Morgunblaðið - 22.03.1996, Blaðsíða 20

20 FÖSTUDAGUR 22. MARZ 1996
MORGUNBLAÐIÐ
URVERINU
Samstarf sjávarútvegs og iðnaðar hefur styrkt 30 verkefni
Víðtæk kynning á
sýningum og alnetinu
SAMSTARFSVETTVANGUR sjáv-
arútvegs og iðnaðar er yfírskrift
verkefnis sem miðar að því að auka
vinnsluvirði í sjávarútvegi og efla
tækniþróun fyrir útgerð og fisk-
vinnslu. Að verkefninu standa sjáv-
arútvegs-, iðnaðar- og menntamála-
ráðuneyti, LÍÚ, Samtök iðnaðarins
og Samtök fiskvinnslustöðva.
„Samstarfsvettvangurinn hefur
fengið 20 milljónir á ári til rekstrar
og stuðnings við verkefni sem sam-
ræmast settum markmiðum," segir
Helgi Geirharðsson, verkefnisstjóri.
Hann segir að annars vegar hafi
þijátíu verkefnum verið veittur
stuðningur á tveimur árum. Það séu
Qárhæðir frá 300 þúsundum upp í
IV2 milljón. Jafnframt hafi vettvang-
urinn aðstoðað við frekari fjármögn-
un þessara sömu verkefna. í ein-
staka tilvikum hafi verið um ráðgjöf
varðandi skilgreiningu verkefna að
ræða.
Útgáfa kynningarmöppu
„Hinsvegar tókum við eftir því
að þeir aðilar sem við vorum að
styðja stóðu höllum fæti í markaðs-
setningu, þannig að við ýttum af
stað verkefni sem ætlað er að styðja
við bakið á þeim hvað það varðar,“
segir hann.
„Það verkefni hefur verið að þró-
ast í eitt og hálft ár. Fyrstu skrefin
felast í útgáfu kynningarmöppu fyr-
ir íslensk fyrirtæki sem veita þjón-
ustu eða framleiða búnað fyrir sjáv-
arútveg, hvort heldur er fyrir inn-
lendan eða erlendan markað. Við lít-
um svo á að stuðningur við markaðs-
setningu hjá þessum aðilum sé besta
leiðin til þess að styrkja starfsemi
þeirra þannig að þeir geti komið
undir sig fótunum og þróað frekari
lausnir fyrir sjávarútveg."
Sjávarútvegssýning í Boston
Helgi segir að búið sé að gefa út
kynningarmöppu og koma sömu
upplýsingum inn á alnetið. Sam-
starfsvettvangurinn hafi síðan tekið
þátt í sjávarútvegssýningu í Boston
í vikunni sem leið til að kanna grund-
völl fyrir frekari þjónustu á þessu
sviði fyrir fyrirtækin. Hún fælist í
að taka á móti fyrirspurnum og
miðla upplýsingum um þær lausnir,
sem í boði eru á íslandi, og jafnvel
fleiru.
„Núna erum við að vinna að við-
skiptaáætlun fyrir framhald verk-
efnisins sem felst í því hvort grund-
völlur sé fyrir starfsemi sjálfstæðrar
einingar af þessum toga,“ segir
Helgi. „Viðbrögð á sýningunni gefa
vísbendingu um að þessi starfsemi
sé réttlætanleg, en jafnframt gefa
þau til kynna að starfsemin þurfi
að vera mjög fastmótuð og vel skil-
greind."
Kostnaður um 11 milljónir
Helgi segir að þetta sé orðið nokk-
uð stórt verkefni. Með allri vinnu,
prentun, uppsetningu á alneti, hönn-
un og þátttöku í tveimur sjávarút-
vegssýningum losi kostnaðurinn ell-
efu milljónir. Fjármögnunin komi að
nokkru leyti frá fyrirtækjum sem séu
í möppunni eða um 40%. Afgangur-
inn felist í beinum styrkjum frá Sam-
starfsvettvangnum, Iðnlánasjóði og
Útrás, sem sé verkefni á vegum
utanríkisráðuneytisins. „Allir þessir
styrkir eru skilgreindir til eflingar
markaðssetningar frá íslandi,"
ERLENT

SÉRBLAÐ UM SJÁVARÚTVEG
Sérútgáfa
Suburnesin
Miðvikudaginn 27. mars nk. mun sérblaðið Úr verinu
fjalla sérstaklega um sjávarútveg á Suðurnesjum sem farið
hefur vaxandi síðastliðin ár. Þar verður m.a. litið á
landaðan afla í helstu verstöðvum Suðurnesja síðustu
10 árin, þróun og fjölgun fiskvinnslustöðva, fullvinnslu
sjávaraflans o.fl. Auk þess verður umfjöllun um stærsta
fiskmarkað landsins, Fiskmarkað Suðurnesja, útflutning
á ferskum fiski, nýjungar í fiskumbúðum, viðtöl o.m.fl.
Skilafrestur auglýsingapantana er til klukkan
12.00 mánudaginn 25. mars.
