Morgunblaðið - 28.01.1996, Blaðsíða 14

14 SUNNUDAGUR 28. JANÚAR 1996
MORGUNBLAÐIÐ
LISTIR
Fagotttónleikar í Gerðarsafni
Eins o g
köllun
HAFSTEINN Guðmundsson fag-
ottleikari og Guðríður St. Sigurð-
ardóttir píanóleikari gangast fyrir
tónleikum í Gerðarsafni í Kópavogi
næstkomandi þriðjudag. Auk
þeirra koma fagottleikararnir
Btjánn Ingason og Rúnar Vil-
bergsson fram á tónleikunum.
„Fagottið er enn sem komið er
ekki algengt einleikshljóðfæri og
er þetta tilvalið tækifæri fyrir tón-
listaráhugafólk að kynnast því í
einleikshlutverkinu," segir Haf-
steinn, sem er fyrsti fagottleikari
í Sinfóníuhljómsveit íslands og
meðlimur í Blásarakvintett
Reykjavíkur, auk þess að fást við
kennslu.
Hafsteinn segir að töluvert sé
til af verkum fyrir fagott og bend-
ir á að Vivaldi hafi samið 38 fag-
ottkonserta. Kunnasti fagottkon-
sert sögunnar sé á hinn bóginn
eftir Mozart. A efnisskránni á
þriðjudagskvöldið eru verk eftir
Antonio Vivaldi, Eugene Bozza,
Paul Hindemith, André Bloch,
Jacques Ibert, Femand Oubradous
og Carl Maria von Weber.
Að sögn Hafsteins eru öll verk-
in skrifuð fyrir fagott og píanó
nema Sónata nr. 5 eftir Vivaldi,
sem samin er fyrir selló og Divert-
issements eftir Bozza, sem er fag-
otttríó. Nokkur verkanna eru nú
frumflutt á íslandi.
Ennþá að læra
Félagar Hafsteins úr Sinfóníu-
hljómsveit íslands, Bijánn Ingason
og Rúnar Vilbergsson, leggja hon-
um lið í fyrrnefndu verki Bozza.
Er þetta í fyrsta sinn sem þre-
menningarnir sameina krafta sína
á þessum vettvangi. Að sögn Haf-
steins eru hins vegar verulegar
líkur á því að þeir endurtaki leik-
inn í framtíðinni. „Það hefur verið
reglulega gaman að undirbúa
þessa tónleika.“
Tónleikamir í Gerðarsafni em
fimmtu einleikstónleikar Haf-
steins. „Það þykir sennilega ekki
mikið á 25 ára ferli með Sinfóníu-
hljómsveit íslands en ég hef haft
í mörg horn að líta, meðal annars
með blásarakvintettinum, og það
er tímafrekt að æfa fyrir tónleika
sem þessa. Einleikstónleikar eru
hins vegar mjög þroskandi við-
fangsefni enda gera þeir manni
kleift að vinna sjálfstætt. Mér
finnst ég nefnilega ennþá vera að
læra og á án efa heilmikið ólært.“
Hafsteinn segir jafnframt að
nýjar áskoranir séu hljóðfæraleik-
aranum hollar enda sé starf hans
eins og köllun — hann verði að
hafa gaman af því. „Síðan er Sinf-
óníuhljómsveit íslands í stöðugri
framför, þannig að maður gerir
þetta í og með til að halda sér í
góðu formi.“
Á leið til Finnlands
Guðríður St. Sigurðardóttir hef-
ur starfað mikið í kammertónlist,
auk þess að koma víða fram sem
einleikari, meðal annars með Sinf-
óníuhljómsveit íslands. Hún er nú
á sex mánaða starfslaunum frá
ríkinu og hyggst nýta tækifærið
til að spila kammertónlist en
minnka við sig kennsluna. Fyrir
dyrum standa meðal annars tón-
leikar í Finnlandi ásamt finnskum
fiðluleikara.
Guðríður kveðst leggja mikla
áherslu á fjö'breytni í tónleika-
haldi en hún hefur ekki áður spil-
að á heilum tónleikum með fagott-
leikara. „Þetta leggst vel í mig en
ég kann mjög vel við hljóminn í
fagottinu. Það liggur á svipuðu
svæði og sellóið.“
Tónleikarnir hefjast klukkan
20.30 á þriðjudagskvöld.
