Morgunblaðið - 28.01.1996, Blaðsíða 24

24 SUNNUDAGUR 28. JANÚAR 1996
MORGUNBLAÐIÐ
KVIKMYNDIR/Laugarásbíó og Borgarbíó á Akureyrí hafa tekið til sýninga hina umtöluðu
mynd Dauðasyndimar sjö, Seven, með Morgan Freeman og Brad Pitt í aðalhlutverkum.
Fj öldamor ðingi
með boðskap
np'VEIMUR rannsóknarlög-
reglumönnum er falin
rannsókn morðmáls sem vindur
upp á sig þar til í ljós kemur að
þeir eru að fást við fjöldamorð-
ingja sem hefur dauðasyndirnar
sjö að leiðarljósi við val á fóm-
arlömbum og aðferðum til að
binda enda á líf þeirra. Græðgi,
ágirnd, leti, dramb, losti, öfund
og reiði. Ein dauðasyndanna sjö
einkennir líf hvers fórnarlam-
banna og um leið þann táknræna
dauðdaga sem því er búinn.
Þeir sem fá málið til meðferð-
ar eru rannsóknarlögreglumenn-
irnir William Somerset (Morgan
Freeman), lífsreyndur og yfir-
vegaður nákvæmnismaður, sem
á viku í að komast á eftirlaun
eftir 34 ára farsælt starf, og nýr
félagi hans, hinn ungi og hvat-
vísi David Mills, sem er nýfluttur
til borgarinnar ásamt eiginkonu
sinni (Gwyneth Paltrow) og áfj-
áður í að sanna sig í starfinu.
Félagarnir eru alltaf skrefi á
eftir morðingjanum en dragast
smám saman inn í brenglaðan
hugarheim þess útsmogna ill-
mennis sem gengur undir nafn-
inu John Doe. Loksins þegar
þeir komast að því hvað morð-
ingjanum gengur til virðist allt
um seinan.
Seven er engin sóðamynd.-
Morðin eru óhugnanleg en áhorf-
endur verða ekki vitni að þeim.
Þeir sjá glitta í afleiðingarnar á
vettvangi og á svart-hvítum lög-
regluljósmyndum sem þeir félag-
ar byggja rannsókn sína á en
fyrst og fremst er ímyndunarafli
áhorfenda Iátið eftir að púsla
saman mynd af verknaðinum
sem lögreglumennimir ræða sín
á milli í grafískum smáatriðum.
Morðinginn hefur undirbúið
verk sitt í þaula og valið fóm-
arlömbin af kostgæfni og séð
LÖGREGLUMENNIRNIR slappa af á heimili Mills (Pitt) og
eiginkonu hans, sem Gwyneth Paltrow leikur.
sérhvert smáatriði fyrir. Fjölda-
morðinginn vill kannski ekki búa
til betri heim en alla vega koma
því á framfæri að hann sé ekki
bara að drepa fólk, heldur sé
hann að þrífa skítinn sem blasir
við hvert sem litið er í siðlausu
og bersyndugu þjóðfélagi.
Eftir því sem löggurnar nálg-
ast bófann breytir myndin um
stefnu og þegar síga fer á seinni
hlutann breytist þessi spennandi
löggumynd í hryllingsmynd.
Hryllingurinn nær hámarki í
einhveijum óvæntasta og svart-
asta endi sem sést hefur á hvítu
tjaldi í Hollywood-mynd í árarað-
ir; endi sem valdið hefur því öðru
fremur að orðspor myndarinnar
hefur borist hratt og víða.
Seven er byggð á frumsömdu
handriti sem Andrew Kevin Wal-
ker skrifaði og er fyrsta handrit
hans sem fest er á filmu. Hann
sendi það óumbeðinn til handrits-
höfundarins David Koepp (Car-
lito’s Way), sem kom því áfram
til Hollywood. Þar barst það í
hendur framleiðandans Arnold
Kopelson (Platoon, the Fugitive,
Falling Down) sem féll kylliflatur
fyrir sögunni.
MORGAN Freeman og Brad Pitt leika aðalhlutverkin í Dauðasyndunum sjö.
Til að leikstýra myndinni réð
hann leikstjórann David Fincher,
33 ára fyrrum samstarfsmann
Siguijóns Sighvatssonar hjá
Propaganda Films, sem hafði
getið sér gott orð fyrir gerð tón-
Iistarmyndbanda og hafði leik-
stýrt Alien3, hálfmisheppnaðri
þriðju og síðustu myndinni í
þeirri seríu sem kennd er við
Alien.
Fincher lagði allt undir til að
láta hinn upprunalega og ó-
Hollywoodlega endi handrits
Walkers halda sér og fékk talið
Kopelson af því að láta Seven
fá hefðbundinn löggumynda-
endi.
Fincher fékk til liðs við sig
kvikmyndatökumanninn Darius
Khondji, þann sem stjórnaði
kvikmyndatökum á Fyrir regnið
og Delicatessen og saman sköp-
uðu þeir þann regnvota og yfir-
máta-drungalega blæ sem ein-
kennir myndina Seven.
