Morgunblaðið - 25.04.1996, Blaðsíða 22

22 FIMMTUDAGUR 25. APRÍL 1996
MORGUNBLAÐIÐ
meira en bensín
Sjábu
hlutina
í víbara
samhengi!
kjarni málsins!
APPELSINU
BRASSI 7 Itr.
SOLGLERAUGU
HERRA/DÖMU/UNGL
MARGAR GERDIR
LISTIR
HJÖRTUR Marteinsson: Fjöregg fiska.
Tætingfur,
litskrúð og
fjöregg fiska
KAREN Kunc: Gimsteinar
vefsins, 1991.
MYNPLIST
Haínarborg/
Við llamarinn
MÁLVERK/GRAFÍK/
BLÖNDUÐ TÆKNI
Pétur Halldórsson/Karen
Kunc/Rjörtur Marteinsson. Hafnar-
borg: Opið kl. 12-18 alla daga nema
þriðjud. til 29. apríl. Aðgangur kr.
200. Við Hamarinn: Opið kl. 14-18
alla daga til 28. april.
Aðgangur ókeypis.
TVÆR sýningar reyndra lista-
manna standa nú yfir í Hafnarborg,
og þó inntakið sé ekki ósvipað -
óhlutbundið flæði litanna í fletinum
- eru vinnubrögðin úr ólíkum átt-
um, líkt og listafólkið sjálft. Þriðja
sýningin sem hér er nefnd er frá
hendi sjálfmenntaðs manns sem hér
vinnur fyrst og fremst út frá þeim
ævintýrum veruleikans, sem menn
fyrri alda sáu í hafinu.
Pétur Halldórsson
Nú eru þrjú ár liðin síðan Pétur
sýndi síðast í Hafnarborg, en þá
líkt og nú var hann á ferðinni með
málverk unnin með olíulitum og
blandaðri tækni, þar sem klipptur
pappír og önnur aðskotaefni eru
áberandi í fletinum. Þessi vinnuað-
ferð hefur fylgt listamanninum um
nokkurt skeið, og afraksturinn
einkum komið fram í stórum mynd-
verkum, þar sem ólík áhrif takast á
í fletinum.
Að þessu sinni sýnir Pétur þrett-
án málverk unnin með þessum
hætti, flest stór. Sem fyrr eru efnis-
tök nokkuð villt, og nú ef til vill
um of; hér ægir saman efnivið og
vinnuaðferðum þannig að framsetn-
ing verður á köflum tætingsleg og
ómarkviss, einkum í stærri verkun-
um. Kvik myndbyggingin gengur
oftár en ekki út frá miðlægum þátt-
um sem vinna á við lengri skoðun,
en eru í fyrstu huldir af mikilúð-
legri áferðinni.
Bestu verkin hér byggja á svipuð-
um minnum og voru áberandi á
sýningu hans fyrir þremur árum,
t.d. formi víkingaskipsins. Mörg
vísa til náttúrunnar - lands, gróð-
urs, hesta - en þessar tilvísanir ná
lítt fram í stóru flötunum, þar sem
þungt ofhlæði stjórnleysis ber þær
ofurliði.
Dökkir og oft á tíðum ógnandi
myndfletir Péturs ná sér þannig
sjaldnast á flug að þessu sinni, og
breytir jákvæður en nokkuð ofhlað-
inn inngangur í sýningarskrá þar
litlu um. Það er helst í smærri
myndunum sem listamaðurinn nær
sér á strik og hægt er að tala um
áhrifamikil myndverk, enda freist-
ingin minni að láta stærðina ráða
ferðinni á kostnað viðfangsefnis-
ins.
Hér er loks rétt að benda á að
sýningarsal Hafnarborgar hefur nú
verið breytt til mikils batnaðar. í
fyrstu vekja breytingarnar enga
eftirtekt, en þegar menn gera sér
grein fyrir þeim er aðeins hægt að
lýsa feginleika og þakklæti til þeirra
sem tóku af skarið - sýningar
munu njóta þessa í framtíðinni.
