Morgunblaðið - 25.04.1996, Blaðsíða 4

4 FIMMTUDAGUR 25. APRÍL 1996
MORGUNBLAÐIÐ
FRÉTTIR
Verulegur bati í afkomu Yinnslustöðvarinnar fyrstu 6 mánuði reikningsársins
Hagnaður af reglulegri
starfsemi 80 milljónir
Söluhagnaður aflaheimilda 125 milljónir
HAGNAÐUR Vinnslustöðvarinnar
á fyrstu sex mánuðum yfirstandandi
reikningsárs nam 214,7 milljónum
króna. Hagnaður af reglulegri starf-
semi á sama tíma nam röskum 80
milljónum króna. Þetta er í fyrsta
sinn sem fyrirtækið gerir 6 mánaða
milliuppgjör, í samræmi við kröfur
Verðbréfaþings, og því er ekki til
samanburður við sama tímabil í
fyrra. A síðastliðnu rekstrarári, sem
stendur frá 1. sept. til 31. ágúst
nam tap Vinnslustöðvarinnar hins
vegar rúmum 90 milljónum króna.
Að sögn Sighvats Bjarnasonar,
framkvæmdastjóra Vinnslustöðvar-
innar, er þetta þó merki um mun
betri afkomu hjá fyrirtækinu. Þá
eigi það mjög góða mánuði inni því
mars og apríl séu því yfirleitt mjög
hagstæðir. Þá sé efnahagsreikning-
ur fyrirtækisins mjög bólginn þar
sem birgðastaða við lok tímabilsins
hafí verið mjög há, enda ljúki tíma-
bilinu í miðri loðnuvertíð.
Að sama skapi hækki þetta
skammtímaskuldir fyrirtækisins.
„Reksturinn hefur gengið betur á
þessu ári en á því síðasta og útlitið
er mjög gott. Það sem hefur verið
okkar vandamál, eins og annarra,
er að bolfiskvinnslan er mjög slæm
og dregur talsvert úr árangri fyrir-
tækisins. Við erum hins vegar að
vinna að því að snúa því á betri
veg,“ segir Sighvatur.
Hluti hagnaðar fyrstu sex mán-
aða ársins skýrist af hlutdeild í
hagnaði sölusamtaka og 125 millj-
óna króna hagnaði af sölu aflaheim-
ilda. Sá söluhagnaður er að sögn
Sighvats tilkominn vegna þeirra
breytinga sem fyrirtækið hefur ver-
ið að gera á samsetningu aflaheim-
ilda sinna að undanfömu. Þær
breytingar hafi falið í sér aukna
áherslu á loðnu og síld, frá því sem
áður var, en feli ekki í sér skérðingu
á aflahlutdeild fyrirtækisins.
Sighvatur segir að nú sé unnið
að því að auka vinnslu í neytenda-
pakkningar og hafi sú yinna skilað
talsverðum árangri. Á fyrstu 6
mánuðum reikningsársins hafi verð-
mæti hefðbundinnar bolfísksfryst-
ingar numið 150 milljónum en verð-
mæti neytendapakkninganna 170
milljónum króna.
„Við erum að vinna núna sífellt
meira í neytendapakkningar en áður
og munum í haust sameina deildim-
ar sem hafa verið með hefðbundna
bolfiskvinnslu og neytendapakkn-
ingar í eina deild. Þá munum við
draga enn meira úr hefðbundnu
vinnslunni og færa hana yfir í neyt-
Vinnslustöðin Úr reikningum 1. sept. 1995 til 29. feb. 1996
Rekstrarreikningur 1995
Rekstrartekjur milljónirkr. 1.638
Rekstrargjöld 1.329
Rekstrarhagn. fyrir afskriftir 309
Afskriftir 136
Haqnaöurf. fjármagnst. (gjöld) 173
Fjármagnstekjur (gjöld) (93L
Haqnaðuraf reulul.starfsemi 81
Hlutdeild í hagnaöi sölusamt. 10
Söluhagnaður af aflaheimildum 125
Hagnaður 215
Efnahagsreikningur
I Elanir: I
Veltufjármunir 1.456
Fastafjármunir 3.036
Eignir samtals 4.49 L
I Skuldir oa eiaiO 16: \
Skammtímaskuldir 1.780
Langtímaskuldir 2.124
Skuldir samtals 3.904
Eiqlðfé 5PZ-
Sjóðstreymi
Veltufé 175;
Eiginfjárhlutfall JZB3L
endapakkningar, því þar liggur
vaxtarbroddurinn hjá okkur og
þannig getum við snúið afkomu í
bolfiski til hins betra,“ segir Sig-
hvatur.
