Morgunblaðið - 22.03.1996, Side 13

MORGUNBLAÐIÐ
FÖSTUDAGUR 22. MARZ 1996 13
FRÉTTIR
íslendingar hafa staðið sig vel á TOEFL-prófinu
Hollendingar yfirleitt
í hópi þeirra efstu
HOLLENDINGAR hafa yfirleitt
verið í hópi þeirra efstu, ef ekki
efstir á svokölluðu TOEFL-prófi
vegna inngöngu í bandaríska og
kanadíska háskóla að sögn ís-
lenska prófstjórans Þórunnar Jóns-
dóttur. Norðurlandabúar hafa ver-
ið í humátt á eftir Hollendingunum
og íslendingar þar meðtaldir.
360 íslendingar taka
prófið á hverju ári
Um 360 íslendingar taka prófíð
á hveiju ári. Prófið er lagt fyrir
nemendur út um allan heim og
hafa niðurstöður borist frá tæplega
tveimur milljónum nemenda til
Bandaríkjanna á síðustu árum.
Fram hefur komið í Morgunblaðinu
að 90% hollenskra stúdentsefna fái
hærri einkunn á lesskilningsprófi í
ensku vegna inngöngu í háskóla
en meðalnámsmaður á fyrsta náms-
ári við HÍ samkvæmt, niðurstöðu
samanburðarrannsóknar Stofnunar
í erlendum tungumálum.
Þórunn hefur verið viðriðin próf-
ið síðustu 15 ár. Hún sagði að flest-
ir íslendinganna tækju prófið með
framhaldsnám að loknu lokaprófi
við HÍ í huga. Skráningin færi
fram í Hollandi og niðurstöðurnar
væru sendar til prófamiðstöðvar í
Princeton í New Jersey í Banda-
ríkjunum.
Niðurstöður prófsins eru sendar
hverjum og einum nemanda og
Þórunn fær heildarniðurstöðuna í
formi ársskýrslu eftir hvert ár.
„Mér vitandi hafa íslendingarnir
staðið sig frábærlega vel í ensku-
prófinu," segir hún. „Hins vegar
veit ég til þess að hér áður fyrr,
þegar töluvert var verið að kanna
hvernig nemendur frá einstökum
löndum stæðu sig, voru Hollend-
ingar yfirleitt með þeim alefstu ef
ekki efstir í Evrópu. Hollendingar,
með löndin þarna allt í kringum
sig, eru algjörir málahestar og
hafa sýnt yfirburðakunnáttu.
Næstir á eftir hafa verið Norður-
landabúar og íslendingar þar með-
taldir."
Ritgerðin íslendingum
erfiðust
Þórunn sagði að íslendingarnir
ættu helst i vandræðum með rit-
gerðarhluta. Hann er í 5 af 7 próf-
um á árinu. Fyrir utan ritgerðina
reynir prófið á skilning á mæltu
máli, uppbyggingu texta og skrif-
lega tjáningu og lesskilning. Önnur
próf, sem tekin eru hér á landi
vegna framhaldsnáms í Bandaríkj-
unum eru GRE-prófið fyrir mast-
ersnám og GMAT-prófið fyrir
framhaldsnám í viðskiptagreinum.
TOEFL-prófið er lagt fyrir 7 sinn-
um á ári í Reykjavík og 2 sinnum
á ári á Keflavíkurflugvelli.
Björn Bjarnason menntamálaráðherra
s
Mikilvægt að leggja rækt
við tungumálakennslu
„ÉG HEF lagt ríka áherslu á að
af því að góð þekking í tungumál-
um er lykillinn að svo mörgu fyrir
smáþjóð eins og okkur yrðum við
að leggja mikla rækt við kennslu
í erlendum tungumálum," sagði
Björn Bjarnason menntamálaráð-
herra í framhaldi af niðurstöðu
samanburðarrannsóknar Stofnun-
ar í erlendum tungumálum við
Háskóla ísiands á lesskilningi ís-
lehskra og hollenskra stúdenta við
upphaf háskólanáms. í skýrslu um
niðurstöður rannsóknarinnar kem-
ur fram að 90% hollensku stúdents-
efnanna hafi fengið hærri einkunn
á lesskilningsprófi í ensku en
meðalnámsmaður á fyrsta námsári
við HÍ.
