Morgunblaðið - 24.04.1996, Síða 4
MORGUNBLAÐIÐ
4 MIÐVIKUDAGUR 24. APRÍL 1996.. ......... .........
FRÉTTIR
Bandaríski læknirinn Stanton Perry er sérfræðingur í hjartasjúkdómum barna
Vongóður
um árangur
Bandaríski læknirínn Stanton Peny segíst
í samtali við Önnu Gunnhildi Ólafsdóttur
vera vongóður um að hægt verði að laga
hjartagalla Marínar litlu Hafsteinsdóttur.
*
Perry nam læknisfræði á Islandi, og notar
tækifæríð meðan hann er hér til að heim-
sækjasonsinn, semstundarlæknisnámíHÍ.
„ÉG ER ánægður með árangurinn
af aðgerðunum á Marín og nokkuð
vongóður um að hægt verði að laga
hjartagallann. Hins vegar treysti ég
mér ekki til að segja fyrir um hvað
hún á eftir að fara í margar aðgerð-
ir enda fer aðgerðafjöldinn töluvert
eftir því hvernig hver aðgerð fyrir
sig gengur. Eftir hveija aðgerð erum
við skrefi nær því að vita hvað að-
gerðirnar verða margar,“ sagði
Stanton Perry, sérfræðingur í
hjartasjúkdómum barna við Chil-
dren’s Hospital í Boston, eftir að
hafa gert lungnaslagæðarþræðingu
á Marín Hafsteinsdóttur, eins árs
barni frá Eskifirði, á mánudag.
Stanton Perry talar ágæta ís-
lensku enda var hann búsettur hér
á landi í átta ár. Hann er fæddur í
Kansas-fylki í Bandaríkjunum og
flutti til íslands með þáverandi ís-
lenskri eiginkonu sinni árið 1972.
Að Ioknu námi í læknadeild Háskóla
íslands, starfaði Stanton kandidats-
árið í Reykjavík og árið eftir var
hann heimilislæknir á ísafirði.
Eftir árið á ísafirði var ferðinni
svo heitið til Bandaríkjanna og
stundaði Stanton sérnám í barna-
lækningum í St. Louis í þijú ár og
sérnám í barnahjartalækningum á
Children’s Hospital í Boston jafn-
lengi.
Færir þekkingii hingað
Stanton starfar á sersviði sínu við
Children’s Hospital. Á námsárunum
á sjúkrahúsinu kynntist hann
Hróðmari Helgasyni sérfræðingi í
hjartasjúkdómum bama á Landspít-
alanum. Samband Stantons og
Hróðmars rofnaði ekki eftir námið
því Stanton hefur verið viljugur til
að framkvæma hjartaaðgerðir hér á
landi.
„Um leið og ég geri gagn vonast
ég til að geta fært meiri þekkingu
hingað. Að minnsta kosti varð raun-
in sú eftir að ég notaði vír í fímm
hjartaaðgerðum hér fyrir einu og
hálfu ári síðan. Frá þeim tíma hefur
Hróðmar framkvæmt 20 slíkar að-
gerðir sjálfur. Hróðmar er mjög fær
læknir og árangurinn af þeim hjarta-
aðgerðum sem hægt hefur verið að
gera hér er góður,“ segir hann.
Stanton tekur fram að því til við-
bötar hafí hann persónulegar ástæð-
ur fyrir því að sækjast eftir að kom-
ast til íslands. „Mér gefst með því
tækifæri til að hitta eldri son minn,
sem er á 4. ári í læknisfræði við
HI, en tvö yngri barna minna eru
búsett í Bandaríkjunum.”
Stanton lýkur miklu lofsorði á ís-
lenska lækna. „íslenskir læknar
verða að leita út fyrir landsteinana
eftir sérþekkingu vegna fámennisins
hér. Yfirleitt fara þeir á mjög góð
sjúkrahús og verða mikils metnir.
Ástæðan fyrir því að Marín var
send í fyrri aðgerðina til Boston er
því ekki að læknamir hérna séu
ekki nógu góðir heldur er einfaldlega
ekki hægt að búast við því að lækn-
ar hafí sérþekkingu til að takast á
við jafn sjaldgæf tilfelli. Hjartagallar
á borð við hjartagalla Marínar koma
t.d. upp u.þ.b. einu sinni á 10 ára
fresti hér á landi. Við í Boston fáum
hins vegar um 50 slík tilfelli til okk-
ar á hveiju ári enda koma til okkar
erfiðustu tilfellin, ekki aðeins í
Bandaríkjunum, heldur alls staðar
að úr heiminum," segir hann og tek-
ur fram að Children’s Hospital sé
einn sérhæfðasti spítali í heiminum
á þessu sviði.
• Stanton segist t.d. aðeins fram-
kvæma hjartaþræðingar á sjúkra-
húsinu. Aðrar aðgerðir séu á sér-
sviði annarra.
