Morgunblaðið - 04.06.1996, Side 41

MORGUNBLAÐIÐ
ÞRIÐJUDAGUR 4. JÚNÍ 1996 41
Ur dagbók lögreglunnar
32 gistu fanga-
geymslurnar
31. maí-3. júní
YFIR 30 umferðaróhöpp voru til-
kynnt til lögreglunnar í Reykjavík
um helgina. Þar af urðu slys á fólki
í fjórum tilvikum.
Tilkynnt var um 2 líkamsmeiðing-
ar, 18 innbrot, 15 þjófnaði og 6
eignaspjöll. Afskipti voru höfð af 55
einstaklingum, sem ekki kunnu fót-
um sínum forráð á almannafæri sök-
um ölvunar. Þá eru 13 ökumenn
grunaðir um ölvunarakstur. Hátt á
þriðja tug ökumanna voru kærðir
fyrir að aka of hratt miðað við leyfi-
leg hámarkshraðamörk. Tilkynntir
brunar voru 7 og fjöldi kvartana
vegna hávaða voru 27 talsins. Af-
skipti vegna heimilisófriðar voru 3
og 2 nauðganir voru kærðar til lög-
reglu. Af ýmsum ástæðum gistu 32
fangageymslurnar um helgina.
Hraustmenni lenti undir bíl
Aðfaranótt föstudags þurfti að
aðstoða ölvaðan mann, sem hafði
verið að sýna elskunni sinni hversu
sterkur hann væri. Sá hafði lagst
undir bíi í stæði og reynt að lyfta
honum, en svo slysalega vildi til að
bíllinn lagðist ofan á manninh. Varð
að tjakka bílinn upp svo hægt væri
að ná hraustmenninu undan.
Skömmu fyrir hádegi á föstudag
varð barn á reiðhjóli fyrir bifreið í
Dalalandi. Um minniháttar meiðsl
var að ræða. Um svipað leyti varð
árekstur tveggja bifreiða á Hellis-
heiði. Um var að ræða erlenda ferða-
menn og urðu þeir fyrir einhverjum
meiðslum. Þá varð harður árekstur
þriggja bifreiða á gatnamótum Bú-
staðavegar og Kringlumýrarbrautar.
Ökumaður einnar bifreiðarinnar var
fluttur á slysadeild með minniháttar
meiðsl.
Hald lagt á hassreykingahaus
Síðdegis á föstudag var aðili
handtekinn eftir að hafa hnuplað
vindlingum í verslun í Vogunum.
Hann var grunaður um að hafa kom-
ið þangað ökuréttindalaus á bifreið.
Hald var lagt á hassreykingahaus í
fórum pars er var á ferðinni í Mið-
stræti. Tilkynnt var um lítilsháttar
eld í klæðningu húss við Suðurgötu.
Slökkviliðið afgreiddi málið.
Eftir miðnætti á föstudag var
gluggi spenntur upp í húsi við Ing-
ólfsstræti en engu stolið. Fremur
rólegt var í miðborginni. Þó voru
þrír unglingar færðir í athvarf ÍTR
og sóttir þangað af foreldrum sínum.
Talið er að um 2.000 manns hafi
verið á svæðinu þegar flest var.
Tveggja ára barn féll fram af
svölum
Brotist var inn í hús við Fagrabæ.
Húsið var mannlaust og virtust irm-
brotsþjófarnir eitthvað hafa dvalist
í húsinu. Þegar þeir yfirgáfu það
tóku þeir ýmis verðmæti með sér.
Eftir hádegi féll stúlka á þriðja ári
fram af svölum húss við Garðhús.
Fallið var rúmlega 3 metrar. Litla
stúlkan lenti á grasflöt og virtist
ómeidd eftir fallið. Hún var þó flutt
til öryggis með sjúkrabifreið á slysa-
deild Borgarspítalans.
Flytja þurfti mann í fangageymslu
eftir að hann hafði hótað heimilis-
fólki með hnífí. Reiðhjólamaður varð
fyrir bifreið á Hringbraut gegnt
Landspítalanum. Hann var fluttur á
slysadeild með minniháttar meiðsli.
Ökumaður var færður á lögreglustöð
og sviptur ökuréttindum til bráða-
birgða eftir að hafa ekið á öðru
hundraðinu á Gullinbrú þar sem
leyfður hámarkshraði er 50 km/klst.
Aðfaranótt sunnudags var eitt-
hvað um að taka þyrfti niður fána
fyrir fólk.
Andamömmu fylgt að
Tjörninni
A sunnudag var ökumaður fluttur
á slysadeild með meiðsli á höfði eft-
ir árekstur tveggja bifreiða á gatna-
mótum Háaleitisbrautar og Kringlu-
mýrarbrautar. Eldri kona datt á
Hofsvallagötu. Hún var flutt á slysa-
deild. Maður féll af baki við reiðhöl-
lina í Víðidal. Hann var fluttur með
sjúkrabifreið á slysadeild. Síðdegis
var andamömmu ásamt nokkrum
ungum fylgt að Tjörninni. Fjölskyld-
an hafði lent í hremmingum á Skot-
húsvegi. Eldur kom upp í fyrirtæki
við Bíldshöfða. Talsverðar eld- og
reykskemmdir hlutust af.