Góðar horfur
á síðari hluta ársins
Á tímabilinu hagnaðist Vinnslu-
stöðin um 10,5 milljónir króna á
framvirkum gjaldmiðlasamningum,
en eins og kunnugt er var hluti taps
fyrirtækisins á síðasta reikningsári
skýrður með 76 milljóna tapi vegna
slíkra samninga. Hluti þeirra er enn
í gildi og því virðist útkoma þeirra
ætla að verða heldur skárri fyrir
fyrirtækið en á horfðist.
Sighvatur segir að það sem eftir
lifi rekstrarársins líti þokkalega út.
Félagið hafi fest kaup á nýju skipi
til nóta- og togveiða og mun nýting
fiskimjölsverksmiðjunnar batna til
muna við þessi kaup, að hans sögn.
Þá muni kaupin einnig lengja
veiðitímabilið í loðnufrystingu vegna
möguleikans á því að kæla hráefn-
ið, en skipið er búið fullkomnum
kælitönkum. Sighvatur segir að ein-
hveijar eignir verði seldar til þess
að mæta þessari fjárfestingu. End-
anleg ákvörðun hafí þó ekki verið
tekin um hvaða eignir verði seldar,
en þó hafí verið ákveðið að selja
Sighvat Bjarnason VE.
Tilboð um þjónustusamnmg
um rekstur leikskóla
Segja spamað
borgarinnar 80
milljónir á 3 ámm
FYRIRTÆKIÐ Leikráð ehf. á Ak-
ureyri hefur sent fyrirspurn til
borgaryfirvalda um hvort áhugi sé
fyrir að gera þjónustusamning um
rekstur nokkurra stærstu leikskóla
borgarinnar. Að sögn Siguijóns
Haraldssonar framkvæmdastjóra
fyrirtækisins má spara um 80 millj-
ónir í rekstri á þremur árum. Rekst-
ur mötuneyta verður boðinn út enda
óeðlilegt að borgin reki um 60 lítil
mötuneyti þegar aðrir aðilar geta
boðið mat á hagstæðu verði. Tilboð-
ið var lagt fram í borgarráði, sem
vísaði erindinu til stjómar Dagvist-
ar bama.
Ávinningur borgarinnar er sagð-
ur verða minni fjárframlög til við-
komandi leikskóla, aukin og ódýrari
þjónusta og aukin krafa um mælan-
legan árangur í þjónustu. Samning-
urinn skili hærri launum til starfs-
manna, sveigjanlegum vinnutíma
og meiri starfsánægju. Ávinningur
neytenda yrði aukin og ódýrari
þjónusta, sveigjanlegur vistunar-
tími og að opið yrði allt árið.
Kostnaður á barn 300 þús.
Siguijón sagðist hafa sent borg-
arstjóra upplýsingar byggðar á Ár-
bók sveitarfélaga, en þar kemur
fram að kostnaður við hvert pláss
á nokkrum leikskólum borgarinnar
er 300 þúsund krónur á ári, en
miðað við landið allt er kostnaður
við hvert barn 232 þúsund fyrir
hvert pláss á ári. Miðað er við að
þjónustusamningurinn nái til leik-
skóla þar sem em minnst 40 heils-
dagspláss. Skólar sem rúmast innan
þeirra marka eru Stakkaborg, Ösp,
Völvuborg, Múlaborg, Garðaborg,
Laufásborg, Hagaborg, Dyngju-
borg og Hamraborg.
Launakostnaður 60-70%
„Stærsti kostnaðurinn er launa-
kostnaður eða 60-70%,“ sagði Sig-
uijón. „Annar stór kostnaður er
mötuneyti. Við höfum hugsað okkur
að bjóða út þann rekstur, þannig
að foreldrar geta valið um hvort
þeir vilja kaupa fæði eða hvort þeir
vilja útbúa nesti sjálfir með bömun-
um þannig að þessi kostnaður verði
sem minnstur fyrir foreldra. Vand-
inn við fæðiskostnað er að foreldrar
eiga að greiða hann á kostnaðar-
verði, en reynslan er sú að foreldr-
ar greiða yfirleitt minna. Kostnaður
er hærri auk þess sem í samningum
við starfsmenn er gert ráð fyrir að
þeir fái frítt fæði. Þar á meðal eru
starfsmenn mötuneyta, en þeir nýt-
ast ekki til annarra starfa en þar
á leikskólanum og er kostnaður
vegna þeirra því hlutfallslega hærri.