Karen Kunc
Margir listunnendur minnast
eflaust sýningarinnar Graphica Atl-
antica á Kjarvalsstöðum 1987, sem
var fyrsta alþjóðlega grafíksýningin
hér á landi. Bandaríska listakonan
Karen Kunc hlaut þar fyrstu verð-
laun fyrir tréristur sínar, sem vöktu
mikla athygli.
Listakonan dvaldi hér um tíma á
síðasta ári sem gestakennari við
Myndlista- og handíðaskóla íslands.
Með sýningunni í Sverrissal
Hafnarborgar gefst gott tækifæri
til að sjá á hvern hátt list hennar
hefur þróast áfram á þeim tæpa
áratug, sem liðinn er frá því hún
sýndi hér síðast.
Það sem einkum vekur athygli í
þessum tréristum er kraftmikil
myndbyggingin, þar sem hrynjandi
formanna skapar ýmist mikla
spennu eða ljúft samræmi, jafnvel
innan sama rammans. Þannig flett-
ast saman spíralar og bylgjuhreyf-
ingar, og tréskurðurinn sjálfur
verður sterkur þáttur í hvernig þessi
formskrift vinnur saman í yfirborð-
inu.
Annað sem gestir taka strax eft-
ir er mikil djörfung í litameðferð.
Karen notar heita liti óspart, og
skapar oft með þeim dýpt í fletin-
um, sem væri erfitt að ná fram án
þess litskrúðs, sem verkin bjóða upp
á. Stundum kann þetta litskrúð að
virðast ofhlæði, en innan hvers
verks er að finna ákveðið jafnvægi,
þar sem stakir fletir svalari lita
duga til að halda heildarsvipnum
réttu megin, eins og sést vel í „Úr-
kynjuð náttúra" (nr. 2). Sterktlitað-
ar bylgjur bjóða hins vegar heim
hrynjanda, sem væri erfitt að ná
án þess undirtóns alvörunnar, sem
víða má finna hér, t.d. í „Gimstein-
ar vefsins“ (nr. 14).
Hér er á ferðinni vönduð sýning
á grafíklist, sem fengur er að fyrir
listunnendur og aðra.
Hjörtur Marteinsson
Þessi sjálfmenntaði listamaður
hefur hér sett upp sýningu á verk-
um sem hafa kviknað af lestri bók-
ar frá 18. öld, Fiskafræði íslands
eftir Jón Ólafsson frá Grunnavík.
Hjörtur rekur með skemmtilegum
hætti á hvern hátt hið sýnilega var
í skrifum Jóns grundvöllur alls þess
sem hann setti fram til skýringar
á undrum sjávar.
Þessi verk fjalla því um furðu-
fiska hafsins og eru unnin með
blandaðri tækni, þannig að úr verð-
ur fróðleg fantasía. Á stundum vísa
verkin til hugmynda manna um
undur náttúrunnar (t.d. nr. 3 og
10), í öðrum tilvikum er listamaður-
inn að benda á samhengið við sam-
tímann (nr. 5 og 12 eru minningar-
mörk, en um leið er vísað á frétta-
tíma um gæftir og aflabrögð) eða
þjóðtrú (nr. 4 og 8), sem ef til vill
á enn sterk ítök í okkur; þau „Fjör-
egg fiska“ sem menn trúa á fyrr á
tímum eru jú enn tákn fjöreggs
þjóðarinnar.
Hjörtur sýnir hér með vandaðri
úrvinnslu verðugra viðfangsefna að
hann á erindi í myndlistinni ekki
síður en aðrir. Tenging hins liðna
við samtímann er ætíð gefandi,
enda erum við þegar allt er skoðað
nú aðeins steinsnar frá þeim tíma
og þeirri hugsun, sem Jón frá
Grunnavík er fulltrúi fyrir - og
hugarverk okkar verða ef til vill
litin svipuðum augum í framtíðinni
og hans verk.
