOVEMBER 1995
VERÐ I LAUSASOLU 125 KR. MEÐ VSK
Morgunblaðið/RAX
Þjóðhagsstofnun ber saman samninga ASÍ við samninga opnberra starfsmanna
ASI telur mismuninn
þýða 3.000 kr. hækkun
BENEDIKT Davíðsson, forseti ASÍ, segir að krafa
ASÍ í launanefndinni sé að félagsmönnum ASÍ
verði bættur upp sá mismunur sem sé á samning-
um landssambanda ASÍ og samningum sem ríkið
hefur gert við opinbera starfsmenn. Samkvæmt
heimildum Morgunblaðsins er það mat ASÍ að
laun félagsmanna þess þurfí að hækka um u.þ.b.
3.000 kr. á mánuði til að þeir fái jafnmikið út
úr sínum samningum og aðrir sem sömdu síðar.
ASÍ hefur óskað eftir því að Þjóðhagsstofnun
geri samanburð á samningunum sem landssam-
bönd ASÍ gerðu 21. febrúar sl. og öðrum samning-
um sem síðan hafa verið gerðir. Von er á þessu
mati í dag eða á morgun. Um er að ræða samskon-
ar mat og Þjóðhagsstofnun gerði fyrir BSRB í vor
á samningum ASI. Stofnunin komst að þeirri nið-
urstöðu að landssambönd ASÍ hefðu náð fram
0,2-0,3% launahækkun með sérkjarasamningum.
Að mati ASÍ hafa opinberir starfsmenn náð
fram mun meiri hækkunum I gegnum sína sér-
kjarasamninga, enda hefur komið fram að Samn-
inganefnd ríkisins hefur boðið allt að 2,5% hækk-
un til viðbótar samningshækkunum samkvæmt
samningi ASÍ/VSÍ vegna hækkana í sérkjara-
samningum. Benedikt vildi ekki tjá sig um þá
útreikninga sem ASI hefur gert. Rétt væri að
bíða eftir niðurstöðum Þjóðhagsstofnunar, sem
væri óháður aðili. Krafa ASÍ væri að sá mismun-
ur sem væri á samningunum yrði bættur.
Innan launanefndarinnar hefur farið fram um-
ræða um hvemig skuli bæta félagsmönnum ASI
upp þann mun sem er á samningum þeirra og
annarra. Samkvæmt heimildum Morgunblaðsins
hafa fulltrúar vinnuveitenda sett fram það sjónar-
mið að ef slíkur mismunur er fyrir hendi sé skyn-
samlegast að jafna hann í formi eingreiðslu.
Vinnuveitendur hafa þó engin fyrirheit gefið um
hvað langt þeir séu tilbúnir til að ganga eða yfir-
leitt hvort þeir samþykki meiri kauphækkanir.
Efasemdir eru innan ASÍ um eingreiðsluleiðina.
Greinargerð ríkisstjórnarinnar
Davíð Oddsson forsætisráðherra afhendir i
fyrramáiið fulltrúum í launanefnd ASÍ og VSÍ
greinargerð um yfirlýsingu ríkisstjórnarinnar frá
21. febrúar. Þar kemur fram hvernig ríkisstjórnin
hefur staðið við einstaka þætti yfiriýsingarinnar
og hvernig hún hyggst standa við þá þætti sem
enn hefur ekki verið hrint í framkvæmd.
Launanefndin stefnir að því að ljúka störfum í
lok vikunnar. Á mánudag og þriðjudag verður
fundur sambandsstjórnar ASÍ. Framkvæmda-
stjórn VSI kemur einnig saman nk. mánudag.
Af beggja hálfu er lögð áhersla á að launanefnd-
in komist að efnislegri niðurstöðu fyrir fundina.
■ Tekistáum/4
Landsvirkjun sýknuð af bótakröfu vegna Eyvindarstaðaheiði og Auðkúluheiði
Hrepparnir eiga
ekki heiðarnar
-Stefnuljós
á suðurleið
í skammdeginu er nauðsynlegt
að huga vel að ljósabúnaði bíl-
anna. Það veit Jón Sigurðsson á
Sleitustöðum í Skagafirði, sem
speglast í afturrúðu Suðurleið-
arrútunnar þegar hann lagar
hægra stefnuljós hennar. Suður-
Ieiðarrútan dregur nafn sitt af
því að hún flytur fólk milli Siglu-
fjarðar og Reykjavíkur frá maí
fram í september.
Himin og
haf ber
á milli
HIMIN og haf bar á milli að sögn
Gunnars Björnssonar, varaformanns
samninganefndar ríkisins, þegar
slitnaði uppúr viðræðum við flugum-
ferðarstjóra í fyrrinótt.
Gunnar sagði að beinar Iaunakröf-
—ur næmu 55% og aðrar kröfur 27%.
Flugumferðarstjórar töluðu um að
með samningum næðist ákveðin hag-
ræðing, sem Gunnar sagðist ekki
sjá. Hann sagði að tilboð ríkisins
fæli í sér 7,8% kostnaðarauka fyrir
flugmálastjórn og væri gert ráð fyrir
að flugmálayfirvöld fengju tækifæri
til að færa vinnuskyldu milli árstíða
enda væri álagið mest á sumrin.
