Morgunblaðið - 22.03.1996, Blaðsíða 60

JieWiiát
-setur brag á sérhvern dag!

LEIGjAndWN
■15
-
ÞJOÐLEIKHUSIÐ
MORGUNBLAÐID, KRINGLAN I, 103 REYKJAVÍK, SÍMl 569 1100, SÍMBRÉF 569 1181,
PÓSTHÓLF 3040, NETFANG MBL(S>CENTRUM.IS / AKUREYRl: HAFNARSTRÆTl 86
FÖSTUDAGUR 22. MARZ 1996
VERÐ í LAUSASÖLU 125 KR. MEÐ VSK
Land-
burður af
- bolta-
þorski
Hornafirði. Morgunbladið.
LANDBURÐUR af þorski hefur
verið hjá Hornafjarðarbátum
undanfarna daga. „Það er langt
síðan þetta hefur verið svona
gott. Og allt boltaþorskur," sagði
Bjarni Bragason stýrimaður á
Erling SF þegar verið var að
landa 40 tonnum úr bátnum á
Höfn í gær.
Bátarnir leggja netin út af
Hálsum, 15-17 mílur frá Horna-
“■ Tfirði.
Orn Ragnarsson, skipstjóri á
Hafdísi SF, er einn þeirra sem
hefur verið að gera það gott
undanfarna daga. Hann var með
110 tonn á þremur dögum og
sagði ljótt að mega ekki veiða
meira.
Mætum ekki skilningi
ráðamanna
„Við sem gerum út þessa hefð-
bundnu vertíðarbáta mætum
,*fckki skilningi ráðamanna, við
höfum ekki sömu tækifæri og
stærri skip að bæta okkur upp
þorskkvótaskerðinguna," segir
Órn.
Morgunblaðið/Þorkell
Guðmundur Hallvarðsson gagnrýnir
frumvarp um stéttarfélög
Gefa átti lengri
tíma til að semja
Samningaleiðin fullreynd, segir ráðherra
STJÓRNARANDSTÆÐINGAR á
Alþingi gagnrýndu félagsmálaráð-
herra harðlega í gær fyrir að leggja
fram og mæla fyrir frumvarpi um
stéttarfélög og vinnudeilur í and-
stöðu við verkalýðshreyfinguna.
Einn stjórnarþingmaður, Guð-
mundur Hallvarðsson Sjálfstæðis-
flokki, tók undir þessa gagnrýni og
sagði að gefa hefði átt aðilum vinnu-
markaðar lengri tíma til að semja
sín á milli um leikreglur í stað þess
að leggja fram frumvarp á Alþingi.
Guðmundur sagði við Morgunblað-
ið að í frumvarpinu væru nokkur
atriði af hinu góða og það hefðu
báðir aðilar viðurkennt. En þar væru
einnig atriði, sem vinnuveitendur
segðu að gengju ekki nógu Iangt en
launþegar of langt. „Þarna þarf að
fara bil beggja og ég trúi því ekki
fyrr en ég tek á að þessir tveir aðil-
ar sem hafa best vit á leikreglum
nái ekki saman,“ sagði Guðmundur.
Býst við að sitja hjá
Guðmundur sagði líklegast að hann
myndi sitja hjá í atkvæðagreiðslu um
málið. „Ég teldi hins vegar skynsam-
legast í stöðunni að þetta mál fengi
umþóttunartíma þar til þing kæmi
saman aftur á haustdögum í þeirri
von að aðilar leggi sig fram að ná
saman. Mér er sagt, að þegar slitnaði
upp úr viðræðum hafí fulltrúar vinnu-
veitenda sagt að þeir ætluðu ekki að
eyða tíma í að ræða málið lengur,
því þeir vissu að það ætti að fara að
leggja fram frumvarp. Það er alvont
að annar hópurinn viti að eitthvað
slíkt var að gerast.“
Páll Pétursson félagsmálaráðherra
sagði að sér hefði ekki verið kunnugt
áður um afstöðu Guðmundar til
frumvarpsins þótt vitað hefði verið
að hann hefði efasemdir.