Dóra Gubný Sigurbardóttir og Agnes Arnardóttir,
sölufulltrúar í auglýsingadeild, veita allar nánari
upplýsingar í síma 569 1171 eba
meb símbréfi 569 1110.
kfarni nálilmt
Reuter
MENENDEZ-bræðurnir, Erik til vinstri, Lyle til hægri.
Urskurður kviðdóms í Los Angeles
Menendez-bræður
sekir um morð
Los Angeles. Reuter.
KVIÐDÓMUR í Los Angeles úr-
skurðaði á miðvikudag að bræðum-
ir Erik og Lyle Menendez væru
sekir um morð og samsæri en þeir
urðu foreldrum sínum að bana árið
1989. Svo gæti farið að þeir yrðu
dæmdir til dauða.
Sjálfir segjast bræðurnir hafa
verið misnotaðir kynferðislega af
föður sínum og hafi þeir skotið for-
eldrana í sjálfsvöm af ótta við að
verða sjálfir myrtir til að þagga
niður hneykslið. Ákæruvaldið telur
að bræðurnir hafí eingöngu ætlað
sér að ná í arfínn en fjölskyldan
átti um 14 milljónir dollara, tæpan
milljarð króna.
Erik er 25 ára, Lyle 28 ára og
sækjendur fullyrtu að þeir væm
ekkert annað en spilltir og gráðug-
ir ríkra manna synir.
Kviðdómurinn kemur saman á
mánudag til að fjalla um fleiri at-
riði í málinu. Verði dauðadómur
niðurstaðan mun verða beitt ban-
vænni lyfjasprautu en til greina
kemur að bræðurnir hljóti lífstíðar-
fangelsi.
Menningarbarátta franskra stjórnvalda
Fram til orrustu
gegn enskuslettum
París. The Daily Telegraph.
FRANSKA stjórnin hyggst beita sér í auknum mæli fyrir því að hlítt
verði svonefndum Toubon-lögum frá 1994 um að eingöngu skuli notuð
franska í öllum opinberum skjölum, auglýsingum og fjölmiðlun. Philippe
Douste-Blazy menningarmálaráðherra sagði í vikunni að sett yrði á lagg-
irnar eftirlitsnefnd í þessu skyni undir forystu rithöfundarins Yves Berger.
Upphaflega bönnuðu Toubon-lögin öllum að sletta erlendum orðum og
hugtökum í Frakklandi. Stjórnarskrárdómstóllinn komst hins vegar að
þeirri niðurstöðu að svo víðtækt bann væri andstætt ákvæðum stjórnar-
skrár um tjáningarfrelsi.
Lögunum er beint gegn erlendum
orðum en ráðamenn hafa fyrst og
fremst áhyggjur af breskum og
bandarískum áhrifum og blendings-
orðum, slík orð og hugtök eru oft
nefnd „franglais" (enska nefnist
anglais á frönsku).
Ætlunin er að búa til lista yfir
æskileg frönsk orð sem nota beri í
staðinn fyrir algengar slettur.
Samráð við hagsmunaaðila
Illa hefur gengið að fá Frakka
til að fara að tilmælum hreintungu-
manna fram til þessa. Sem dæmi
má nefna að ákveðið var að Alþjóða-
viðræður um tolla og viðskiptamál,
er um allan heim voru nefndar
GATT, áttu samkvæmt tilskipun frá
1987 að heita Agetac á frönsku -
orð sem varla nokkur maður hefur
notað. í viðskiptaensku er orðið
„futures“ notað í tengslum við
ákveðna tegund verðbréfaviðskipta
en opinbera heitið í Frakklandi átti
að vera „contrat a terme d’instru-
ment fínancier".
Douste-Blazy hyggst nú sjá til
þess að búin verði til í samráði við
hagsmunaaðila í viðskiptaheiminum
nothæf frönsk orð í stað hinna er-
lendu, einkum á sviði „efnahags-
mála, fjármála, vísinda og tækni
auk lögfræði". Fagmenn munu
varpa ■* fram uppástungum og
franska akademían hafa síðasta
orðið.
Tölvunotendur geta fylgst með
starfínu á alnetinu (Intemetinu) og
túlkar geta því samstundis byrjað
að nota orðin þegar þau eru búin
að fá opinberan gæðastimpil.
Bent var á að Douste-Blazy hefði
kinnroðalaust notað orðið Internet
en ekki er vitað hvort fundið verður
franskt orð yfir tölvunetið.
Reykti sig í hel
Peking. Reuter.
19 ÁRA Kínverji reykti 100 síg-
arettur í einni lotu nýlega og
vann þar með veðmál við vin
sinn en uppátækið kostaði hann
lífið.
Þegar táningurinn hafði tæmt
fimmta pakkann varð hann
skyndilega náfölur og hneig nið-
ur. Læknir úrskurðaði að hann
hefði látist af völdum „hjarta-
áfalls vegna óhóflegrar inntöku
sígarettureyks og alvarlegrar
nikótíneitrunar".
Táningnum og vini hans hafði
leiðst í vinnunni og þeir ákváðu
að sá sem hætti fyrr að reykja
greiddi fyrir allttóbakið. Vinur-
inn gafst upp eftir 40 sígarettur
en táningurinn hélt áfram að
reykja, hvattur af fólki sem
fylgdist með tiltækinu.