Morgunblaðið - 02.02.1996, Blaðsíða 49

MORGUNBLAÐIÐ
FÖSTUDAGUR 2. FEBRÚAR 1996 49
BRÉF TIL BLAÐSINS
Starfsemi
Háteigssafnaðar
Fri prestum og starfsfólki “
Háteigskirkju: i t
VETRARSTARF Háteigssafnaðar
er í fullum gangi. Ýmislegt er á
boðstólum fyrir þá, sem áhuga
hafa á að iðka samfélag við Guð
og menn og þroska trú sína í helgi-
haldi og fræðslu. Hér að neðan eru
nefndir fastir liðir starfSeminnar.
Messur
Messur eru hvern helgan dag
klukkan 14. Þangað sækir fólk
næringu fyrir trúarlíf sitt.
Á miðvikudögum eru kvöldbæn-
ir kl. 18, þar sem beðið er fyrir
I sjúkum.
Kvöldsöngur með Taizé-lagi er
kl. 21 á fimmtudagskvöldum. Tón-
listin er kennd við Taizé, lítinn bæ
í Suðaustur-Frakklandi, og á upp-
tök sín hjá bræðrasamfélagi, sem
hefur það að köllun að vera lif-
andi dæmi um samfélag kristinna
manna af ólíkum kirkjudeildum.
Þetta er bænasöngur, sem náð
hefur mikilli útbreiðslu í Evrópu
og víðar meðal ungs fólk. Á þess-
um stundum er mikil áhersla lögð
á kyrrð og íhugun.
Barnaguðsþjónustur
Barnaguðsþjónustur eru kl. 11
á sunnudögum, þar sem börn og
foreldrar njóta sameiginlegrar
trúariðkunar.
Leikir, uppbyggilegt samfélag
og fræðsla einkennir starf tíu til
tólf ára barna á fimmtudögum kl.
17 og æskulýðsstarf þrettán ára
og eldri á sunnudagskvöldum kl.
20, sem er eiginléga sjálfstætt
framhald fermingarstarfanna.
Barnakór er starfræktur á mið-
vikudögum kl. 16.45-18.
Mömmumorgnar
Mömmumorgnar eru nýjung í
starfi safnaðarins í vetur á mið-
vikudagsmorgnum kl. 10-12.
Mæður koma með ung börn sín
og njóta þar samfélags og fræðslu,
meðan börnin eru í góðri umönn-
un.
Fullorðinsfræðsla
Fullorðinsfræðsla er á mánu-
dagskvöldum kk 20-22 í safn-
aðarheimilinu. Á vormisseri eru
það fræðslu- og samfélagskvöld,
þar sem tekið er fyrir efnið: Trú
og streita. Ýmislegt veldur streitu
svo sem áhyggjur, vinna, mistök,
átök og missir, það er skoðað og
athugað hvað ritningin hefur fram
að færa við þær aðstæður.
Kirkjukór
Kirkjukór æfir á mánudögum
og miðvikudögum kl. 18.30-20.
Þeim, sem áhuga hafa á kór-
starfi, er bent á að hafa samband
við organista.
Kirkjustarf aldraðra
Kirkjustarf aldraðra í Háteigs-
söfnuði felst í húsvitjunum, ráð-
gjöf og aðstoð. Hægt er að hafa
samband við starfsmenn í kirkj-
unni, þegar þörf þykir.
Kvenfélag
Kvenfélag Háteigssóknar held-
ur fundi 1. þriðjudag í mánuði kl.
20.30 yfir veturinn í safnaðar-
heimilinu. Fræðsla og dægrastytt-
ing af ýmsu tagi er þar efst á
baugi auk líknar- og almenns fé-
lagsstarfs.
Öllum er frjálst að koma og
kynna sér það, sem í boði er, og
taka þátt í því, sem hveijum og
einum finnst fýsilegt.
PRESTAR OG STARFSFÓLK
HÁTEIGSKIRKJU.
' Smábátaeyðingin
Frá Bergi Garðarssyni:
TIL SMÁBÁTASJÓMANNA og
fjölskyldna þeirra. Þið megið vinna
á næsta ári: 21 dag í febrúar,
mars og apríl, í þessum mánuðum
eru 26 banndagar fyrir utan
hrygningarbann. Maí, júní 13 dag-
I ar og 12 banndagar og júlí, ágúst
| 13 dagar með 19 banndögum.
