Morgunblaðið - 22.03.1996, Blaðsíða 22

22 FÖSTUDAGUR 22. MARZ 1996
MORGUNBLAÐIÐ
ERLEIMT
Viðræður við Katalóníuflokkinn á Spáni
Skref í átt að
slj órnarmyndun
Madrid. Reuter.
ÞJOÐARFLOKKURINN á Spáni
hefur tekið fyrsta skrefið í átt að
myndun nýrrar ríkisstjórnar með
samkomulagi við' flokk Katalóna,
Convergencia i Unio (CiU), um
skiptingu sæta í þingnefndum.
Joaquim Molins, talsmaður CiU,
sagði að Þjóðarflokkurinn hefði
fallist á að CiU og Baskneski þjóð-
ernisflokkurinn fengju sæti í þing-
nefndunum gegn því að formenn
nefndanna og forsetar þingdeild-
anna kæmu úr Þjóðarflokknum.
Samningamaður Þjóðarflokks-
ins, Rodrigo Rato, sagði að sam-
komulagið greiddi fyrir viðræðum
um nánari samvinnu við CiU með
það að markmiði að mynda ríkis-
stjórn undir forsæti José Maria
Aznars, leiðtoga Þjóðarflokksins.
Flokkurinn fékk flesta þingmenn
kjörna í kosningunum 3. mars en
náði þó ekki meirihluta og þarf því
að reiða sig1 á stuðning CiU til að
geta myndað stjórn.
Molins sagði að samkomulagið
væri upphafíð að miklu lengri við-
ræðum. Lengi hefur verið grunnt á
því góða með flokkunum en Molins
sagði samskipti þeirra hafa batnað
til muna eftir fund Aznars með Jordi
Pujol, leiðtoga CiU, um helgina.
Reuter
Sænska þingið
samþykkir Persson
Stokkhólmi. Reuter.
GÖRAN Persson hlaut fulltingi
sænska þingsins í gær til að stýra
nýrri ríkisstjóm Jafnaðarmanna-
flokksins. Hlaut hann 178 at-
kvæði, enginn greiddi mótatkvæði
en 154 þingmenn sátu hjá við at-
kvæðagreiðsluna.
Persson hlaut atkvæði jafnaðar-
manna og þingmanna Vinstri-
flokksins, arftaka kommúnista-
flokksins. Þingmenn stjórnarand-
stöðuflokkanna sátu hjá en Per-
Ola Eriksson, leiðtogi Miðflokks-
ins, sagði til greina koma að eiga
samstarf við stjóm jafnaðar-
manna, svo sem verið hefur í mörg-
um málum að undanförnu.
Persson er fyrsti fjármálaráð-
herra Jafnaðarmannaflokksins
sem stígur beint í stól forsætisráð-
herra. Hann er kunnur fyrir að-
haldssemi í ríkisfjármálum og hafa
sparnaðarráðstafanir hans í ríkis-
fjármálum frá því jafnaðarmenn
komust til valda í september 1994
mælst vel fyrir á fjármálamarkaði.
Persson vann sinn fyrsta sigur
á flokksþingi um síðustu helgi er
hann lýsti einarðri andstöðu við
frekari velferðarstyrki ef það þýddi
auknar lántökur ríkisins eða aukin
fjárlagahalla.
Yfírlýsingin varð til þess að auka
tiltrú fjármálamarkaða á efna-
hagsstefnu nýju stjómarinnar og
hefur það endurspeglast á verð-
bréfamarkaði.
Búist er við að Persson, sem er
46 ára, tilkynni um nýskipan
sænsku stjórnarinnar í dag, föstu-
dag. Kjörtímabil hennar rennur út
í september að ári.
Mona Sahlin, fyrrverandi að-
stoðarforsætisráðherra, tók sér frí
í gær frá þingstörfum og er búist
við að hún verði fjarverandi allt
að þijár vikur. Hefur hún tekið
nærri sér þá miklu fjölmiðlaat-
hygli sem ummæli hennar á flokks-
þinginu um helgina hlutu. Þar
sagði hún að hún hefði verið miklu
betri kostur sem flokksformaður
en Persson og líklega hefði hún
átt meiri möguleika innan flokks-
ins ef hún hefði verið um 20 kílóum
þyngri og gengið með bindi um
hálsinn.
