Morgunblaðið - 29.06.1996, Qupperneq 53

MORGUNBLAÐIÐ
LAUGARDAGUR 29. JÚNÍ1996 53
FRÉTTIR
Afkomendur landnema í Utah
heimsækja Island í byrjun júlí
STÓR hópur afkomenda íslenskra
landnema í Spanish Fork í Utah í
Bandaríkjunum er væntanlegur
hingað til lands 7. júlí næstkom-
andi. Þessir Vestur-íslendingar
vonast til að hitta skyldmenni sín
meðan þeir dvelja hér á landi og
hefur hópurinn sent frá sér eftirfar-
andi fréttatilkynningu:
„Að morgni 7. júlí nk. mun lang-
þráður draumur 38 Vestur-íslend-
inga rætast þegar þeir ganga út
úr flugvélinni á Keflavíkurflugvelli.
Á árunum 1850 til 1890 yfirgáfu
áar þessara Vestur-íslendinga föð-
urland sitt, ísland, og fluttust til
Spanish Fork í Utah. Ferðin var
erfið og fórnirnar miklar, en gleði
og hamingja ríkti þegar á
ákvörðunarstað var komið.
Niðjar þessara landnema virða
þessa áa sína og unna þeim. Þeir
meta íslenska arfleifð sína mikils
og halda henni lifandi. 2. ágúst
1996 mun íslendingafélagið í Utah
halda hátíðlegan íslendingadag
sinn og verður það í 99. sinn sem
Vestur-íslendingar í Utah halda
slíka Íslendingahátíð fyrsta laugar-
daginn í ágúst.
Þeir 38 Vestur-íslendingar sem
til íslands koma 7. júlí pk. vita að
þeir eiga ættingja á íslandi, en
ekki hvetjir þeir eru eða hvar þeir
búa. Hópurinn hefur sett saman
lista yfir áa sína og vonast eftir
því að þær upplýsingar verði birtar
og kynni við ættingja náist. Hópur-
inn mun dvelja á Hótel Sögu í eina
nótt en síðan á Hótel Islandi í þrjár
nætur. Mánudaginn 8. júlí verða
þeir í Vestmannaeyjum og verða
viðstaddir þar söngskemmtun „Fire
on the Mountain" það kvöld.
Nokkrar nætur verður gist úti á
landi en síðan komið aftur á Hótel
ísland föstudaginn 12. júlí og þar
verður hópurinn fram að brottför,
sunnudaginn 14. júlí. Við biðjum
ættingja þeirra nafna sem hér á
eftir birtast vinsamlega um að hafa
samband við okkur, eða við Lil
Johnson Shepherd, sem taka mun
á móti öllum boðum hvað þetta
varðar.
Nafnalistinn er þessi:
Olafur Helgason (Ole Helgi
Olson), f. 23. júní 1870 í Holts-
sókn, Rang. K. 6. júlí 1892 Þor-
björg Hólmfríður Magnússon. D.
24. apríl 1945 í Spanish Fork.
Þorbjörg Hólmfríður Magnús-
son, f. 6. apríl 1869 í Vestmanna-
eyjum, d. 5. des. 1947 í Spanish
Fork, Utah. Faðir: Magnús Gísla-
son, móðir: Ingibjörg Johnson, f.
8. jan. 1841 í Rang., d. 13. nóv.
1868.
Eyjólfur Eiríksson, f. 15. mars
1853 í Nýjabæ, Holtss., Rang. K.
Guðrún Erlendsdóttir, síðan Jarð-
þrúður Runólfsdóttir. Hann fór frá
Vestmannaeyjum til Utah 1882.
Jarþrúður Runólfsdóttir, f. 21.
ág. 1852 í Mýarholti, Kjalarnesi.
Hún kom til Utah 1887, sennilega
frá Vestmannaeyjum.
Þórður Diðriksson, f. 25. mars
1828 í Austur-Landeyjum, Rang.,
d. 9. sept. 1894 í Spanish Fork.
Faðir: Diðrik Jónsson, f. 16. sept.
1794, d. 11. júlí 1841.
Erick (Eiríkur) E. Hansen (Ei-
ríksson), f. 12. maí 1857 í Vest-
mannáeyjum. K.: Jónína H. V.
Guðmundsdóttir. Kom til Utah
1883.