Sýningarhald í salnum Við Ham-
arinn hefur ekki verið fyllilega
reglulegt í vetur, en vonandi fer
það að komast í fastari skorður
með hækkandi sól.
Eiríkur Þorláksson
Fyrirmæli dagsins
EFTIR FELIX GON Z ALES-TORRES
Settu tvo stóla hlið við hlið eða annan fyrir framan
hinn þannig að á milli þeirra séu tólf tommur (30,48 cm).
• Fyrirmælasýning ísamvinnu við Kjarvalsstaði og Dagsljós
Rek eiig-an
úr húsinu
„ÉG er hvorki að reka einn né neinn
úr húsinu“, segir Kristín A. Magnús
forsvarsmaður Light Nights en Þor-
steinn M. Jónsson, framkvæmda-
stjóri Kjallaraleikhússins, sem sýnir
nú Þijár konur stórar eftir Edward
Albee í Tjarnarbíó, gagnrýndi hana
í Morgunblaðinu í gær fyrir að vera I
ófús til samstarfs um nýtingu á
húsinu í sumar.
Kristín segir að það sé bundið í
samningum að Light Nights hafi
Tjarnarbíó til umráða frá miðjum
maí og út ágúst. „Við erum búin
að vera í Tjarnarbíói í 14 ár. Við
höfum haft afar takmarkaðar fjár-
veitingar til starfseminnar og höf- ,
um því sýnt alla daga nema sunnu- I
daga til að hafa fyrir kostnaði. Það
er því ekki mikið rými fyrir aðrar I
sýningar þessa þijá mánuði sem við
störfum í Tjarnarbíói. Það er rétt
að við erum með naglfasta leikmynd
sem gerir það líka ómögulegt að
hafa aðrar sýningar á sama tíma í
húsinu. Það myndi kosta okkur
margar milljónir að smíða nýja leik-
mynd; við erum tilbúin til að ráðast
í það verk ef við fáum fjármagn til )
þess.“
Kristín sagði að sér fyndist það
eilítið undarlegt að verða fyrir þess- '
ari gagnrýni frá Þorsteini M. Jóns-
syni sem hún hefði aldrei hitt. „Og
það er enn furðulegra að í samn-
ingnum við leikhóp Kjallaraleik-
hússins er ekki tekið fram hvenær
hann á að fara úr húsinu eins og
vant er. Ef góð aðsókn er að Þrem-
ur konum stórum eins og Þorsteinn
fullyrðir þá getur Þorsteinn tekið
upp sýningar í Tjarnarbíói í septem-
ber þegar Light Nights hefur lokið j
sýningum sínum."
Morgunblaðið/Á. Sæberg
JÓNAS Ingimundarson píanó-
leikari og Þóra Einarsdóttir
sópransöngkona.
Síðustu tón-
leikar Styrktar-
félags Islensku
óperunnar
SÍÐUSTU tónleikar Styrktarfélags
íslensku óperunnar á þessum vetri
verða laugardaginn 27. apríl kl.
14.30. Þar koma fram Þóra Einars-
dóttir sópran og Jónas Ingimundar-
son píanóleikari.
Þóra er fædd árið 1971 og nam
við Söngskólann í Reykjavík og
óperudeildina í Guildhall School of
Music and Drama í London. í júní
næstkomandi syngur hún sitt fyrsta
stóra hlutverk á fjölum íslensku
óperunnar, Dísu; í óperunni Galdra-
Lofti eftir Jón Ásgeirsson.
Á tónleikum Þóru og Jónasar
verða fluttar aríur eftir Handel,
Bellini og Gounod og Ijóð eftir Moz-
art, Debussy og William Walton.
(im Ikmm»
LYCI

Glerárgötu 28 - Akureyri
Áskriftarsími 462 4966