Útilokað er fyrir nokkra stétt að
vinna eftir svona • almanaki. Ef
þetta eru ekki hrein og bein mann-
réttindabrot þá eru þau ekki til.
Gefa á smábátaeigendum kost
á að úrelda báta sína sem mun
kosta þjóðfélagið hundruð milljóna
og nýir bátar hverfa út greininni
I eins og hjá stóra flotanum en
gömlu bátarnir sitja eftir vegna
lágs mats, fyrir utan stóran hóp
I atvinnulausra smábátasjómanna.
Þetta er til skammar fyrir þjóðfé-
lag sem hóf í upphafi sínar veiðar
á handfærum og línuveiðum. Aðr-
ar þjóðir eru að opna fyrir kyrr-
stæð veiðarfæri en við að ganga
af stéttinni dauðri. Ég trúi ekki
að ráðamenn sjái ekki í hvað
stefnir. Ekki voru það smábátasjó-
menn sem höfðu kerfið opið í báða
enda heldur stjórnvöld.
Það verður gegndarlaus sókn
þá daga sem má róa, sama hvern-
ig veður verður. Það væri því nær
að gefa þessum bátum fasta daga,
í kringum 80 daga og burt með
banndagana og þá ráða menn
hvernig þeir skipta árinu. Þar sem
búið er að skerða þessa báta svona
mikið, er nauðsynlegt að sjómenn
geti sjálfir skipulagt veiðar sínar
á árinu. Þessi óvissa gengur ekki
lengur að vita aldrei hvað er fram-
undan. Það er verið að tala um
að það vanti 2-3.000 tonn til að
þetta sé Tiægt. Væri ekki nær að
bæta því við í staðinn fyrir að
fara út í ómældan kostnað og stórt
batterí?
Menn eru fljótir að gleyma að
eldri sjómenn sem huga að því
hætta í stóra flotanum, hafa ekki
eignast veiðiheimildir þó þeir séu
búnir að fiska þúsundir tonna
gegnum árin, eiga ekki í margt
að fara þegar komið er í land
annað en trillubát og dunda á
handfærum yfir sumarið. Hafa
margir þessara manna byijað sinn
sjómannsferil á trillu sem krakk-
ar. Hvet ég því ráðamenn þjóðar-
innar og okkur sjálf til að varð-
veita kerfi sem gengur ekki að
fiskstofnum okkar dauðum.
BERGUR GARÐARSSON,
formaður Snæfells,
Grundarfirði.
Upphefst nú aftur
blóðmjólkun?
Frá Pétri Bjarnasyni:
Á ÁRUM áður, meðan fiskistofnar
voru í jafnvægi og þorskstofninn
gaf af sér 3-400.000 tonn á ári,
var.alltaf töluvert magn af smá-
fiski sem ólst upp í ísafjarðar-
djúpi. Hann lá þar í rækjunni
fyrsta og annað árið. Við upphaf
þriðja árs lyfti hann sér frá botni
og leitaði sér fæðis í uppsjávar-
æti, aðallega í loðnunni, sem á
sama tíma flæddi yfir Vestfjarða-
grynninguna. Þar veltist hann í
torfum í ætinu, aðallega austan
við Djúpálinn á Kögur- og
Strandagrunni og ofan við Þver-
álinn. Þau veiðarfæri sem þá voru
í notkun (botntroll) náðu ekki
þessum fiski nema að mjög litlu
leyti, því að troll þeirra tíma tóku
ekki nema 5-6 fet frá botni.
En með tilkomu skuttogaranna
með sterkum fiskileitartækjum og
notkun flottrollsins átti hann sér
ekki lengur griðland uppi í sjó. Á
fyrstu árum skuttogaranna á
Vestfjarðamiðum var algengt að
fá 15-20 tonna höl af þessum
smáfiski á vorin og ekki óalgengt
að landað væri vikulega 100
tonna túrum af fiski sem var að
meðalvigt 1-1,5 kíló. Það gefur
augaleið að slíkt ungviðisdráp gat
ekki staðið lengi, enda önglaðist
þessi fiskur upp á skömmum tíma
og eftir stóð ördeyðan. Nú hafa
þessar slóðir verið friðaðar að
mestu leyti um tíma, meðan af-
kastamesti hluti frystitogaraflot-
ans hefur verið í Smugunni og
víðar og hafa því jafnað sig nokk-
uð, og nú berast fréttir af vax-
andi fiskgengd á svæiðnu frá Vík-
urál og norður á Hala, sem hefur
verið aðal þorskveiðisvæði við
Vestfirði frá upphafi. Á því svæði
voru oftast minnst 50-60 skip í
einu. Því þykir nú engum mikið
þó eitt skip með sterk og aflmikil
fiskileitartæki og troll sem tekur
marga metra frá botni geti fengið
góð höl á meðan það er eitt á
slóðinni.