Jónína Helga Valgarð Guð-
mundsdóttir, f. 14. sept. 1867 í
Vestmannaeyjum. Kom til Utah
1885. Faðir: Guðmundur Árnason,
Giljum, Vestur-Skaftafellss. Móðir:
Guðný Árnadóttir, Vestmannaeyj-
um.
Guðný Árnadóttir, f. 26. des.
1834 í Vestmannaeyjum. M. Guð-
mundur Árnason, Giljum. Faðir:
Árni Hafliðason, Stóru-Hildisey,
Rang. Móðir: Guðný Erasmusdótt-
ir, Teig, Fljótshlíð.
Guðný Erasmusdóttir, f. 6.
sept. 1794. M: Árni Hafliðason,
Stóru-Hildisey, Rang. Faðir: Eras-
mus Eyjólfsson,_ Stórumörk, Rang.
Móðir: Katrín Ásgeirsdóttir, Teig,
Rang.
Bóas Arnbjörnsson, f. 7. ág.
1857 í Ytri-Kleif, Suður-Múlasýslu
(9. af 11. börnum). Kom til Utah
í júní 1883. Faðir: Arnbjörn Sig-
mundsson. Móðir: Guðný Erlends-
dóttir.
Eyjólfur Guðmundsson, f. 11.
okt. 1829 á Illugastöðum, Tjörn,
Vestur-Húnavatnssýslu. K.: Val-
gerður Björnsdóttir.
Valgerður Björnsdóttir, f. 1.
jan. 1828 í Kirkjuhvammi, V-Húna-
vatnssýslu. Faðir Björn Sveinsson.
Móðir: Rósa Bjarnadóttir.
Jóhanna Johnson/Árnason, f.
3. mars 1856 í Rangárvallas., d.
15. júní 1906 í Spanish Fork, Utah.
Kom til Utah 1883.
Magnús Einarsson, f. 11. febr-
úar 1842 í Sauðagerði, Gullbrs.
K.: Guðrún Guðmundsson. D. 20.
júlí 1928 í Spanish Fork. Faðir
hans: Einar Þorláksson. Móðir
hans: Rannveig Jónsson.
Guðrún Guðmundsson, f. 13.
des. 1845 í Reykjavík, d. 19. ág.
1897 í Spanish Fork. Kom til Utah
um 1886.
Perley Árni Johnson, f. 22.
febr. 1852 í Vestmannaeyjum. K:
12. okt. 1877 Kristín Eiríksson.
Dó í Spanish Fork 2. ág. 1936.
Faðir hans: Árni Jónsson. Móðir
hans: Björg Árnason. Kom til Utah
1880.
Kristín Eiríksson Runólfsson,
f. 3. des. 1842 í Lágakotey, Meðal-
landi, V-Skaft., d. 11. okt. 1934 í
Spanish Fork. Faðir hans: Nikulás
Tómasson. Móðir hans: Guðrún
Jónsson.
Árni Johnson, f. 31. jan. 1813
í Teigi, Fljótshlíð. K.: 28. okt. 1850
Björg Árnason. D. 8. janúar 1855
í Vestmannaeyjum. Faðir hans: Jón
Árnason. Móðir hans: Þorgerður
Loftsson.
Björg Árnason, f. 1. nóv. 1830
í Spækli, Rang. Faðir hennar: Árni
Pálsson. Móðir hennar: Ingveldur
Ormsson.
Ketill (Kelly) Eyjólfsson (Ja-
meson), f. 9. okt. 1865 á Eyjar-
bakka, Tjarnar... K.: Sigríður
(Sara) Runólfsson. Dó 28. sept.
1917.
Runólfur Runólfsson, f. 10.
apr. 1852 á íslandi. K.: Valgerður
Nelson, f. 1. júní 1847. Bróðir Björn
Runólfsson, f. 7. febr. 1847 í Vest-
mannaeyjum, k. hans var Sigríður
Sigvaldadóttir, f. 14. -ág. 1851.“
Umferðaróhapp á
Skorrdalsvegi
Grund, Skorradal. Morgunblaðið.
Fyrir nokkru varð umferðaróhapp
á blindhæð þar sem vegur er ekki
skiptur. Mættust vörubíli og fólks-
bíll og fór vörubifreiðin út í kant
sem gaf sig með þeim afleiðingum
að bíllinn fór á hliðina út í skurð.
