Morgunblaðið - 01.08.1996, Blaðsíða 2
2 FIMMTUDAGUR Í. ÁGÚST 1996
MORGUNBLAÐIÐ
FRÉTTIR
Aftaná-
keyrsla á
Kringlu-
mýrarbraut
AFTANÁKEYRSLA varð rétt
sunnan við göngubrúna á
Kringlumýrarbraut um hálfsex-
leytið í gær.
Loka þurfti Kringlumýrar-
brautinni í báðar áttir í talsverð-
an tíma þar sem bifreiðarnar
köstuðust yfir á gagnstæðar
akreinar. Þrír voru fluttir á
slysadeild, einn þeirra slasaðist
nokkuð og gekkst undir aðgerð,
en hinir tveir fengu að fara
heim að skoðun lokinni.
-----♦ ♦ ♦----
F ornleifauppgröft-
ur á Bessastöðum
Fjármagn
til rann-
sókna
áþrotum
FJÁRMAGN til fornleifaupp-
graftrar á Bessastöðum er á þrot-
um og nægir ekki til þess að ljúka
þeirri vinnu sem ráðgert var að
ljúka á þessu sumri. Unnið verður
við uppgröftinn fram til ágústloka
eða einum mánuði skemur en
áætlað var.
Sigurður Bergsteinsson, sem
stýrir uppgreftrinum, sagði að
minna fjármagn fengist frá Bessa-
staðanefnd, sem fjármagnar vinn-
una, en ráðgert var í upphafi.
Hann sagði að það setti starfið
vissulega úr skorðum.
Hann kvaðst ekki vita hvernig
hönnuðir á staðnum hefðu hugsað
sér framhald framkvæmda á
Bessastöðum en ef þær næðu til
þeirra svæða sem ætti eftir að
rannsaka yrði að grafa þau upp
aftur.
„Uppgröfturinn hér er mikill og
hefur gengið vel. Við höfum verið
heppin með veður og eins er það
drjúgt að hafa stór svæði í stað
þess að grafa á mörgum litlum
svæðum," sagði Sigurður. Mest
voru fjórtán manns við uppgröft-
inn.
Fundist hafa rústir frá öllum
tímum á svæðinu, allt aftur að
landnámsöld. Allt svæðið frá for-
setabústaðnum vestur að kirkjunni
er rústasvæði.
Ríkisendurskoðun um framkvæmd fjárlaga 1996
Spáir 2,5 milljarða króna
minni halla en á fjárlögum
RÍKISENDURSKOÐUN telur í ný-
útkominni skýrslu um framkvæmd
fjárlaga á fyrri hluta ársins að
rekstrarafkoma ríkissjóðs á þessu
ári verði til muna hagstæðari en
fjármálaráðuneytið gerði ráð fyrir í
afkomuáætlun sinni, sem birt var í
seinustu viku.
Ríkisendurskoðun telur að rekstr-
arhallinn stefni í að verða um 1,5
milljarðar en það er um 2,5 milljörð-
um kr. minni halli en fjárlög og
áætlanir fjármálaráðuneytisins gera
ráð fyrir.
í skýrslu Ríkisendurskoðunar er
einnig vikið að sérstökum vaxta-
greiðslum í tengslum við nýlega inn-
köllun þriggja stórra flokka spari-
skírteina frá árunum 1984 og 1986,
sem hefðu að óbreyttu átt að falla
til árið 2000. Ef umræddur vaxta-
kostnaður er meðtalinn yrði hallinn
tæpir 12 milljarðar að mati Ríkis-
endurskoðunar en tæpir 14 milljarð-
ar að mati fjármálaráðuneytisins.
Tveggja milljarða króna
sparnaður í vaxtagreiðslum
Heildarfjárhæð innlausnarinnar
nam ríflega 17 milljörðum kr. og
kom fram í afkomuáætlun fjármála-
ráðuneytisins í seinustu viku að
vegna þessarar innlausnar muni
vaxtagreiðslur á árinu verða um 10
milljörðum kr. hærri en ella, miðað
við greiðslugrunn, sem komi fram
í auknum halla skv. fjárlagaupp-
gjöri.
Þessi aðgerð er hins vegar talin
leiða til um tveggja milljarða kr.
sparnaðar í vaxtagreiðslum ríkis-
sjóðs, sem ella hefðu komið til út-
borgunar við innlausn bréfanna árið
2000. Þrátt fyrir að þessir uppsöfn-
uðu vextir komi fram sem útgjöld
nú, hefur það enga þjóðhagslega
þýðingu við rekstraruppgjör ársins,
vegna þess að í ríkisreikningi árlega
eru færðir áfallnir vextir þótt þeir
séu ógreiddir, að sögn Friðriks
Sophussonar fjármálaráðherra.