Stanton sagði að starfsaðstæður
lækna á íslandi og í Bandaríkjunum
væru ekki svo ólíkar. „Ég hugsa að
vinnutíminn sé mjög svipaður. Hins
vegar býst ég við að launin séu
Morgunblaðið/Árni Sæberg
Stanton Perry
hærri í Bandaríkjunum. Þau fara þó
mikið eftir því í hveiju Iæknirinn er.
Mín laun eru t.a.m. lægri en margra
af því að ég er barnalæknir og af
því að ég vinn á háskólasjúkrahúsi
en er ekki með eigin stofu," sagði
hann.
Stanton tók fram að heilbrigðis-
kerfið væri auðvitað mjög ólíkt í
Bandaríkjunum og íslandi. „íslend-
ingar hafa mjög gott heilbrigðis- og
menntakerfi. Olíkt Bandaríkjunum
hafa allir hérna aðgang að góðu
heilbrigðiskerfi og afleiðingin af því
er t.a.m. að hér uppgötvast oft í
móðurkviði ef eitthvað-er að barn-
inu,“ segir hann.
Afar flókinn hjartagalli
Hjartagalli Marínar er afar flók-
inn að því er kemur fram í samtali
við Stanton. „Hjartagalli Marínar
var einn af fyrstu flóknu hjartagöll-
unum til að uppgötvast. Hann var
uppgötvaður af Frakkanum Fallot
og heitir eftir honum, Fallot Tetra-
logy. Þessi tegund af hjartagalla
skiptist svo í nokkur afbrigði. Þau
einföldustu er hægt að laga með
einni skurðaðgerð á barni á aldrin-
um 6 mánaða til eins árs. Flóknari
afbrigði eins og hjartagalli Marínar
eru hins vegar mun erfiðari viður-
eignar," sagði hann og tók fram
að erfitt væri að segja til um hvað
Marín /þyrfti að gangast undir
margar hjartaþræðingar og aðgerð-
ir.
Hann sagði að meðfæddur hjarta-
galli Marínar fælist í því að ekki
væri eðlileg tenging milli hjarta og
lungna. „Tenging þarna á milli var
gerð í Boston í nóvember. Núna var
hins vegar framkvæmd hjartaþræð-
ing á lungnaslagæð. Tilgangurinn
með aðgerðinni er að víkka æðarnar
til að þær geti flutt meira blóð til
lungnanna og kemur árangurinn
m.a. fram í því að Marín verður
ekki jafn blá og áður. Aðgerðin fólst
í því að við þræddum æðarnar, blés-
um þær út, og komum fyrir fínu
neti inni í þeim til að koma í veg
fyrir að þær féllu aftur. Með þessu
er stigið eitt skref nær settu marki
því að þegar lungnaæðarnar eru
orðnar nógu víðar verður hægt að
loka gati á milli afturhólfanna,"
sagði hann, en ýmist eru gerðar
skurðaðgerðir eða hjartaþræðingar
til að víkka æðar.
Stanton sagðist nokkuð vongóður
um að hægt yrði að laga hjartagalla
Marínar en tók um leið fram að hún
yrði seint algjörlega laus við hann
enda hefði verið grædd í hana æð
frá hægra afturhólfi hjartans út í
lungnaæðina og sú æð stækkaði
ekki með henni heldur þyrfti að
skipta um hana tvisvar til þrisvar á
ævi Marínar, t.d. þegar hún yrði 10
ára og 16 ára.
Stanton sneri aftur til Boston í
gær eftir þriggja daga dvöl hér á
landi.
V estfj aðargöng
Lokuð fyrir
umferð 15. maí
Ísafirði. Morgunblaðið.
JARÐGÖNGUNUM undir Breiða-
dals- og Botnsheiðar verður lokað
fyrir allri umferð 15. maí nk., en
þá hefjast lokaframkvæmdir við
göngin, sem kosta munu um 200
milljónir króna og á að verða lokið
fyrir lok september.
Að sögn Björns A. Harðarsonar,
verkfræðings hjá Vegagerðinni, er
búið að setja upp hluta af því ör-
yggiskerfí sem verður í jarð-
göngunum.
Morgunblaðið/Róbert
Stefnumót
dýrs og
manns
MEÐ hækkandi só! leggja margir
leið sína í Húsdýragarðinn í
Laugardal til að borgarbörnin fái
að kynnast dýrunum.
ísak Ernir Róbertsson starði á
kýrnar eins og naut á nývirki og
hefði eflaust ekki verið rótt án
dyggilegs stuðnings móður sinn-
ar, Hönnu Maríu Ásgrímsdóttur.
Kýrin á þessu stefnumóti heitir
Una.
Halldór Ásgrímsson utanríkisráðherra á Alþingi
Stækkun ESB styrkir
öryggi og velmegun
UTANRÍKISRÁÐHERRA segir að
íslendingar hljóti að styðja viðleitni
til að stækka Evrópusambandið og
hugsanlega inngöngu nýrra aðildar-
ríkja í Suður-, Mið- og Austur-Evr-
ópu, enda muni það hafa áhrif á stöðu
íslands í Evrópu framtíðarinnar.
Stækkun ESB sé í rökréttu sam-
hengi við sögulega þróun sambands-
ins og hljóti að stuðla enn frekar að
friði og velmegun, öryggi og stöðug-
leika í álfunni.