Þetta atvik minnir ráðamenn
vegamála á það ófremdarástand
sem er á þessum viðhaldslausa
malarvegi sem er kominn með á
þriðja hundrað bíla dagsumferð á
sumrin, en hefur þó enga burði til
að bera þá umferð sem á þeim eru.
Það var þó lán í óláni að þarna
var ekki um stóran fólksflutninga-
bíl fullan af fólki að ræða heldur
vörubíll og bílstjórinn einn í bíln-
um, en hann slapp ómeiddur.
í
Morgunblaðið/Davíð Pétursson
Athugasemd
vegna „samstarfs-
viðræðna“
í TILEFNI af frétt, þar sem íjallað
er um bréf formanns Alþýðubanda-
lagsins til forystumanna annarra
stjórnarandstöðuflokka um sam-
starfsviðræður, með fyrirsögninni
„Útspil Margrétar — ekki Alþýðu-
bandalagsins", og vegna viðtals við
einn þingmann flokksins hafa Jó-
hann Geirdal varaformaður Alþýðu-
bandalagsins og formaður mið-
stjórnar og Jóhann Ársælsson for-
maður framkvæmdastjórnar sent
Morgunblaðinu eftirfarandi athuga-
semd:
„Umræða um samstarf flokk-
anna sem í dag mynda stjórnarand-
stöðu á Alþingi er ekki ný af nál-
inni. Mikið hefur verið rætt, en það
sem meira máli skiptir er hvað gert
er. Þingflokkur Alþýðubandalags-
ins hefur lagt sitt af mörkum til
að ná fram aukinni samstöðu og
samstarfi þessara flokka á Alþingi.
Víða í bæjarstjórnum og í nefndum
á þeirra vegum á sér nú stað ág-
ætt samstarf fulltrúa þessara
flokka og glöggt dæmi um árangur
sem getur náðst þegar þessir flokk-
ar ná að vinna saman er árangur
Reykjavíkur-listans, þar sem með
samstöðu tókst að fella meirihluta
íhaldsins í borginni.
Stofnanir Alþýðubandalagsins
hafa oft ijallað um samstarf vinstri
flokka og ber stjórnmálaályktun
landsfundar Alþýðubandalagsins
1995 það með sér.
Við erum þeirrar skoðunar að
umræða um samstarf þessara
flokka eigi ekki að einkennast af
hástemmdum yfirlýsingum í fjöl-
miðlum þar sem reynt er að telja
fólki trú um að vilji sé til samstarfs
en það strandi bara alltaf á hinum.
Slíkt mun ekki leiða okkur til árang-
urs í þessu mikilvæga verkefni. Því
var tekin sú ákvörðun að Margrét
Frímannsdóttir, formaður flokksins
sendi formlegt bréf til forystu-
manna annarra stjórnarandstöðu-
flokka þar sem óskað væri eftir til-
nefningu fulltrúa til þessara við-
ræðna. Þetta er gert í fullu sam-
ræmi við samþykktir landsfundar
og umræður í öðrum stofnunum
flokksins og efni bréfsins var kynnt
fyrir þingmönnum og fulltrúum í
framkvæmdastjórn áður en það var
sent út.
í stjórnmálaályktun landsfundar
Alþýðubandalagsins 1995 segir
m.a. um viðræður og samstarf við
aðra stjórnarandstöðuflokka og
hvernig staðið skuli að því fyrir
hönd flokksins.
„í stefnuskránni sem samþykkt
var á landsfundi Alþýðubandalags-
ins 1991 var því lýst yfir að flokkur-
inn myndi vinna að víðtækri sam-
fylkingu allra félagslega sinnaðra
og framsækinna afla í landinu. í
síðustu alþingiskosningum sýndum
við þennan vilja okkar í verki með
því að mynda samstarf við óháða
liðsmenn úr röðum félagshyggju-
fólks sem tóku formlega þátt í því
að mynda framboðsheild með Al-
þýðubandalaginu.