Hlynntur samræmdum
prófum í framhaldsskólum
Björn sagðist ekki hafa forsend-
ur til að meta niðurstöður saman-
burðarins. „Ég get hins vegar sagt
að mér hafa fundist Hollendingar
á erlendum vettvangi vera mjög
góðir í ensku. Mér hefur svo verið
sagt að enska liggi yfirleitt mjög
vel fyrir þeim,“ sagði hann og lýsti
yfir ánægju sinni með að fjallað
yrði um niðurstöður samanburðar-
ins á ráðstefnu enskukennara í
vikulok.
Kennararnir ætla m.a. að veita
því upp hvort ástæða sé til að efna
til samræmds próf í ensku í fram-
haldsskólunum. Björn tók fram í
því sambandi að með frumvarpi til
nýrra framhaldsskólalaga væri
opnað fyrir möguleikann á því að
taka upp samræmd próf í fram-
haldsskólum.
Hann sagðist því almennt séð
vera talsmaður þess að tekin yrðu
upp samræmd próf í framhalds-
skólunum. í hvaða fögum færu
fram samræmd próf væri hins veg-
ar matsatriði. Fr.umvarpið er til
afgreiðslu í menntamálanefnd Al-
þingis.
FRÁ SLYSSTAÐ á sunnudag. Flugvélin brotnaði mikið eins og
sjá má, enda telja kunnugir það ganga kraftaverki næst, að flug-
konan Janet Ferguson skyldi komast lífs af.
Flugkonan var skoð-
uð en ekki lögð inn
HRAFNKELL Óskarsson, yfir-
læknir á Sjúkrahúsi Suðurnesja,
segir það ekki rétt sem kom fram
í frétt Morgunblaðins á miðvikudag,
að breska flugkonan hafí verið út-
skrifuð of snemma af sjúkrahúsinu.
Hún hafi aldrei verið lögð þar inn.
Að sögn Hrafnkels var komið
með konuna til skoðunar á sjúkra-
húsið og tók vakthafandi læknir á
móti henni. Tekin var lungnamynd
en hún sýndi ekki alvarlega áverka
en komið hafi í ljós að konan var
rifbeinsbrotin. Læknirinn hafi hins
vegar ekki séð nein einkenni um
heilahristing og hann metið það svo
að ekki væri ástæða til innlagnar.
Var því talið óhætt að hún færi til
yfirheyrslu vegna slyssins. „Síðan
kemur í ljós að greiningin er ekki
rétt og það ber að harma,“ sagði
hann. „Þetta kemur uppá af og til
bæði hjá okkur og öðrum. Einnig
á stóru sjúkrahúsunum í Reykjavík
en það vill oft gleymast."
Hrafnkell benti á að á Sjúkra-
húsi Suðurnesja vissu menn um sín
takmörk. Ef grunur lægi á að um
alvarlega áverka vegna slysa væri
að ræða væru sjúklingar sendir á
slysadeild Sjúkrahúss Reykjavíkur.
„Manni svíður að þarna skuli tæki-
færið vera notað til að koma
ákveðnum boðskap á framfæri,"
sagði hann. „Ég tel að við vitum
um okkar takmörk enda höfum við
átt gott samstarf við slysamóttök-
una á Sjúkrahúsi Reykjavíkur og
munum halda því áfram.“
Lungun féllu ekki saman
Hrafnkell sagðist hafa heimildir
fyrir því að ranglega væri látið í
það skína í frétt Morgunblaðisins
að lungu konunnar hafi fallið sam-
an. Þegar konan hafi verið greind
á Landspítalanum hafi komið í ljós
að örlítil loftrönd hafi komist inn í
lungun en að engin ástæða hafi
verið til aðgerða. „Þannig að ég get
ekki verið sammála um að þetta
hafi verið svona alvarlegt eins og
gefið er í skyn,“ sagði hann. „Það
er ekkert að þessari konu sem við
hefðum ekki getað séð um ef hún
hefði verið lögð inn hjá okkur.“