Snemma á mánudagsmorgun
brann gamall sumarbústaður við
Suðurlandsveg til kaldra kola.
FRÉTTIR
Skólaslit Fjölbrauta-
skólans í Breiðholti
FJÖLBRAUTASKÓLINN í
Breiðholti brautskráði nemend-
ur í 40. sinn laugardaginn 25.
maí sl. Athöfnin fór fram í
íþróttahúsi skólans við Austur-
berg.
Á vorönn 1996 stunduðu um
1.500 nemendur nám í dagskóla
og um 800 í kvöldskóla. Við
skólaslit fengu 225 nemendur
afhent lokaprófsskírteini. Af
eins árs grunnnámsbrautum
luku 32 nemendur prófi, 7 nem-
endur luku prófi af tveggja ára
námsbrautum og 44 nemendur
luku starfsréttindanámi af heil-
brigðissviði, matvælasviði og
tæknisviði.
Stúdentsprófi luku 138 nem-
endur, flestir af bóknámssviði
og félagsgreinasviði. Bestum
árangri náði Margrét Vilborg
Bjarnadóttir, en hún hlaut ein-
kunnina 9,60. Ennfremur luku
fjórir nemendur fimm ára
matarfræðinganámi.
Morgunblaðið/Jón Svavarsson
MARGRET Vilborg Bjarna-
dóttir hlaut hæstu einkunn á
stúdentsprófi í Fjölbrautaskó-
lanum í Breiðholti.
NÝSTÚDENTAR frá Flensborgarskóla.
Skólaslit Flensbogarskólans
FLEN SBORG ARSKÓL ANUM
var slitið í Víðistaðakirkju í
Hafnarfirði Iaugardaginn 25.
maí og voru þá brautskráðir 45
nemendur frá skólanum 2 með
verslunarpróf, 1 með próf af
uppeldisbraut og 42 stúdentar.
Flestir stúdentanna eða 18
brautskráðust af félagsfræði-
braut, 9 af málabraut, 9 af nátt-
úrufræðibraut, 4 af hagfræði-
braut, 2 af eðlisfræðabraut og 1
af íþróttabraut. Einn braut-
skráðist af tveimur brautum,
eðlisfræðibraut og náttúrufræði-
braut. 22 af stúdentunum eru
konur, en 20 karlar.
Hæstu meðaleinkunn hlaut
Ævar Þórólfsson, sem braut-
skráðist af félagsfræðibraut, en
fast á hæla honum kom Arnbjörg
Jóna Jóhannsdótti.r sem braut-
skráðist bæði af eðlisfræðibraut
og náttúrufræðibraut og vantaði
lítið á til að geta einnig útskrif-
ast af þriðju brautinni, tónlistar-
braut. Hún var alls með 207 nám-
seiningar, sem er það mesta sem
stúdent frá skólanum hefur haft
frá upphafi.
Krislján Bersi Ólafsson, skóla-
meistari, flutti skólaslitaræðu,
afhenti einkunnir og bókaverð-
laun fyrir góðan árangur í námi.
Meðal þeirra sem hlutu viður-
kenningar voru þrír nemendur,
sem hafa á önninni náð góðum
árangri í samkeppni milli fram-
haldsskólanemenda, þeir Hann-
es Helgason og Stefán Freyr
Guðmundsson, sem hafa verið
valdir í ólympíulið íslands í
stærðfræði, og Finnbogi Óskars-
son, sem sigraði í þýskuþraut
ársins.
Elísabet Anddrésdóttir talaði
fyrir hönd 20 ára stúdenta og
afhenti skólanum fé til bóka-
kaupa. Þá talaði Björn G. Karls-
son og færði skólanum bókagjöf
og silfurskjöld til minningar um
Birgi Grétarsson. Birgir lauk
stúdentsprófi frá Flensborgar-
skólanum fyrir réttum 10 árum
en fórst af slysförum á árinu
1987 og var gjöfin frá hópi gam-
alla skólafélaga hans.
Síðast tók svo til máls fulltrúi
nýstúdenta, Gunnar Guðmunds-
son, en að því loknu flutti skóla-
meistari lokaorð.
Við útskriftina söng kór
Flensborgarskóla undir stjórn
Helga Þ. Svavarssonar. Helgi
hefur stjórnað kórnum í 2 ár en
lætur nú af störfum og í tilefni
þess var honum afhent heiðurs-
skjal frá kórnum sem Eyjólfur
Eyjólfsson afhenti.