Stjórn FÍF segir í ályktun frá þvi
í gærkvöldi að „frá fyrsta fundi með
samninganefnd ríkisins hefur samn-
inganefnd FÍF lagt höfuðáherslu á
það öryggismál að draga úr yfir-
vínnu, sem hefur verið óhófleg um
árabil, jafnframt því að leggja til
breytingar á mannahaldi til verulegs
hagræðis fyrir Fiugmálastjórn. Ljóst
er að slíkar breytingar munu leiða
til verulegrar tekjuskerðingar og
óhagræðis fyrir flugumferðarstjóra.
Fullyrðing samninganefndar ríkisins
um 82% kostnaðaraukningu flugum-
ferðarþjónustunnar er því röng,“ seg-
ir í ályktuninni.
HÉRAÐSDÓMUR Reykjavíkur telur
að hrepparnir, sem telja sig eiga
Eyvindarstaðaheiði og Auðkúluheiði,
hafi ekki leitt sönnur á að heiðamar
séu fullkomið eignarland þeirra. Því
beri að sýkna Landsvirkjun og ráðu-
neyti fjármála-, iðnaðar- og landbún-
aðar af kröfum þeirra til bóta fyrir
virkjunarréttindi í Blöndu og til bóta
fyrir land, sem Landsvirkjun hafi
fengið til ótímabundinna umráða á
heiðunum.
Af hálfu Bólstaðarhlíðarhrepps,
Seyluhrepps og Lýtingsstaðahrepps
var því haldið fram að hreppamir
ættu rétt til bóta fyrir virkjunarrétt
og land á Eyvindarstaðaheiði, á
grundvelli samnings frá 1898, þegar
hrepparnir keyptu heiðina af borgara
á Sauðárkróki. Svínavatnshreppur
og Torfalækjarhreppur vísuðu til af-
sals ráðherra Islands frá 1918.
Af hálfu Landsvirkjunar og ráðu-
neytanna var því haldið fram að
heiðarnar væm afréttarland, sem
aldreí hafi verið undirorpið fullkomn-
um eignarrétti nokkurs einstaklings
eða stofnunar. Samkvæmt heimild-
um hafi heiðarnar einvörðungu verið
notaðar ti) upprekstrar á fyrri öldum.
Hvað varði kaupsamning vegna Ey-
vindarstaðaheiði hafi heiðin verið
orðin afréttur í almennri notkun gegn
gjaldi þegar á 15. öld og ekki tengst
Eyvindarstöðum með þeim hætti að
sennilegt gæti talist að litið hafi ver-
ið á hana sem hluta af jörð.
Þá var bent á, að efni og orðalag
afsals ráðherra íslands á Auðkúlu-
heiði bendi eindregið til að þar hafi
verið um framsal á takmörkuðum
rétti að ræða. Eignarréttur hefði
ekki getað skapast fyrir hefð á heið-
unum, þar sem ekki lægi fyrir önnur
afnot en sumarbeit fyrir búfé og
mætti ekki setja jafnaðarmerki milli
slíkrar nýtingar lands og eignarhalds
í skilningi hefðarlaga.
í niðurstöðum dómsins segir, að
það hafi ekki sætt ágreiningi að
greiða bæri hreppunum bætur fyrir
missi afréttareignar, enda hafi
Landsvirkjun lagt í fjárfrekar fram-
kvæmdir í þágu þeirra. Hins vegar
krefjist hrepparnir viðurkenningar á
rétti til bóta á grundvelli beins eign-
arréttar. „Það eru grundvallarreglur
í eignarrétti að sá, sem telur til eign-
arréttinda yfir landi, verði að færa
fram heimildir fyrir tilkalli sínu og
að sá, sem afsalar landi, geti ekki
veitt viðtakanda sínum víðtækari
rétt en hann átti sjálfur. Efni og
orðalag kaupsamninga og afsala,
sem um ræðir í málinu, sker eigi til
fullnustu úr um það hvort stefnend-
um hafi verið afsalað fullkomnu eign-
arlandi eða einungis afréttareign,
þótt hið síðara verði líklegra talið,“
segir í dóminum.

9,5% nem-
enda veikir
9,5% nemenda í Austurbæjar-
skóla, eða 47 af 496, voru veik
á mánudag. Sex starfsmenn
voru veikir, þar af fjórir kenn-
arar.
Guðmundur Sighvatsson,
skólastjóri, sagði að kennarar
reyndu að halda sínu striki
þótt allt upp í 5 til 6 nemendur
vantaði í bekkina. Þegar hinir
veiku hefðu náð sér yrði reynt
að bæta þeim kennsluna upp
með einum eða öðrum hætti.
Hins vegar sagði Guðmund-
ur öllu verra þegar margir
kennarar væru veikir því ekki
væri mörgum afleysingakenn-
urum til að dreifa. Þó hefði
honum að mestu tekist að finna
kennara til að hlaupa í skarðið
nú.
Guðmunur sagði að mikið
hefði verið hringt á stuttum
tíma í gærmorgun. Því hefði
ekki gefist tími til að spyijast
mikið fyrir um hvernig veikind-
in lýstu sér. Hann sagðist þó
hafa upplýsingar um að
kennararnir kvörtuðu um kvef,
hálsbólgu og hita.