„Mér þykir það vissulega verra ef
Sjálfstæðisflokkurinn stendur ekki
óskiptur að þessu máli, þótt það
skipti ekki grundvallarmáli," sagði
Páll. Hann sagði að fullreynt hefði
verið að samningar tækjust milli
verkalýðshreyfingar og vinnuveit-
enda um málið og því hefði ekkert
verið annað að gera en láta frum-
varpið koma fram á Alþingi.
■ Mælt fyrir/6
Meirihluti í NEAFC fyrir veiðistjórnun á Reykjaneshrygg
Hlutur Islands er
45.0001 af karfa
Skattlagning fjár-
magnstekna
Stjórnar-
andstaða
með eigin
frumvörp
FORMENN Alþýðuflokks, Alþýðu-
bandalags og Þjóðvaka lögðu í gær
fram á Alþingi tvö frumvörp um
breytingu á skattlagningu fjármagns-
tekna, um leið og Friðrik Sophusson
fjármálaráðherra lagði fram frumvörp
um sama efni.
Frumvörp ráðherra byggjast á áliti
nefndar allra flokka, sem náði mála-
miðlun um málið í febrúar. Fulltrúar
stjómarandstöðunnar áskildu sér þá
rétt til að styðja eða flytja breyting-
artillögur við málið á þingi.
í greinargerð með frumvörpum
formannanna, þeirra Jóns Baldvins
Hannibalssonar, Margrétar Frí-
mannsdóttur og Jóhönnu Sigurðar-
dóttur, er niðurstaða nefndarinnar
gagnrýnd. Meðal annars segir þar
að með því að taka fjármagnstekjur
út úr núverandi skattkerfí og leggja
á þær lægri skatta, sé verið að búa
til skattkerfi, sem geri launamannin-
um að greiða hærri skatt af launa-
tekjum sínum en fjármagnseigand-
anum af fjármagstekjum sínum.
„Augljóst er í hverra þágu þessar
öfugmælavísur eru ortar,“ segir í
greinargerðinni. Þess í stað leggja
formennirnir meðal annars til að
vaxtatekjur verði skattlagðar innan
núverandi skattkerfis og myndi sam-
eiginlegan skattstofn með öðrum
tekjum, en ákveðið frítekjumark
verði á vaxtatekjum. Lagt er til að
skattlagning á arð, söluhagnað o.fl.
breytist ekki frá því sem nú er.
TILSKILINN meirihluti aðildarríkja
Norðaustur-Atlantshafsfiskveiði-
nefndarinnar (NEAFC) samþykkti í
gær á fundi í lx)ndon málamiðlunar-
tillögu íslands og Grænlands um
veiðistjórnun á úthafskarfa á
Rey kj aneshrygg.
Eftir að reynt hafði verið án
árangurs að ná samhljóða samkomu-
lagi á fundinum ákváðu samninga-
nefndir íslands og Grænlands að
bera tillögu sína undir atkvæði. Tvo
þriðju hluta atkvæða þarf til að taka
ákvarðanir í NEAFC. Auk íslands
samþykktu Danmörk, fyrir hönd
Færeyja og Grænlands, Noregur,
Evrópusambandið og Svíþjóð, sem
enn á sjálfstæða aðild að NEAFC,
tillöguna. Rússland og Pólland
greiddu hins vegar atkvæði á móti.
Tillaga Rússa um aðra skiptingu
aflans var felld.
Rússar hyggjast mótmæla
Akvörðunin er bindandi fyrir að-
ildarríki NEAFC, nema þau mót-
mæli henni formlega innan 50 daga.
Rússar gáfu í skyn að þeir myndu
mótmæla kvótaskiptingunni. Akveði
Rússland að virða ekki samkomulag-
ið, getur svo farið að rússneskum
skipum verði ekki heimilað að landa
karfa í íslenzkum höfnum. Aðildar-
ríkjum samkomulagsins er það hins
vegar heimilt.