Morgunblaðið/Kristinn
ÞAU verða í sviðsljósinu í Gerðarsafni á þriðjudagskvöld: Brjánn
Ingason, Guðríður St. Sigurðardóttir, Rúnar Vilbergsson og
Hafsteinn Guðmundsson.
Blús og blús-
bræðingur
TÓNLEIKAR í Tónleikaröð Leikfé-
lags Reykjavíkur verða haldnir
þriðjudagskvöldið 30. janúar kl.
20.30 á Stóra sviði Borgarleikhúss-
ins, þar sem aðal áhersla er lögð
á blústónlist.
Hljómsveitin J.J. Soul Band hef-
ur starfað í tæp þrjú ár. Geisla-
plata með frumsömdu efni kom
út árið 1994. Hljómsveitin flytur
blús og blúskennda tónlist. Hljóm-
sveitina skipa Eðvarð Lárusson,
gítarleikari, Ingvi Þór Kormáks-
son, sem leikur á hljómborð, Stein-
grímur Óli Sigurðsson, trommu-
leikari og breski söngvarinn J.J.
Soul, sem vakið hefur athygli fyrir
rödd og söngstíl.
Vinir Dóra munu leika lög sem
spanna allan feril sveitarinnar, en
skemmst er að minnast nýútkom-
ins geisladisks, „Hittu mig“. Nú-
verandi liðsmenn eru Halldór
Bragason, Jón Ólafsson og Ásgeir
Óskarsson. Á tónleikunum munu
óvæntir gestir stíga á stokk.
Miðaverð á tónleikana er 1.000
kr.
---- ♦.♦.♦----
Leikhústón-
listarkvöld
Atla Heimis
endurtekið
FJÓRÐU tónleikarnir í tónleikaröð
Kaffileikhússins sem helguð er ís-
lenskri leikhústónlist voru haldnir
síðastliðið miðvikudagskvöld. Þá
kynnti Atli Heimir Sveinsson tón-
skáld leikhústónlist sína og var
húsfyllir auk þess sem margir
þurftu frá að hverfa. Því hefur
verið ákveðið að endurtaka tón-
leika Atla Heimis og verða þeir
þriðjudaginn 30. janúar kl. 21 en
húsið verður opnað kl. 20.
Þeir listamenn sem flytja tónlist
Atla eru Kristinn Sigmundsson
söngvari, Ólafía Hrönn Jónsdóttir
leikkona og söngkona, Örn Árna-
son leikari og söngvari og félagar
úr Cáputhópnum.
Hálf milljón fyrir
besta handritið
SAMKEPPNI um Bókmennta-
verðlaun Halldórs Laxness 1996
stendur nú yfir og hafa höfund-
ar frest til að skila handritum í
keppnina til 15. apríl næstkom-
andi. Það eru því tæpir þrír
mánuðir til stefnu fyrir þá sem
ætla sér að taka þátt í keppn-
inni, en Laxness-verðlaunin
verða veitt í fyrsta sinn á hausti
komanda.
Bókaforlagið Vaka-Helgafell
stofnaði til Bókmenntaverð-
launa Halldórs Laxness á síðasta
ári í tilefni þess að þá voru liðin
40 ár frá því að Sænska akadem-
ían veitti Halldóri Laxness bók-
menntaverðlaun Nóbels.
Snemma á nýliðnu ári var efnt
til samkeppni um verðlaunin
sem stóð fram á haust en að vel
athuguðu máli taldi dómnefnd
ekkert handritanna sem bárust
uppfylla fullkomlega þær kröf-
ur sem gera yrði til verðlauna-
handrits og hlaut því enginn
þátttakenda verðlaun. í stað
þess var þegar efnt til nýrrar
samkeppni sem stendur sem
fyrr segir fram á vor.
Jafnframt ákvað Vaka-Helga-
fell sem leggur fram verð-
launaféð að auka það úr 300.000
krónum í 500.000 krónur en við
upphæðina bætast höfundarlaun
samkvæmt rammasamningi Rit-
höfundasambands Islands og
Félags íslenskra bókaútgef-
enda.