Halldór Ásgrímsson utanríkisráð-
herra flutti Alþingi í gær skýrslu um
utanríkismál og sagði þar að aðild
að ESB hefði ekki verið útilokuð af
hálfu íslands, en af henni gæti aldr-
ei orðið án þess að mikilvægustu
hagsmunir þjóðarinnar væru tryggð-
ir, ekki síst á sviði sjávarútvegsmála.
„Engar vísbendingar hafa komið
fram um að ásættanleg lausn sé
hugsanleg og meðan svo er eru aðil-
arviðræður tilgangslausar. Afstaða
ríkisstjórnarinnar er því óbreytt,"
sagði Halldór.
Hann lagði áherslu á að íslending-
ar yrðu að halda EES-samningnum
stöðugt á lofti gagnvart ráðamönn-
um innan Evrópusambandsins og
hlytu jafnframt að fylgjast vel með
þróun mála innan sambandsins. Eft-
irleiðis yrðu haldnir mánaðarlegir
upplýsingafundir framkvæmdastjór-
ar ESB með fulltrúum EFTA-ríkj-
anna á meðan ríkjaráðstefna Evrópu-
sambandsins stendur yfír.
í máli Halldórs kom einnig fram
að myntsamruni Evrópusambandsins
myndi valda straumhvörfum í evr-
ópskum efnahagsmálum, og að
frumkvæði íslands hefði nú verið
ákveðið að Efnahagsnefnd EFTA
ræði ýtarlega áhrif sameiginlegrar
myntar á efnahags- og viðskipta-
umhverfi EFTA-ríkjanna.
Einnig sagði Halldór að ísland
hefði gerst aðili að yfirlýsingum og
málflutningi Evrópusambandsins um
utanríkispólitísk mál á alþjóðavett-
vangi.
Hugur stefnir að aðild
Hjörleifur Guttormsson Alþýðu-
bandalagi sagði margt í skýrslu utan-
ríkisráðherra benda til þess að hugur
hans stefni til þess að ísland geti
innan ekki langs tíma orðið aðili að
ESB.
Hjörleifur sagðist vera alveg ós-
ammála þessu markmiði og vakti
athygli á að hjá Davíð Oddssyni for-
sætisráðherra, í sunnudagsblaði
Morgunblaðsins 14. apríl, hefði kveð-
ið við allt annan tón þar sem forsæt-
isráðherra hefði komið fram með
mjög mikla gagnrýni á samrunaferli
ESB og ramma andstöðu gegn þeirri
hugsun, að ísland gerist þar þátttak-
andi.
Vísbendingar í pósti
Jón Baldvin Hannibalsson Alþýðu-
flokki sagði stefnu utanríkisráðherra
í Evrópumálum rúmast í því, að eng-
ar vísbendingar hefðu borist í pósti
um að viðunandi lausn væri hugsan-
leg á sviði sjávarútvegsmála.
Hann sagði að ríkisstjómin léti
hjá líða að rannsaka kosti og galla
á ESB-aðild en það væri sérstök
þörf á því að rökstyðja þá afstöðu
að ísland væri eina Evrópuríkið utan
ESB sem segði að aðild að samband-
inu væri ekki á dagskrá.
Jóhanna Sigurðardóttir Þjóðvaka
sagði að í skýrslu utanríkisráðherra
virtist^ örla á nýjum tóni, varðandi
aðild íslands að ESB. Þetta væri ný
nálgun í málinu, önnur en komið
hefði fram hjá forsætisráðherra. Það
hlyti að þjóna hagsmunum þjóðarinn-
ar að fylgjast vel með þróuninni, til
dæmis eftir ríkjaráðstefnuna, og
menn yrðu að vera reiðubúnir að
endurmeta stöðuna hveiju sinni.
Vill reyna umsókn
Fram kom hjá Þórunni Sveinbjarn-
ardóttir, varaþingmanni Kvennalista,
að hún væri meðmælt því að ísland
léti á reyna í aðildaviðræðum við ESB
hvaða kjör bjóðast við aðild, og að
þessu leyti væri hún ósammála
stefnu Kvennalistans.
Þórunn sagði að utanríkisráðherra
hefði í skýrslunni slegið úr og í um
samskipti íslands og Evrópusam-
bandsins. I einu orðinu hefði verið
látið að því liggja að hagsmunir ís-
lendinga væru best tryggðir með því
að vera samstíga ESB á sem flestum
sviðum, og í hinu væri jafnharðan
dregið úr.
Geir H. Haarde Sjálfstæðisflokki
sagði að Evrópuþjóðir litu á stækkun
hvorutveggja ESB og NATO sem
öryggismál og væru því náskyld mál-
efni. íslendingar yrðu að leggja sitt
lóð á vogarskálamar til að greiða
fyrir því að þjóðir Mið- og Austur-Evr-
ópu geti fengið þær óskir uppfyHtar
að fá aðild að þessum samtökum.
I
I
I
I
I
I
I
I
f
I
I
f
If
í
i
(
(
(
(
'(
(
(
'(
(