Morgunblaðið - 22.03.1996, Blaðsíða 23

MORGUNBLAÐIÐ
ERLEIMT
FÖSTUDAGUR 22. MARZ 1996 23
Perot íhugar
forsetaframboð
Washington. The Daily Telegraph.
BANDARISKI auðkýfingurinn Ross Perot
frá Texas íhugar að bjóða sig fram til for-
seta ef nýstofnaður Umbótaflokkur hans
fer fram á það við hann. Í kosningunum
1992 hlaut Perot um 19% fylgi og telja
stjórnmálaskýrendur víst að hann hafi tek-
ið það aðallega frá repúblikananum George
Bush.
Árangur Perots fyrir fjórum árum er hinn
besti sem frambjóðandi utan stóru flokk-
anna tveggja hefur náð frá 1912 er Theo-
dore Roosévelt, sem áður hafði verið for-
seti, bauð sig fram fyrir nýjan flokk.
Umbótaflokkurinn safnar nú undirskrift-
um í öllum sambandsríkjunum 50 til að
frambjóðandi flokksins geti farið fram í
nóvember og Perot greiðir megnið af kostn-
aðinum við þetta framtak. Hann eyddi um
60 milljónum dollara, nær ijórum milljörð-
um króna, í baráttu sína 1992.
„Ég get ekki látið nægja að sitja hérna
og sjá hvernig allt fer úrskeiðis án þess að
reyna að grípa í taumana,“
sagði Perot á miðvikudag.
Eitt af helstu stefnumálum
Perots er ándstaða við þátttöku
landsins í alþjóðlegri fríverslun
sem hann telur valda atvinnu-
leysi heima fyrir. Einnig reynir
hann mjög að hofða til andúðar
almennings á spillingu og
valdabrölti hefðbundinna
stjórnmálamanna í Washington
er Perot segir að komi fáu
gagnlegu í verk. Þeir láti þjóð-
arhagsmuni víkja fyrir þröng-
um eiginhagsmunum sínum,
flokkanna og nokkurra stórfyr-
irtækja.
„Hvað viltu meira, Ross?“
Væntanlegur frambjóðandi repúblikana,
Bob Dole, hefur viðurkennt að hann óttist
að Perot geti með framboði sínu tryggt
endurkjör Bills Clintons forseta
og segir repúblikana, sem hafa
meirihluta í báðum þingdeild-
um, styðja markmið Umbóta-
flokksins. „Hvað viltu meira,
Ross,?“ spurði Dole.
Tekið verður viðtal við Perot
á CAW-stöðinni í dag og búast.
margir við að hann iýsi þá yfir
framboði. Stjórnmáláskýrendur
eru ósammála um það hvaða
möguleika hann hafi í haust.
Ljóst þykir að reiptog verði um
fjárlög milli þings og forseta
fram að kosningum og ætti það
sjónarspil að geta orðið vatn á
myllu Perots og þar að auki er
Dole dæmigerður fulltrúi hefð-
bundinna stjórnmálamanna. Á hinn bóginn
er bent á að óánægðir kjósendur vilji frem-
ur fá nýjan frambjóðanda; Perot hafi feng-
ið sitt tækifæri 1992 og tapað.
Ross Perot
Herfor-
ingi flýr
Irak
ÍRÖSKUM herforingja, Nazar
Khazraji, hefur verið veitt
pólitískt hæli í Jórdaníu, að
sögn upplýsingaráðherra
stjórnarinnar í Amman.
Hermt er að hann hafi komist
úr landi með því að ferðast
um héruð Kúrda í norðurhluta
íraks. Flótti Khazraji þykir
áfall fyrir Saddam Hússein
einræðisherra jafnvel þótt
honum hafi verið bolað frá
árið 1990 og ekki gegnt emb-
ætti í nokkur ár.
Liðsmenn
sértrúarsafn-
aðar gripnir
FRANSKA lögreglan hefur
handtekið allt að 50 liðsmenn
sértrúarsafnaðarins Musteri
sólarinnar í París, Lyon,
Bordeaux, Montpellier og öðr-
um borgum síðustu daga.
Grunur lék á að fyrir dyrum
stæði nýtt fjöldasjálfsmorð
safnaðarlima en 16 liðsmenn
safnaðarins létu lífið í fjölda-
sjálfsmorði í ölpunum í des-
ember. Með handtökunum
vildi lögreglan reyna koma í
veg fyrir nýtt sjálfsmorð.
Verkföll lama
Bangladesh
ÍBÚAR hafnarborgarinnar
Chittagong í Bangladesh og
höfuðborgarinnar Dhaka
daufheyrðust við áskorunum
hersins um að snúa aftur til
vinnu með þeim afleiðingum
að viðskipta- og athafnalíf er
enn lamað í landinu. I Dhaka
voru flestar verslanir lokaðar
og bankar sömuleiðis. Þá
efndu opinberir starfsmenn til
samúðaraðgerða með verk-
fallsmönnum í gær.
Nýjar
stríðsglæpa-
ákærur?
BÚIST er við nýjum ákærum
stríðsglæpadómstólsins í Ha-
ag í dag á hendur stjórnend-
um stríðsátakanna í Bosníu.
í tilkynningu frá dóminum í
gær sagði, að í dag væri að
vænta mikilvægrar tilkynn-
ingar, sem venjulega er til
marks um að nýjar ákærur
séu ívændum.
Má bjóða þér sæti?
Nú er nýr og glæsilegur myndalisti kominn og það er
vorhugur í okkur. í listanum gefur að líta stóla, bekki,
borð, smávöru og fleira ... allt fyrir sumarið.
Hringdu til okkar eða komdu við í versluninni að
Laugavegi 13 og tryggðu þér eintak.*
*Verð myndalista er 200 kr.
Laugavegi 13 • Sími 562 5870