„Skýrsla Ríkisendurskoðunar
staðfestir það sem áður hefur kom-
ið fram af hálfu fjármálaráðuneytis-
ins um afkomu ríkissjóðs á fyrri
hluta ársins. Þegar horft er á árið
í heild er spá Ríkisendurskoðunar
bjartsýnni en spá ráðuneytisins, sem
byggist annars vegar á því að þeir
telja að tekjurnar verði rúmum millj-
arði meiri en fjármálaráðuneytið
telur og gjöldin rúmum milljarði
minni. Það ber vissulega að gleðjast
yfír því ef sá árangur næðist en því
miður held ég að spá Ríkisendur-
skoðunar sé í bjartsýnna lagi,“ sagði
Friðrik Sophusson fjármálaráðherra
í gær.
Grunnskólinn fluttur frá ríki til sveitarfélaga
3.700 starfsmenn til sveitarfélaga
SVEITARFÉLÖGIN taka frá og
með deginum í dag við öllum
rekstri grunnskólans og flytjast
alls 3.700 starfsmenn frá ríki til
sveitarfélaga og fá þeir útborgað
í fyrsta sinn frá nýjum vinnuveit-
anda í dag.
Ríkið mun leggja fram 1.325
milljónir króna á næstu fímm árum
til stuðnings stofnkostnaðarfram-
kvæmdum vegna grunnskólans, en
það er vegna áforma um að einsetja
grunnskólana á næstu fímm árum.
Arið 2000 munu 7 milljarðar króna
hafa verið fluttir frá ríki til sveitarfé-
laga til þess að sinna þessu verkefni.
Lögbundið framlag jöfnunar-
sjóðs sveitarfélaga til lánasjóðs
sveitarfélaga mun renna til sömu
framkvæmda á næstu 5-6 árum,
og þannig fara samtals 2.135
milljónir króna í stofnkostnaðar-
framkvæmdirnar á þessu tímabili
til að auðvelda sveitarfélögunum
að einsetja skólana. Nú eru um
130 skólar einsetnir en um það
bil 70 skóla á eftir að einsetja og
skiptast þeir nokkuð jafnt milli
landsbyggðarinnar og höfuðborg-
arsvæðisins.
■ Mikilvægasti/31
Morgunblaðið/Golli
Hvar fara matarinnkaup fjölskyldunnar fram?
á höfuðborgarsvæðinu Mes{ Nokkuð Lftið Ekkert
Hagkaup
Bónus
Nóatún
10-11
Fjarðarkaup
11-11
Kaupgarður
10-10
í hverfisverslun
Annars staðar
16,3% | 75,7
0 10 20 30 40 50 60 70% 80 90 100
NEYSLUKÖNNUN FÉLAGSVÍSINDASTOFNUNAR1996. Úrtak 1.200 manns, 882 svöruðu.
ÞÝÐI neyzlukönnunarinnar, þ.e. sá hópur þjóðarinnar sem úrtakið var tekið úr, eru allir
Islendingar á aldrinum 14-80 ára. Þetta eru 185.173 einstaklíngar, samkvæmt upplýsingum
frá Hagstofu islands. Hvert prósentustig í könnuninni samsvarar því um-1.850 manns.
Taka verður tillit til skekkjumarka, sem eru á niðurstöðum í könnun sem þessari, þegar
prósentustig eru umreiknuð í mannfjölda.
Unnið að endurnýjun Sogsvirkjana
Hús styrkt með til-
liti til jarðskjálfta
VERIÐ er að endurnýja búnað og
endurgera húsakost Sogsvirkjana.
Stöðvarnar eru þrjár, Irafossstöð,
Ljósafossstöð og Steingrímsstöð.
Framkvæmdirnar standa yfir fram
til aldamóta en mestum fjármunum
er varið til verksins á þessu ári og
því næsta. Ráðgert er að heildar-
kostnaður á næstu fimm árum
verði um 1.200 milljónir kr.
Elsta stöðin, Ljósafossstöð, var
reist 1937, og verður því sextug á
næsta ári. Irafossstöð var reist
1953 og Steingrímsstöð 1960.
Héðinn Stefánsson, stöðvarstjóri
í Sogsstöðvunum, segir að stöðvarn-
ar hafi staðið undir miklu álagi á
Suðvesturlandi þar til Búrfellsstöðin
var reist 1970. Ekki hafi því gefíst
mikið svigrúm til þess að sinna end-
urbótum á þeim sem skyldi.
Mestar framkvæmdir
við Ljósafossstöð
„Það er verið að vinna að endur-
bótum á öllum stöðvunum, en þó
sýnu mest í Ljósafossstöðinni. Þar
er verið að styrkja húsið með tilliti
til jarðskjálftahættu og lengja það
um tvo metra. Einnig er verið að
undirbúa byggingu undirstöðu und-
ir spenna við húsið. í stöðinni eru
tæplega 60 ára gömul tæki sem
við segjum bráðum skilið við og
undirbúum nú komu nýrra tækja,“
sagði Héðinn.
Nýlega voru settar niður nýjar
lokur í írafossstöðina sem gera
mönnum kleift að taka eina einingu
úr rekstri til viðgerðar en það hef-
ur ekki verið hægt frá því stöðin
var reist. Ein vél er einnig í upp-
tekt í Steingrímsstöð og þar er
unnið að viðgerð á aðrennslis-
göngum.