En hvað verður torfan lengi að
dreifa sér þegar rafbylgjur frá
30-50 sterkum leitartækjum fara
að bylja á henni allan sólarhring-
inn? Þá fer hún að dreifa sér upp
á grunnið í bland við smáfiskinn
og þá fer hættan á ungviðisdráp-
inu vaxandi.
í grein sem Helgi Mar Árna-
son, sem var um borð í Guð-
björgu, skrifar í Morgunblaðinu
sunnudaginn 30. júlí sl. kemur
fram að tekin hafi verið 2 höl í
Nesdýpi og fengust um 15 tonn
í hvoru hali af mjög smáum fiski
og þar af reyndust 34% undir-
málsfiskur. Það er því ljóst að
þarna hefur farið fram verulegt
ungviðisdráp, þó aðeins væri um
eitt skip að ræða. Þau hefðu lag-
anna vegna eins getað verið 10
eða 20 og ungviðisdrápið eftir
því. Öll þróun í gerð og búnaði
veiðarfæra hefur miðað að því að
gera þau afkastameiri sem veiði-
tæki, þau hafa stækkað mikið og
þyngst og opnast betur með tvö-
földum gröndurum, sem lyfta höf-
uðlínunni marga metra frá botni.
Áherslan á gerð og búnað veiðar-
færa þarf að beinast að því að
veiðarfærið haldi stórum og með-
alstórum fiski, en ungviðið sleppi
út á toginu. Möskvastærðin ein
og sér dugir ekki, því möskvinn
lokast við vaxandi átak þegar
pokinn þyngist.
Norðmenn hafa á undanförnum
árum gert margar tilraunir með
aflaskiljur og gefist vel. Nú loksins
hafa þær verið teknar upp hér við
rækjuveiðar og gefist vel svo að
nú er að mestu leyti úr sögunni
að rækjuskipin kasti afla í tonna
tali eins og margar sögur gengu
um áður en skiljan var tekin upp
hér við land.
Hver verða örlög þessa ungviðis
sem nú er að vaxa upp á grunn-
slóðinni úti fyrir Vestfjörðum og
víðar? Verða frystiskipin fyllt af
mjög smáum físki með 34% undir-
málsfíski eins og nú er leyfilegt,
eða verða settar reglur um notkun
skilju í þorskveiðitrollum, sem
gæti skilað öllum smáfiski út úr
trollinu á toginu?
Það er vaxandi þorskgengd við
Vestfirði og víðar við landið, en
sá fískur á ekki að lenda í kössum
frystiskipanna sem mjög smár eða
undirmálsfiskur, hann verður að
fá að vaxa lengur.
Hryllingssögurnar um ung-
viðisdráp frystiskipanna sem
sagðar voru úr Smugunni, bæði
af þeim sem þar voru þátttakend-
ur og öðrum, mega ekki endur-
taka sig þegar sá floti fer aftur
að snúa sér að gömlu slóðinni hér
heima.
PÉTUR BJARNASON,
Esjugrund 48, Kjalarnesi.
(
I
i

i
i
Opið: Föstudag kl. 8-19 og laugardag kl. 10-14
Jakkaföt ......
Stakir jakkar frá
Herrabuxur . ..
Dömujakkar . .
Dömubuxur . .
Pils ..........
Efnifrá .......
kr. 8.500
kr. 3.900
.kr. 1.900
.kr. 3.900
.kr. 1.900
kr. 1.900
.kr. 200 meterinn.
NYBYLAVEGUR
Jöfur
DALBREKKA
AUÐBREKKA
Toyota
Nýbýlavegi 4, (Dalbrekkumegin)
Kópavogi, sími 554 5800.
SIÐUSTU DAGAR