Vínsafn Stalíns
ÞESSI georgíski kjallarameistari
heldur hér á flösku úr einkavín-
safni Jósefs heitins Stalíns en það
var flutt til Tbilisi í Georgíu, ætt-
lands hans, árið 1956. Þar gleymd-
ist það öllum þar til það fannst
nú nýlega. Eru fiöskumar 450,
aðallega georgísk vín en einnig
frönsk og spænsk. Akveðið hefur
verið að koma þeim fyrir á safni.
Geðheilir geta
séð ofsiónir
London. Reuter. v
HOLLENSKIR læknar segja í
grein í læknatímaritinu Lancet að
geðheilt fólk sé oft haldið ofskynj-
unum en þori ekki að segja frá
þeim af ótta við að verða talið
geðveikt.
Læknarnir segja að rannsókn
þeirra bendi til þess að Charles
Bonnet-heilkennin, sem einkenn-
ast af flóknum ofsjónum geðheils
fólks, séu algeng meðal gamals
fólks með slæma sjón. Rannsóknin
náði til 505 sjónskertra manna og
63 sögðust hafa verið haldnir of-
skynjunum. 61 gekkst undir geð-
rannsókn og 60 þeirra reyndust
heilir á geðsmunum og virtust
vera með CB-heilkennin.
Langflestir sögðust ekki hafa
sagt læknum frá ofskynjununum
af ótta við að þeir yrðu taldir geð-
veikir. Nokkrir sögðust sjá ofsjón-
ir allt að tvisvar á dag. Fólkið
sagðist m.a. hafa séð verur sem
svifu um, dreka, fólk með stór
blóm á höfði og ljómandi engla.
Öfl innan Evrópusambandsins treysta ekki Norðmönnum
Hóta áfram kvótum
á laxinnfhitning
Ósló. Morgunblaðið.
EVRÓPUSAMBANDIÐ hefur ekki Fullyrt var að Norðmenn stunduðu
gefíst upp í baráttunni gegn offram-
boði á norskum laxi og samkvæmt
heimildum Aftenposten er fram-
kvæmdastjómin nú að undirbúa enn
eina tilraun til að setja kvóta á inn-
flutning frá Noregi.
Norðmenn og Evrópusambandið
ræddu samstarf á sviði sjávarútvegs-
mála á fundi hjá Evrópuþinginu á
miðvikudagskvöld.
Howat Russel, fulltrúi fram-
kvæmdastjómarinnar, greindi þar
frá því að á fundi sameiginlegu EES-
nefndarinnar í næstu viku yrðu Norð-
menn beðnir um að taka upp samráð
á grundvelli 113. greinar EES-samn-
ingsins. Þetta þýðir í raun að fram-
kvæmdastjómin er að íhuga frekari
takmarkanir á norskum laxútflutn-
ingi til Evrópusambandsins.
Alls flytja Norðmenn út laxafurðir
fyrir um 70 milljarða íslenskra króna
á ári hveiju og fara 60-70% af út-
flutningnum til ESB-ríkja.
Evrópuþingmenn og fulltrúar evr-
ópskra hagsmunasamtaka hafa kraf-
ist þess að kvótar verði settir á inn-
fluttan norskan lax þar sem offram-
leiðsla á laxi í Noregi hefur leitt til
verðhruns á mörkuðum.
Á síðasta ári nam framleiðsla
Norðmanna á eldislaxi 249 þúsund
tonnum og ber mörgum heimildar-
mönnum blaðsins saman um að reynt
+++++
EVRÓPA^
verði að koma böndum á innflutning
frá Noregi.
Talsmaður framkvæmdastjórnar-
innar sagði einungis að það væri
jafnt lagalega sem pólitískt flókið.