Morgan Freeman (The Shaw-
shank Redemption, Unforgiven,
Driving Miss Daisy) og Brad
Pitt (Legends of the Fall, Cali-
fornia, Thelma and Louise, Int-
erview with a Vampire) þáðu boð
um aðalhlutverkin handritsins og
áskorunarinnar vegna fremur en
vegna þess að myndin væri fyrir-
frarn líkleg til að auka á hróður
þeirra sem arðvænlegra kvik-
myndastjarna. Nú er komið á
daginn að hvort tveggja helst í
hendur. Seven hefur halað inn
90 milljónir bandaríkjadala, og
er þar með ein vinsælasta mynd
síðasta árs vestanhafs og auk
þess í hópi fárra bandarískra
mynda sem hlutu einróma lof
gagnrýnenda þótt líklega sé hún
of dökk og óhugnanleg til að
hljóta náð fyrir augum þeirra
sem úthluta óskarsverðlaunum.
Auk þeirra félaga eru í helstu
hlutverkum Gwyneth Paltrow,
unnusta Brad Pitts, sem vakti
athygli fyrir Jefferson in Paris
og Mrs. Parker and the Vicious
Circle; gamla brýnið Richard
Roundtree (Shaft) og Kevin
Spacey.
Upphafsatriði Seven hefur
einnig vakið sérstaka athygli en
tónlist við það samdi David
Bowie.
Einn ungur,
annar reyndur
Brad Pitt Morgan Freeman
BRAD Pitt hefur verið einn eft-
irsóttasti leikarinn af yngri
kynslóðinni í Hollywood og
jafnframt eitt helsta kyntáknið
í flokki kvikmyndaleikara síðan
hann lék í kvikmynd Ridleys
Scott, Thelma & Louise, árið
1991. Hæfileikar hans hafa síð-
an fengið að njóta sín til hins
ítrasta í myndum á borð við A
River Runs Through It, Kali-
fornia og nú síðast í Interview
With The Vampire.
Pitt fæddist í bænum
Shawnee í Oklahoma, en ólst
upp í Springfield í Missouri.
Hann lærði blaðamennsku í
Missouri-háskóla í Columbia, en
fluttist að námi loknu til Los
Angeles til þess að leggja stund
á nám þar í auglýsingagerð og
grafískri hönnun. í stað þess
sneri hann sér að leiklist og
fékk brátt hlutverk í sjónvarps-
þáttunum Another World og
Dallas o.fl.
Aðrar kvikmyndir sem Brad
Pitt hefur leikið í eru aðalhlut-
verk í Johnny Suede, sem vann
Gullna hlébarðann sem besta
mynd á kvikmyndahátiðinni í
Lucarno árið 1992, Cool World,
Across the Tracks, Dark Side
of the Sun og stuttmyndin
Contact, sem tilnefnd var til
Óskarsverðlauna.
MORGAN Freeman hefur á
undanförnum áratug skotist í
hóp virtustu kvikmyndaleikara
Bandarikjanna og þrívegis ver-
ið tilnefndur til óskarsverð-
launa. Fyrst árið 1987 fyrir leik
í myndinni Street Smarts, aftur
1989 fyrir Driving Miss Daisy
og í þriðja skipti síðastliðið vor
fyrir The Shawshank Re-
demption.
Freeman, sem framan af ferli
sínum var fyrst og fremst
þekktur og virtur sem sviðsleik-
ari, er frá Mississippi og lagði
ekki fyrir sig leiklist að ráði
fyrr en hann var kominn undir
þrítugt og átti að baki herþjón-
ustu í flugher Bandaríkjanna.
Árum saman ferðaðist hann
um Bandaríkin með leikhópum.
Árið 1967 hlaut hann í fyrsta
skipti tækifæri á Broadway í
Hello Dolly og nýtti það til hins
ítrasta. Næstu tvo áratugi var
hann tíður gestur á sviði í mörg-
um virtustu leikhúsum Banda-
ríkjanna, ekki síst í New York
þar sem hann hefur margoft
hlotið Tony- og Obie-verðlaunin
eftirsóttu fyrir sviðsleik.
Á hvíta tjaldinu er ótalið stórt
hlutverk Freemans í óskars-
verðlaunamynd Clint Eastwo-
ods, Unforgiven, og fjöldi eftir-
minnilegra aukahlutverka,
t.a.m. í The Bonfire of the Van-
ities, Glory, Lean On Me og
Robin Hood: Prince of Thieves,
Brubaker, Eyewitness, Clean
and Sober, Johnny Handsome
og Harry and Son. Þá hefur
hann löngum haft nóg að gera
í sjónvarpsmyndum og -þáttum.
I kjölfar þeirra vinsælda sem
Freeman heur notið á undan-
förnum árum er hann farinn
að reyna fyrir sér við leik-
stjórn. Fyrsta mynd hans á þeim
vettvangi var Bopha!, þar sem
Danny Glover og Alfrie Wood-
ard voru í aðalhlutverkum í
sögu sem gerðist meðal svartra
andófsmanna í Suður-Afríku.
Undanfarna mánuði hefur
hann leikið á móti Keanu Ree-
ves í myndinni Dead Drop, sem
frumsýnd verður í sumar.