Samkvæmt ákvörðun fundarins
verður heildarúthafskarl'akvótinn á
þessu ári 153.000 tonn. í hlut íslands
koma 45.000 tonn, í hlut Færeyja
og Grænlands 40.000 tonn, 36.000
í hlut Rússlands, 23.000 í hlut ESB,
6.000 í hlut Noregs og 1.000 í hlut
Póllands, auk þess sem 2.000 tonn
eru ætluð öðrum ríkjum, sem vilja
taka upp samstarf við NEAFC um
stjórn úthafskarfaveiðanna.
Aflatölurnar eru miðaðar við land-
aðan afla. íslendingar hafa hins veg-
ar hingað til miðað við veiddan afla
og að um 16% hans væru úrkast.
Kvótinn, sem kemur í hlut íslands,
samsvarar því 52.200 tonnum upp
úr sjó. Islenzk skip hafa mest veitt
53.900 lestir af úthafskarfa, á árinu
1994.
Samkvæmt niðurstöðu fundarins
má framselja aflaheimildir milli
samningsaðila, en ekki til ríkja sem
standa utan samkomulagsins. ís-
lenzka viðræðunefndin ræddi mögu-
leg kaup á aflaheimildum af Græn-
lendingum og liggur fyrir vilji græn-
lenzkra stjórnvalda til slíkra við-
skipta.
Halldór Ásgrímsson utanríkisráð-
herra og Þorsteinn Pálsson sjávarút-
vegráðherra eru sammála um að
niðurstaðan á NEAFC-fundinum sé
hvatning til að leysa aðrar fiskveiði-
deilur íslands við nágrannaríki. Hall-
dór bendir á að _ ESB og Noregur
hafi stutt tillögu íslands. „Þetta mál
sýnir að þessar þjóðir geta korriið
sér saman um hlutina, en margir
voru farnir að reikna með að það
væri útilokað. Ég er þeirrar skoðun-
ar að þetta verði hvatning til að
halda áfram og skapi lag til annarra
samninga," segir Halldór.
Skipting íslenzka kvótans
óleyst
Enn er ekki ljóst hvernig úthafs-
karfakvótanum verður skipt á milli
íslenzkra skipa. Mismunandi sjón-
armið eru uppi og telja sumir útgerð-
armenn að skipta eigi kvótanum milli
þeirra skipa, sem stundað hafi veiðar
á Reykjaneshryggnum undanfarin ár,
en aðrir vilja taka tillit til fleiri þátta.
Frumvarp er í smíðum um málið og
verður það rætt á fundi í úthafsveiði-
nefnd ríkisstjórnarinnar í dag.
■ H vatning til að leysa/12
Grunnskólar
landsins
Fimmtíu
og tvö
móðurmál
„RÚMLEGA þijúhundruð nemendur
í grunnskólum landsins eiga sér ann-
að móðurmál en íslensku, eða alls
fimmtíu og tvö tungumál," segir Ingi-
björg Hafstað, kennari og starfsmað-
ur menntamálaráðuneytisins, en hún
er verkefnisstjóri nýbúafræðslunnar,
sem er þróunarverkefni á vegum
ráðuneytisins.
Til þess að bæta íslenskukunnátt-
una og félagslegan hag nemenda af
erlendum uppruna er hafíð tölvusam-
skiptaverkefni í grunnskólum Reykja-
nesumdæmis, en þar eru þessir nem-
endur dreifðir í marga skóla.
Verkefnið felst í að skipulagðar
hafa verið heimasíður á íslenska
menntanetinu „ísmennt", sem- eiga
m.a. að auka upplýsingastreymi og
tengsl kennara, og póstlisti þar sem
þeir geta borið saman bækur sínar
og nemendur notað til að komast í
bréfasamband við börn í öðrum skól-
um.
■ Samskiptatækni/4b
Grindavík
í úrslit
GRINDVÍKINGAR tryggðu sér
sæti í úrslitum úrvalsdeildarinn-
ar í köfuknattleik í gærkvöldi
með því að sigra Hauka 82:72,
í fjórðu viðureign Iiðanna. Þar
með eru Grindvíkingar komnir
í úrslit þriðja árið í röð.