„Það hafa hins vegar borist kröfur
af þessu tagi frá írlandi og að sjálf-
sögðu veltum við máiinu fyrir okk-
ur,“ sagði hann.
Einar Bull, sendiherra Noregs í
Brussel, vísaði því á bug á fundinum
að hægt væri að beita 113. greininni
í þessu sambandi þar sem viðskipti
með sjávarafurðir væru ekki hluti
af EES-samninggium. Reyndu Norð-
menn að lægja öldur á fundinum en
bálreiðir fulltrúar sjávarútvegsins í
írlandi og Skotlandi nutu fulls stuðn-
ings fulltrúa í sjávarútvegsnefnd
þingsins. Dearmuid Mulcahy, fulltrúi
írska atvinnulífsins, sagði að vegna
undirboða Norðmanna myndu tekjur
Ira af laxi dragast saman um 30%
á þessu ári. Tvö þúsund störf á fá-
tækum strandsvæðum væru í hættu
vegna þessa.
undirboð á Evrópumarkaði og að lax-
útflutningur þeirra væri að gera út
af við sjávarútveg í Evrópu. Tilraun-
ir Bulls og sjávarútvegsfulltrúans
Torbens Foss til að vísa slíkum stað-
hæfíngum á bug virtust ekki árang-
ursríkar. Hafði það engin áhrif á
þingmennina að Foss bað um sann-
anir fyrir meintum niðurgreiðslum
Norðmanna. „Á meðan við niður-
greiðum ekki vöruna eigum við sam-
kvæmt EES fullan rétt á að auka
sölu okkar. Við munum hins vegar
grípa til aðgerða til að koma jafn-
vægi á verð,“ sagði Foss.
Afstaða Bonino
Emma Bonino, sem fer með sjáv-
arútvegsmál í framkvæmdastjórn-
inni, var mjög gagnrýnin á fundi
með Jan Henry T. Olsen, sjávarút-
vegsráðherra Noregs í síðasta mán-
uði. Eftir að embættismenn fram-
kvæmdastjórnarinnar hafa yfirfarið
aðgerðir Norðmanna virðist niður-
staðan sú að menn treysta ekki á
að þær muni bera árangur.
Bonino hefur upp á síðkastið ítrek-
ið lýst því yfír að hún myndi gjarnan
vilja að eitthvert aðildarríki færi
formlega fram á að gripið yrði til
aðgerða gegn norskum undirboðum.
Framkvæmdastjórnin getur ekki
gripið til aðgerða upp á eigin spýtur.
Reuter
UEFA gagnrýnir dóm
í Bosman-málinu
FULLTJtÚAR Evrópska knatt-
spyrnusambandsins, UEFA,
gagnrýndu nýlega ákvörðun
Evrópudómstólsins í svoköll-
uðu „Bosman-máli“ harðlega
er þeir mættu á fund hjá Evr-
ópuþinginu í Brussel í gær.
Samkvæmt úrskurðinum er
ekki hægt að takmarka fjölda
leikmanna frá öðrum Evrópu-
ríkjum hjá knattspyrnuliðum á
Evrópska efnahagssvæðinu. í
úrskurðinum var einnig fjallað
um félagaskipti ósamnings-
bundna leikmanna. A mynd-
inni má sjá Gerhard Aigner,
framkvæmdastjóra UEFA,
ávarpa þingnefnd en hann
sagði úrskurðinn mjög óréttl-
átan. Ekki væri gert ráð fyrir
neinu aðlögunartímabili, gam-
algrónar íþróttahefðir væru
virtar að vettugi, þjóðleg upp-
bygging íþrótta væri rifin nið-
ur, framtíð knattspyrnusam-
banda og landsliða einstakra
rílqa stefnt í hættu. Karl van
Miert, sem fer með samkeppn-
ismál í framkvæmdastjórn
Evrópusambandsins, vísaði
gagnrýni Aigners á bug og
sagði hana óréttláta og ranga.
Við hlið Aigners situr Gordon
Taylor, formaður Samtaka
atvinnuleikmanna í knatt-
spyrnu.