Hjá Reykjavíkurborg hefur nýtingin
verið um 4 börn á hvem starfsmann
að meðaltali. Miðað við jafna ald-
ursdreifingu ætti nýtingin að vera
6,5 börn á hvern starfsmann. Yfir-
leitt eru eldri börnin fleiri á þessum
leikskólum þannig að nýtingin ætti
því að vera heldur betri. Við munum
taka þessi mál og innra skipulag
föstum tökum.“
Gert er ráð fyrir samið verði til
reynslu í þijú ár og að Reykjavíkur-
borg greiði á fyrsta ári 80% af því
framlagi sem greitt er í dag. Á
öðru ári greiði botgin 70% og 60%
á því þriðja.
Morgunblaðið/Birgir Valsson
SLASAÐI sjómaðurinn sóttur um borð í Gnúp GK.
Morgunblaðið/Halldór Nellett
OLÍU dælt úr birgðaskipi í rússneskan togara.
Eftirlit
á Reykja-
neshrygg
VARÐSKIPIÐ Ægir er nýkomið
úr eftirlitsferð á Reykjanes-
hrygg. Varðskipið fylgdist með
togaraflotanum og stuggaði við
nokkrum erlendum togurum, sem
fóru inn fyrir landhelgislínuna. I
gær voru um 60 togarar þarna á
veiðum.
Meðal annars fóru varðskips-
menn um borð í rússneskan tog-
ara til að skoða veiðarfæri og
vinnslu og var vel tekið á móti
þeim. Olíuskip kom á miðin og
’ Morgunblaðið/Birgir Valsson
VARÐSKIPSMENN fóru um
borð í rússneskan togara og
fengu þar góðar móttökur.
dældi olíu um borð I togarana.
Áður cn varðskipið hélt heim
af miðunum var farið um borð í
Gnúp, GK 77, til að sækja slasað-
an sjómann og færa til lands.
Slysið varð þegar togarinn missti
troll en þá klemmdist maðurinn
illaáhendi.
Island í
orkunefnd
innan SÞ
TIL greina kemur að ísland
sækist eftir sæti í nefnd Efna-
hags- og félagsmálaráðs Sam-
einuðu þjóðanna um nýja og
endurnýjanlega orkugjafa.
Halldór Ásgrímsson utan-
ríkisráðherra sagði á Alþingi
á þriðjudag að við hæfi væri
að ísland léti til sín taka innan
SÞ í orkumálum og þátttaka
í nefndinni gæti haft mikla
þýðingu í tengslum við hug-
myndir um ráðstefnu Samein-
uðu þjóðanna um þessi mál
árið 2001.
Halldór sagði að með samn-
ingi SÞ um loftslagsbreyting-
ar hefðu aðildarrlki skuld-
bundið sig til að draga úr út-
blæstri ýmissa lofttegunda og
hefði íslenska ríkisstjórnin
nýléga skilað inn skýrslu
vegna þessa. Meðal þeirra
aðgerða sem aðrar þjóðir
hygðust grípa til væri sérstak-
ur skattur á eldsneyti.
„Sú þróun á eftir að auka
eftirspurn eftir endurnýjan-
legum orkugjöfum, vatnsafli
og jarðhita og bæta sam-
keppnisstöðu Islands í fram-
tlðinni," sagði Halldór.
Biskup hefur
póstlagt
svarbréf
HR. ÓLAFUR Skúlason, bisk-
up íslands, hefur sent Presta-
félagi íslands svarbréf vegna
niðurstöðu stjórnar félagsins
í framhaldi af áliti siðanefndar
þess.
Siðanefnd komst að þeirri
niðurstöðu að biskup hefði
brotið alvarlega af sér gagn-
vart hinu kirkjulega embætti
með því að bera út opinberar
upplýsingar um fund sóknar-
prests og skjólstæðings vegna
persónulegra hagsmuna. í
framhaldi af því óskaði stjórn
PÍ eftir því í bréfi til embætt-
is biskups íslands og kirkju-
málaráðherra að embætti
biskups kæmi að umfjöllun
málsins og ætti hlut í lúkningu
þess.
Hr. Ólafur sendi Geir Wa-
age, formanni prestafélagsins,
svarbréf í pósti í gærmorgun.
Hann vildi ekkert láta uppi
um efni bréfsins.
Boðið til
æfingar
á Islandi
ÍSLENSK stjómvöld hafa
ákveðið að bjóða til æfingar á
íslandi á næsta ári innan
ramma Friðarsamstarfs Atl-
antshafsbandalagsins við ríki
Mið- og Austur-Evrópu. A
æfingunni verður lögð áhersla
á viðbúnað við náttúruhamför-
um.
Þetta kom fram í skýrslu
sem Halldór Ásgrímsson utan-
ríkisráðherra flutti Alþingi á
þriðjudag. Sagði Halldór
mikilvægt að Friðarsamstarf-
ið yrði eflt á komandi árum
og eðlilegt væri að ísland tæki
virkan þátt i því starfi og legði
þar sitt af mörkum til öryggis
í álfunni.