Verðlaunin verða veitt fyrir
nýja og áður óbirta íslenska
skáldsögu eða safn smásagna
og mun bókin sem verðlaunin
hlýtur koma út hjá Vöku-Helga-
felli sama dag og verðlaunin
verða afhent.
„Megintilgangurinn með
stofnun Bókmenntaverðlauna
Halldórs Laxness er að efla ís-
lenskan sagnaskáldskap og
stuðla að stöðugri endurnýjun
íslenskrar frásagnarlistar," seg-
ir í kynningu. Fyrirhugað er að
verðlaunin verði veitt árlega að
undangenginni samkeppni sem
er öllum opin. Handrit skulu send
til Vöku-Helgafells, Síðumúla 6,
108 Reykjavík og umbúðir auð-
kenndar „Laxness-verðlaun".
Handritin skulu merkt dulnefni
en rétt nafn höfundar látið fylgja
í lokuðu umslagi.
Dómnefnd Bókmenntaverð-
launa Halldórs Laxness 1996
skipa Pétur Már Ólafsson, for-
maður, Guðrún NordaJ, bók-
menntafræðingur og Ástráður
Eysteinsson.
Listaklúbbur Leikhúskfallarans
Morgunblaðið/Árni Sæberg
Saga leiklistar á íslandi
- seinni hluti
í LISTAKLÚBBNUM á mánudags-
kvöld verður fluttur seinni hluti dag-
skrár Sveins Einarssonar um sögu
leiklistar á íslandi, en fyrri hlutinn
var fluttur síðastliðið mánudags-
kvöld.
Sveinn heldur áfram þar sem frá
var horfið og segir söguna allt frá
upphafi þessarar aldar og fram á
daginn í dag. Inn í frásögnina flétt-
ast leikin atriði sem varpa ljósi á
þá byltingu sem varð í leikritun á
öldinni og sungin verða þekkt lög
úr revíum og söngleikjum.
Flytjendur ásamt Sveini eru leik-
ararnir Jóhann Sigurðarson og
Ragnheiður Elfa Arnardóttir en þau
syngja við undirleik Jóhanns Guð-
mundar Jóhannssonar tónlistar-
stjóra Þjóðleikhússins. .
Dagskráin hefst kl. 20.30. Að-
gangseyrir er 500 kr. en 300 kr.
fyrir félaga í Listaklúbbnum og
Námunni.
ÆFINGAR eru nú hafnar hjá Leik-
félagi Reykjavíkur á sögu Snæfríð-
ar Islandssólar, Hinu ljósa mani.
Er hér um að ræða nýja leikgerð
Bríetar Héðinsdóttur eftir íslands-
klukku Halldórs Laxness.
„Leikbúningur Bríetar er veru-
lega frábrugðinn fyrri leikgerðum
af íslandsklukkunni og mun án efa
koma á óvart," segir í kynningu.
Ný frumsamin tónlist er eftir Jón
Nordal.
Sigrún Edda Björnsdóttir er í
hlutverki Snæfríðar íslandssólar
en Pálína Jónsdóttir leikur Snæ-
fríði unga. Til gamans má geta
þess að þetta er í annað sinn sem
Sigrún Edda túlkar Hið ljósa man,
en hún lék íslandssólina í sýning-
um Nemendaleikhússins á Islands-
klukkunni 1981.
Aðrir leikendur eru; Ari Matthí-
asson, Guðmundur Ólafsson,
Hanna María Karlsdóttir, Jón
Hjartarson, Kristján Franklín
Magnús, Margrét Helga Jóhanns-
dóttir, Pétur Einarsson, Sigurður
Karlsson, Soffía Jakobsdóttir, The-
ódór Júlíusson, Valgerður Dan,
Þorsteinn Gunnarsson og Þröstur
Leó Gunnarsson.
SIGRÚN Edda Björnsdóttir
sem Snæfríður íslandssól
eldri og Pálína Jónsdóttir sem
Snæfríður íslandssól yngri.
Leikstjóri er Bríet Héðinsdóttir,
leikmynd gerir Stígur Steinþórs-
son, búninga Messíana Tómasdótt-
ir og lýsingu annast David Walters.
Verkið um Hið ljósa man verður
frumsýnt 1. mars.
Hið ljósa man í
Borg'arleikhúsinu