Skógrækt-
arferð
Bandalags
kvenna í
Hafnarfirði
ÁRLEG ferð í gróðurreit Banda-
lags kvenna í Hafnarfirði verður
farin fimmtudaginn 6. júní nk.
Mæting er frá kl. 19. Reiturinn,
sem er rétt við Kaldárselsveg, er
merktur. Farið er á eigin bílum.
Að gróðursetningu lokinni
verður í boði hressing.
Brúðubíllinn
sýnir tvö leikrit
FRUMSÝNING Brúðuleikhússins
verður í dag, þriðjudag kl. 14 í
Haliargarðinum við Fríkirkjuveg
11.
Brúðubíllinn er barna-útileik-
hús og er þetta 19. sumarið sem
hann starfar. Brúðubíllinn sýnir á
öllum gæsluvöllum borgarinnar
og á nokkrum öðrum útivistar-
svæðum. Hver sýning tekur hálfa
klst. og farið er tvisvar sinnum á
hvern völl. Aðgangur er ókeypis
og eru allir velkomnir.
Tvö leikrit
Fyrra leikritið sem sýnt er í
júní heitir Bibbi-di-babbi-di-bú og
það sem sýnt er í júlí heitir Gam-
an er á gæsló. Handrit og brúður
eru eftir Helgu Steffensen. Marg-
ar brúður koma fram bæði nýjar
og gamlir kunningar krakkanna.
Leikstjóri er Sigrún Edda
Björnsdóttir. Vísur eru eftir Jó-
hannes Benjamínsson o.fl. Helga
stjórnar brúðunum ásamt þeim
Sigrúnu Erlu Sigurðardóttur og
Frímanni Sigurðssyni. Raddir
brúðanna eru á bandi og það er
Pétur Hjaltested sem er upptöku-
stjóri. Leikarar eru Júlíus Brjáns-
son, Pálmi Gestsson, Vigdís
Gunnarsdóttir, Sigrún Edda
Björnsdóttir og Helga Steffensen,
sem ljá brúðunum raddir sínar.
Magnús Kjartansson er tónlistar-
stjóri. Leiktjöld eru eftir Þorvald
Böðvar Jónsson og búninga gerði
Ingibjörg Jónsdóttir.
Ekiðá
skiltabrú
Lögreglan í Reykjavík óskar
eftir vitnum að því þegar ekið var
á skiltabrú á Vesturlandsvegi,
vestan við Höfðabakkabrú. Öku-
tækinu hefur verið ekið austur
Vesturlandsveg einhvern tíma eft-
ir kl. 22 á sunnudagskvöld. Öku-
maðurinn eða vitni að ákeyrslunni
eru beðin um að gefa sig fram
við rannsóknardeild lögreglunnar
í Reykjavík.
Ráðstefna
um einhverfu
og tengdar
fatlanir
„ORSAKIR einhverfu - frá upp-
eldi til líffræði", „Einhverfa og
tengdar fatlanir - grunur og grein-
ing“, „Heilkenni Aspergers - sér-
viska eða sjúkdómur“, „Lyfjameð-
ferð - hvenær og til hvers?“ og
„Atferlismeðferð - bylting eða
bjartsýni“. Þetta eru heiti nokk-
urra þeirra átján fyrirlestra sem
fluttir verða á XI. vornámskeiði
Greiningar- og ráðgjafastöðvar
ríkisins í Háskólabíói 6. og 7. júní.
Að auki verður fjallað um fleiri
atriði sem varða orsakir og grein-
ingu einhverfu, helstu meðferðar-
stefnur sem og vanda og einkenni
sem fylgja hinum ýmsu tímabilum
æviferilsins. Þá verður varpað ljósi
á sögu einhverfunnar undanfarna
áratugi auk þess sem aðstandendur
einhverfra lýsa sjónarhorni sínu og
reynslu. Fyrirlesarar eru úr hópi
barna- og geðlækna, sérkennara,
sálfræðinga og aðstandenda.
Meginhlutverk Greiningar- og
ráðgjafarstöðvar ríkisins er rann-
sókn og greining á fötluðum börn-
um og ráðgjöf til foreldra og þeirra
sem annast þjálfun, kennslu eða
meðferð. Þar starfa 35 manns úr
ýmsum starfsstéttum, sérhæfðir á
sviði fatlana barna. Forstöðumaður
er Stefán J. Hreiðarsson barna-
læknir.
Sumarhátíð
leikskólabarna
LEIKSKÓLABÖRN í Suðurborg,
Hólaborg og Hraunborg halda
sumarhátíð miðvikudaginn 5. júní.
Skrúðganga með lúðrasveit í
broddi fylkingar heldur frá Suður-
hólum kl. 13.30. Gengið verður
að íþróttahúsinu við Austurberg
þar sem sameiginlegur kór leik-
skólabama syngur og Magnús
Scheving skemmtir börnunum.
Að dagskrá lokinni fer hver hópur
til síns leikskóla og heldur áfram
skemmtuninni.