Alþýðubandalagið mun halda
áfram á þessari braut. Við erum
reiðubúin til viðræðna við samtök
og flokka, einstaklinga og hópa sem
aðhyllast hugsjónir jafnaðar, sam-
vinnu og félagslegs réttlætis með
það að markmiði að mynda breið-
fylkingu allra þeirra sem vilja veita
jafnaðarstefnunni og nýrri framtíð-
arsýn brautargengi í íslenskum
stjórnmálum. Ekki með því að
sundra núverandi flokkum eða
brjóta þá niður. Heldur með því að
finna form sem tengir alla saman
án þess að ganga á sjálfstæði hvers
og eins.
Landsfundurinn beinir þeim til-
mælum til þingflokksins að hann
beiti sér fyrir náinni samvinnu þing-
flokka stjórnarandstöðuflokkanna
ijögurra og sýni þar með þjóðinni
i verki vilja til að mynda raunhæfan
valkost gegn íhaldsöflunum.
Landsfundurinn felur jafnframt
nýkjörnum formanni og stjórn
flokksins að hefja viðræður við for-
ystuinenn annarra stjórnarand-
stöðuflokka í því skyni að undirbúa
sameiginlega og opna umfjöllun um
samfylkingu félagshyggjuafla í
stjórnmálum á Islandi.“
Jóhann Geirdal, varafor-
maður Alþýðubandalagsins
og formaður miðsljórnar,
Jóhann Ársælsson, formað-
ur framkvæmdastjórnar.
Samvinnuferðir -
Landsýn
Kynning á
Tælandi og
Bali/
Singapore
FERÐASKRIFSTOFAN Samvinnu-
ferðir - Landsýn hefur um langt
árabil haft á boðstólum sérstakar
ferðir fyrir ferðamenn til íjarlægra
heimshorna.
Áfangastaðir þessara ferða hafa.
verið víða í Asíu, í Kína, Tælandi,
Malasíu og Singapore, í Afríku,
siglingar á Karíbahafi og sérhann-
aðar vandaðar hópferðir um helstu
menningar- og söguslóðir í Evrópu.
Meðal ferðamöguleika á vegum
Samvinnuferða - Landsýnar er ferð
um hinn heillandi heim Tælands 16.
október til 1. nóvember og ferð til
Bali/Singapore 10.-27. september,
en þessir tveir áfangastaðir hafa
verið nefndir „austurlensku perl-
urnar“. Verð á þessum ferðum er
sérlega hagstætt eins og hægt er
að sjá með einföldum verðsaman-
burði, segir í fréttatilkynningu.
Kynning á ferðunum til Tælands
og Bali/Singapore verður sunnu- -
daginn 30. júní í A-sal Hótels Sögu
kl. 20.30 og þar mun Friðrik Har-
aldsson, fararstjóri, sýna kynning-
armyndir og halda erindi. Okeypis
kaffiveitingar verða.
----» ♦ ♦---
Kosningavaka
stjórnmála-
fræðinga
FÉLAG stjórnmálafræðinga lýkur
skipulegri umíjöllun sinni um emb-
ætti forseta Islands með tveimur
samkomum þessa helgi. Laugar-
dagskvöldið 29. júní nk. verður
kosningavaka félagsins haldin á
efri hæð Sólons íslandusar og
stendur frá kl. 22 til 3.
Valdir menn líta við og greina
stöðu mála og gestir geta fylgst
með talningu atkvæða á stórum
skjá. Mánudagskvöldið 1. júlí stend-
ur félagið fyrir fundi um úrslit for-
setakosninganna og ræða framtíð-
arþróun embættisins.
Þar verða framsögumenn: Gunn-».
ar Steinn Pálsson framkvæmda-
stjóri GSP Almannatengsla, dr. Ól-
afur Þ. Harðarson dósent í stjórn-
málafræði og Össur Skarphéðins-
son alþingismaður. Fundurinn verð-
ur haldinn i Odda við Suðurgötu,
stofu 101 og hefst kl. 17.30.
----»"♦■♦---
LEIÐRÉTT
Myndavíxl
MYNDAVÍXL urðu í greinum Arn-
ljóts Bjarka Bergssonar og Aðal-
heiðar Birgisdóttur í forsetakjörs-
greinum í blaðinu í gær.
Morgunblaðið biðst velvirðingar
á mistökunum.
------» »»
■ AÐALFUNDVR Skákfélags
Ilafnarfjarðar verður haldinn
sunnudaginn 30. júní kl. 20.30 í
húsnæði félagsins í Brekkugötu
2, Hafnarfirði.
Arnyótur Bjarki
Bergsson